LUKAS 6

1Ado sakali di ari Sabat, kutiko itu Isa Almasih lalu di satumpak parak gandun, pangikuik-pangikuik-Nyo bi ma-ambiak-i gandun. Inyo tu bi manggisa gandun tu jo tangannyo, sudah tu mamakannyo. 2Babarapo urang Farisi bi batanyo, ”Baa mangko angkau bi malangga paratuaran uga-mo kito, jo sacaro mampabuwek sasu-atu nan ditagah di ari Sabat?” 3Isa Almasih manjawauk, ”Alun ado-koh angkau bi mambaco di Alkitauk, tantang apo nan dipabuwek dek Daud, kutiko inyo, sarato jo pangikuiknyo bi baparuik litak? 4Inyo masuak ka Baithullah, sarato ma-ambiak roti nan lah dipasambahkan kabake Allah, su-dah tu, inyo makan. Kamudian, inyo barikan pulo roti tu kabake pangikuik-nyo. Padohal manuruik paratuaran ugamo kito, imam-imam sajolah nan buliah mamakan roti tu.” 5Sudah tu, Isa Almasih bakato, ”Anak Manusia bakuwaso taradok ari Sabat!” 6Ado pulo sakali di ari Sabat nan lain, Isa Almasih payi ma-aja ka ru-mah ibadaik. Di sinan tu ado surang urang, nan tangannyo lah mati saba-lah. 7Babarapo urang guru ugamo, sa-rato jo urang Farisi, nak mancari-ca-ri kasalahan Isa Almasih, supayo bisa mangadukan Baliau. Dek karano itu, inyo tu taruih bi mamparatikan, apo-koh Baliau ka mancegakkan urang di ari Sabat. 8Tapi, Isa Almasih manga-tawui pikieran inyo tu. Mako, Baliau bakato kabake urang, nan tangannyo lah mati sabalah tu, ”Kamarilah, ka muko ko, tagaklah di siko!” Urang tu tagak, sudah tu inyo taruih ka muko. 9Kamudian, Isa Almasih batanyo ka-bake urang-urang nan ado di sinan tu, ”Manuruik ugamo, apo nan buliah kito pabuwek di ari Sabat? Babuwek baiak atau babuwek jahek? Manyala-maikkan urang, atau mancilakokan urang?” 10Isa Almasih mancaliak ka sakuliliang, kabake sadonyo urang, sudah tu, bakato kabake urang nan tangannyo lah mati sabalah tu, ”On-congkanlah tangan angkau.” Urang tu ma-oncongkan tangannyo, nan ta-ngannyo pun cegak. 11Tapi, guru-guru ugamo, sarato jo urang-urang Farisi tu, bi bangih sa-ngaik, sarato muloi bi barundiang, tantang apo nan bisa ka inyo pabu-wek taradok Isa Almasih. 12Pado wakatu itu, Isa Almasih man-daki ka sabuwah bukik, untuak bado-wa. Di sinan tu, Baliau badowa kaba-ke Allah, sapanjang malam. 13Kutiko ari lah tarang, Baliau ma-imbau pangi-kuik-pangikuik-Nyo, sudah tu, Baliau piliah duwo baleh urang di antaro inyo tu. Baliau manamokan kaduwo baleh urang tu, rasul-rasul. Inyo tu adolah: 14Simon (nan Baliau namokan pulo Petrus), sarato jo Andreas, karek-an Simon; Yakobus, sarato jo Yahya, Fi-lipus sarato jo Bartolomeus, 15Matius sarato jo Tomas, Yakobus anak Alfeus, sarato jo Simon (nan dinamokan pu-lo si Patriot), 16Yudas anak Yakobus, sarato jo Yudas Iskariot, nan kamudi-an manjadi pangkiyanaik. 17Kamudian, Isa Almasih turun da-ri bukik tu, samo-samo jo rasul-ra-sul tu bagai, sudah tu baranti, sarato tagak di suatu tampaik nan data. Di sinan tu, ado pulo sarombongan ga-dang pangikuik-pangikuik-Nyo nan lain, sarato sambuah pulo urang nan bi tibo, dari babagai-bagai nagari, di kaciyek-annyo Yudea, Yerusalem, sa-rato jo kota-kota di Tirus, jo di Sidon nan di tapi lauik. 18Inyo tu bi tibo, untuak nak mandangakan pangaja-ran Isa Almasih, sarato mintak dice-gakkan, dari sakik panyakik nan inyo idokkan. Urang-urang nan kamasuak-an roh jahek, bi tibo pulo, sarato di-cegakkan. 19Kasadonyo urang bi ba-usawo nak ma-awai Isa Almasih, dek karano, ado kuwaso nan kaluwa dari diri Baliau, nan mancegakkan urang-urang tu kasadonyo. 20Isa Almasih mancaliak kabake pangikuik-pangikuik-Nyo, sudah tu, Baliau bakato, ”Basukocitolah angkau, urang-urang nan bansaik, dek karano angkaulah nan punyo Karajaan Allah! 21Basukocitolah angkau, nan kiniko bi baparuik litak; dek karano angkau ka dikanyangkan! Basukocitolah angkau, nan kiniko bi manangih; dek karano angkau ka bi bagadang ati! 22Basukocitolah angkau, jikok ang-kau dibanci-i, jikok ditulak-i, jikok di-hino, sarato jikok dipitanah, dek kara-no di Anak Manusia! 23Nabi-nabi di jaman sa-isuak, dipabuwek urang bak-cando itu pulo. Jikok tajadi nan bak-cando itu, andaklah angkau basanang ati, sarato manari basukocito, dek ka-rano, gadanglah pahalo nan tasadiyo, untuak angkau di sarugo. 24Tapi, cilakolah angkau, jikok kiniko angkau bi kayo; dek karano, angkau lah bi marasokan sagalo nan lamak-lamak! 25Cilakolah angkau, nan kiniko lah maraso kanyang; dek karano, angkau ka baparuik litak! Cilakolah angkau, nan kiniko bagalak-galak bagadang ati; dek karano, angkau ka ba-ibo ati sarato jo ka bi manangih! 26Cilakolah angkau, jikok kasado-nyo urang bi mamuji angkau; dek ka-rano, bakcando itu pulo niniak mu-yangnyo, bi mamuji nabi-nabi palasu di jaman sa-isuak.” 27”Tapi, kabake angkau nan kiniko, bi mandangakan kecek Ambo, Ambo bakato: kasiahilah urang-urang nan mamusuahi angkau, sarato babuwek baiaklah kabake urang nan jajok jo angkau. 28Barakaik-ilah urang nan mangutuak-i angkau, sarato dowakan-lah urang nan jahek kabake angkau. 29Jikok ado urang nan manampa sa-lah ciyek dari pipih angkau, mako, pa-diyakan pulolah inyo manampa nan sabalah lai. Jikok ado urang nan nak marabuik jubah angkau, mako, bari-kanlah baju angkau bagai. 30Jikok ado urang nan mamintak sasuatu kabake angkau, barikanlah itu ka untuaknyo; nan jikok miliak angkau dirabuik, jan-lah dimintak baliak. 31Pabuweklah kabake urang lain, samo jo bakcando apo nan katuju dek angkau, nan ka di-pabuwek urang kabake angkau. 32Jikok angkau mangasiahi urang-urang, nan mangasiahi angkau sajo, apokoh jaso angkau? Urang badoso pun mangasiahi urang-urang nan manga-siahi inyo! 33Atau jikok angkau, hanyo babuwek baiak, kabake urang-urang, nan babuwek baiak ka angkau sajo, apo-koh jaso angkau? Urang-urang badoso pun mampabuwek nan bakcando itu! 34Jikok angkau mampasalangkan pitih, hanyo kabake urang-urang, nan ka bisa mambayie baliak, apokoh jaso angkau? Urang badoso pun mampasalangkan pi-tih, kabake urang badoso, sudah tu inyo mintak baliak! 35Samustinyo indak baitu doh! Angkau musti sabaliaknyo, angkau musti mangasiahi urang nan mamusuahi angkau, sarato babuwek baiak kabake inyo tu. Angkau musti manjadi urang nan namuah mampasa-langi, sarato jan ma-arokkan ka baba-liak. Jikok angkau mampabuwek nan bakcando itu, mako, gadanglah paha-lo nan ka angkau tarimo, nan angkau ka manjadi anak-anak Allah Nan Ma-hatenggi. Dek karano, Allah elok ati, kabake urang nan indak tawu batari-mo kasih, baitu pulo kabake urang nan jahek. 36Andaknyo angkau manjadi urang nan paibo, bakcando Bapak ang-kau, adolah nan paibo pulo!” 37”Janlah ma-adieli urang lain, supa-yo angkau sandiri jan pulo di-adieli dek Allah. Janlah ma-ukun urang lain, su-payo angkau sandiri, jan pulo di ukun dek Allah. Maohkanlah urang lain, su-payo angkau di-ampuni pulo dek Allah. 38Barikanlah sasuatu kabake urang la-in, supayo Allah mambarikan pulo sasuatu kabake angkau; nan angkau ka manarimo pambarian nan balimpah ruwah, nan lah digantangi sapadek-padeknyo untuak angkau. Dek karano, ukuaran nan angkau pakai untuak pa-ukua urang lain, ka dipakai pulo dek Allah untuak pa-ukua angkau.” 39Kamudian, Isa Almasih mancuri-tokan pulo kabake urang-urang tu, pa-rumpamoan nan bakcando iko, ”Jikok urang buto nan mambimbiang urang buto, lah musti kaduwo-duwonyo ka balambin masuak banda. 40Indak ado doh murik nan labiah santiang daripa-do gurunyo. Tapi, jikok murik tu lah salasai baraja, mako, inyo ka manja-di samo jo bakcando gurunyo. 41Baa mangko sarabuak kayu di mato sudaro angkau, nampak dek angkau, sa-dangkan, balok di mato angkau sandiri, indak nampak doh dek angkau? 42Dima pulo ka bisa angkau bakato kabake su-daro angkau, ’Oih sanak, kamarilah, buliah nak ambo kaluwakan sarabuak kayu nan di mato angkau tu.’ Sadang-kan di mato angkau sandiri, ado balok nan mambulintang. Oih urang muna-piak! Kaluwakanlah dulu balok nan ado di mato angkau tu. Sudah tu, barulah angkau dapek maliyek jo sacaro jaleh, sarato bisa mangaluwakan sarabuak ka-yu nan di mato sudaro angkau tu.” 43”Indak ado doh batang nan rancak, nan ma-asiekan buwah nan buruak. Baitu pulo, indak ado doh batang nan buruak, nan ma-asiekan buwah nan elok. 44Satiyok batang dapek dikata-wui, dari maliyek buwahnyo. Baluka baduri, indak ka ma-asiekan buwah ara doh, baitu pulo, samak baduri, in-dak ka ma-asiekan buwah anggur doh. 45Urang nan elok, mangarajokan ka-rajo-karajo nan baiak, dek karano ati-nyo panuah jo kabaiakkan. Urang nan jahek, mangarajokan karajo-karajo nan jahek, dek karano atinyo panuah jo sagalo nan buruak. Dek karano, sa-tiyok apo nan dikatokan dek muluik, itu adolah nan kaluwa dari ati.” 46”Baa mangko angkau bi ma-imbau Ambo, ’Tuhan, Tuhan,' tapi, angkau in-dak bi mangarajokan doh, apo nan Am-bo katokan? 47Satiyok urang nan datang kabake Ambo, jikok inyo layi manda-ngakan kato-kato Ambo, sarato layi ma-ngarajokannyo. Jo siyakoh nan dapek kito samokan urang nan bakcando itu? — Eloklah nak Ambo agiah tawu kaba-ke angkau, urang nan bakcando itu —. 48Inyo tu, ibaraiknyo bakcando urang nan kutiko ka managakkan rumah, inyo manggali dalam-dalam sampai basuwo tanah nan kareh, sudah tu inyo buwek sandi di ateh batu. Kutiko ado ayie ga-dang tibo, ayie batang ayie malando ru-mah tu, mako, nan rumah tu indak ka baa-baa doh, dek karano rumah tu dita-gakkan di ateh batu sandi nan kuwaik. 49Tapi, ado pulo urang, nan hanyo man-dangakan kato-kato Ambo, tapi indak dikarajokannyo, inyo tu adolah, ibaraik-nyo bakcando urang nan managakkan rumahnyo indak basandi. Jikok ayie ga-dang tibo malando, mako rumahnyo tu ka runtuah; rusak binaso!”

will be added

X\