LUKAS 2

1Pado wakatu itu, Kaisar Agustus mamarentahkan, supayo di-etong kasadonyo umaik mukaluak, nan di ka-ciyek-annyo Karajaan Roma. 2Ma-etong panduduak nan partamu kali ko, di-lansuangkan di kutiko Kirenius man-jadi gubenur nagari Siria. 3Kasadonyo urang pado wakatu itu, bi payi un-tuak mancataikkan diri, ka kotanyo surang-surang. 4Nan Yusuf pun barangkek dari Na-zaret di Galilea, ka Betlehem di Yudea, tampaik kalayieran Rajo Daud; dek karano Yusuf adolah katurunan Daud. 5Yusuf mancataikkan diri sa-mo-samo jo Maryam tunangannyo, nan sadang manganduang. 6Kutiko inyo tu sadang di Betlehem, tibolah wakatunyo dek Maryam, untuak ka malayiekan. 7Inyo malayiekan surang anak laki-laki, anaknyo nan partamu. Anak tu inyo paluik jo kain lampin, sudah tu, inyo latakkan di dalam la-wak-lawak nan barisi jarami; dek ka-rano, inyo tu indak mandapek tam-paik untuak bamalam. 8Pado malam tu, ado tukang-tukang gubalo nan sadang bi manjago domba-dombanyo, di tangah padang rumpuik di daerah tu. 9Indak di sangko-sang-ko, malekaik Tuhan manampakkan diri kabake inyo tu, sarato cahayo ta-rang nan dari Tuhan, bacahayo ma-narangi inyo tu, tukang-tukang gu-balo tu sangaik katakuik-an. 10Tapi, malekaik tu bakato, ”Jan takuik! Dek karano, ambo datang mambawok ka-ba baiak untuak angkau - kaba nan sangaik manggadangkan ati kasado-nyo urang. 11Di ari ko, di kota Daud lah layie Rajo Panyalamaik angkau, iyolah Isa Almasih, Tuhan. 12Ikolah tandonyo: Angkau ka mandapek-i, su-rang anak nan bapaluik jo kain lam-pin, nan sadang balalokkan di dalam sabuwah lawak-lawak.” 13Indak disangko-sangko, malekaik tu, disaratoi pulo dek banyak male-kaik nan lain, nan bi mamuji Allah. Inyo tu bi bakato, 14”Tapujilah Allah di langik nan sangaik tenggi! Sarato jo di muko bumi, tanang santosolah manusia nan layi manyanangkan ati Tuhan!” 15Sasudah malekaik-malekaik tu bi barangkek maninggakan inyo tu, sarato babaliak ka sarugo, mako, nan tu-kang-tukang gubalo tu, bi bakato sa-samo inyo, ”Molah kito ka Betlehem, untuak maliyek kajadian nan tajadi tu, nan lah di-agiah tawu dek Tuhan kabake kito.” 16Inyo tu bi bagageh payi barangkek, sudah tu, bi manamui Maryam, sarato jo Yusuf, sarato jo Anak tu, nan sadang lalok di dalam lawak-lawak. 17Kutiko tukang-tukang gubalo tu bi maliyek Anak tu, mako, inyo tu bi mancuritokan, apo nan dikatokan dek malekaik-malekaik tantang Anak tu. 18Kasadonyo urang bi tacangang, dek mandangakan curito tukang-tukang gubalo tu. 19Tapi, Maryam marasi-yokan kasadonyo tu di dalam atinyo, sarato ma-inok mamanuangkannyo. 20Tukang-tukang gubalo tu bi babaliak ka tangah padang, sambia bi mamuji, sarato jo mamuliekan Allah, dek kara-no, kasadonyo nan lah inyo danga, sa-rato nan lah inyo liyek, tapek bakcan-do nan dikatokan dek malekaik. 21Sasudah ba-umua salapan ari, Anak tu di sunaikkan. Sarato diba-ri namo, Yesus, (Isa Almasih), iyolah, namo nan dibarikan dek malekaik un-tuak-Nyo, sabalun Inyo dikanduang dek mandeh-Nyo. 22Tibolah masonyo dek Yusuf sara-to jo Maryam, untuak manjalankan atuaran panyucian, manuruik para-tuaran Musa. Mako, inyo tu mamba-wok Anak tu ka Yerusalem, untuak ka disarahkan kabake Tuhan. 23Dek karano, di dalam Paratuaran Ugamo Tuhan, tatulih bakcando iko, ”Satiyok anak laki-laki nan paliang tuwo, mus-ti disarahkan kabake Tuhan.” 24Inyo tu bi bamukasuik pulo, nak ka mam-pasambahkan karoban, iyolah, sapasang buruang balam, atau duwo ikua buruang parapati nan mudo, bakcan-do nan lah ditantukan dek Paratua-ran Tuhan. 25Pado wakatu itu, di Yerusalem ado surang urang nan banamo Sime-on. Inyo adolah urang elok, nan takuik kabake Allah, sarato sadang mananti-nantikan, masonyo Allah ka manyala-maikkan Israel. Roh Allah manyarato-inyo, 26nan Roh Allah, lah ma-agiah tawu kabake inyo, baraso inyo alun ka mati, sabalun inyo maliyek Rajo Pa-nyalamaik nan dijanjikan dek Tuhan. 27Dek karano bimbiangan Roh Allah, Simeon masuak ka Baithullah. Pado wakatu itu, Yusuf sarato jo Maryam, mambawok Isa Almasih nan ketek tu, masuak, untuak mambuwek upacara nan diparentahkan dek paratuaran ugamo. 28Mako, Simeon ma-ambiak Anak tu, sarato inyo pangku, sudah tu, inyo mamuji Allah, 29”Oih Tuhan, kiniko Angkau lah manapek-i janji Angkau. Biyalah pisuruah Angkau ko mati jo tanang santoso. 30Dek karano, jo mato ambo sandiri, ambo lah maliyek Panyalamaik nan datang dari Angkau. 31Panyalamaik tu lah Angkau sadiyokan, untuak sagalo banso: 32ibaraik tarang nan manarangi jalan, untuak banso-banso nan lain, untuak datang kabake Angkau; iyolah tarang nan mandatangkan kamuliyaan, untuak umaik Angkau Israel.” 33Yusuf jo Maryam bi tacangang, dek mandanga apo nan dikatokan dek Si-meon, tantang Anak inyo tu. 34Simeon mambarakaik-i inyo tu, sarato baka-to kabake Maryam, mandeh Anak tu, ”Anak ko lah dipiliah dek Allah, untuak ka mambinasokan, sarato jo untuak ka manyalamaikkan banyak umaik Israel. Inyo ka manjadi tando dari Allah, nan ka dilawan dek banyak urang, 35nan jo sacaro nan baitu, mako tabongka-lah, apo nan ado di ati urang-urang tu. Kasadiahan ka manusuak ati ang-kau, bakcando ditusuak dek padang nan tajam.” 36Ado pulo surang lai nabi padusi, nan lah gaek sangaik. Namonyo Ha-na, anak Fanuel, dari suku Asyer. Sa-sudah tujuah tawun barumah tanggo, 37Hana marando, nan kiniko inyo lah ba-umua salapan puluah ampek ta-wun. Inyo indak panah doh baranjak dari Baithullah. Siang malam inyo ba-ibadaik di sinan tu kabake Allah, jo sacaro badowa, sarato jo bapuwaso. 38Tapek pulo pado wakatu itu, inyo tibo, mako inyo pun mamuji Allah, sa-rato bakato tantang parkaro Anak tu, kabake sadonyo urang nan bi manan-ti-nantikan, masonyo Allah mamara-dekakan Yerusalem. 39Sasudah Yusuf jo Maryam, bi ma-ngarajokan kasadonyo nan diwajibkan dek Paratuaran Tuhan, mako, inyo tu bi babaliak ka Nazaret di Galilea. 40Anak tu batambah gadang, sarato batambah kuwaik. Inyo sangaik bijaksano, sara-to sangaik dikasiahi dek Allah. 41Satiyok tawun urang gaek Isa Almasih bi payi ka Yerusalem, un-tuak marayokan Ari Rayo Paskah. 42Kutiko Isa Almasih lah ba-umua duwo baleh tawun, Inyo payi pulo jo urang gaek-Nyo ka Ari Rayo Pas-kah tu, bakcando nan biaso. 43Kuti-ko lah salasai Ari Rayo tu, inyo tu bi pulang, tapi, Isa Almasih, Anak tu, di Yerusalem juwo lai, nan ba-pak jo mandeh-Nyo, indak bi tawu. 44inyo tu bi manyangko, Isa Almasih ado dalam rombongan. Sasudah bajalan sapanjang ari, barulah urang gaek-Nyo bi mancari Isa Almasih, di antaro sanak sudaro, sarato di an-taro urang-urang nan bakatawuan jo inyo tu. 45Tapi, Isa Almasih in-dak juwo doh basuwo, mako, urang gaek-Nyo tu babaliak ka Yerusalem, untuak mancari Inyo. 46Sasudah ti-go ari urang gaek-Nyo mancari, ba-rulah basuwo jo Isa Almasih, Inyo ado di Baithullah. Inyo sadang du-duak mandangakan guru-guru uga-mo, sarato banyak batanyo. 47Kasa-donyo urang nan bi mandangakan Inyo, bi tacangang, dek karano, sa-galo jawaukban-Nyo sabana tapek. 48Urang gaek-Nyo pun bi tacangang maliyek Isa Almasih. Mandeh-Nyo bakato kabake Inyo, ”Oih Nak, baa mangko Angkau pabuwek nan bak-cando iko kabake kami? Mandeh jo apak, lah bi cameh dek manca-ri Angkau!” 49Isa Almasih manjawauk, ”Baa mangko apak jo mandeh mancari Ambo? Apokoh apak jo mandeh in-dak tawu, baraso Ambo musti bara-do di rumah Bapak Ambo?” 50Tapi, urang gaek-Nyo tu indak bi manga-rati jo kecek Isa Almasih tu. 51Kamudian, Isa Almasih pulang samo-samo jo urang gaek-Nyo ka Na-zaret, sarato patuah kabake urang gaek-Nyo tu. Kasadonyo kajadian tu, dirasiyokan sajo dek Maryam di dalam atinyo. 52Isa Almasih sama-kin batambah gadang, sarato batam-bah bijaksano, sarato dikasiahi dek Allah, sarato disuko-i dek urang nan banyak.

will be added

X\