LUKAS 23

1Kasadonyo urang nan di da-lam sidang tu bi tagak, sudah tu, mambawok Isa Almasih ka adok-an Pilatus. 2Di sinan tu, urang-urang tu muloi bi manuduah Baliau. Inyo tu bi bakato, ”Kadapatan dek kami, Urang ko mambawok rakyaik ka nan sasek. Inyo managah urang mambayie pajak kabake Kaisar, dek karano Inyo ma-ngatokan, baraso Inyo adolah Almasih, nan adolah Rajo.” 3Sudah tu, Pilatus batanyo kaba-ke Isa Almasih, ”Iyokoh Angkau Rajo urang Yahudi?” Isa Almasih manjawauk, ”Angkau sandiri nan mangatokannyo.” 4Mako, Pilatus bakato kabake imam-imam kapalo, sarato kabake urang banyak tu, ”Ambo indak ciyek juwo doh manamukan kasalahan di diri Urang ko, nan dapek untuak ka pa-ukun Inyo.” 5Tapi, urang-urang tu makin manda-sak, inyo tu bi bakato, ”Jo pangajaran-Nyo, Inyo ma-asuang kasadonyo urang di Yudea; mulonyo di Galilea, nan ki-niko lah sampai pulo ka siko.” 6Kutiko Pilatus mandanga nan baitu, inyo batanyo, ”Apokoh Urang ko, urang Galilea?” 7Sasudah di-agiah tawu, ba-raso Isa Almasih barasa dari daerah nan dikuwasoi dek Herodes, mako, Pilatus mangirin Isa Almasih kabake Herodes, nan kutiko itu inyo sadang ado pulo di Yerusalem. 8Sangaik sa-nangnyo ati Herodes, kutiko maliyek Isa Almasih, dek karano, lah lamo inyo mandanga tantang Baliau, sarato ni-yo nak maliyek Baliau. Inyo ma-arok-kan, bisa maliyek sandiri Isa Almasih mampabuwek mukjizat. 9Dek karano itu, banyak nan ditanyokan dek Hero-des kabake Isa Almasih, tapi, indak ci-yek juwo doh nan dijawauk dek Baliau. 10Imam-imam kapalo, sarato jo guru-guru ugamo, sato pulo bi mangadauk di sinan tu, sarato labiah kareh pulo lai manuduah Isa Almasih. 11Herodes sarato jo pasukannyo, bi mampama-inkan, sarato jo ma-ino Isa Almasih, sudah tu, manganakkan pakaian ka-basaran kabake Baliau, kamudian, ma-ngirin Baliau baliak ka Pilatus. 12Di ari tu juwo, Herodes jo Pilatus, nan salamo ko bamusuahan, kini lah ba-elok-an baliak. 13Pilatus mangumpuakan imam-imam kapalo, pamimpin-pamimpin, sarato jo rakyaik, 14sudah tu bakato kabake urang-urang tu, ”Angku-ang-ku lah bi mambawok Urang ko kaba-ke ambo, angku-angku mangatokan baraso Inyo lah manyasekkan urang nan banyak. Kiniko, di adok-an ang-ku-angku sandiri, lah ambo pareso Inyo, tapi, indak ciyek juwo doh nan tasuwo dek ambo, suatu karajo nan jahek, nan angku-angku tuduahkan kabake Inyo. 15Baitu pulo pandapek Herodes, sabauk inyo mangirin si Isa ko baliak kabake kami. Urang ko in-dak ado doh mampabuwek sasuatu, nan manyabaukkan Inyo patuik di-ukun jo ukunan mati. 16Dek karano itu, Inyo ka ambo cambuik sajo, sudah tu, Inyo ambo lapehkan baliak.” 17Di satiyok Ari Rayo Paskah, Pila-tus musti malapehkan surang urang tahanan untuak rakyaik. 18Kasadonyo urang nan bi bakumpua di sinan tu, bi ma-ariakkan, ”Bunuah sajo Inyo! Lapehkanlah Barabas untuak kami!” ( 19Barabas dipinjarokan dek karano pambarontakkan nan tajadi di kota, sarato dek karano pambunuahan.) 20Pilatus niyo nak malapehkan Isa Almasih, dek karano itu, inyo bakato baliak kabake urang nan banyak tu. 21Tapi, urang-urang tu bi ma-ariakkan, ”Salibkan Inyo! Salibkan Inyo!” 22Sudah tu, untuak nan katigo kali-nyo, Pilatus bakato kabake urang nan banyak tu, ”Tapi, apo kasalahan Inyo? Indak ciyek juwo doh ambo manamu-kan kasalahan Inyo, nan mamungkin-kan Inyo untuak di-ukun jo ukunan mati! Inyo ka ambo cambuik sajo, su-dah tu ambo lapehkan baliak.” 23Tapi, urang-urang tu taruih ju-wo bi ma-ariakkan sakuwaik tanago, baraso Isa Almasih musti disalibkan. Akienyo, balaku juwo kandak urang-urang nan banyak tu. 24Mako, Pila-tus manjatuahkan ukunan mati tara-dok Isa Almasih, sasuwai jo kandak urang-urang tu, 25sarato malapehkan urang nan dimintak dek urang nan ba-nyak tu, iyolah, urang nan dipinjaro-kan dek karano pambarontakkan, sa-rato jo pambunuahan. Kamudian, Isa Almasih inyo sarahkan kabake urang-urang tu, untuak ka dipabuwek sasu-ko ati inyo tu. 26Mako, Isa Almasih dibawok dek urang-urang tu. Di tangah jalan, inyo tu bi basuwo jo surang urang nan ba-namo Simon, nan barasa dari Kirene, nan sadang dalam pajalanan masuak ka kota. Urang-urang tu manang-kok Simon, sarato mamaso inyo ma-mikua kayu salib tu di balakang Isa Almasih. 27Sambuah urang nan bi payi ma-iriangkan Isa Almasih di antaronyo ado pulo babarapo urang padusi. Inyo tu bi manangih, sarato maratok-i Isa Almasih. 28Tapi, Isa Almasih ma-engong kabake inyo tu, sambia baka-to, ”Oih, puti-puti Yerusalem! Janlah Ambo nan diratok-i. Ratok-ilah diri angkau sandiri, sarato jo anak-anak angkau. 29Dek karano, ka tibo maso-nyo urang ka bi bakato, ’Baralah ka baruntuangnyo, urang-urang padusi nan indak panah manganduang, nan indak panah mampunyoi anak, sarato nan indak panah manyusukan paja!' 30Pado wakatu itulah urang ka bi ba-kato kabake gunuang-gunuang, ’Tim-polah kami!' Sarato ka bi bakato pulo kabake bukik-bukik, ’Timbunilah ka-mi!' 31Dek karano, jikok taradok ka-yu nan iduik, urang lah mampabuwek nan bakcando iko, antah apo pulo lai, nan ka inyo pabuwek taradok kayu nan lah kariang!” 32Ado pulo duwo urang, urang nan lain, —kaduwo-duwonyo urang jahek — nan dibawok dek urang-urang tu, un-tuak ka di-ukun mati samo-samo jo Isa Almasih. 33Kutiko lah tibo di tampaik nan banamo ”Tangkurak”, urang-urang tu bi manyalibkan Isa Almasih, sarato jo kaduwo urang jahek tu surang di sabalah suwok, nan surang lai di sa-balah kida Isa Almasih. 34Isa Almasih bakato, ”Oih Bapak, ampunilah urang-urang ko! Inyo ko indak bi mangarati, apo nan inyo pabuwek ko.” Pakaian Isa Almasih dibagi-bagi dek urang-urang tu di sinan tu, jo sacaro ma-ambuang undi. 35Banyak urang nan bi tagak di sinan tu sambia ma-liyek, samantaro itu pamimpin-pa-mimpin Yahudi bi mancimeehkan Isa Almasih, jo sacaro bakato, ”Inyo lah manyalamaikkan urang lain; cubo pu-lolah kiniko Inyo manyalamaikkan di-ri-Nyo sandiri, jikok iyo Inyo sabana-bana Rajo Panyalamaik nan dipiliah dek Allah!” 36Saradadu-saradadu bi sato pulo mancimeehkan Isa Almasih. Inyo tu bi datang, sarato mambarikan anggur nan masam kabake Baliau, 37sambia bakato, ”Jikok Angkau iyo rajo urang Yahudi, salamaikkan diri Angkau!” 38Di ujuang ateh, tunggak kayu sa-lib Isa Almasih, ado tatulih kato-kato nan bakcando iko: ”Ikolah Rajo Urang Yahudi.” 39Salah surang dari urang jahek nan disalibkan di sinan tu, ma-ino Isa Almasih. Inyo bakato, ”Angkau kan Rajo Panyalamaik, iyo indak? Sala-maikkanlah diri Angkau, sarato jo ka-mi bagai!” 40Tapi, urang jahek nan surang lai mambangihi kantinyo tu, inyo bakato, ”Apokoh wa-ang indak takuik kaba-ke Allah? Wa-ang samo-samo di ukun mati bakcando Baliau. 41Nan kito lah sapatuiknyo di-ukun, dek karano, ki-to di-ukun sabandiang jo kasalahan nan kito pabuwek. Tapi, Baliau ko, in-dak ciyek juwo doh kasalahan Baliau!” 42Sudah tu, inyo bakato, ”Oih Isa Almasih, kana juwo lah ambo, jikok Angkau datang sabagai Rajo!” 43Isa Almasih bakato kabake inyo, ”Picayolah, di ari ko juwo, angkau ka samo-samo jo Ambo di Firdaus.” 44Kiro-kiro pukua duwo baleh ta-ngah ari, matoari indak lai bacahayo, sarato kaciyek-annyo nagari tu man-jadi kalam bakapiciak, sampai pukua tigo sanjo. 45Tabie nan tagantuang di dalam Baithullah, cabiak tabalah duwo. 46Sudah tu, Isa Almasih ma-makiak jo suwaro nan kuwaik, ”Oih Bapak! Ka dalam tangan Angkau Am-bo sarahkan diri Ambo!” Sasudah ba-kato nan bakcando itu, Baliau pun ma-ningga. 47Kutiko kumandan pasukan ma-liyek apo nan lah tajadi, mako, inyo mamuji Allah. Sudah tu, inyo bakato, ”Batua, Baliau ko indak basalah!” 48Urang banyak nan bi datang ka tampaik tu untuak mancaliak, lah bi maliyek apo nan tajadi. Inyo tu bi ba-baliak pulang, sambia bi manabuahi dadonyo. 49Kasadonyo konco-konco arek Isa Almasih, tamasuak urang-urang padusi nan ma-ikuik-i Baliau sa-jak dari Galilea, bi tagak dari jauah, sarato bi maliyek kasadonyo tu. 50- 51Ado surang urang nan banamo Yusuf, nan barasa dari kota Arimatea di nagari Yudea. Inyo adolah surang urang nan elok, nan di-aromaik-i dek urang, sarato nan sadang mananti-nan-tikan Karajaan Allah. Biyapun inyo anggota Mahkamah Ugamo, tapi, inyo indak satuju doh jo kaputusan, sarato jo tindakkan mahkamah tu. 52Yusuf ko payi mangadauk Pilatus, sarato ma-mintak supayo mayik Isa Almasih, di-sarahkan kabake inyo. 53Kamudian, inyo manurunkan mayik Isa Almasih dari kayu salib, sudah tu, inyo bung-kuih jo kain kapan nan dari lenan. Sa-sudah tu inyo latakkan di dalam ku-buaran, nan dibuwek di dalam bukik batu-- kubuaran tu alun panah lai di-pagunokan. 54Ari tu, ari Jumaik; nan ari Sabat lah ampia ka mulai. 55Urang-urang padusi nan samo-samo datang jo Isa Almasih dari Ga-lilea, bi payi manuruikkan Yusuf, sa-rato bi maliyek kubuaran tu. Inyo tu bi maliyek pulo baa bana mayik Isa Almasih dilatakkan dalam kubuaran. 56Kamudian, inyo tu bi pulang, sudah tu, bi mampasiyaukkan sagalo ramu-an, sarato jo minyak arun, untuak pa-minyak-i mayik Isa Almasih. Di ari Sabat, inyo tu bi baranti ba-karajo, untuak mamatuahi paratua-ran ugamo Yahudi.

will be added

X\