LUKAS 14

1Pado suatu ari Sabat, Isa Almasih payi makan ka ru-mah surang pamimpin urang Farisi. Di sinan tu, urang-urang bi mampa-ratikan Isa Almasih jo sacaro taliti. 2Mako, datanglah kabake Isa Alma-sih, surang urang nan sakik busuang, kaki sarato jo tangannyo lah bi sam-bok-sambok. 3Sudah tu, Isa Almasih batanyo kabake guru-guru ugamo, sa-rato jo urang-urang Farisi nan ado di sinan tu, ”Manuruik paratuaran uga-mo kito, layi buliahkoh kito mance-gakkan urang nan sakik di ari Sabat, atau indak?” 4Guru-guru ugamo, sarato jo urang-urang Farisi tu, bi anok sajo. Sudah tu, Isa Almasih ma-imbau urang nan sa-kik tu, sarato mancegakkan inyo, ka-mudian Baliau manyuruah urang tu payi. 5Sasudah tu, Isa Almasih baka-to kabake urang-urang tu, ”Kok san-tano salah surang di antaro angkau, mampunyoi surang anak, atau mam-punyoi sikua jawi, nan jatuah ka da-lam sumua di ari Sabat, apokoh inyo indak ka bagageh ma-elokan anak tu kaluwa, atau ma-elokan jawi nan ja-tuah tu, di ari tu juwo?” 6Tapi, indak surang juwo doh, nan bisa manjawauk tanyo Isa Almasih tantang parkaro itu. 7Isa Almasih maliyek, ado tamu-tamu nan mamiliah tampaik-tam-paik nan ta-aromaik. Dek karano itu, Baliau mambari ajaran nan bakcan-do iko, kabake urang-urang tu kasadonyo. 8”Jikok angkau di-undang ka tampaik baralek kawin, janlah duduak ka tampaik nan ta-aromaik. Dek ka-rano, antah lah ado urang undangan lain, nan labiah pantiang daripado angkau, nan ka duduak di tampaik tu, 9sainggo urang si pangka dari alek tu, nan lah ma-undang angkau badu-wo, tapaso datang kabake angkau, sa-rato jo bakato, ’ Maoh ngku, tampaik ko lah disadiyokan untuak tamu nan itu.’ Mako, jo raso nan sangaik ma-lu, angkau tapaso duduak ka tampaik nan paliang di balakang. 10Dek ka-rano itu, jikok angkau di-undang, pi-liahlah tampaik nan paliang di bala-kang, supayo urang nan ma-undang tu datang kabake angkau, sarato jo ba-kato, ’Oih sanak, kamarilah duduak, di tampaik nan labiah elok ko.’ Jo ca-ro nan baitu, angkau di-aromaik-i di adok-an kasadonyo tamu-tamu nan la-in. 11Dek karano, satiyok urang nan manenggikan diri, ka dirandahkan, tapi, urang nan marandahkan diri, ka ditenggikan.” 12Sudah tu, Isa Almasih bakato ka-bake urang nan punyo rumah, ”Jikok angkau ma-undang urang, untuak ma-kan tangah ari, atau makan malam, janlah ma-undang kanti atau dun-sanak, atau sanak sudaro, atau pun urang-urang kayo nan dakek rumah angkau. Dek karano, isuak inyo tu ka bi ma-undang angkau pulo, nan jo ca-ro nan baitu, angkau manarimo baleh dari sagalo sasuatu nan lah angkau pabuwek. 13Jadi, jikok angkau ma-adokan alek, undanglah urang nan bansaik, urang nan bacacaik tubuah, urang nan lumpuah, sarato jo urang nan buto. 14Angkau ka dibarakaik-i dek Allah, dek karano urang-urang tu indak ka dapek doh mambaleh ka-baiakkan angkau. Kabaiakkan angkau ka dibaleh dek Allah isuak, di kutiko urang-urang nan baiak di-iduikkan baliak dari kamatian.” 15Pado wakatu salah surang nan sa-mo-samo makan di sinan tu, manda-nga kato-kato Isa Almasih, inyo ba-kato, ”Sabana baruntuanglah urang nan ka dijamu dek Allah, dalam Ka-rajaan Sarugo!” 16Tapi, Isa Almasih bakato kabake urang tu, ”Pado suatu kutiko, ado su-rang urang nan ma-adokan alek ga-dang, sarato ma-undang banyak urang. 17Kutiko lah tibo wakatunyo untuak ka mamuloi alek, urang nan punyo alek, manyuruah pisuruahnyo payi kabake urang-urang nan di-undang, sarato ba-kato, ’Bi tibolah ka rumah, sagalo sa-suatunyo lah cukuik tasadiyo!' 18Tapi, kasadonyo urang tu, bi mamintak ma-oh. Urang nan partamu bakato kabake pisuruah tu, ’Ambo baru mambali sa-tumpak tanah, sarato paralu payi un-tuak ka mancaliaknyo. Mintak maoh-lah ambo.’ 19Nan lain bakato, ’Ambo baru mambali limo pasang jawi, dek karano itu, ambo nak ka payi man-caliak jawi tu dulu. Mintak maohlah ambo.’ 20Nan lain bakato pulo, ’Ambo baru babini, dek karano itu, ambo in-dak bisa doh datang.’ 21Pisuruah tu babaliak pulang, sa-rato ma-agiah tawu kabake induak sa-mangnyo. Induak samangnyo tu ba-ngih sangaik, sarato bakato kabake pisuruahnyo tu, ’Bagagehlah payi ka tapi-tapi labuah, sarato ka lorong-lo-rong kota. Bawoklah kamari urang-urang nan bansaik, urang-urang nan bacacaik tubuah, urang-urang nan buto, sarato jo urang-urang nan lum-puah.’ 22Kamudian, pisuruah tu baka-to, ’Angku, parentah angku alah am-bo karajokan, tapi, banyak juwo lai tampaik nan balabiah.’ 23Sudah tu, induak samangnyo tu bakato, ’Payi-lah ka labuah-labuah gadang, sarato ka lorong-lorong di luwa kota, sarato pasolah urang-urang tu untuak bi da-tang, supayo rumah ambo ko panuah. 24Kana-ilah apo nan Ambo katokan ko! Indak ka surang juwo doh di an-taro tamu-tamu nan lah di-undang tu, nan ka marasokan lamak makanan di alek Ambo ko!' ” 25Sambuah urang nan bi ma-iriang-kan Isa Almasih bajalan. Isa Almasih ma-engong, sarato bakato kabake urang-urang tu, 26”Jikok ado urang da-tang nak ka ma-ikuik Ambo, tapi, inyo labiah mangasiahi, mandehnyo, bapak-nyo, bininyo, anak-anaknyo, dunsanak-dunsanaknyo, malah dirinyo sandiri, mako inyo indak ka bisa doh manjadi pangikuik Ambo. 27Urang nan indak niyo mamikua salibnyo, sarato indak namuah manuruikkan Ambo, mako, urang tu indak ka bisa doh manjadi pangikuik Ambo. 28Jikok salah su-rang di antaro angkau, nak ka mam-bangun sabuwah manaro, tantu inyo ka duduak dulu ma-etong, bara pitih nan diparalukan, supayo inyo tawu, apokoh pitihnyo layi ka cukuik, untuak manyudahkan manaro tu, atau indak. 29Dek karano, jikok tanyato pitihnyo indak cukuik, untuak ka panyudahkan manaro tu, padohal sandinyo lah di-buwek, tantu kasadonyo urang nan bi maliyek karajonyo tu, ka bi mampaga-lakkan inyo. 30Urang-urang tu, ka bi bakato, ’Liyeklah urang tu, inyo nak ka mambangun manaro, tapi, pitih-nyo indak ado lai untuak ka panyu-dahkannyo!' 31Jikok surang rajo nan mampunyoi sapuluah ribu urang sa-radadu, nak baparang jo rajo nan la-in, nan mampunyoi duwo puluah ri-bu urang saradadu, tantu rajo tu ka duduak dulu, mamikiekan elok bu-ruaknyo, apokoh inyo cukuik kuwaik untuak malawan musuahnyo tu, atau indak? 32Jikok inyo lah tawu baraso inyo indak kuwaik, tantu samantaro musuahnyo tu alun tibo, mako, inyo ka mangirin utusannyo untuak min-tak badamai.” 33Akienyo, Isa Almasih bakato, ”Baitu pulo jo angkau. Indak surang juwo doh dari angkau, nan ka bisa manjadi pangikuik Ambo, jikok angkau indak namuah mangaroban-kan sagalo-galonyo.” 34”Garam tu paguno sangaik, tapi, jikok inyo lah manjadi amba, mung-kinkoh di-asinkan baliak? 35Tantu in-dak, indak ka ado lai gunonyo, biya untuak di parak, atau pun untuak ka pupuak. Jadi, hanyo ka dicampakkan sajo. Kok siya nan layi batalingo, da-ngakanlah kecek Ambo ko!”

will be added

X\