LUKAS 9

1Isa Almasih ma-imbau kaduwo baleh urang pangikuik-Nyo, sudah tu, Baliau mambarikan kuwaso kaba-ke inyo tu, untuak ma-usie roh jahek, sarato untuak mancegakkan panyakik. 2Kamudian, Baliau manyuruah inyo tu bi payi mancegakkan urang nan sa-kik, sarato mambaritokan Injil Karaja-an Allah. 3Isa Almasih bakato kaba-ke inyo tu, ”Angkau jan mambawok sabuwah alah juwo, dalam pajalanan angkau. Jan mambawok tungkek, atau kampia sidakah, atau makanan, atau pitih, atau duwo alai baju. 4Di mano sajo angkau layi ditarimo dek urang, mako, tinggalah di sinan tu, sampai angkau barangkek pulo dari kota tu. 5Nan jikok angkau indak ditarimo dek urang, mako, di kutiko angkau ka ba-rangkek dari kota tu, kipehkanlah abu dari tapak kaki angkau, sabagai pa-ringektan taradok urang-urang nan di sinan tu.” 6Mako, bi barangkeklah pangi-kuik-pangikuik Isa Almasih tu, ka kampuang-kampuang, untuak mam-baritokan Injil tu, sarato mancegak-kan urang nan sakik, dibabagai-ba-gai tampaik. 7Kutiko Herodes, nan mamarentah di Galilea, mandanga tantang kasado-nyo kajadian tu, inyo mati kacamehan. Dek karano, ado urang nan mangato-kan, baraso Yahya Pambaptis lah iduik baliak. 8Ado pulo nan bakato, baraso Elia nan lah tibo baliak. Urang nan la-in bi bakato pulo, baraso surang nabi, dari nabi-nabi jaman sa-isuak, nan lah iduik baliak. 9Herodes bakato, ”Ambo lah manyuruah urang untuak maman-cuang kapalo Yahya Pambaptis. Tapi, Urang nan kiniko mampabuwek saga-lo parkaro nan luwa biaso tu, siya Inyo tu nan sabananyo? Lah sambuah ka-ba nan ambo danga tantang diri-Nyo.” Mako, Herodes ba-usawo supayo dapek basuwo jo Isa Almasih. 10Rasul-rasul Isa Almasih lah bi ba-baliak, mako, inyo tu bi mancuritokan kabake Isa Almasih, sagalo apo nan lah inyo karajokan. Isa Almasih ma-ajak inyo tu, sudah tu, payi samo-sa-mo jo inyo tu ma-asiangkan diri ka kota Betsaida. 11Tapi, kutiko urang nan banyak bi mangatawui, baraso Isa Almasih lah payi, mako, inyo tu bi pa-yi pulo manuruikkan Isa Alamasih. Baliau layi pulo manarimo kadatang-an inyo tu, sudah tu, Baliau bakato kabake inyo tu, tantang parkaro Ka-rajaan Allah. Nan Baliau mancegak-kan pulo urang nan sakik, di antaro urang nan banyak tu. 12Kutiko matoari lah muloi taba-nam, kaduwo baleh urang pangikuik Isa Almasih datang kabake Baliau, sa-rato bakato, ”Ngku, tampaik ko tapan-cie. Labiah elok Angku suruah urang nan banyak ko bi payi, untuak manca-ri makanan, sarato mancari tampaik bamalam di kampuang-kampuang, atau di jorong-jorong nan di sakuli-liang ko.” 13Tapi, Isa Almasih bakato, ”Ang-kau sajolah nan ka bi mambari ma-kan urang-urang tu.” Pangikuik-pangikuik Isa Almasih tu bi manjawauk, ”Tapi, nan ado di ka-mi, hanyo roti limo buwahnyo Ngku, sarato jo ikan duwo ikua. Apokoh ka-mi musti payi mambali makanan un-tuak kasadonyo urang ko?” 14(Ado ki-ro-kiro limo ribu urang laki-laki nan ado di sinan tu.) Isa Almasih bakato kabake pa-ngikuik-pangikuik-Nyo, ”Suruahlah urang-urang ko bi duduak ba-umpuak-umpuak, kiro-kiro limo puluah urang sa-umpuak.” 15pangikuik-pangikuik Isa Almasih tu bi mangarajokan, apo nan dikatokan dek Isa Almasih kabake inyo tu. 16Sudah tu, Isa Almasih ma-ambiak roti nan limo buwah, sarato jo ikan nan duwo ikua tu, kamudian, Baliau maningadah ka langik, sarato batari-mo kasih kabake Allah. Sasudah tu, Baliau mambalah-balah roti, sarato manguduang-nguduang ikan tu, jo ta-ngan-Nyo, sudah tu, mambarikannyo kabake pangikuik-Nyo, untuak diba-gi-bagikan kabake urang nan banyak. 17Urang tu bi makan sampai kanyang kasadonyo. Sudah tu, pangikuik-pa-ngikuik Isa Almasih mangumpuakan makanan nan balabiah, sabanyak du-wo baleh katidiang labiahnyo. 18Pado suatu ari, kutiko Isa Alma-sih sadang badowa surang-Nyo, pa-ngikuik-pangikuik-Nyo bi tibo kaba-ke Baliau. Isa Almasih batanyo kabake inyo tu, ”Manuruik kecek urang, Ambo ko siya?” 19Inyo tu bi manjawauk, ”Ado nan mangatokan Yahya Pambaptis. Ado pulo nan mangatokan Elia, nan la-in bi mangatokan, salah surang da-ri nabi-nabi jaman sa-isuak nan lah iduik baliak.” 20Isa Almasih batanyo, ”Tapi, manu-ruik pandapek angkau sandiri, Ambo ko siya?” Petrus manjawauk, ”Angku adolah Rajo Panyalamaik, nan lah dijanjikan dek Allah.” 21Sudah tu, Isa Almasih bakato ka pangikuik-pangikuik-Nyo, ”Jan di-agiah tawu siya Ambo ko, kabake si-apo pun juwo.” 22Isa Almasih mangatokan pulo, ”Anak Manusia iyo musti banyak ka manangguangkan sansaro, sarato ka dilawan dek pamimpin-pa-mimpin, sarato dek imam-imam kapa-lo, sarato dek guru-guru ugamo. Inyo ka dibunuah, tapi, di ari nan katigo, Inyo ka di-iduikkan baliak.” 23Kamudian, Isa Almasih bakato ka-bake sadonyo urang nan ado di sinan tu, ”Urang nan niyo ka manuruikkan Ambo, inyo musti malupokan sagalo kapantiangan dirinyo, sarato musti mamikua salibnyo satiyok ari, sara-to taruih manuruikkan Ambo. 24Dek karano, urang nan mampatahankan nyawonyo, inyo ka-ilangan nyawonyo. Tapi, urang nan ka-ilangan nyawonyo dek karano di Ambo, ba-arati inyo ma-nyalamaikkan nyawonyo. 25Apolah gunonyo dek urang, biyapun kaciyek-annyo dunia ko, inyo nan punyo, tapi inyo mambinasokan iduiknyo, sarato ka-ilangan nyawonyo? 26Jikok urang malu ma-akui inyo pangikuik Ambo, sarato malu pulo jo pangajaran Am-bo, mako, Anak Manusia ka malu pu-lo ma-akui urang tu isuak, di kutiko Inyo datang jo kuwaso-Nyo, sarato jo kuwaso Bapak, sarato jo malekaik-ma-lekaik nan suci! 27Katawuilah: di an-taro angkau nan di siko ko, ado nan indak ka mati, sabalun inyo maliyek Karajaan Allah.” 28Kiro-kiro sapakan sasudah Isa Almasih ma-ajakan sagalo parka-ro tu, mako, Baliau mambawok Pet-rus, Yahya, sarato jo Yakobus ka ateh sabuwah gunuang untuak badowa. 29Samantaro Isa Almasih sadang bado-wa di sinan tu, rono muko Baliau ba-rubah, sarato pakaian Baliau manjadi putiah sumarak bakilauan. 30- 31Indak disangko-sangko tibolah urang badu-wo, inyo tu iyolah, Musa jo Elia, manampakkan diri jo cahayo dari sarugo. Inyo tu bi mangecek jo Isa Almasih, tantang parkaro kamatian Baliau, nan indak ka lamo lai, ka dijalani dek Ba-liau di Yerusalem. 32Pado wakatu itu, Petrus sarato jo kanti-kantinyo sadang bi talalok, tapi, indak disangko-sangko inyo tu bi tasintak, sarato bi maliyek Isa Almasih bacahayo, sarato urang nan baduwo tu, tagak di dakek Ba-liau. 33Di kutiko urang nan baduwo tu nak ka bajalan maninggakan Isa Almasih, Petrus bakato kabake Isa Almasih, ”Angku Guru, sajuak rasonyo pangana kito di siko. Eloklah nak ka-mi tagakkan tigo buwah kemah di si-ko: ciyek untuak Angku, ciyek untuak Musa, nan ciyek lai untuak Elia.” (Petrus bakato bakcando itu, tapi, inyo indak mangarati apo nan inyo katokan.) 34Samantaro Petrus sadang mange-cek juwo lai, tibolah sagumpa awan, sarato marawok-i inyo tu, sainggo inyo tu bi katakuik-an. 35Kamudian, dari dalam awan tu tadanga suwaro nan bakato, ”Ikolah Anak-Den, nan Den-piliah. Picayolah kabake sagalo apo nan Inyo katokan!” 36Sasudah suwaro tu baranti bakato, mako, inyo tu bi maliyek Isa Almasih surang-Nyo sajonyo di sinan tu. Pa-ngikuik-pangikuik Isa Almasih ma-rasiyokan sagalo kajadian tu, sarato indak mancuritokan doh kabake si-ya-siyanyo. 37Bisuak arinyo, Isa Almasih sara-to jo katigo urang pangikuik-Nyo, bi turun dari ateh gunuang tu, mako, bi tibolah urang nan banyak kabake Isa Almasih. 38Ado surang laki-laki di antaro urang nan banyak tu, ba-kato jo suwaro nan kuwaik, ”Ngku Guru, tolonglah maliyek anak ambo inyo anak tungga babeleng dek am-bo! 39Jikok roh jahek tibo mangga-duah inyo, mako, jo sacaro manda-bok inyo mamakiak, nan badannyo kajang-kajang, sampai babuyieh mun-cuangnyo. Roh jahek tu taruih mang-gaduah inyo, sarato indak namuah doh kaluwa dari badannyo! 40Lah mintak tolong ambo kabake pangi-kuik-pangikuik Angku, untuak ma-usie roh jahek tu, tapi, indak talok doh dek pangikuik Angku tu.” 41Isa Almasih bakato, ”Oih ang-kau urang nan indak ba-iman, nan lah bi sasek! Sampai pabilo Ambo musti ado samo-samo jo angkau, sarato basaba taradok angkau? Ca-peklah, bawoklah anak angkau tu ka mari!” 42Samantaro anak tu bajalan ma-nuju ka Isa Almasih, roh jahek tu ma-ampehkan inyo, sarato mambu-wek badannyo kajang-kajang. Tapi, Isa Almasih mamarentahkan roh ja-hek tu kaluwa, sarato cegaklah anak tu. Mako, anak tu disarahkan baliak kabake urang gaeknyo. 43Kasadonyo urang bi tacangang, dek maliyek ku-waso Allah nan baitu gadang. Pado wakatu urang sadang bi ta-cangang juwo lai, dek maliyek apo nan lah dipabuwek dek Isa Alma-sih, mako, Baliau bakato kabake pa-ngikuik-Nyo, 44”paratikanlah elok-elok, jan sampai lupo jo kato-kato Ambo ko: Anak Manusia ka disarah-kan kabake kuwaso manusia.” 45Ta-pi, pangikuik-pangikuik Isa Almasih tu, indak bi mangarati jo kato-ka-to Baliau tu. Parkaro tu dirasiyokan kabake inyo tu, supayo inyo tu in-dak bi mangarati. Tapi, inyo bi ta-kuik mananyokan parkaro tu kaba-ke Isa Almasih. 46Di antaro pangikuik-pangikuik Isa Almasih, timbua patangkaran, tantang siya di antaro inyo tu, nan paliang ta-kamuko. 47Isa Almasih tawu, apo nan dipikiekan dek pangikuik-Nyo tu, dek karano itu, Baliau ma-imbau surang paja ketek, sarato manyuruah paja tu tagak disampiang Baliau. 48Sudah tu, Isa Almasih bakato kabake pangikuik-pangikuik-Nyo, ”Urang nan manarimo paja ketek ko, dek karano di Ambo, ba-arati inyo manarimo Ambo. Baitu pulo, urang nan manarimo Ambo, ba-arati inyo manarimo Baliau nan ma-utuih Ambo. Dek karano, urang nan indak takamuko di antaro angkau, sabana-nyo, inyolah nan takamuko!” 49Yahya bakato, ”Angku, kami ma-liyek urang ma-usie setan ateh namo Angku, sarato kami tagah inyo, dek karano inyo indak kuleka kito.” 50Isa Almasih bakato kabake Yah-ya, sarato kabake pangikuik Baliau nan lain, ”Jan ditagah pulo inyo, dek karano, urang nan indak balawan jo angkau, ba-arati inyo bapiyak kaba-ke angkau.” 51Kutiko lah dakek wakatunyo Isa Almasih di-angkek ka sarugo, mako, Ba-liau ma-ambiak kaputusan untuak payi ka Yerusalem. 52Mako, Baliau manyu-ruah urang untuak payi mandawului Ba-liau. Urang-urang nan Baliau suruah tu bi payi, sudah tu, masuak ka sabuwah kampuang di Samaria, untuak mam-pasiyaukkan sagalo sasuatu untuak Isa Almasih. 53Tapi, urang-urang nan di kampuang tu indak bi basadiyo mana-rimo Isa Almasih, dek karano, lah ja-leh Baliau sadang manuju ka Yerusalem 54Mako, pado wakatu duwo urang pa-ngikuik Isa Almasih, iyolah, Yakobus jo Yahya, bi mandanga tantang parkaro itu, mako, inyo tu bi bakato, ”Tuhan, apokoh Tuhan layi mambuliahkan, jikok kami mamintak api turun dari langik, untuak mambinasokan urang-urang ko?” 55Isa Almasih ma-engong, sara-to mambangihi kaduwo urang tu. 56Sasudah tu, inyo tu bi payi ka kam-puang nan lain. 57Samantaro Isa Almasih jo pangi-kuik-Nyo manaruihkan pajalanan, ado urang nan bakato kabake Isa Almasih, ”Ngku, ambo namuah manuruikkan Angku kama-kamanyo!” 58Isa Almasih manjawauk, ”Anjiang utan punyo lubang, nan buruang pu-nyo sarang, tapi, Anak Manusia indak punyo tampaik untuak malalokkan badan-Nyo.” 59Sudah tu, Isa Alma-sih bakato kabake surang urang nan lain, ”Molah payi jo Ambo.” Tapi, urang tu bakato, ”Ngku, ijin-kanlah ambo pulang dulu, untuak ma-ngubuakan apak ambo.” 60Isa Almasih manjawauk, ”Padiya-kan sajolah urang mati mangubuakan urang mati. Tapi, nan angkau payi-lah baritokan Karajaan Allah di mu-ko bumi ko.” 61Ado pulo surang urang nan lain bakato, ”Ngku, ambo niyo manuruik-kan Angku, tapi, ijinkanlah ambo pu-lang dulu, untuak ma-agiah tawu ka-luarga ambo.” 62Isa Almasih bakato kabake urang tu, ”Urang nan lah muloi ka mamba-jak, sudah tu, ma-engong juwo lai ka balakang, inyo tu indak patuik doh ja-di anggota Karajaan Allah.”

will be added

X\