LUKAS 18

1Sasudah tu, Isa Almasih man-curitokan sabuwah parumpa-moan, untuak ma-aja pangikuik-pa-ngikuik-Nyo, supayo inyo tu bi tatauk badowa, sarato jan baputuih aso. 2Isa Almasih bakato, ”Di sabuwah kota, ado surang hakim nan indak takuik kabake Allah, sarato indak paduli kabake si-apo pun juwo. 3Di kota tu ado pulo su-rang urang marando, nan lah ba-ulang kali mangadauk hakim tu, mamin-tak supayo parkaronyo dibela. Urang marando tu bakato, ’Angku tolonglah ambo untuak ma-adok-i lawan ambo.’ 4Babarapo wakatu lamonyo, nan ha-kim tu indak namuah doh manolong urang marando tu. Tapi, akienyo ha-kim tu bapikie, ’Biyapun ambo indak takuik kabake Allah, sarato indak pa-duli kabake siapo pun juwo, 5tapi, dek karano urang marando ko taruih juwo tibo manggaduah ambo, labiah elok ambo bela sajo parkaro inyo. Jikok in-dak, inyo ka taruih-manaruih datang, sarato manyeso ambo.’ ” 6Sudah tu, Tuhan bakato, ”Parati-kanlah apo nan dikatokan dek hakim nan jahek tu! 7Jadi, apokoh Allah in-dak ka mambela parkaro umaik-Nyo sandiri, nan ba-imbau mintak tolong kabake Baliau siang jo malam? Apo-koh Baliau ka mampalambek-lambek wakatu, untuak manolong umaik-Nyo tu? 8Picayolah: Baliau ka sacapeknyo mambela parkaro umaik-Nyo tu! Ta-pi, jikok Anak Manusia datang isuak, apokoh Inyo layi ka manamukan ju-wo lai, urang-urang nan ba-iman ka-bake Inyo, di muko bumi ko?” 9Isa Almasih mancuritokan pulo pa-rumpamoan nan bakcando iko, nan Baliau tujukan kabake urang nan ma-remehkan urang lain, sarato nan ma-anggauk dirinyo urang siyak. 10Isa Almasih bakato, ”Adolah urang du-wo urang, nan bi payi badowa ka Baithullah. Nan surang, urang Fari-si, nan surang lai tukang mintak pa-jak. 11Urang Farisi tu tagak manyan-diri, sarato badowa, ’Yo Allah, ambo sabana batarimo kasih kabake Angkau, dek karano, ambo indak doh bakcando urang nan lain, nan tamak, nan ciluah, atau nan pajina. Ambo basyukur, dek karano ambo indak bakcando tukang mintak pajak tu. 12Ambo bapuwaso duwo kali sapakan, nan ambo mam-pasambahkan kabake Angkau, sapar-sapuluah dari sagalo pandapatan am-bo.’ 13Tapi, nan tukang mintak pajak tu, inyo tagak jauah-jauah, sarato ma-lah indak barani maningadah ka la-ngik. Sambia ma-uruik dado, inyo ba-kato, ’Yo Allah, ibo-ilah ambo, urang nan badoso ko!' ” 14Isa Almasih bakato, ”Picayolah, pado wakatu pulang ka rumah, tukang mintak pajak tu lah, nan ditarimo dowanyo dek Allah, sarato indak urang Farisi tu doh. Dek karano, satiyok urang nan maneng-gikan diri, mako, inyo ka dirandahkan; baitu pulo, satiyok urang nan marandah-kan dirinyo, mako, inyo ka ditenggikan.” 15Ado urang nan bi mambawok-i anak-anak ketek kabake Isa Almasih, supayo Baliau ma-awai sarato jo mambarakaik-i inyo tu. Kutiko pangikuik-pangikuik Isa Almasih maliyek nan baitu tu, inyo tu bi mambangihi urang-urang tu. 16Tapi, Isa Almasih ma-imbau anak-anak tu, sudah tu, bakato kabake pangikuik-pangikuik-Nyo, ”Padiyakan sajolah anak-anak tu bi datang kabake Ambo! Jan ditagah pulo inyo tu, dek karano, urang nan bakcando ikolah, nan ka manjadi pamiliak Karaja-an Allah. 17Kana-ilah apo nan Ambo kato-kan ko! Urang nan nak mangadauk Allah, jikok inyo indak bakcando surang anak ketek, mako, inyo indak ka dapek doh ma-suak Karajaan Allah.” 18Surang pamimpin Yahudi bata-nyo kabake Isa Almasih, ”Ngku Guru nan elok, apo nan musti ambo pabu-wek, supayo ambo mandapek iduik sajati nan kaka?” 19Isa Almasih manjawauk, jo sa-buwah tanyo kabake urang tu, ”Baa mangko angkau katokan Ambo ko elok? Indak ado doh nan elok, salain dari-pado Allah sandiri. 20Angkau tantu lah tawu sagalo parentah Allah: ’Jan bajina, jan mambunuah, jan manci-lok, jan bakato duto, sarato aromaik-ilah apak jo mandeh.’ ” 21Urang tu manjawauk, ”Kasadonyo parentah tu, lah ambo karajokan sa-jak dari maso mudo ambo.” 22Dek mandanga jawauk urang tu, Isa Almasih bakato, ”Ado juwo ciyek lai nan musti angkau pabuwek: Payi-lah juwa kasadonyo arato angkau, sa-rato barikanlah pitihnyo kabake urang nan bansaik, mako, angkau ka man-dapek arato di sarugo. Sasudah tu ba-baliaklah kamari ma-ikuik-i Ambo.” 23Tapi, kutiko urang tu mandanga nan baitu, risau atinyo, dek karano inyo kayo sangaik. 24Isa Almasih tawu, baa parasaan urang tu, dek karano itu Baliau ba-kato, ”Sulik sangaik dek urang-urang nan kayo untuak masuak Karajaan Allah! 25Labiah mudah lai sikua un-to masuak lubang pinjayik, daripa-do surang urang kayo masuak Kara-jaan Allah.” 26Urang-urang nan bi mandanga Isa Almasih bakato bakcando itu, bi ba-tanyo, ”Jikok baitu, siya sajo nan la-yi ka bisa salamaik?” 27Isa Almasih manjawauk, ”Nan mustayie dek manusia, indak musta-yie doh dek Allah!” 28Sudah tu, Petrus bakato, ”Liyek-lah Ngku! Kami lah bi maninggakan sagalo miliak kami, sarato lah ma-ikuik-i Angku.” 29Isa Almasih bakato, ”Picayolah urang nan lah bi maninggakan rumah-nyo, atau bininyo, atau dunsanaknyo, atau apak jo mandehnyo, atau anak-anaknyo, dek karano malayani Allah, 30mako, urang tu ka manarimo baliak, nan balipek kali gando di maso kini-ko, baitu pulo, di jaman nan ka tibo, kabake inyo ka dibarikan iduik saja-ti nan kaka.” 31Isa Almasih mambawok baganjua, kaduwo baleh urang pangikuik-Nyo, su-dah tu, Baliau bakato, ”Dangakanlah ke-cek Ambo ko! Kiniko kito manuju ka Ye-rusalem. Tibo di sinan tu, kasadonyo nan lah ditulihkan dek nabi-nabi tan-tang Anak Manusia, ka tajadi. 32Inyo ka disarahkan, kabake urang-urang nan in-dak ba Tuhan Allah, nan ka mampama-in-mainkan Inyo, ka ma-ino Inyo, sarato ka maliyua-i Inyo. 33Urang-urang tu ka bi mancambuik, sarato ka mambunuah Inyo, tapi, di ari nan katigo, Inyo ka iduik baliak, kaluwa dari kubua.” 34Kasadonyo nan dikatokan dek Isa Almasih tu, indak di mangarati sa-ketek juwo doh, dek pangikuik-pa-ngikuik Baliau. Arati dari kato-kato Baliau tu, dirasiyokan taradok inyo tu. Inyo tu indak bi tawu, tantang parka-ro apo nan Baliau bicarokan. 35Kutiko Isa Almasih lah ampia ka tibo di Yerikho, ado surang urang bu-to, nan sadang duduak di tapi jalan mintak sidakah. 36Kutiko inyo man-danga, urang nan banyak nan bi lalu, inyo batanyo, ”Ado apo tu?” 37Urang-urang tu bi manjawauk, ”Isa Almasih urang Nazaret tu, Baliau nan lalu.” 38Mako, urang nan buto tu ba-imbau sakuwaik suwaronyo, ”Oih Isa Almasih, Anak Daud! Ibo-ilah ambo ko!” 39Urang-urang nan di adok-an, mam-bangihi inyo, sarato manyuruah inyo anok. Tapi, inyo malah ba-imbau labiah kuwaik lai daripado nan cako, ”Oih Anak Daud! Ibo-ilah ambo ko!” 40IsaAlmasih baranti, sarato manyu-ruah urang untuak mambawok urang buto tu kabake Baliau. Kutiko urang buto tu, lah tibo di adok-an Baliau, Isa Almasih batanyo, 41”Apo nan ang-kau niyo, nan ka Ambo pabuwek un-tuak angkau?” Urang buto tu manjawauk, ”Angku, ambo niyo mato ambo ko bisa mali-yek.” 42Sudah tu, Isa Almasih bakato, ”Ji-kok baitu, maliyeklah! Dek karano ang-kau picayo kabake Ambo, itu mang-konyo angkau cegak.” 43Sakutiko tu juwo, urang nan bu-to tu bisa maliyek, sudah tu, inyo pa-yi ma-ikuik-i Isa Almasih, sarato jo batarimo kasih kabake Allah. Kutiko urang nan banyak maliyek kajadian tu, mako, inyo tu kasadonyo bi ma-muji-muji Allah.

will be added

X\