LUKAS 5

1Pado satu kutiko, Isa Almasih tagak di tapi danau Genesaret. Ba-nyak urang nan bi badasak-dasakkan untuak nak bi mandanga barito dari Allah. 2Isa Almasih manampak du-wo buwah parawu di tapi danau tu; tukang pukeknyo lah bi turun dari parawu-parawu tu, nan inyo tu bi sadang mambasuah pukeknyo. 3Isa Almasih nayiak ka salah ciyek pa-rawu tu, iyolah, ka parawu Simon, sudah tu, Baliau manyuruah Simon mambawok parawu tu agak ka ta-ngah. Isa Almasih duduak di dalam parawu tu, sarato ma-aja urang nan banyak. 4Baru lah salasai ma-aja, Baliau ba-kato kabake Simon, ”Dayuanglah pa-rawu ko ka tampaik nan dalam, su-dah tu rantangkanlah pukek angkau tu, untuak manangkok ikan.” 5Tapi, Simon bakato, ”Angku Guru lah samalam papek kami bakarajo ka-reh, tapi, indak sikua juwo doh ikan nan kami dapekkan! Tapi, kiniko dek ka-rano Angku nan manyuruah, jadihlah; ambo ka marantangkan pukek ko ba-liak.” 6Sasudah inyo tu bi marantang-kan pukek tu, mako, inyo tu bi manda-pek ikan nan sangaik banyak, sampai pukeknyo muloi cabiak. 7Dek kara-no itu, inyo bi mamintak tolong kaba-ke kanti-kantinyo di parawu nan lain. Kanti-kantinyo tu bi tibo, sudah tu, jo sacaro basamo-samo, inyo tu bi ma-isi kaduwo buwah parawu tu, sampai pa-nuah jo ikan, ampia-ampia parawu tu, lah ka karam. 8Kutiko Simon maliyek kajadian tu, inyo sujuik di adok-an Isa Almasih, sudah tu inyo bakato, ”Ting-gakanlah ambo ko Tuhan! Dek kara-no, ambo ko urang badoso!” 9Simon sarato jo kasadonyo urang nan samo-samo jo inyo, bi tacangang, dek maliyek ikan nan lah inyo tang-kok. 10Baitu pulo jo kanti-kanti Simon, iyolah, Yakobus jo Yahya, anak-anak Zebedeus. Isa Almasih bakato kaba-ke Simon, ”Jan takuik! Muloi dari sa-jak kiniko, angkau ka manjadi pamu-kek urang.” 11Simon sarato jo kanti-kantinyo, bi ma-elo parawu tu ka tapi, kamudian, inyo tinggakan kasadonyo tu, mako, inyo payi manuruikkan Isa Almasih. 12Pado suatu ari, Isa Almasih sadang barado di sabuwah kota. Di sinan tu ado surang laki-laki, nan badannyo lah panuah dek panyakik kulik nan manakuikkan. Kutiko inyo manam-pak Isa Almasih, inyo sujuik di adok-an Baliau sambia mambana, ”Ngku, jikok Angku namuah, Angku bisa man-cegakkan ambo!” 13Isa Almasih ma-awai urang tu sam-bia bakato, ”Ambo namuah, cegaklah!” Kutiko tu juwo panyakik urang tu ce-gak. 14Sudah tu, Isa Almasih managah urang tu, supayo inyo jan mancurito-kan kajadian tu kabake siya-siyanyo, Baliau bakato, ”Payilah kabake imam, sarato mintaklah pangakuan dari inyo, baraso angkau iyo lah cegak. Sudah tu, payilah mampasambahkan karo-ban, bakcando nan diparentahkan dek Musa, sabagai tando kabake urang nan banyak, baraso angkau iyo lah saba-na-bana lah cegak.” 15Tapi, tantang diri Isa Almasih, lah pacah kaba kian kumari, sarato sambuah urang nan bi tibo, untuak ka mandangakan pangajaran Baliau, sarato untuak mintak dicegakkan, dari panyakik nan inyo idokkan. 16Sasudah tu, Isa Almasih payi bado-wa ka tampaik nan langang. 17Pado suatu ari, kutiko Isa Almasih sadang ma-aja, ado babarapo urang Fa-risi, sarato jo guru-guru ugamo, bi du-duak di sinan tu. Inyo tu bi datang da-ri Yerusalem, sarato jo dari kota-kota di Galilea, sarato jo di Yudea. Kuwa-so Tuhan manyaratowi Isa Almasih, untuak mancegakkan urang-urang nan sakik. 18Pado wakatu itu, babarapo urang bi tibo, mambawok surang urang lumpuah nan lalok di ateh lapiak. Inyo tu lah bi ba-usawo, untuak mambawok urang nan lumpuah tu masuak ka da-lam rumah, supayo dapek dilatakkan di adok-an Isa Almasih. 19Tapi, dek karano urang nan sangaik rami, ma-ko, inyo tu indak dapek doh mamba-woknyo masuak. Dek karano itu, inyo nayiakkan urang nan lumpuah tu ka ateh atok. Sudah tu, inyo bukak atok, kamudian, inyo turunkan urang nan lumpuah tu, samo-samo jo lapiaknyo di adok-an Isa Almasih, di tangah-tangah urang nan banyak tu. 20Kutiko Isa Almasih maliyek, dek takah itu bana imannyo urang-urang tu, mako, Baliau bakato kabake urang tu, ”Oih sanak, doso angkau lah di-ampuni.” 21Guru-guru ugamo, sarato jo urang-urang Farisi tu, bi bakato sasamo inyo, ”Siyakoh Urang ko, nan barani ma-ino Allah? Siya nan bisa ma-ampuni doso, salain dari Allah sandiri?” 22Isa Almasih tawu, apo nan dipi-kiekan dek urang-urang tu. Dek ka-rano tu, Baliau bakato, ”Baa mangko angkau bi batanyo-tanyo bakcando itu di dalam ati angkau? 23Nama nan la-biah mudah, mangatokan, ’Doso ang-kau lah diampuni’, atau mangatokan, ’Tagaklah, sarato bajalanlah!' 24Tapi kiniko supayo angkau bi tawu, baraso di ateh dunia ko, Anak Manusia baku-waso untuak ma-ampuni doso.” Sudah tu, Isa Almasih bakato kabake urang nan lumpuah tu, ”Tagaklah, angkek-lah tampaik lalok angkau, sudah tu pulanglah!” 25Di adok-an kasadonyo urang nan banyak tu, urang nan lumpuah tu ba-gageh tagak, sudah tu, inyo angkek tampaik laloknyo, sarato pulang sam-bia mamuji Allah. 26Kasadonyo urang-urang tu bi ta-cangang sangaik, sudah tu bi mamu-ji Allah. Jo parasaan nan takuik, inyo tu bi bakato, ”Sabana ajaib, kajadian nan kito liyek di ari ko!” 27Sasudah itu, Isa Almasih payi ka-luwa, sarato manampak surang tu-kang mintak pajak, nan banamo Le-wi, sadang duduak di kantuanyo. Isa Almasih bakato kabake inyo, ”Kama-rilah, molah payi jo Ambo.” 28Lewi lansuang tagak, sarato maninggakan kasadonyo, sudah tu, payi manuruik-kan Isa Almasih. 29Sasudah tu, Lewi ma-adokan alek di rumahnyo, untuak manjamu Isa Almasih. Banyak tukang mintak pajak, sarato jo urang-urang nan lain bagai, nan bi sato makan samo-samo jo inyo tu. 30Babarapo urang Farisi, sarato jo guru-guru ugamo, maraso indak lamak atinyo dek maliyek kajadian tu, sudah tu, inyo tu bi bakato kabake pangikuik-pangikuik Isa Almasih, ”Baa mangko angkau bi makan minun, samo-samo jo tukang mintak pajak, sarato jo urang-urang nan indak baiak tu?” 31Isa Almasih manjawauk, ”Urang nan siyaik, indak mamaralukan tabib doh; tapi kok urang nan sakik iyo. 32Ambo datang, indak untuak ka ma-imbau urang-urang, nan manyangko dirinyo lah elok doh, tapi, Ambo ka ma-imbau urang-urang nan badoso, supayo inyo tu bi batobaik dari do-so-dosonyo.” 33Banyak urang nan bi bakato bak-cando iko, kabake Isa Almasih, ”Pangi-kuik Yahya, sarato jo pangikuik urang Farisi, acok bi bapuwaso, sarato jo ba-dowa. Tapi, nan pangikuik-pangikuik Angkau, bi makan jo minun.” 34Isa Almasih manjawauk, ”Apokoh angkau bisa manyuruah si alek bapu-waso, kutiko sadang di alek kawin, sa-lamo marapulai sadang samo-samo jo inyo juwo lai? Tantu indak! 35Tapi, ka tibo masonyo, marapulai tu ka di-am-biak dari inyo tu. Mako, kutiko itulah, inyo tu ka bi bapuwaso.” 36Sudah tu, Isa Almasih mancuritokan kabake urang-urang tu, parumpamoan nan bakcando iko, ”Indak ado doh urang, nan manumbok baju nan usang, jo saka-rek kain dari baju nan baru. Dek karano, inyo mancabiak-i baju nan baru tu. Ciyek lai pulo, kain panumbok nan baru tu, in-dak sasuwai doh jo baju nan lah usang. 37Baitu pulo, indak ado doh urang, nan mamasuakkan ayie anggur nan baru, ka dalam kampia kulik nan lah usang, dek karano di ayie anggur nan baru tu, kam-pia kulik tu bisa cabiak. Mako, anggur-nyo tabuwang, kampianyo pun kuyak. 38Ayie anggur nan baru, musti dima-suakkan ka kampia kulik nan baru pulo 39Baitu pulo, indak ado doh urang nan niyo maminun ayie anggur nan baru, sa-sudah maminun ayie anggur nan lamo, dek karano, inyo mangatokan, anggur nan lamo tu labiah lamak, rasonyo.”

will be added

X\