LUKAS 8

1Indak lamo kamudian, Isa Almasih payi ka kota-kota, sarato ka kam-puang-kampuang, untuak mambaritokan Injil Karajaan Allah. Duwo baleh urang pangikuik Baliau bi payi samo-samo jo Baliau. 2Baitu pulo, babarapo urang pa-dusi nan lah dicegakkan dari kamasuak-an roh jahek, sarato dicegakkan dari pa-nyakik. Nan inyo tu iyolah, Maryam nan biaso pulo di-imbau Magdalena, (tujuah roh jahek nan lah dikaluwakan dari di-rinyo); 3payi pulo Yohana, urang rumah Khuza, pagawai istano Herodes; Susana, sarato banyak lai padusi-padusi nan lain. Jo pitihnyo sandiri, inyo tu bi mambantu Isa Almasih, sarato jo pangikuik-pangi-kuik Baliau. 4Urang taruih juwo bi tibo kabake Isa Almasih, dari babagai-bagai kota. Kutiko lah banyak urang nan bi ba-kumpua, mako, Isa Almasih mancu-ritokan kabake inyo tu, parumpamo-an nan bakcando iko: 5”Ado surang urang paparak, nan payi manyerak-kan baniah. Kutiko inyo sadang ma-nyerakkan baniah tu, ado baniah tu nan jatuah di jalan. Sabagian dilanyau dek urang lalu, sabagian lai dimakan dek buruang. 6Ado pulo nan jatuah di tanah nan babatu-batu. Kutiko bijo tu lah tumbuah, muloi batuneh, tuneh-nyo tu lansuang layua, dek karano ta-nah tampaik tumbuahnyo tu kariang. 7Ado pulo baniah nan jatuah di tangah samak baduri. Samak baduri tu tum-buah samo-samo jo baniah tu, nan sa-mak tu, mangalahkan baniah tu sam-pai mati. 8Tapi, ado pulo baniah nan jatuah di tanah nan labuak, sudah tu, baniah tu tumbuah, sarato ma-asiekan buwah saratuih kali lipek.” Sasudah mancuritokan parumpamo-an tu, Isa Almasih bakato, ”Kok layi ba-talingo, dangakanlah kecek Ambo!” 9Pangikuik-pangikuik Isa Almasih mananyokan kabake Baliau, apo arati dari parumpamoan tu. 10Isa Almasih manjawauk, ”Angkau lah dibari ka-mampuan untuak mangatawui tantang rasiyo Karajaan Allah. Tapi, urangurang nan lain di-aja jo parumpamo-an, supayo inyo tu layi bi mamparati-kan, tapi, indak tawu apo nan tajadi; inyo tu layi bi mandanga, tapi, indak bi mangarati.” 11”Ikolah aratinyo parumpamoan ca-ko: Baniah tu, iyolah kato-kato Allah. 12Baniah nan jatuah di jalan, ibaraik urang nan layi bi mandangakan kato-kato Allah. Tapi, tibolah Ubilih, sarato marabuik kato-kato Allah tu dari da-lam atinyo, supayo inyo tu jan man-jadi urang ba-iman, nan disalamaik-kan. 13Baniah nan jatuah di tanah nan babatu-batu, ibaraik urang nan di kutiko mandanga kato-kato Allah tu, inyo manarimo jo sanang ati. Ta-pi, kato-kato Allah tu indak ba-urek di dalam atinyo. Inyo tu ba-iman ha-nyo sabanta sajo, di kutiko tibo coba-an, inyo lah marotaik pulo. 14Baniah nan jatuah di tangah samak baduri, ibaraik urang nan di kutiko mandanga kato-kato Allah tu, inyo tu layi mana-rimo, tapi, inyo tu bi cameh tantang iduiknyo, nan inyo tu niyo iduik ba-mewah-mewah, sarato jo basanang-sanang di dunia ko. Kasadonyo tu lah nan ma-ambek inyo tu, sainggo iduik-nyo indak ma-asiekan buwah nan ma-sak. 15Baniah nan jatuah di tanah nan labuak, ibaraik urang nan di kutiko mandangakan kato-kato Allah tu, inyo tarimo, sarato inyo inok manuangkan dalam atinyo nan elok, sainggo inyo tu ka bi batahan sampai ma-asiekan buwah.” 16”Indak ado doh urang nan sasu-dah ma-iduikkan dama togok, kamu-dian inyo sawok-i jo embe, atau inyo latakkan di bawah tampaik tidua. Lah musti inyo malatakkan dama togok tu di ateh rengkaknyo, supayo urang nan ka masuak rumah dapek mali-yek cahayonyo. 17Dek karano, indak ado doh nan ta-andok, nan indak ka kanampak-an; indak ado doh nan di-rasiyokan, nan indak ka tabukak, lah musti urang ka tawu juwo. 18Dek karano itu, paratikanlah elok-elok, apo nan angkau dangakan ko. Sa-tiyok urang nan lah mampunyoi, kaba-ke inyo ka dibarikan nan labiah banyak lai; tapi, urang nan indak mampunyoi, malah, nan saketek nan ado juwo lai di inyo tu, ka di-ambiak pulo.” 19Mandeh, sarato jo dunsanak-dun-sanak Isa Almasih, bi tibo kabake Ba-liau, tapi, inyo tu indak bi dapek doh mandakek kabake Baliau, dek karano urang sangaik rami. 20Mako, ado su-rang urang nan mangecekkan kaba-ke Isa Almasih, ”Ngku, urang gaek, sarato jo dunsanak-dunsanak Angku ado di luwa. Inyo tu nak ka bi basu-wo jo Angku.” 21Tapi, Isa Almasih bakato kabake urang-urang tu, ”Satiyok urang nan la-yi ma-iyokan, sarato nan layi manga-rajokan kato-kato Allah, mako, inyo tu lah mandeh Ambo, sarato inyo tu lah sudaro-sudaro Ambo.” 22Pado suatu ari, Isa Almasih sa-rato jo pangikuik-Nyo bi nayiak ka ateh parawu. Baliau bakato kabake pangikuik-Nyo tu, ”Molah kito payi ka subarang danau. ” Mako, inyo tu bi barangkek. 23Pado wakatu inyo tu sa-dang bi balayie, nan Isa Almasih ta-lalok. Indak disangko-sangko, tibolah angin limbubu malando danau tu. Ayie lah muloi masuak ka parawu, saing-go mambahayokan inyo tu kasadonyo. 24Pangikuik-pangikuik Isa Almasih payi manjagokan Baliau. Inyo tu bi ba-kato, ”Ngku Guru, Ngku Guru, jagolah, lah cilako kito!” Mako, Isa Almasih jago, sarato mam-bantak angin, sarato jo ombak nan sa-dang manggilo tu. Angin jo ombak tu pun baranti, mako, danau tu manjadi tanang, satanang-tanangnyo. 25Sudah tu, Isa Almasih bakato kabake pangi-kuik-Nyo, ”Baa mangko angkau indak bi picayo kabake Ambo?” Pangikuik-Nyo tu bi tacangang, sa-rato bi tabik takuik. Sarato bi bakato sasamo inyo, ”Siya Baliau ko nan sa-bananyo, sainggo angin jo ombak, bi patuah kabake parentah Baliau!” 26Isa Almasih sarato jo pangikuik-Nyo, taruih juwo balayie sampai ka da-erah Gerasa, di subarang Danau Gali-lea. 27- 29Di kutiko Isa Almasih turun ka darek, Baliau didatangi dek surang laki-laki nan kamasuak-an roh jahek. Lah acok kali urang tu dikuwasoi dek roh jahek tu, sainggonyo, biyapun ta-ngan sarato jo kakinyo lah dikabek jo rantai, inyo dijago arek, tapi, inyo da-pek juwo mamutuihi rantai tu. Inyo urang dari kota. Lah lamo inyo indak bakain, sarato indak namuah diam di rumah. Inyo hanyo suko tingga di gu-wo-guwo, tampaik kubuaran di padang pasie, dek karano dibawok dek roh ja-hek tu. Kutiko Isa Almasih manampak urang tu, Baliau mamarentahkan roh jahek tu kaluwa dari urang tu. Sudah tu, urang tu mamakiak sambia sujuik di adok-an Baliau, urang tu bakato jo suwaro nan kuwaik, ”Isa Almasih, Anak Allah Nan Maha Tenggi! Ka Ang-kau pangakan ambo ko? Ambo sabana mambana, jan di-ajauk ambo!” 30Isa Almasih batanyo kabake urang tu, ”Siya namo angkau?” ”Namo ambo ’Legiun’, ” kecek urang tu dek karano lah sambuah roh ja-hek nan lah masuak ka dalam dirinyo. 31Roh-roh jahek tu iyo bana mamba-na, supayo Isa Almasih jan sampai ma-usie inyo masuak Jurang Mauik. 32Indak jauah dari tampaik tu, ado babi nan sangaik banyak, nan sadang bi mancari makan di lereng bukik. Roh-roh jahek tu, sabana mamintak kabake Isa Almasih, supayo inyo di-buliahkan masuak ka dalam babi nan banyak tu. Isa Almasih layi mambu-liahkannyo. 33Mako kaluwalah roh-roh jahek tu dari urang tu, sudah tu, inyo tu bi masuak ka babi tu. Kasa-donyo babi tu bi lari, taruih tajun da-ri tapi tabiang masuak danau, abih bi mati karam kasadonyo. 34Kutiko tukang-tukang gubalo babi tu bi maliyek, apo nan lah tajadi. Ma-ko, inyo tu bi lari payi ma-imbaukan kajadian tu ka kota, sarato jo ka kam-puang-kampuang nan di sakuliliang tu. 35Sudah tu, urang bi ondoh-po-roh kaluwa untuak maliyek, apo nan lah tajadi. Inyo tu bi datang kabake Isa Almasih, tibo di sinan tu, inyo li-yek urang nan lah lapeh dari roh ja-hek tu, sadang duduak dakek kaki Isa Almasih. Inyo lah bapakaian baliak, nan pikierannyo lah elok. Urang-urang tu bi tabik takuik. 36Urang-urang nan bi maliyek kajadian tu, bi mancurito-kan kabake urang nan lain, baa ca-ronyo urang tu dicegakkan. 37sudah tu, kasadonyo panduduak daerah Ge-rasa tu sabana mamintak, supayo Isa Almasih barangkek dari tampaik tu, dek karano, kasadonyo urang lah mati katakuik-an. Mako, Isa Almasih nayiak ka parawu, untuak barangkek pulang. 38Urang nan lah lapeh dari roh jahek tu, mamintak kabake Isa Almasih su-payo inyo buliah payi jo Baliau. Tapi, Isa Almasih managah urang tu, Baliau bakato, 39”Jan payi lai, pu-langlah, sarato payilah curitokan, apo nan lah dipabuwek dek Allah kaba-ke angkau.” Mako, urang tu payi kian kumari dalam kota tu, untuak mancuritokan, sagalo apo nan lah dipabuwek dek Isa Almasih, kabake inyo. 40Kutiko Isa Almasih babaliak di subarang danau, Baliau disambuik jo gadang ati dek urang nan di sinan tu, dek karano, inyo tu sadang bi ma-nanti-nanti Baliau. 41Sudah tu, tibo-lah surang kapalo rumah ibadaik di tampaik tu. Namonyo Yairus. Inyo su-juik di adok-an Isa Almasih, sarato mambana kabake Baliau, supayo Isa Almasih datang ka rumahnyo, 42dek karano, anaknyo padusi nan tungga babeleng, nan ba-umua duwo baleh tawun, lah ampia ka mati. Samantaro Isa Almasih bajalan ka rumah Yairus, sambuah urang nan badasak-dasak di sakuliliang Baliau. 43Di antaro urang nan banyak tu, ado surang padusi nan lah duwo baleh ta-wun sakik pandarahan, nan ba-ubuang-an jo haidnyo. Lah abih sagalo arato-nyo untuak ba-ubek kabake tabib, tapi, nan panyakiknyo indak juwo doh ce-gak. 44Urang padusi tu mandakek-i Isa Almasih dari balakang, sudah tu, inyo awai ujuang jubah Baliau. Sakutiko tu juwo, pandarahan urang padusi tu lan-suang baranti. 45Isa Almasih batanyo, ”Siya tu urang nan ma-awai Ambo?” Kasadonyo urang indak ado nan mangaku. Sudah tu, Petrus bakato, ”Ngku, sambuah urang nan di saku-liliang Angku; inyo tu bi mandasak-dasak Angku!” 46Isa Almasih bakato, ”Tapi, ado urang nan ma-awai Ambo, Ambo ta-wu, dek karano ado kuwaso nan ka-luwa dari diri Ambo.” 47Urang padu-si tu lah manyadari, baraso karajonyo lah katawuan. Dek karano itu, inyo da-tang jo badan nan manggaretek, sudah tu, inyo sujuik di adok-an Isa Almasih. Mako, inyo mancuritokan di adok-an kasadonyo urang, apo sabauknyo mangko inyo ma-awai Isa Almasih, inyo curitokan pulo, baraso sakutiko tu juwo panyakiknyo lansuang cegak. 48Isa Almasih bakato kabake inyo, ”Oih anak Ambo, dek karano angkau picayo kabake Ambo, angkau cegak. Payilah jo sanang salamaik.” 49Samantaro Isa Almasih sadang ma-ngecek tibolah surang pisuruah dari ru-mah Yairus. Inyo bakato kabake Yairus, ”Ngku, anak angku lah maningga. Indak usah lai angku manyusah-nyusahkan Angku Guru, untuak datang ka rumah.” 50Kutiko Isa Almasih mandangakan kecek pisuruah tu, Baliau bakato kabake Yairus, ”Jan cameh ngku. Picayo sajolah ka Ambo, anak angku tu layi ka cegak.” 51Baru lah tibo di rumah Yairus, Isa Almasih indak mambuliahkan surang ju-wo doh urang nan masuak, samo jo Baliau, salain dari Petrus, Yahya, Yakobus, sara-to jo bapak mandeh anak tu sajo. 52Kasa-donyo urang sadang bi manangih, sara-to jo maratok, dek karano kamatian anak tu. Tapi, Isa Almasih bakato, ”Jan bi ma-nangih. Anak ko indak mati bagai doh ko, inyo hanyo lalok!” 53Urang-urang tu bi manggalakkan Isa Almasih, dek karano inyo tu lah bi ta-wu, baraso anak padusi tu, iyo lah ma-ti. 54Kamudian, Isa Almasih mamacik-kan tangan anak tu, sambia bakato, ”Oih nak, jagolah baliak!” 55Mako, nyawo anak tu babaliak kabake anak tu, nan sa-kutiko tu juwo inyo jago. Sasudah tu, Isa Almasih manyuruah urang-urang tu, un-tuak ma-agiah makan anak tu. 56Urang gaek anak tu tacangang sangaik. Tapi, Isa Almasih managah inyo tu, supayo jan bi mancuritokan kajadian tu kabake siya-siyanyo.

will be added

X\