LUKAS 24

1Di ari Akaik, subuah-subuah buto, urang-urang padusi tu bi payi ka kubuaran, mambawok sa-galo ramuan nan lah inyo sadiyokan. 2Di kubuaran tu, inyo tu bi maliyek batu panyawok pintu kubua tu, lah ta-golek. 3Sudah tu, inyo tu bi masuak ka dalam kubuaran tu, tapi, inyo tu indak bi manamukan mayik Tuhan Isa Almasih di sinan tu. 4Samantaro inyo tu bi tagak di sinan tu, sarato bi tapa-na mamikiekan kajadian tu, indak di-sangko-sangko, ado duwo urang nan bapakaian bakilau-kilauan, tagak da-kek inyo tu. 5Inyo tu bi mati katakuik-an, sudah tu, inyo bi sujuik sampai ka tanah, samantaro kaduwo urang tu bakato kabake inyo tu, ”Baa mangko angkau bi mancari urang nan iduik di antaro urang nan mati? 6Baliau in-dak ado lai di siko. Baliau lah iduik baliak! Kana-ilah apo nan lah Baliau katokan kabake angkau, sawakatu Baliau sadang di Galilea juwo lai, 7baraso, ’Anak Manusia musti disarah-kan kabake urang-urang nan badoso, sudah tu, disalibkan, sarato di ari nan katigo Baliau ka iduik baliak.’ ” 8Mako, bi takanalah dek urang-urang pa-dusi tu, kato-kato Isa Almasih tu 9Sasudah babaliak dari kubuaran tu, inyo tu bi man-curitokan, kasadonyo kajadian tu kabake kasabaleh rasul, sarato kabake sadonyo pa-ngikuik nan lainnyo. 10Urang-urang padu-si, nan ma-agiah tawu kasadonyo tu kabake pangikuik-pangikuik Isa Almasih, iyolah: Maryam Magdalena, Yohana, Maryam mandeh Yakobus, sarato jo urang-urang pa-dusi nan lainnyo, nan samo-samo jo inyo tu 11Tapi, rasul-rasul tu bi manyangko, urang-urang padusi tu hanyo mancuritokan nan indak-indak. Inyo tu indak bi picayo doh jo curito urang-urang padusi tu. 12Tapi, nan Petrus inyo bae tagak, sarato balari ka ku-buaran tu. Sambia mambungkuak, inyo mancaliak ka dalam, tapi, hanyo kain ka-pan sajonyo nan ado di sinan tu. Petrus taca-ngang sangaik, sudah tu, inyo babaliak pu-lang, sarato batanyo-tanyo di dalam atinyo, tantang apo nan lah tajadi. 13Di ari tu juwo, ado duwo urang pangikuik Isa Almasih, nan sadang dalam pajalanan ka sabuwah kampuang nan banamo Emaus, nan kiro-kiro sa-baleh kilo jaraknyo dari Yerusalem. 14Sambia bajalan, inyo tu bi mancu-ritokan tantang sagalo kajadian nan lah tajadi tu. 15Samantaro inyo tu bi bacurito, sarato bi batuka pandapek, tibolah Isa Almasih, sarato bajalan sa-mo-samo jo inyo tu. 16Inyo tu layi bi maliyek Isa Almasih, tapi, ado sasu-atu nan mambuwek inyo tu indak bi tawu, baraso Urang tu adolah Isa Al-masih. 17Mako, Isa Almasih bakato, ”Apo tu nan angkau bi pakecekkan samantaro bajalan ko?” Inyo tu bi baranti bajalan, jo ro-man muko bakcando urang sadiah. 18Sudah tu, salah surang dari inyo tu, nan banamo Kleopas, batanyo ka-bake Isa Almasih, ”Mungkin, Angku surang sajolah urang asiang di Yeru-salem, nan indak tawu tantang kaja-dian, nan tajadi di sinan tu babarapo ari nan lapeh?” 19Isa Almasih batanyo, ”Kajadian apo tu?” Inyo tu bi manjawauk, ”Kajadian nan tajadi, taradok Isa Almasih urang dari Nazaret tu, Baliau tu adolah Na-bi. Kato-kato Baliau, sarato jo sagalo pabuatan Baliau, sangaik bakuwaso biya manuruik pandangan Allah, atau pun manuruik pandangan kasa-donyo urang. 20Imam-imam kapalo, sarato jo pamimpin-pamimpin banso kito, manyarahkan Baliau untuak ka di-ukun mati, mako, urang-urang tu bi manyalibkan Baliau! 21Padohal ka-mi bi ma-arokkan, baraso Baliau-lah nan ka malapehkan banso Israel! Nan ari ko, adolah ari nan katigo sajak da-ri kajadian tu. 22Ciyek lai pulo, ba-barapo urang padusi dari piyak kami, lah mambuwek kami bi takajuik. Su-buah-subuah buto, inyo tu lah bi payi ka kubuaran, 23tapi, indak bi mana-mukan mayik Baliau di sinan tu. Su-dah tu, inyo tu bi babaliak, sarato bi bakato, baraso inyo tu bi maliyek ma-lekaik, nan malekaik-malekaik tu bi bakato, baraso Isa Almasih lah iduik baliak. 24Mako, babarapo urang da-ri kami, bi payi ka kubuaran, sarato mandapati, baraso apo nan dikatokan dek urang-urang padusi tu, iyo batua bakcando itu, hanyo sajo inyo tu in-dak bi manampak Isa Almasih.” 25Sudah tu, Isa Almasih bakato ka-bake inyo tu, ”Angkau iyo sabana bi pandie! Talampau sulik ati angkau un-tuak mampicayo-i, sagalo sasuatu nan lah dikatokan dek nabi-nabi! 26Indak-koh Rajo Panyalamaik tu musti ma-nangguangkan sansaro talabiah dulu, sudah tu, barulah Inyo mancapai ka-muliyaan?” 27Kamudian, Isa Almasih manarangkan kabake inyo tu, apo nan tatulih di dalam kaciyek-annyo Alkitauk tantang diri Baliau, muloi dari kitauk-kitauk Musa, sarato jo ki-tauk nabi-nabi. 28Samantaro itu, inyo tu lah ampia ka dakek ka kampuang nan inyo tuju. Isa Almasih mambuwek sa-olah-olah niyo ka bajalan taruih, 29tapi, inyo tu bi manahani Baliau, sarato bi baka-to, ”Bamalam sajolah Angku di tam-paik kami, nan kiniko ari lah ampia malam, sarato lah muloi kalam pulo.” Mako, Isa Almasih masuak untuak ba-malam di tampaik inyo tu. 30Pado wa-katu duduak makan samo-samo jo inyo tu, Isa Almasih ma-ambiak roti, sara-to mangucauk syukur kabake Allah, sarato mambalah-balah roti tu jo ta-ngan Baliau, sudah tu mambarikannyo kabake pangikuik-Nyo tu. 31Kamudi-an, barulah pangikuik-Nyo tu bi tawu, baraso Urang tu adolah Isa Almasih. Tapi, Baliau lah ma-ilang, indak nam-pak lai dek inyo tu. 32Mako, inyo tu bi bakato sasamo inyo, ”Kan sangaik gabuaknyo ati kito, kutiko Baliau ma-ngecek jo kito di tangah jalan, sarato manarangkan isi Alkitauk kabake ki-to, iyo ndak?” 33Sakutiko tu juwo inyo tu bi tagak, sudah tu babaliak ka Yerusalem. Di sinan tu, inyo tu bi mandapek-i kasa-baleh pangikuik Isa Almasih, sadang bi bakumpua samo-samo jo nan lain bagai. 34Inyo tu bi bakato, ”Iyo ba-tua, Tuhan lah iduik baliak! Baliau lah manampakkan diri Baliau kaba-ke Simon!” 35Mako, kaduwo urang pangikuik Isa Almasih nan baru tibo tu, bi man-curitokan pangalaman inyo dalam pa-jalanan, sarato baa caro mangko inyo sampai bi tawu, baraso Baliau tu ado-lah Tuhan, kutiko Baliau mambalah-balah roti. 36Samantaro inyo tu sadang bi ba-curito juwo lai, indak disangko-sang-ko, Isa Almasih lah tagak di tangah-ta-ngah inyo tu, sarato jo mangucaukkan, ”Assalamu alaikum!” 37Inyo tu bi takajuik, sarato jo kata-kuik-an, dek karano, inyo tu bi manyang-ko, inyo tu bi maliyek antu. 38Tapi, Isa Almasih bakato, ”Baa mangko angkau bi tabik takuik? Baa mang-ko timbua ragu-ragu di ati angkau? 39Liyeklah tangan Ambo ko, sarato li-yeklah kaki Ambo. Katawu-ilah, ba-raso iyo sabana-bananyo Ambo ko! Awailah, paratikanlah, dek karano, antu indak badagiang, sarato indak batulang doh, bakcando nan angkau liyek di Ambo ko.” 40Isa Almasih bakato baitu, sam-bia mampaliyekkan kabake inyo tu, tangan, sarato jo kaki Baliau. 41Nan samantaro inyo tu, alun juwo lai bi picayo, dek karano kagadangan ati, sarato dek bi tacangang, mako, Isa Almasih batanyo kabake inyo tu, ”La-yi adokoh angkau bi mampunyoi nan ka dimakan di siko?” 42Inyo tu mam-barikan kabake Baliau, sakarek ikan bagoreang. 43Isa Almasih ma-ambiak ikan tu, sudah tu, Baliau makan di adok-an inyo tu. 44Sasudah tu, Baliau bakato kaba-ke inyo tu, ”Ikolah sagalo parkaro nan lah Ambo agiah tawu kabake angkau, kutiko Ambo sadang ado juwo lai sa-mo-samo jo angkau: baraso, satiyok apo nan lah tatulih tantang diri Am-bo, di Kitauk-kitauk Musa, di Kitauk Nabi-nabi, sarato jo di Kitauk Zabur, kasadonyo tu musti tajadi.” 45Kamudian, Isa Almasih mambu-kakkan pikieran inyo tu, supayo bi ma-ngarati mukasuik isi Alkitauk. 46Sudah tu, Baliau bakato kabake inyo tu, ”Di Alkitauk lah tatulih, baraso Rajo Panyalamaik tu musti manang-guang sansaro, sarato musti iduik ba-liak dari kamatian di ari nan katigo. 47Ciyek lai pulo, baraso ateh namo Rajo Panyalamaik tu, mustilah diba-ritokan kabake sagalo banso, baraso manusia musti bi batobaik, nan ba-raso Allah ka ma-ampuni doso. Nan kaba tu musti dibaritokan muloi da-ri Yerusalem. 48Angkau adolah sasi dari kasadonyo tu. 49Ambo sandiri ka mangirin kabake angkau, apo nan lah dijanjikan dek Allah Bapak. Tapi, angkau musti tatauk mananti di ko-ta ko, sampai kuwaso nan dari Allah marawok-i angkau.” 50Sasudah tu, Isa Almasih mamba-wok pangikuik-pangikuik-Nyo tu kalu-wa kota, sampai dakek Betania. Di si-nan tu, Baliau ma-angkek tangan-Nyo, sarato mambarakaik-i pangikuik-pa-ngikuik-Nyo tu. 51Samantaro Baliau sadang mambarakaik-i pangikuik-pa-ngikuik-Nyo tu, Baliau ta-angkek ka sarugo, sarato tapisah dari pangikuik-pangikuik-Nyo tu. 52Urang-urang tu bi sujuik manyambah Isa Almasih, kamudian, bi babaliak ka Yerusa-lem, jo ati nan sangaik basukocito, 53sarato taruih mamuji-muji Allah di Baithullah.

will be added

X\