LUKAS 20

1Pado suatu ari, Isa Almasih sa-dang ma-aja, sarato mamba-ritokan tantang Injil nan dari Allah, kabake urang-urang nan di dalam Baithullah. Imam-imam kapalo, gu-ru-guru ugamo, samo-samo jo pamim-pin-pamimpin Yahudi bi datang, 2sa-rato bi bakato kabake Isa Almasih, ”Cubolah agiah tawu kabake kami, jo kuwaso apokoh Angkau mampabuwek sagalo sasuatunyo ko? Siya nan mam-barikan kuwaso tu kabake Angkau?” 3Isa Almasih manjawauk, ”Ambo iyo nak batanyo pulo kabake angku-ang-ku. Cubo pulolah agiah tawu kabake Ambo, 4jo kuwaso dari siya tu, Yahya mampamandikan urang? Jo kuwaso dari Allah, atau dari manusia?” 5Mako, urang-urang tu bi barun-diang, ”Jikok kito katokan, ’Jo kuwa-so dari Allah,' mako, Inyo ka bakato kabake kito, ’Jikok baitu, baa mangko angku-angku indak bi picayo kabake inyo?' 6Tapi, jikok kito katokan, ’Jo ku-waso dari manusia,' mako, kasadonyo urang ka bi mamungkangi kito jo batu, dek karano, inyo tu bi picayo, baraso Yahya adolah surang nabi.” 7Akienyo urang-urang tu bi manjawauk, ”Indak tantu doh dek kami.” 8Mako, Isa Almasih bakato kabake inyo tu, ”Jikok baitu, Ambo indak ka mangatokan pulo doh kabake angku-angku, jo kuwaso siya Ambo mampa-buwek sagalo sasuatunyo ko.” 9Isa Almasih mancuritokan kabake urang-urang tu, parumpamoan nan bakcando iko, ”Adolah surang urang nan mananami satumpak parak ang-gur. Inyo mampasewokan parak tu kabake babarapo urang pakarajo, su-dah tu, inyo barangkek ka nagari lain, sarato lamo inyo manatauk di sinan tu. 10Kutiko lah tibo masonyo untuak ka ma-ambiak buwah anggur, mako, nan punyo parak tu, manyuruah pi-suruahnyo payi kabake urang-urang nan bakarajo tu, untuak mamintak nan bagian inyo. Tapi, urang-urang nan bakarajo tu manangani pisuruah tu, sudah tu, manyuruah inyo baba-liak pulang, indak mambawok sabu-wah alah juwo. 11Sasudah tu, nan pu-nyo parak tu manyuruah pulo surang lai pisuruahnyo nan lain; tapi, pisu-ruah tu ditangani pulo, sarato di-ino dek urang-urang nan bakarajo tu, su-dah tu, disuruah babaliak pulang, in-dak mambawok sabuwah alah juwo. 12Kamudian, nan punyo parak tu, manyuruah pisuruahnyo nan katigo. Tapi, pisuruah tu ditangani pulo dek urang-urang nan bakarajo tu, sara-to dicampakkannyo ka luwa dari pa-rak tu. 13Akienyo nan punyo parak tu bakato, ’Apo lai nan musti ambo pabuwek? Ambo ka manyuruah anak ambo sandiri, nan ambo kasiahi. Lah musti inyo ka di-aromaik-i dek urang-urang nan bakarajo tu!' 14Tapi, di ku-tiko urang-urang nan bakarajo di pa-rak tu, maliyek anak nan punyo parak tibo, mako, inyo tu bi bakato sasamo inyo, ’Iko suwarihnyo bana ko mah nan tibo. Molah kito bunuah paja ko, supayo kito mandapek arato pusako-nyo.’ 15Mako, urang-urang tu manja-ranjangkan anak nan punyo parak tu ka luwa, sudah tu inyo bunuah.” Kamudian, Isa Almasih batanyo, ”Jikok nan punyo parak tu lah baba-liak, apo nan ka inyo pabuwek tara-dok urang-urang pakarajo tu? 16Lah musti inyo ka datang, sarato ka mam-bunuah urang-urang pakarajo tu, su-dah tu manyarahkan parak tu kabake urang-urang pakarajo nan lain.” Dek mandanga nan baitu, mako, bi bakatolah urang-urang tu kabake Isa Almasih, ”Dijauahkan Allah nan bak-cando itu!” 17Isa Almasih mancaliak kabake urang-urang tu, sarato bakato, ”Jikok baitu, apo aratinyo ayaik Alkitauk nan tatulih bakcando iko? ’Batu nan indak tapakai dek urang tukang, lah manjadi batu nan tarutamu.’ 18Kasadonyo urang nan jatuah ka ateh batu tu, ka ramuak; baitu pulo, satiyok urang nan di-ampok dek batu tu, ka lumek manjadi abu.” 19Guru-guru ugamo Yahudi, sarato jo imam-imam kapalo tu bi tawu, ba-raso parumpamoan tu ditujukan dek Isa Almasih kabake inyo tu. Dek ka-rano itu, inyo tu nak ka manangkok Baliau sakutiko tu juwo, tapi, inyo tu bi takuik kabake urang nan banyak. 20Mako, inyo tu bi ba-usawo mancari wakatu nan tapek. Inyo tu mambari urang pitih, untuak manjadi icak-icak bakcando urang nan luruih, sarato ma-nyuruah urang-urang tu untuak man-jarek Isa Almasih, jo sagalo macam tanyo nan mambalik, supayo inyo tu dapek caro, untuak ka manyarahkan Isa Almasih kabake panguwaso, atau gubenur. 21Mako, urang-urang nan lah di-agiah pitih tu, bi bakato kabake Isa Almasih, ”Ngku Guru, kami tawu, ba-raso kasadonyo nan Angku katokan, sarato jo nan Angku ajakan tu batua. Kami tawu pulo, baraso Angku ma-aja jo sacaro taruih tarang, tantang apo nan kahandak Allah taradok manu-sia, dek karano, Angku indak pa-am-biak muko. 22Dek karano itu, cubolah Angku katokan kabake kami, manu-ruik paratuaran ugamo kito, layi bu-liahkoh kito mambayie pajak kabake Kaisar, atau indak?” 23Tapi, Isa Almasih tawu, tanyo nan manjarek dari urang-urang tu. Dek ka-rano itu, Baliau bakato, 24”Cubolah paliyekkan kabake Ambo, pitih perak tu agak ciyek. Gambar siya ko, sarato namo siya ko, nan ado di pitih ko?” Urang-urang tu bi manjawauk, ”Gam-bar Kaisar, sarato jo namo Kaisar!” 25”Jikok baitu, ” kecek Isa Almasih kabake urang-urang tu, ”Barikanlah kabake Kaisar, apo nan manjadi mi-liak Kaisar, baitu pulo, barikanlah ka-bake Allah, apo nan manjadi miliak Allah.” 26Tanyato di adok-an urang nan ba-nyak tu, indak ciyek juwo doh inyo tu manamukan kasalahan Isa Almasih. Urang-urang tu bi anok sajo, sarato bi tacangang, dek mandangakan ja-waukban dari Baliau tu. 27Babarapo urang dari golongan urang Saduki, bi tibo kabake Isa Al-masih. ( Inyo tu adolah golongan urang nan bi bapandapek, baraso urang-urang nan mati, indak ka di-iduikkan doh baliak.) Inyo tu bi batanyo kaba-ke Isa Almasih, 28”Angku Guru, Musa manulihkan paratuaran nan bakcan-do iko untuak kito: Jikok ado surang urang laki-laki nan mati, sarato indak mampunyoi anak, mako, dunsanak-nyo nan laki-laki, musti mampabini jandonyo tu, supayo untuak manyam-buang katurunan dari urang nan ma-ti tu. 29Dulu ado tajadi nan bakcando iko, ado tujuah urang laki-laki nan ba-dunsanak. Nan paliang tuwo babini, sudah tu inyo mati, indak maningga-kan anak. 30Kamudian, dunsanaknyo nan kaduwo, mampabini jandonyo tu, tapi, dunsanaknyo tu mati pulo, in-dak maninggakan anak. 31Kajadian nan bakcando itu, tajadi pulo jo dun-sanaknyo nan katigo, sampai jo dun-sanaknyo nan katujuah. 32Akienyo, padusi tu pun mati pulo. 33Isuak, di kutiko urang-urang nan mati di-iduik-kan baliak, jadi bini siyakoh urang pa-dusi tu? Dek karano, lah katujuah-tu-juahnyo laki-laki nan badunsanak tu, lah samo-samo mampabini inyo.” 34Isa Almasih manjawauk, ”Urang-urang nan iduik kiniko, inyo bi baru-mah tanggo, 35tapi, urang-urang nan patuik di-iduikkan baliak sasudah ma-ti, sarato nan iduik di jaman nan ka tibo, inyo tu indak ka bi barumah tanggo doh. 36Ka-adaan inyo tu ka bi bakcando ma-lekaik, sarato indak ka mati-mati lai sampai salamo-lamonyo. Inyo tu adolah anak-anak Allah, dek karano inyo tu lah di-iduikkan baliak dari kamatian. 37Mu-sa sandiri lah manyatokan jo sacaro nan jaleh, baraso satiyok urang nan mati ka di-iduikkan baliak. Nan lah inyo tulih-kan di Alkitauk, tantang samak baluka nan manyalo tu, inyo mangatokan bara-so, Tuhan tu adolah sabagai ’Allah Ibra-him, Allah Ishak sarato jo Allah Yakub'. 38Nan Allah tu, indak Allah urang mati doh! Tapi, Baliau tu adolah Allah urang-urang nan iduik! Dek karano di Allah, ka-sadonyo urang iduik.” 39Babarapo urang guru ugamo Ya-hudi, bi bakato, ”Jawaukban Angku Guru tu, tapek sangaik.” 40Dek kara-no itu, urang-urang tu indak bi bara-ni lai untuak mananyokan sagalo sa-suatu kabake Isa Almasih. 41Isa Almasih batanyo kabake urang-urang tu, ”Baa pulo tu, kok urang bi mangatokan, baraso Rajo Panyalamaik tu adolah katurunan Daud? 42Pado-hal Daud sandiri mangatokan di ki-tauk Zabur, ’Tuhan bakato kabake Tuhan ambo: Duduaklah di sabalah suwok-Den, 43sampai Den pabuwek musuah-musuah Angkau, bi tunduak kabake Angkau.’ 44Jadi, jikok Daud sandiri manga-tokan, baraso Rajo Panyalamaik tu adolah ’Tuhan’, dima pulo tu ka mung-kin Inyo katurunan Daud?” 45Samantaro urang bi mandangakan Isa Almasih mangecek, Baliau baka-to kabake pangikuik-pangikuik-Nyo, 46”Ingek-ingeklah taradok guru-guru ugamo Yahudi. Inyo tu bi suko baja-lan-jalan, jo mamakai jubah nan ma-rewok tanah, sarato suko di-aromaik-i urang di tangah pasa. Inyo tu bi su-ko duduak di tampaik nan ta-aromaik di dalam rumah ibadaik, baitu pulo di tampaik-tampaik urang baralek. 47Inyo tu bi mangicuahi urang-urang marando, sarato ma-ambiak-i rumah-nyo. Sudah tu, untuak panyawok-i ka-rajo buruaknyo tu, inyo bae badowa sapanjang tali baruak! Isuak, barek ukunan nan ka inyo tarimo!”

will be added

X\