LUKAS 19

1Kutiko Isa Almasih lah tibo di Yerikho, Baliau taruih juwo ba-jalan malintehi kota tu. 2Di kota tu, ado surang kapalo tukang mintak pa-jak nan kayo. Namonyo Zakheus. 3Inyo niyo nak maliyek, siya Isa Almasih tu, tapi, dek karano urang nan sangaik ra-mi, sadangkan inyo sandiri, badannyo randah, mako, inyo indak dapek doh maliyek Isa Almasih. 4Dek karano itu, inyo balari mandawului urang nan rami tu, sudah tu, inyo mamanjek ka batang kayu, supayo inyo dapek maliyek Isa Almasih, nan sabanta lai ka lalu di si-nan tu. 5Kutiko Isa Almasih lah tibo di dakek batang kayu tu, Baliau maliyek ka ateh sambia bakato, ”Oih Zakheus, capeklah turun! Dek karano, ari ko Am-bo musti singgah ka rumah angkau.” 6Zakheus bagageh turun, sarato manyambuik Isa Almasih jo sukocito. 7Kasadonyo urang nan bi maliyek ka-jadian tu, muloi bi manggarutok. Inyo tu bi bakato, ”Ndeh! Inyo namuah pa-yi batamu, ka rumah urang nan in-dak elok!” 8Kamudian, satibo di rumahnyo, Zakheus tagak, inyo bakato kabake Isa Almasih, ”Tuhan, sapaduwo dari arato bando ambo, ka ambo sidakah-kan kabake urang nan bansaik; baitu pulo, siapo sajo nan panah ambo ki-cuah, mako, ka ambo bayie baliak ka-bake inyo, ampek kali lipek!” 9Sudah tu, Isa Almasih bakato, ”Di ari ko juwo, angkau sarato jo kasado-nyo kaluarga angkau, disalamaikkan dek Allah, sarato dibarikan iduik nan baru, dek karano, angkau adolah katu-runan Ibrahim pulo. 10Anak Manusia datang untuak mancari, sarato manya-lamaikkan urang nan sasek.” 11Samantaro urang sadang bi manda-ngakan Isa Almasih mangecek, Baliau mancuritokan sabuwah parumpamoan. Dek karano, pado wakatu itu Baliau barado dakek Yerusalem, nan urang bi manyangko, baraso Karajaan Allah ka sacapeknyo kaliyatan. 12Isa Almasih bakato, ”Adolah surang urang baban-so, nan nak payi ka nagari nan jauah, untuak ka di-angkek manjadi rajo, sa-sudah babarapo lamo, inyo babaliak. 13Sabalun barangkek, inyo ma-im-bau sapuluah urang pisuruahnyo, sa-rato mambarikan kabake satiyok pisu-ruahnyo tu sakapiang pitih ameh. Inyo bakato ’Bi manggalehlah jo pitih ko samantaro ambo sadang payi baja-lan.’ 14Tapi, panduduak nagarinyo tu jajok kabake inyo. Dek karano itu, sa-sudah inyo barangkek, urang-urang tu mangirin utusan untuak payi ma-ngatokan, ’ Kami indak niyo doh, ji-kok urang ko nan ka manjadi rajo kami.’ 15Tapi, urang babanso tu di-angkek juwo manjadi rajo, kamudian babaliak ka nagarinyo. Sacapeknyo inyo ma-im-bau kasadonyo pisuruahnyo supayo bi mangadauk, untuak mangatawui bara ka-untungan nan lah dipadapek dek inyo tu. 16Pisuruah nan partamu ti-bo, sambia bakato, ’Angku, pitih ameh nan ciyek dulu, nan angku barikan tu, lah ambo jadikan sapuluah.’ 17Urang babanso tu bakato, ’Santiang wa-ang, wa-ang pisuruah nan elok! Dek kara-no, dalam parkaro-parkaro nan ke-tek wa-ang dapek dipicayo-i, mako, ambo ka manjadikan wa-ang pangu-waso taradok sapuluah buwah kota.’ 18Pisuruah nan kaduwo tibo sambia bakato, ’Angku, pitih ameh nan ciyek dulu, nan angku barikan tu, lah am-bo jadikan limo.’ 19Kabake pisuruah tu, rajo tu bakato, ’Wa-ang ka ambo jadikan panguwaso taradok limo bu-wah kota.’ 20Pisuruah nan lain tibo sambia bakato, ’Angku, ikonyo pitih angku nan dulu; ambo andokkan da-lam salabeta. 21Ambo takuik kabake angku, dek karano angku urangnyo sanga. Angku ma-ambiak apo nan in-dak miliak angku, sarato ma-ambiak asie, di tampaik nan indak angku doh nan mananaminyo.’ 22Rajo tu bakato kabake pisuruah tu, ’Wa-ang adolah pisuruah nan jahek! Sasuwai jo kato-kato wa-ang sandiri, wa-ang ka den ukun. Layi mah wa-ang tawu, bara-so aden urangnyo sanga: aden ma-am-biak, apo nan indak waden punyo, sa-rato ma-ambiak asie, di tampaik nan indak waden mananam. 23Jikok baitu, baa mangko indak wa-ang masuak-kan sajo pitih den tu, ka Lumbuang Pitih Nagari, supayo jikok waden lah babaliak, aden bisa ma-ambiak pitih den tu baliak sarato jo bungonyo?' 24Kamudian, rajo tu bakato kabake urang-urang nan bi tagak di sinan tu, ’Ambiaklah baliak pitih tu dari paja ko, sarato barikanlah kabake pisuruah nan lah mampunyoi sapuluah pitih ameh tu.’ 25Tapi, urang-urang tu bi bakato, ’Angku, inyo lah mampunyoi sapuluah pitih ameh.’ 26Rajo tu man-jawauk, ’ Kana-ilah apo nan ambo ka-tokan ko: urang nan lah mampunyoi, kabake inyo ka dibarikan lai nan la-biah banyak. Tapi, urang nan indak mampunyoi sabuwah alah juwo, apo nan ado dek inyo, ka di-ambiak pulo dari inyo. 27Nan kiniko, bawoklah ka mari musuah-musuah den tu, urang nan indak bi namuah waden manja-di rajonyo. Bunuahlah inyo tu kasa-donyo di adok-an den ko!' ” 28Sasudah Isa Almasih mangato-kan kasadonyo tu, Baliau bajalan di adok-an urang-urang tu manuju ka Yerusalem. 29Kutiko lah tibo di da-kek Betfage jo Betania, di Bukik Zai-tun, Baliau manyuruah duwo urang pangikuik-Nyo payi bajalan labiah da-wulu. 30IsaAlmasih bakato, ”Payilah ka kampuang nan di adok-an tu, jikok angkau lah bi tibo di sinan tu, ang-kau ka manampak sikua anak kala-dai sadang ta-pauik. Kaladai tu alun panah lai diracak urang. Bukaklah pauiktannyo, sudah tu bawoklah ka-mari. 31Jikok ado urang nan batanyo kabake angkau, ’Baa mangko angkau bawok kaladai tu?' mako, katokanlah kabake urang tu, ’Tuhan nan mama-ralukannyo.’ ” 32Kaduwo urang pangikuik Isa Almasih tu bi payi, sarato mandapati ka-sadonyo tu, tapek bakcando nan lah di-katokan dek Baliau. 33Samantaro inyo tu bi mambukak pauiktan anak kaladai tu, urang nan punyo kaladai tu, bakato kabake inyo tu, ”Oih, baa mangko ang-kau bukak pauiktan kaladai tu?” 34Inyo tu bi manjawauk, ”Tuhan nan mamaralukannyo.” 35Sudah tu, inyo tu mambawok anak kaladai tu kabake Isa Almasih. Kamudian, inyo tu bi ma-ngambangkan jubah inyo dipungguang kaladai tu, sarato manolong Isa Almasih untuak nayiak ka atehnyo. 36Saman-taro Baliau lalu maracak kaladai tu, urang-urang tu bi mambantangkan jubahnyo di tangah jalan. 37Kutiko Isa Almasih lah ampia ka tibo di Yerusalem, di labuah nan manurun di Bukik Zaitun, kasadonyo pangikuik-pa-ngikuik Baliau nan banyak tu, muloi bi mandendangkan lagu puji-pujian kabake Allah, sarato mangucauk syukur kabake Baliau, dek karano kasadonyo mukjizat nan lah inyo caliak. 38Inyo tu bi manyo-rakkan, ”Dibarakaik-ilah Rajo nan datang ateh namo Tuhan! Tanang santoso di saru-go, sarato kamuliyaan untuak Allah!” 39Babarapo urang Farisi di antaro urang nan banyak tu, bi bakato kabake Isa Almasih, ”Angku Guru, suruahlah pa-ngikuik-pangikuik Angku tu bi anok.” 40Isa Almasih manjawauk, ”Picayolah jo kecek Ambo! Jikok inyo tu bi anok, ma-ko batu nan banyak ko nan ka basorak.” 41Kutiko Isa Almasih lah batambah da-kek ka Yerusalem, sarato maliyek kota tu, Baliau maratok-inyo. 42Baliau bakato, ”Ndeh ibonyo Ambo jo angkau, baralah ka eloknyo, jikok di ari ko angkau tawu, apo nan dapek mandatangkan padamai-an untuak angkau! Tapi, kiniko angkau indak dapek doh maliyeknyo. 43Angkau ka mangalami suatu maso, pado maso tu, musuah angkau ka mambuwek benteang di sakuliliang angkau; inyo tu ka manga-puang angkau, sarato ka mandasak ang-kau, dari sagalo pinjuru. 44Inyo tu ka bi marusak binasokan angkau, samo-samo jo kasadonyo panduduak angkau; sarato in-dak ciyek juwo doh batu bangunan ko, nan ka inyo padiyakan talatak elok di tampaik-nyo, dek karano angkau indak bi mam-paratikan, di kutiko Allah datang untuak manyalamaikkan angkau!” 45Isa Almasih masuak ka Baithullah, sarato ma-usie kasadonyo urang-urang nan bi manggaleh di sinan tu. 46Baliau bakato kabake urang-urang tu, ”Di dalam Alkitauk, ado tatulih nan bak-cando iko: Allah bakato, ’Rumah-Den ka manjadi rumah tampaik badowa.’ Tapi, dek angkau bajadikan tampaik sarang panyamun!” 47Satiyok ari, Isa Almasih ma-aja di Baithullah. Imam-imam kapalo, sa-rato jo guru-guru ugamo, sarato jo pamimpin-pamimpin Yahudi, nak ka mambunuah Baliau, 48tapi, inyo tu indak manamukan jalan, untuak ka ma-ujuikkan niyaik buruaknyo tu, dek karano kasadonyo urang sangaik su-konyo mandangakan pangajaran Isa Almasih, sarato suko pulo jo sagalo kato-kato Baliau.

will be added

X\