MARKUS 1

1Ikolah Injil tantang Isa Almasih, Anak Allah. 2Injil tu dimuloi jo bakcando nan lah ditulihkan dek Nabi Yesaya, nan bakcando iko, Allah bakato, ” ’Ikolah pisuruah-Den.’ ’Aden ma-utuih inyo labiah dulu daripado Angkau, supayo inyo mambukak jalan untuak Angkau.’ 3Ado urang ba-imbau-imbau di padang pasie, ’Siyaukkanlah jalan untuak Tuhan; datakanlah kasadonyo jalan nan ka dilalui dek Baliau.’ ” 4Bakcando nan lah tatulih tu, baitu pulolah datangnyo Yahya di padang pasie. Inyo mampamandikan urang, sarato manyampaikan barito nan da-ri Allah. Yahya bakato, ”Angkau mus-ti bi batobaik dari doso-doso angkau, sarato musti dipamandikan, supayo Allah ma-ampuni angkau.” 5Kasado-nyo urang dari nagari Yudea sarato dari kota Yerusalem, bi payi manda-ngakan katubah Yahya. Inyo tu bi ma-akui doso-dosonyo, sudah tu, Yahya mampamandikan inyo tu di Sungai Yordan. 6Yahya mamakai jubah dari bulu un-to. Ikek pinggangnyo dari kulik, nan makanannyo bilalang, sarato jo ma-nisan labah. 7Inyo mangabakan bari-to nan bakcando iko, ”Sasudah ambo ko, ka tibo Urang nan labiah basa daripado ambo. Mambungkuak untuak ka mambukak tali tarompa Baliau sa-jo, ambo ko, urang nan indak patuik doh. 8Ambo mampamandikan angkau jo ayie, tapi, Baliau ka mampamandi-kan angkau jo Roh Allah.” 9Pado wakatu itu, Isa Almasih datang dari Nazaret, di daerah Galilea, nan Yah-ya mampamandikan Baliau di Sungai Yor-dan. 10Baitu Isa Almasih kaluwa dari ba-tang ayie tu, Baliau manampak langik tabukak, sudah tu, Roh Allah turun bak-cando buruang parapati kabake Baliau. 11Kamudian, tadangalah suwaro Allah mangatokan, ”Angkau-lah Anak-Den, nan Den kasiahi. Angkau manyanangkan ati Den.” 12Indak lamo sasudah tu, Roh Allah mambawok Isa Almasih ka padang pa-sie. 13Ampek puluah ari lamonyo Ba-liau di sinan tu, dicubo-i dek Ubilih. Binatang-binatang buweh, ado pulo samo-samo jo Baliau di sinan tu, nan malekaik-malekaik malayani Baliau. 14Sasudah Yahya dimasuakkan ka pinjaro, Isa Almasih payi ka Galilea, untuak mangabakan Injil nan dari Allah. 15Baliau mangatokan, ”Allah sugiro ka mamarentah sabagai Rajo. Bi batobaiklah dari doso-doso ang-kau, sarato bi picayolah kabake Injil nan dari Allah!” 16Kutiko Isa Almasih sadang baja-lan di tapi danau Galilea, Baliau ma-nampak duwo urang tukang pukek, iyolah, Simon sarato jo adiaknyo An-dreas. Inyo tu sadang bi manjalo ikan di danau tu. 17Isa Almasih bakato ka-bake inyo tu, ”Molah bi payi jo Ambo, Ambo ka ma-aja angkau, supayo pan-dai manjalo urang.” 18Lansuang inyo tu bi maninggakan jalonyo, sudah tu bi payi manuruikkan Isa Almasih. 19Isa Almasih taruih juwo bajalan, sudah tu nampak pulo dek Baliau du-wo urang lai, urang baduwo badunsa-nak, iyolah, Yakobus sarato jo Yahya, anak-anak Zebedeus. Inyo tu sadang bi mampaelok-i jalonyo di dalam para-wu. 20Isa Almasih lansuang ma-imbau inyo tu. Nan inyo tu bi maninggakan apaknyo di dalam parawu, samo-sa-mo jo urang-urang upahannyo. Su-dah tu, inyo tu bi payi manuruikkan Isa Almasih. 21Isa Almasih sarato jo pangikuik-pangikuik-Nyo, tibo di kota Kaperna-um. Di ari Sabat nan sasudah itu, Isa Almasih masuak ka rumah ibadaik, sa-rato muloi ma-aja. 22Urang-urang nan mandangakan Baliau, bi tacangang, dek maliyek caro Baliau ma-aja. Dek karano, Baliau ma-aja jo panuah ku-waso, indak samo doh jo guru-guru ugamo Yahudi. 23Pado wakatu itu, ado surang urang nan kamasuak-an roh jahek, masuak ka rumah ibadaik, sambia ma-ariak, 24”Oih Isa urang Nazaret, Apo nan ka Angkau pabuwek kabake kami? Ang-kau datang untuak ka mambinasokan kami? Aden tawu siapo Angkau: Ang-kau-lah Utusan Nan Suci dari Allah!” 25Isa Almasih mambantak roh tu, ”Anoklah! Kaluwalah dari urang ko!” 26Mako, roh jahek tu ma-oyak-oyakkan badan urang tu sakuwaik-kuwaiknyo, kamudian, barulah inyo kaluwa dari urang tu sambia mama-kiak. 27Kasadonyo urang nan maliyek bi tacangang sangaik, sainggo inyo tu bi bakato sasamo inyo, ”Apo pulo ko? Iko pangajaran baru pulo ko nampak-nyo. Jo kato-kato nan panuah kuwa-so, Baliau mamarentahkan roh-roh jahek kaluwa, roh jahek tu patuah ka-bake Baliau!” 28Mako, sacapeknyo, pacahlah ka-ba tantang Isa Almasih di kaciyek-an-nyo daerah di Galilea. 29Isa Almasih sarato jo pangikuik-pangikuik-Nyo, bi barangkek dari ru-mah ibadaik tu, sarato bi payi ka ru-mah tampaik tingga Simon jo Andreas. Yakobus sarato jo Yahya, bi payi pulo samo-samo jo inyo tu. 30Mintuwo Si-mon nan padusi, sadang damam, lalok di tampaik tidua. Jadi, kutiko Isa Alma-sih sarato jo pangikuik-pangikuik-Nyo, bi masuak ka rumah tu, Isa Almasih di-agiah tawu, baraso mintuwo Simon sa-dang damam. 31Mako, Isa Almasih pa-yi ka dakek mintuwo Simon tu, sarato Baliau pacikkan tangannyo, sambia ma-nolong manduduakkan. Sakutiko tu ju-wo, cegaklah damamnyo, inyo lah bi-sa pulo malayani Isa Almasih, sarato jo pangikuik-Nyo. 32Patang arinyo, sasudah matoari tabanam, urang bi mambawok-i kaba-ke Isa Almasih, kasadonyo urang nan sakik, sarato jo urang nan kamasuak-an roh jahek. 33Kasadonyo panduduak kota tu, bi ba-uruang di adok-an ru-mah tu. 34Mako, Isa Almasih banyak mancegakkan urang nan bi ma-idokkan babagai-bagai panyakik, sarato banyak pulo ma-usie roh jahek. Baliau indak mambuliahkan roh-roh jahek tu bi mangecek, dek karano, roh jahek tu tawu, siya Baliau nan sabananyo. 35Bisuak arinyo subuah-subuah buto, Isa Almasih lah jago, sudah tu barang-kek dari rumah. Baliau payi ka tam-paik nan langang di luwa kota, sara-to badowa di sinan tu. 36Tapi, Simon sarato jo kanti-kantinyo, bi payi man-cari Baliau. 37Baru lah basuwo jo Isa Almasih, inyo tu bi bakato, ”Kasadonyo urang sadang bi mancari Angku.” 38Tapi, Isa Almasih manjawauk, ”Molah kito manaruihkan pajalanan kito, ka kota-kota nan lain di sakuli-liang ko. Ambo musti mambaritokan Injil pulo di sinan tu, dek karano, itu-lah mukasuiknyo mangko Ambo ka-mari.” 39Dek karano itu, Isa Almasih pa-yi kian kumari, dikaciyek-annyo da-erah Galilea, sarato bakatubah di ru-mah-rumah ibadaik, sarato ma-usie roh-roh jahek. 40Ado surang urang nan bapanya-kik kulik nan manakuikkan, datang kabake Isa Almasih. Urang tu basilu-tuik sarato jo bakato, ”Jikok Angku lai namuah, Angku lah musti bisa man-cegakkan ambo.” 41Isa Almasih maraso ibo kabake urang tu. Dek karano itu, Baliau awailah urang tu sambia bakato, ”Ambo layi namuah, cegaklah angkau!” 42Sakutiko tu juwo, cegaklah panyakik urang tu. 43Sudah tu, Isa Almasih manyuruah urang tu payi, tapi, Baliau mamparingekkan urang tu bakcando iko, 44”Kana-ilah kecek ambo ko, jan dicuritokan kabake siya-siyanyo, tapi, payilah kabake imam, mintaklah pangakuan dari inyo, baraso angkau iyo lah cegak. Sudah tu, dek karano panyakik ang-kau nan lah cegak tu, mako, payilah pasambahkan karoban, manuruik nan lah diparentahkan dek Musa, sa-bagai tando kabake urang banyak, baraso angkau iyo sabana-bana lah cegak.” 45Urang tu payi, tapi, inyo tatauk juwo mancuritokan kajadian tu dima-dimanyo, dek karano itu, Isa Almasih indak dapek lai jo sacaro tarang-ta-rangan masuak ka kota. Baliau tapa-so tingga di luwa kota, di tampaik nan langang. Tapi, urang tatauk juwo bi tibo kabake Baliau dari babagai-ba-gai nagari.

will be added

X\