LUKAS 7

1Kutiko lah salasai mangatokan sagalo parkaro tu kabake urang nan banyak, mako, Isa Almasih payi ka Kapernaum. 2Di sinan tu, ado surang kumandan saradadu Roma, inyo pu-nyo surang pisuruah nan sangaik inyo sayangi. Pisuruahnyo tu sakik, sara-to lah ampia ka mati. 3Di kutiko ku-mandan saradadu tu, mandanga kaba tantang Isa Almasih, mako, inyo manyuruah babarapo urang pamimpin urang Yahudi, payi kabake Isa Almasih, untuak mintak supayo Baliau namuah datang, untuak mancegakkan pisu-ruahnyo tu. 4Kutiko lah tibo di tam-paik Isa Almasih, urang-urang tu bi mambana kabake Baliau, supayo Baliau niyo manolong kumandan saradadu tu. Inyo tu bi bakato kabake Isa Almasih, ”Kumandan saradadu ko, patuik bana Angkau tolong, 5dek karano, inyo ma-ngasiahi banso kito, sarato lah mam-buwekkan rumah ibadaik untuak kami.” 6Mako, Isa Almasih payi samo-samo jo urang-urang tu. Kutiko Isa Almasih lah ampia ka tibo di rumah tu, nan ku-mandan saradadu tu manyuruah kan-ti-kantinyo manyonsongkan Baliau, untuak manyampaikan pasan nan bak-cando iko, ”Indak usah lai Angku ba-susah-susah datang ka rumah ambo. Ambo ko urang nan indak patuik doh manarimo Angku di rumah ambo. 7Itu-lah sabauknyo, mangko ambo sandiri indak barani mangadauk Angku. Dek karano itu, Angku katokan sajolah kato agak sapatah, supayo pisuruah ambo tu cegak. 8Dek karano, ambo sandi-ri pun tunduak kabake parentah ku-mandan ambo, di bawah ambo ado pulo saradadu-saradadu, nan musti bi tunduak ka parentah ambo. Jikok am-bo manyuruah surang saradadu, ’Pa-yi!' mako, inyo pun payi; baitu pulo, jikok ambo mangatokan kabake nan lain, ’ Kamarilah!' mako, inyo pun da-tang. Jikok ambo mamarentahkan pi-suruah ambo, ’Buweklah iko!' mako, inyo pun mambuweknyo.” 9IsaAlmasih tacangang, mandanga-kan pasan nan dibawok dek urang-urang itu. Baliau ma-engong, sambia bakato kabake urang banyak nan bi manuruikkan Baliau tu, ”Indak tang-guang-tangguang doh imannyo, ku-mandan saradadu tu. Di antaro sa-banyak ko umaik Israel, alun ado lai Ambo manamukan urang nan ba-iman bakcando itu!” 10Kutiko urang-urang nan disuruah tu, lah babaliak ka rumah kumandan saradadu tu, pisuruah nan sakik tu lah cegak. 11Indak lamo kamudian, Isa Almasih payi ka kota Nain. Pangikuik-pangikuik Baliau, sarato jo urang nan banyak, bi payi pulo samo-samo jo Baliau. 12Kuti-ko Isa Almasih tibo di dakek pintu ka-poro, ka masuak kota, Baliau basobok jo urang nan ka ma-antakan mayik kaluwa kota. Nan maningga tu adolah surang anak laki-laki, anak tungga dari surang urang marando. Sambuah panduduak kota nan bi payi ma-iriangkan man-deh nan kamatian anak tu. 13Kutiko Tuhan Isa Almasih maliyek, urang pa-dusi nan kamatian anak tu, Baliau ma-raso ibo, Baliau bakato, ”Jan mana-ngih lai amai!” 14Sudah tu, Isa Almasih mandakek-i osongan mayik tu, sarato ma-awainyo. Mako, urang-urang nan ma-osong mayik tu baranti bajalan. Isa Almasih bakato, ”Oih anak mudo, Ambo bakato kabake angkau, jagolah lai!” 15Mako, anak mudo nan lah mati tu, jago, inyo duduak, sarato muloi ma-ngecek. Mako, Isa Almasih manyarah-kan inyo kabake mandehnyo. 16Kasadonyo urang bi tabik takuik, sarato bi mamuji Allah. Inyo tu bi ba-kato, ”Surang nabi nan sangaik mulie, lah tibo di tangah-tangah kito! Allah lah datang, untuak ka manyalamaik-kan umaik-Nyo!” 17Lah pacah kaba tantang diri Isa Almasih di kaciyek-annyo Yudea, sa-rato di daerah sakuliliangnyo. 18Pangikuik-pangikuik Yahya, bi mancuritokan kabake Yahya, kasado-nyo kajadian-kajadian tu. Mako, Yahya ma-imbau duwo urang pangikuiknyo, 19sudah tu, inyo manyuruah kaduwo urang tu, bi payi kabake Tuhan Isa Almasih, untuak batanyo bakcando iko, ”Angku koh urangnyo, nan ka datang manuruik janji Allah, atau mustikoh kami manunggu urang nan lain?” 20Mako, kaduwo urang pangikuik Yahya tu, bi payi manamui Isa Almasih, sarato bakato, ”Yahya Pambaptis, ma-nyuruah kami untuak batanyo kabake Angku, apokoh Angku urangnyo, nan ka datang manuruik janji Allah, atau mustikoh kami manunggu nan lain?” 21Kutiko itu, Isa Almasih mancegak-kan banyak urang, sarato ma-usie ba-nyak roh jahek, sarato banyak mam-buwek mato urang buto bisa maliyek. 22Dek karano itu, Isa Almasih manja-wauk, ”Babaliaklah kabake Yahya, sa-rato curitokanlah apo nan lah angkau danga, sarato nan lah angkau caliak: urang buto bisa maliyek, urang lum-puah bisa bajalan, urang nan bapa-nyakik kulik nan manakuikkan cegak, urang pakak bisa mandanga, urang mati bisa iduik baliak, sarato Injil nan dari Allah, dibaritokan kabake urang-urang nan bansaik. 23Basukocitolah, urang nan indak ado alasan, untuak indak manarimo Ambo.” 24Sasudah urang-urang utusan Yah-ya tu bi payi, Isa Almasih muloi mange-cek kabake urang nan banyak, tantang diri Yahya, Baliau bakato, ”Angkau bi payi ka padang gurun, apo nan ang-kau liyek? Apokoh nak maliyek sa-alai rumpuik nan di-ambuih ribuik? 25Ang-kau bi payi untuak maliyek apo? Apo-koh untuak maliyek urang nan babaju rancak? Urang-urang nan bapakaian bakcando itu, sarato nan iduik kayo balindak, tingganyo di istano! 26Jadi, jikok angkau bi kaluwa, untuak mali-yek apo? Apokoh untuak maliyek su-rang nabi? Batua, malah labiah da-ri surang nabi. 27Dek karano, Yahya tu lah nan dimukasuikkan dek ayaik Alkitauk nan tatulih bakcando iko, Allah bakato, ’Ikolah pisuruah-Den,' kato Allah, ’Aden ka manyuruah inyo labiah dulu daripado Angkau, supayo inyo mambukak jalan untuak Angkau!' ” 28Isa Almasih bakato, ”Kana-ilah nan Ambo katokan ko, di dunia ko, alun panah ado urang nan labiah ba-sa daripado Yahya Pambaptis. Tapi, urang nan paliang ketek di dalam Ka-rajaan Allah, labiah basa daripado Yah-ya Pambaptis.” 29Kasadonyo urang -- tamasuak tu-kang-tukang mintak pajak -- bi manda-nga Isa Almasih mangatokan tantang parkaro itu; inyo tu lah urang-urang nan lah mamatuahi sagalo tuntuiktan Allah, sarato namuah dipamandikan dek Yahya. 30Tapi, urang-urang Fari-si, sarato jo guru-guru ugamo Yahu-di, indak bi namuah manarimo ran-cana Allah untuak diri inyo tu. Inyo tu indak bi namuah dipamandikan dek Yahya. 31Sudah tu, Isa Almasih bakato pu-lo baliak, ”Jo apokoh ka Ambo iba-raikkan urang-urang nan iduik di ja-man kiniko? Bakcando apokoh inyo tu? 32Inyo tu ibaraik anak-anak ke-tek nan bi duduak di pasa; nan saka-lompok bakato kabake nan lain, ’ Ka-mi lah mandendangkan lagu bagadang ati, untuak kalian, tapi, kalian indak bi namuah doh manari! Kami lah man-dendangkan lagu ba-ibo ati, tapi, nan kalian indak manangih doh!' 33Yahya Pambaptis datang, inyo bapuwaso, sarato indak maminun anggur nan angkau bi mangatokan, ’ Inyo kama-suak-an setan!' 34Anak Manusia da-tang, Inyo makan, sarato jo minun, — mako, angkau bi bakato, ’Liyeklah urang tu! Cangok, pamabuak, bakanti jo tukang mintak pajak, sarato jo urang nan badoso.’ 35Biyapun baitu, kabijak-sanoan Allah tabukti, dari kasadonyo urang nan manarimonyo.” 36Ado surang urang Farisi, nan ba-namo si Simon, inyo ma-undang Isa Almasih makan. Isa Almasih payi ka rumahnyo tu, sarato duduak makan. 37Di kota tu ado pulo surang padusi, nan iduiknyo bagalimang doso. Kuti-ko inyo mandanga, baraso Isa Almasih sadang makan di rumah urang Fari-si tu, mako, inyo payi pulo ka sinan tu, sambia mambawok sabuwah bo-to pualam, nan barisi minyak arun. 38Inyo tagak di balakang Isa Alma-sih, dakek kaki Baliau, sarato ma-nangih, sambia mambasahi kaki Isa Almasih jo ayie matonyo. Kamudian, kaki Isa Almasih tu disekanyo jo ram-buiknyo, sudah tu, di-ibunyo, sarato dituwang-inyo jo minyak arun. 39Ku-tiko urang Farisi nan ma-undang Isa Almasih, maliyek kajadian tu, inyo ba-kato dalam atinyo, ”Kok santano Urang ko nabi, tantu Inyo tawu, siya padu-si nan manyintuah-Nyo tu, sarato ta-wu baraso padusi tu iduik bagalimang doso!” 40Sudah tu, Isa Almasih bakato kabake Simon, ”Oih Simon, ado sa-suatu nan ka Ambo katokan kabake angkau.” ”Iyo Ngku Guru, ” kecek Simon, ”ka-tokan sajolah.” 41Isa Almasih bakato, ”Ado duwo urang nan ba-utang kabake urang nan mampasalangkan pitih. Nan su-rang ba-utang limo ratuih pitih perak, nan surang lai ba-utang limo puluah pitih perak. 42Kaduwo-duwonyo sa-mo-samo indak bisa mambayie utang tu, dek karano itu, utang-utang inyo tu di-abihkan sajo. Siyakoh di anta-ro urang nan baduwo ko, nan labiah mangasiahi urang nan mampasalang-kan pitih tu?” 43Simon manjawauk, ”Ambo ra-so nan ka labiah mangasiahi, adolah urang nan utangnyo labiah banyak!” Isa Almasih bakato, ”Batua pandapek angkau tu.” 44Sudah tu, Isa Almasih mancaliak kabake urang padusi tu, sarato bakato kabake Simon, ”Ang-kau kan layi maliyek urang padusi ko? Ambo datang ka rumah angkau, tapi, angkau indak manyadiyokan ayie doh, untuak ka pambasuah kaki Ambo; ta-pi, urang padusi ko, inyo lah mam-basuah kaki Ambo jo ayie matonyo, sarato manyekanyo jo rambuiknyo. 45Angkau indak doh ma-ibu Ambo. Tapi, urang padusi ko, indak baranti doh ma-ibu-i kaki Ambo sajak dari ca-ko. 46Angkau indak manuwangkan mi-nyak doh ka kapalo Ambo, tapi, urang padusi ko lah manuwangkan minyak arun ka kaki Ambo. 47Sungguah: ka-siahnyo nan dalam tu, lah manando-kan, baraso dosonyo nan banyak tu, lah di-ampuni! Jikok urang nan sa-ketek di-ampuni, inyo saketek pulo mangasiahi.” 48Sudah tu, Isa Almasih bakato ka-bake urang padusi tu, ”Sagalo doso angkau lah di-ampuni.” 49Urang-urang lain, nan bi duduak ma-kan samo-samo jo Isa Almasih, bi bakato sasamo inyo, ”Siya Urang ko nan sabana-nyo, sainggo Inyo bisa ma-ampuni doso?” 50Tapi, Isa Almasih bakato kabake urang padusi tu, ”Dek karano angkau ba-iman kabake Ambo, mako, angkau ka disalamaikkan. Payilah lai, pasa-nanglah ati!”

will be added

X\