LUKAS 16

1Isa Almasih bakato kabake pa-ngikuik-pangikuik-Nyo, ”Ado-lah surang urang kayo. Inyo mampu-nyoi surang pagawai ka-uwangan nan ma-uruih aratonyo. Urang kayo tu mandapek kaba, baraso pagawai ka-uwangan tu, ma-abih-abihkan pi-tihnyo. 2Dek karano itu, inyo imbau pagawai ka-uwangan tu, sarato jo ba-tanyo, ’Apokoh iyo batua tu, nan ambo danga tantang ulah wa-ang tu? Ki-niko, bawoklah kamari pambukuan nan langkok, tantang karajo wa-ang dalam ma-uruih arato ambo. Wa-ang indak buliah lai manjadi pagawai ka-uwangan ambo.’ 3Mako, pagawai ka-uwangan tu bakato dalam atinyo, ’Apo nan musti ambo pabuwek kiniko? In-duak samang ambo nak ka mamparan-tikan ambo. Ka mamangkua, di ambo indak talok; ka mintak sidakah ambo malu. 4Ambo ado aka; jikok ambo dipa-rantikan, sabalunnyo ambo musti man-cari kanti nan banyak, nan ka mam-bawok tompang ambo di rumahnyo!' 5Dek karano itu, pagawai ka-uwangan tu ma-imbau satiyok urang, nan bi ba-utang kabake induak samangnyo. Ka-bake urang nan partamu inyo bakato, ’Bara utang angkau kabake induak sa-mang ambo?' 6Urang tu manjawauk, ’Saratuih embe minyak zaitun.’ Paga-wai tu bakato kabake inyo, ’Duduak-lah, ikonyo surek utang angkau, ca-peklah, surekkan sajolah limo puluah embe.’ 7Kamudian, inyo batanyo ka-bake urang nan kaduwo, ’Nan angkau, bara utang angkau?' Urang tu manja-wauk, ’Saribu sumpik gandun.’ Paga-wai ka-uwangan tu bakato kabake inyo, ’Ikonyo surek utang angkau. Tulihkan sajolah: salapan ratuih.’ 8Mako, induak samang dari paga-wai nan pangicuah tu, mamuji paga-wainyo tu, dek karano akanyo nan cadiak tu; dek karano, urang-urang dunia ko, labiah santiang ma-atur sa-galo karajonyo, daripado urang-urang nan iduik di dalam tarang.” 9Sudah tu, Isa Almasih bakato pulo baliak, Baliau bakato, ”Dangakanlah kecek Ambo ko! Pagunokanlah arato dunia ko untuak pancari kanti, supa-yo, jikok arato dunia ko lah indak ba-arago lai, mako, angkau ka ditarimo di tampaik tingga nan kaka. 10Urang nan bisa dipicayo-i dalam parkaro-par-karo nan ketek, bisa pulo dipicayo-i dalam parkaro-parkaro nan gadang. Tapi, urang nan indak bisa dipicayo-i dalam parkaro-parkaro nan ketek, in-dak bisa pulo dipicayo-i dalam parka-ro-parkaro nan gadang. 11Jadi, jikok tantang parkaro arato dunia ko, ang-kau lah indak dapek dipicayo-i, siya pulolah urang nan ka namuah, mam-picayokan arato rohani kabake ang-kau? 12Nan jikok tantang arato urang lain, angkau lah tabukti indak dapek dipicayo-i, siya pulolah urang nan ka namuah mambarikan kabake angkau, apo nan manjadi miliak angkau? 13Indak surang juwo doh urang nan bisa bakarajo, untuak duwo urang in-duak samang; dek karano, inyo ka la-biah mangasiahi nan surang ko, daripa-do nan surang lai, atau, inyo ka labiah tuluih kabake induak samangnyo nan iko, daripado ka nan surang lai. Baitu pulolah jo angkau. Angkau indak ka bi-sa doh bakarajo untuak Allah, sarato bakarajo pulo untuak arato bando.” 14Urang-urang Farisi bi mandanga-kan kasadonyo, apo nan dikatokan dek Isa Almasih. Mako, inyo tu bi manci-meehkan Baliau, dek karano inyo tu bi cangok ka pitih. 15Tapi, Isa Alma-sih bakato kabake inyo tu, ”Angkaulah urangnyo, jikok di adok-an urang, bak-cando urang siyak, tapi, Allah manga-tawui isi ati angkau. Dek karano, apo nan disanjuang-sanjuang dek manusia, dipandang randah dek Allah. 16Paratuaran ugamo nan di-ajakan dek Musa, sarato jo ajaran nabi-nabi, tatauk balaku, sampai ka maso Yahya Pambaptis. Sajak dari wakatu itu, Ka-ba Baiak tantang baa caro Allah ma-marentah sabagai Rajo, taruih dibari-tokan. Nan urang bi mamasokan diri untuak manjadi umaik Allah. 17Tapi, labiah mudah lai langik jo bumi ilang lanyok, daripado ma-ilangkan ciyek uruih dalam Paratuaran Allah. 18Siya nan mancaraikan bininyo, su-dah tu, babini kabake padusi nan la-in, urang tu samo tu jo bajina. Baitu pulo, urang nan babini ka padusi, nan lah dicaraikan dek lakinyo, urang tu samo pulo tu jo bajina.” 19”Adolah surang urang nan kayo. Pakaiannyo dari kain nan maha-ma-ha, nan iduiknyo dalam kamewahan satiyok ari. 20Di adok-an pintu rumah-nyo, duduaklah surang urang nan ban-saik, nan banamo Lazarus. Badannyo panuah dek kada. 21Inyo nak ma-isi paruiknyo, jo apo nan jatuah dari me-ja urang kayo tu. Malahan anjiang bi tibo manjilek-i kadanyo. 22Kamudian, urang nan bansaik tu maningga, sudah tu, inyo dibawok dek malekaik ka tampaik nan ta-aromaik, di sampiang Ibrahim di sarugo. Urang nan kayo tu, maningga pulo, sarato dikubuakan. 23Di dunia urang ma-ti, urang nan kayo tu barek sangaik kasansaroannyo. Kutiko inyo mali-yek dari sinan ka ateh, inyo manam-pak Ibrahim di tampaik nan jauah, nan Lazarus tagak di dakek Ibrahim. 24Urang nan kayo tu, ba-imbau ka-bake Ibrahim. ’Oih angku Ibrahim, ibo-ilah ambo ko. Suruahlah Lazarus marandamkan jarinyo ka dalam ayie, sudah tu, suruahlah inyo kamari un-tuak mambasahi lidah ambo. Ambo sabana sansaro di dalam api ko!' 25Tapi, Ibrahim manjawauk, ’Oih anak ambo: kana-ilah salamo iduik angkau, angkau lah mandapek kasa-donyo nan elok-elok, sadangkan La-zarus, mandapek nan buruak-buruak. Kiniko inyo iduik sanang di siko, nan angkau sansaro. 26Salain dari itu, di antaro angkau jo kami, lah dibuwek sabuwah jurang nan dalam, supayo urang nan di siko, indak bisa payi ka sinan, baitu pulo urang nan di sinan, indak bisa datang kamari!' 27Urang kayo tu bakato, ’Jikok baitu ngku, am-bo sabana mamintak tolong kabake angku, untuak manyuruah si Lazarus payi ka rumah apak ambo. 28Ado li-mo urang dunsanak ambo di sinan tu. Suruahlah si Lazarus mamparingek-kan inyo tu, supayo inyo tu jan sam-pai bi masuak pulo, ka tampaik san-saro nan padiah ko.’ 29Ibrahim manjawauk, ’ Inyo tu lah bi mampunyoi kitauk-kitauk Musa, sa-rato jo kitauk nabi-nabi! Padiyakanlah inyo tu untuak ma-ikuik-i, apo nan lah tatulih di kasadonyo kitauk tu!' 30Tapi, urang kayo tu manjawauk, ’Indak cu-kuik doh jikok baitu sajo, angku Ibra-him. Tapi, jikok ado urang nan lah mati, iduik baliak, sudah tu, datang kabake inyo tu, mako, inyo tu ka bi batobaik dari doso-dosonyo.’ 31Tapi, Ibrahim ba-kato, ’Jikok inyo tu indak bi ma-acuah-kan parentah Musa, sarato jo parentah nabi-nabi, mako, lah musti inyo tu in-dak ka bi ba-iman pulo doh, biyapun ado urang mati nan iduik baliak.’ ”

will be added

X\