LUKAS 15

1Pado suatu ari, banyak tukang-tukang mintak pajak, sarato jo urang-urang nan di-anggauk indak elok dek masarakaik, bi tibo untuak mandangakan pangajaran Isa Almasih. 2Urang-urang Farisi, sarato jo guru-guru ugamo Yahudi, muloi bi manca-ruco. Inyo tu bi bakato, ”Ndeh, Urang ko niyo manarimo urang-urang nan in-dak elok, malah makan samo-samo jo inyo tu!” 3Dek karano itu, Isa Almasih mancuritokan kabake urang-urang tu, parumpamoan nan bakcando iko, 4”Santano ado di antaro angkau ko, nan mampunyoi saratuih ikua domba, tanyato ado sikua nan indak basuwo — apokoh nan ka dipabuweknyo? Lah musti inyo ka maninggakan domba-nyo, nan sambilan puluah sambilan ikua tu, di tangah padang, sudah tu, payi mancari nan ilang tu sampai ba-suwo. 5Jikok dombanyo tu lah basuwo baliak, mako, gadang sangaik atinyo, sainggo inyo pikua domba tu di ateh bawunyo, 6sudah tu, inyo bawok pu-lang. Kamudian inyo ma-imbau kan-ti-kantinyo, sarato jo urang-urang nan di dakek rumahnyo, sarato jo bakato, ’ Molah kito bi bagadang ati. Domba ambo nan ilang lah basuwo baliak!' 7Ambo bakato kabake angkau, baitu pulolah di sarugo, ado sukocito nan la-biah gadang, dek karano surang urang badoso nan batobaik, daripado tara-dok sambilan puluah sambilan urang, nan lah elok, sarato indak paralu lai batobaik.” 8”Atau, santano ado surang urang padusi, nan mampunyoi sapuluah pitih perak, sudah tu, ado nan ilang ciyek — apokoh nan ka inyo pabuwek? Tan-tu inyo ka ma-iduikkan palito, sarato jo manyapu rumahnyo, sambia man-cari kok dima-dimanyo, sampai basu-wo pitihnyo tu baliak. 9Pado wakatu pitihnyo tu lah basuwo baliak, mako, inyo ma-imbau kanti-kantinyo, sarato jo urang-urang nan di dakek rumah-nyo, sudah tu, inyo bakato, ’Gadang bana ati ambo, pitih ambo nan ilang lah basuwo baliak. Molah kito bi ba-gadang ati!' 10Baitu pulo, malekaik Allah ka bi basukocito, jikok ado su-rang urang jahek, nan batobaik dari doso-dosonyo. Picayolah!” 11Isa Almasih bakato pulo baliak, ”Adolah surang si bapak, nan mampu-nyoi duwo urang anak laki-laki. 12Nan bunsu bakato kabake apaknyo, ’Pak, barikanlah kabake ambo kiniko, nan bagian ambo dari sagalo arato kito.’ Mako, apaknyo mambagi aratonyo tu, di antaro kaduwo urang anaknyo tu. 13Babarapo ari kamudian, anak nan bunsu tu, manjuwa abih arato nan ba-gian inyo, sudah tu, inyo payi ka na-gari nan jauah. Tibo di sinan tu, inyo ma-abih-abihkan pitihnyo tu, untuak iduik basanang-sanang. 14Kutiko pitih-nyo lah abih kasadonyo, tajadilah mu-sin lapa nan padiah sangaik di nagari tu, sainggo iduiknyo muloi mularaik. 15Sudah tu, inyo payi bakarajo jo su-rang panduduak di nagari tu, inyo di-suruah ka parak untuak manggubalo-kan babi. 16Paruiknyo litak sangaik, sainggo inyo nak sato pulo makan ma-kanan babi tu. Biyapun lah bakcando itu bana litak paruiknyo, tapi, indak surang juwo doh urang nan layi ni-yo ma-agiah inyo makan. 17Akienyo inyo takana dibana, inyo bakato da-lam atinyo, ’Urang-urang nan bakara-jo jo apak ambo, balabiah-labiah nan ka dimakannyo, ambo di siko ampia mati dek kalitak-an! 18Biyalah ambo babaliak ka apak ambo, baiko ambo mambana ka inyo, ambo katokan bak-cando iko: Pak, ambo lah badoso kaba-ke Allah, sarato kabake apak. 19Indak patuik lai ambo dinamokan anak apak. Anggauk sajolah ambo ko urang sara-yoan apak.’ 20Mako, inyo barangkek pulang, babaliak ka apaknyo. Dari jauah, inyo lah nampak dek apak-nyo. Jo ati nan ibo sangaik, apaknyo ba-lari untuak manyonsongkan inyo, su-dah tu apaknyo mamaguik inyo, sarato ma-ibui inyo. 21Anak tu bakato, ’Apak, ambo lah badoso kabake Allah sarato kabake apak. Indak patuik lai ambo ko disabuik anak apak.’ 22Tapi, apaknyo tu ma-imbau pisuruah-pisuruahnyo sarato bakato, ’Capeklah! Ambiaklah baju nan paliang rancak, sarato kanakkanlah ka-bake anak ambo ko. Kanakkanlah cin-cin di jarinyo, sarato sipatu di kakinyo. 23Sasudah tu, bawoklah kamari anak bantiang nan gapuak, untuak ka dida-biah. Kito ka makan gadang, sarato ka basukocito. 24Dek karano, anak ambo ko dulu lah mati, tapi, kiniko inyo lah iduik baliak; dulu inyo lah ilang, ta-pi, kiniko inyo lah basuwo baliak.’ Su-dah tu, mulo-ilah urang-urang tu ba-ralek gadang. 25Samantaro itu, anaknyo nan tu-wo sadang di parak. Kutiko anak tu pulang, lah tibo di dakek rumah, ma-ko tadangalah dek inyo suwaro musik sarato jo tari-tarian. 26Inyo ma-im-bau salah surang dari pisuruah-pi-suruahnyo, sudah tu, inyo batanyo, Alek apo tu nan ado di rumah?' 27Pisuruah tu manjawauk, ’Adiak ang-ku lah pulang baliak! Urang gaek ang-ku, lah manyuruah mandabiah anak bantiang nan gapuak, dek karano anak-nyo lah basuwo baliak dalam ka-ada-an salamaik!' 28Anak nan tuwo tu bangih sangaik, sainggo inyo indak namuah masuak ka rumah. Sudah tu, apaknyo kaluwa un-tuak mambujuak, supayo inyo namuah masuak. 29Tapi, inyo bakato, ’Salamo batawun-tawun ambo bakarajo ma-ti-matian untuak apak. Indak panah doh ambo manyolang parentah apak. Sarato apokoh nan lah apak barikan untuak ambo? Kambiang agak sikua, alun panah lai apak barikan, untuak ka ambo makan balanjuang, samo-samo jo kanti-kanti ambo! 30Anak apak tu, lah ma-abihkan arato apak jo padusi-padusi jahek, tapi, baitu inyo pulang, apak mandabiahkan anak bantiang nan gapuak untuak inyo!' 31Apaknyo bakato, ’Oih anak den, wa-ang taruih ado di siko, samo-samo jo apak. Ka-sadonyo nan punyo apak, adolah pu-nyo wa-ang juwo. 32Tapi, nan kiniko kito musti baralek jo basukocito, dek karano, adiak ang tu dulu lah mati, tapi, kiniko inyo lah iduik baliak; du-lu inyo lah ilang, tapi, kiniko inyo lah basuwo baliak.’ ”

will be added

X\