LUKAS 22

1Ari Rayo Roti Indak Baragi, nan dinamokan Paskah, lah ampia ka dakek. 2Imam-imam kapa-lo, sarato jo guru-guru ugamo Yahu-di, sadang bi mancari aka untuak ka mambunuah Isa Almasih, jo sacaro ba-anok-anok, dek karano, inyo tu bi ta-kuik kabake urang nan banyak. 3Kamudian, Ubilih mamasuak-i di-ri Yudas nan banamo Iskariot, iyolah, salah surang dari kaduwo baleh pangi-kuik Isa Almasih. 4Dek karano itu Yu-das payi, sarato barundiang jo imam-imam kapalo, sarato jo kapalo-kapalo pangawal Baithullah, tantang baa ca-ro, supayo inyo dapek manyarahkan Isa Almasih kabake urang-urang tu. 5Urang-urang tu bi gadang ati, sara-to bi supakaik untuak ka mambari-kan pitih kabake Yudas. 6Yudas satu-ju, sarato muloi mancari wakatu nan tapek, untuak ka manyarahkan Isa Almasih kabake urang-urang tu, jo sa-caro nan indak dikatawui dek urang nan banyak. 7Tibolah wakatunyo dalam Ari Rayo Roti Indak Baragi, baraso domba un-tuak makanan Paskah musti didabiah. 8Mako, Isa Almasih manyuruah Petrus sarato jo Yahya, ”Payilah sadiyokan makanan Paskah untuak kito.” 9Inyo tu bi batanyo, ”Dima Angku niyo kami mampasiyaukkannyo?” 10Isa Almasih manjawauk, ”Pado wakatu angkau masuak ka kota, ka ba-suwo jo surang laki-laki, nan sadang mambawok sabuwah kendi barisi ayie. Mako, turuikkanlah inyo sampai ka ru-mah nan inyo masuak-i. 11Sarato kato-kanlah kabake urang nan punyo rumah tu: Angku Guru batanyo kabake ang-kau, ’Dimakoh tampaiknyo, Ambo sa-rato jo pangikuik-pangikuik Ambo, ka mamakan makanan Paskah?' 12Mako, urang nan punyo rumah tu, ka manun-juakkan kabake angkau, sabuwah ru-wangan gadang di ateh loteng, langkok sarato jo alaik paragaiknyo. Di sinanlah angkau musti mampasiyaukkannyo.” 13Mako, payilah Petrus jo Yahya ka kota, tibo di sinan, inyo tu bi manda-pati sagalo sasuatunyo, tapek bakcan-do nan dikatokan dek Isa Almasih. Sudah tu, inyo mampasiyaukkan ma-kanan Paskah tu. 14Kutiko lah tibo wakatunyo untuak makan makanan Paskah, Isa Almasih duduak, samo-samo jo pangikuik-pa-ngikuik-Nyo, di tampaik pajamuan tu. 15Sudah tu, Baliau bakato kabake pangikuik-Nyo, ”Ambo niyo sangaik mamakan makanan Paskah ko, samo-samo jo angkau sabalun Ambo ma-nangguangkan sansaro! 16Dek kara-no itu, picayolah: Ambo indak lai ka mamakan iko, sampai arati dari paja-muan ko, dinyatokan isuak di dalam Karajaan Allah.” 17Sasudah tu, Isa Almasih ma-am-biak cawan ayie anggur, sarato mangu-caukkan dowa syukur kabake Allah, kamudian, Baliau bakato, ”Ambiaklah ko, sarato bagi-bagikanlah; 18dek ka-rano itu, katawu-ilah: muloi dari sa-jak kiniko, Ambo indak lai ka mami-nun anggur ko, sampai isuak, kutiko lah tibo Karajaan Allah.” 19Kamudian, Isa Almasih ma-am-biak roti. Sasudah mangucaukkan do-wa syukur, Baliau mambalah-balah roti tu jo tangan-Nyo, sudah tu mam-barikan roti tu kabake pangikuik-Nyo, sambia bakato, ”Ikolah tubuah Ambo, nan disarahkan untuak angkau. Pabu-wek pulolah nan bakcando iko isuak, untuak ka mangana-ngana Ambo.” 20Baitu pulo, sasudah mamakan roti, Baliau mambarikan cawan ayie ang-gur tu, kabake pangikuik-Nyo sam-bia bakato, ”Cawan ko adolah pajan-jian Allah nan baru, nan disahkan jo darah Ambo darah nan dicurahkan untuak angkau.” 21”Tapi liyeklah! Urang nan ka mangkiyanaik-i Ambo, ado di siko sa-mo-samo jo Ambo! 22Anak Manusia, iyo ka mati bakcando nan lah ditan-tukan dek Allah; tapi, cilakolah urang nan mangkiyanaik-i Inyo!” 23Mako, pangikuik-pangikuik Isa Almasih tu, bi batanyo-tanyo sasamo inyo, siya di antaro inyo tu nan ka bakiyanaik tu. 24Di antaro pangikuik-pangikuik Isa Almasih tu, timbua patangkaran, tantang siya di antaro inyo tu, nan di-anggauk paliang takamuko. 25Isa Almasih bakato kabake inyo tu, ”Rajo-rajo banso nan indak ba Tuhan Allah, ma-ajauk rakyaiknyo, nan panguwa-so-panguwasonyo dinamokan ’Palin-duang Rakyaik'. 26Tapi, angkau indak buliah doh baitu. Musti sabaliaknyo, urang nan paliang takamuko di anta-ro angkau, inyo musti manjadi urang nan takabalakang, baitu pulo pamim-pin, inyo musti bakcando pisuruah. 27Siyakoh nan labiah ba-arago: urang nan duduak makan, atau urang nan malayani? Tantu urang nan duduak makan nan labiah ba-arago. Tapi, Ambo di siko di antaro angkau, saba-gai pisuruah. 28Dalam sagalo kasusahan Ambo, angkau tatauk ado samo-samo jo Ambo. 29Nan bakcando Bapak nan lah mambarikan kuwaso kabake Am-bo untuak mamarentah, baitu pulo Ambo, ka mambarikan pulo kabake angkau, kuwaso nan bakcando itu. 30Jo caro nan baitu, angkau buliah sato basanang-sanang samo jo Ambo isuak, di kutiko Ambo manjadi Rajo. Nan angkau ka bi duduak di ateh du-wo baleh buwah kurisi karajaan, un-tuak ka mamarentahi kaduwo baleh suku banso Israel.” 31”Simon, oih Simon, dangakanlah! Ubilih lah dibari ijin untuak mancubo-i angkau; nan bak gandun dipasisiahkan dari kuliknyo, sainggo nan elok disi-siahkan dari nan buruak. 32Tapi, Ambo lah badowa untuak angkau Simon, su-payo iman angkau jan bakucak. Jikok angkau lah babaliak kabake Ambo, mako, angkau musti manguwaikkan iman sudaro-sudaro angkau.” 33Petrus manjawauk, ”Tuhan, ambo namuah masuak pinjaro, sarato mati samo-samo jo Tuhan!” 34Isa Almasih bakato, ”Picayolah jo kecek Ambo Petrus, di ari ko juwo, sa-balun ayam bakukuak, angkau lah ti-go kali ma-engkari Ambo.” 35Sasudah tu, Isa Almasih bakato kabake pangikuik-Nyo, ”Dulu, kutiko Ambo ma-utuih angkau, Ambo indak mambuliahkan doh angkau mambawok puro, kampia atau tarompa, apokoh angkau bakakurangan kutiko itu?” Pangikuik Baliau bi manjawauk, ”Indak!” 36Isa Almasih bakato, ”Tapi kiniko, siya nan layi ba-puro atau ba-kampia, inyo musti mambawoknyo; baitu pu-lo, siya nan indak mampunyoi padang, inyo musti manjuwa jubahnyo untuak pambali padang. 37Dek karano itu, pi-cayolah, ayaik Alkitauk ado mangato-kan nan bakcando iko, ’ Inyo di-ang-gauk sabagai urang jahek,' itu musti tajadi di diri Ambo. Dek karano, apo nan lah tatulih di Alkitauk tantang di-ri Ambo, sadang tajadi kiniko.” 38Pangikuik-pangikuik Isa Almasih bakato, ”Tuhan, liyeklah, di siko ado padang duwo buwah.” ”Alah, lah cukuik tu!” kecek Isa Almasih. 39Isa Almasih barangkek dari ko-ta, sarato payi bakcando nan biaso ka Bukik Zaitun, nan pangikuik-pangi-kuik-Nyo, bi payi pulo samo-samo jo Baliau. 40Kutiko lah tibo di sinan tu, Baliau bakato kabake pangikuik-Nyo, ”Bi badowalah, supayo angkau jan bi badoso jikok angkau dicubo-i.” 41Kamudian, Baliau payi agak man-jauah dari pangikuik-Nyo, kiro-kiro sajarak sapambae-an batu, sudah tu, Baliau basilutuik, sarato jo badowa. 42Baliau badowa bakcando iko, ”Oih Bapak, jikok buliah, jauahkanlah da-ri Ambo, sagalo sansaro nan musti ka Ambo tangguangkan ko. Tapi, jan ma-nuruik kahandak Ambo, malainkan manuruik kahandak Bapak.” 43Surang malekaik datang kabake Baliau, sarato manguwaikkan Baliau. 44Isa Almasih sansaro sangaik sacaro jo batin, saing-go Baliau samakin basungguah-sung-guah badowa. Paluah Baliau bakcan-do darah manitiak ka tanah. 45Baru lah salasai badowa, Isa Almasih babaliak kabake pangikuik-pangikuik-Nyo. Baliau manamukan inyo tu sadang bi talalok, dek kara-no sangaik sadiah. 46Sudah tu, Baliau bakato kabake inyo tu, ”Baa mangko angkau bi talalok? Bi jagolah, sarato bi badowalah, supayo angkau jan bi kanai cobaan.” 47Samantaro Isa Almasih sadang ma-ngecek juwo lai, tibolah sarombong-an urang. Inyo tu dipimpin dek Yu-das, salah surang dari pangikuik Isa Almasih. Kamudian, Yudas payi man-dakek kabake Isa Almasih, sudah tu, ma-ibu Baliau. 48Tapi, Isa Almasih ba-kato kabake inyo, ”Yudas, apokoh jo sacaro ma-ibu tu, angkau nak mang-kiyanaik-i Anak Manusia?” 49Kutiko pangikuik-pangikuik Isa Almasih nan ado di sinan tu, mali-yek apo nan ka tajadi, mako inyo tu bi bakato, ”Tuhan, kami tabeh sajo-lah urang ko jo padang!” 50Mako, sa-lah surang dari inyo tu, manabeh pi-suruah imam basa jo padang, sainggo putuih talingonyo nan suwok. 51Tapi, Isa Almasih bakato, ”Alah tu!” Sudah tu Baliau ma-awai talingo urang tu, sarato mancegakkannyo. 52Kamudian, Isa Almasih bakato ka-bake imam-imam kapalo, sarato kaba-ke kapalo-kapalo pangawal Baithullah, sarato kabake pamimpin-pamimpin Yahudi, nan bi tibo ka sinan tu un-tuak ka manangkok Baliau, ”Apokoh Ambo ko urang jahek, mangko angku-angku bi tibo jo padang, sarato jo pa-lakak, untuak ka manangkok Ambo? 53Satiyok ari, Ambo ado samo-samo jo angku-angku di Baithullah, nan ang-ku-angku indak bi manangkok Ambo doh. Tapi, kinikolah masonyo angku-angku bi batindak, di kutiko kuwa-so ubilih nan manguwasoi diri ang-ku-angku.” 54Urang nan banyak tu manangkok Isa Almasih, sarato mambawok Baliau ka rumah imam basa. Petrus ma-ikuik-i dari jauah. 55Di tangah-tangah alaman rumah tu, api unggun lah di-iduikkan, nan Petrus payi duduak samo-samo, jo urang nan basangai di sakuliliang ung-gun tu. 56Ado surang pisuruah padu-si, manampak Petrus duduak di dakek unggun tu; inyo mamparatikan Petrus, kamudian, inyo bakato, ”Urang ko cako, samo-samo pulo ko jo si Isa tu!” 57Tapi, Petrus indak mangaku. Inyo bakato, ”Ambo indak bakatawuan ba-gai doh jo Urang tu!” 58Indak bara lamo kamudian, surang urang nan lain manampak Petrus, sarato jo bakato, ”Angkau kan iyo tamasuak pulo, dari salah surang pangikuik Urang tu!” Tapi, Petrus manjawauk, ”Indak, am-bo indak tamasuak inyo tu doh!” 59Kiro-kiro sa-jam kamudian, ado pulo surang urang nan lain, nan baka-to jo suwaro nan kuwaik, ”Iyo, urang ko iyo pangikuik si Isa ko, dek karano, inyo ko urang Galilea pulo ko!” 60Tapi, Petrus manjawauk, ”Apo mu-kasuik angku, ambo indak manga-rati!” Sakutiko tu juwo, samantaro Petrus sadang mangecek juwo lai, ayam baku-kuak. 61Isa Almasih pun ma-engong, sarato mancaliak kabake Petrus. Su-dah tu, baru lah takana dek Petrus, baraso Tuhan lah bakato kabake inyo, ”Sabalun ayam bakukuak di ari iko, angkau lah tigo kali ma-engkari Am-bo.” 62Mako, Petrus payi ka luwa, sa-rato manangih tasadu-sadu. 63Urang-urang nan sadang manjago Isa Almasih, bi mampamainkan, sara-to jo manangani Baliau. 64Inyo tu bi manyawok-i mato Baliau, sarato ba-tanyo kabake Baliau, ”Cubolah takok, siya urang nan manangani Angkau?” 65Sambuah lai kato-kato nan ma-ino, nan dikatokan dek urang-urang tu ka-bake Isa Almasih. 66Baru ari lah siang, pamimpin-pamimpin Yahudi, imam-imam ka-palo, sarato jo guru-guru ugamo bi bakumpua, sudah tu, Isa Almasih di-bawok ka adok-an Mahkamah Uga-mo Yahudi. 67Urang-urang tu bi ba-kato kabake Baliau, ”Agiah tawulah kabake kami, apokoh Angkau ko Rajo Panyalamaik?” Isa Almasih manjawauk, ”Jikok Ambo ma-agiah tawu kabake angku-angku, nan angku-angku, indak ka bi picayo juwo doh. 68Jikok Ambo batanyo ka-bake angku-angku, nan angku-angku, indak ka bi manjawauk doh. 69Tapi, muloi dari sajak kiniko, Anak Manu-sia ka duduak di sabalah suwok Allah Nan Mahakuwaso.” 70Kasadonyo urang tu bi bakato, ”Ji-kok baitu, Angkau ko Anak Allah?” Isa Almasih manjawauk, ”Angkau lah bi mangatokannyo.” 71Mako, urang-urang tu bi bakato, ”Indak paralu lai dek kito sasi! Kito lah mandangakan dari muluik Inyo sandiri!”

will be added

X\