LUKAS 13

1Pado wakatu itu, urang bi man-curitokan kabake Isa Almasih, tantang babarapo urang Galilea nan dibunuah dek Pilatus, kutiko inyo tu sadang bi mampasambahkan karoban kabake Allah. 2Isa Almasih manja-wauk, sarato bakato kabake inyo tu, ”Dek karano urang-urang Galilea tu dibunuah bakcando itu, sangko ati angkau manandokan inyo tu labiah badoso daripado urang-urang Gali-lea nan lain? 3Nan sabananyo bana, indak! Tapi, kana-ilah apo nan Ambo katokan ko: jikok angkau indak bi ba-tobaik dari doso-doso angkau, mako, kasadonyo angkau ka bi mati pulo, bakcando urang-urang tu. 4Baa pulo jo urang nan salapan baleh urang, nan bi mati ditimpok dek manaro dakek Si-loam? Sangko ati angkau, itu manan-dokan urang tu labiah badoso, daripa-do urang-urang nan lain nan tingga di Yerusalem? 5Nan sabananyo ba-na, indak! Sakali lai nak Ambo kato-kan: Jikok angkau indak bi batobaik dari doso-doso angkau, mako, kasa-donyo angkau, ka bi mati pulo bak-cando urang-urang tu.” 6Sasudah tu, Isa Almasih mancuri-tokan pulo parumpamoan nan bakcan-do iko, ”Ado surang urang nan mam-punyoi sabatang batang ara di parak anggurnyo. Pado suatu ari, payilah inyo nak ma-ambiak buwah batang ara tu, tapi, indak sa-incek juwo doh nan dapek dek inyo. 7Dek karano itu, inyo bakato kabake urang nan bakarajo di paraknyo tu, ’Caliaklah, lah sala-mo tigo tawun ambo barulang kamari, nak ka ma-ambiak buwah dari batang ara ko, tapi, indak sa-incek juwo doh buwah nan dapek di ambo. Tabang sajolah batang ara ko! Inyo hanyo ka ma-abihkan pupuak nan di tanah ko sajonyo ko!' 8Tapi, urang nan baka-rajo di parak tu manjawauk, ’Padiya-kanlah inyo tumbuah agak satawun ko lai ngku. Ambo ka malabuak ta-nah nan di sakuliliangnyo, sudah tu di-agiah pupuak. 9Untuang ka mujua, di tawun nan ka tibo inyo babuwah. Tapi, jikok inyo indak babuwah juwo, barulah kito tabang.’ ” 10Ado sakali di ari Sabat, Isa Almasih ma-aja di rumah ibadaik. 11Di sinan ado surang urang padusi nan lah sa-lapan baleh tawun sakik, dek karano ado roh jahek di dalam dirinyo. Inyo lah bungkuak, indak bisa lai tagak lu-ruih. 12Kutiko Isa Almasih maliyek inyo, Baliau ma-imbau, sarato bakato kabake inyo, ”Amai, panyakik amai lah cegak!” 13Sudah tu, Isa Almasih ma-latakkan tangan-Nyo ka badan urang padusi tu, nan sakutiko tu juwo, inyo bisa tagak luruih, sudah tu inyo ma-muji-muji Allah. 14Kapalo rumah ibadaik tu bangih, dek karano Isa Almasih mancegakkan urang di ari Sabat, sudah tu inyo ba-kato kabake urang-urang nan ado di sinan tu, ”Ado ari anam ari untuak ba-karajo; datanglah kamari di ari nan anam tu untuak di cegakkan, tapi, jan di ari Sabat ko!” 15Tuhan manjawauk, ”Angkau ko urang munapiak! Di ari Sabat, kasa-donyo urang bi mambawok-i jawinyo, atau kaladainyo kaluwa dari kandang, sarato mambawoknyo ka tampaik ma-nyasok. 16Nan kiniko di siko, ado su-rang urang padusi katurunan Ibrahim, nan lah salapan baleh tawun lamonyo, dikabek dek Ubilih. Apokoh inyo indak buliah dilapehkan, dari nan mangabek-nyo di ari Sabat ko?” 17Jawaukban Isa Almasih tu, mambuwek lawan-lawan Baliau malu sangaik; tapi, kasadonyo urang-urang nan lainnyo bi suko ma-liyek sagalo nan ajaib, nan dipabuwek dek Isa Almasih. 18Isa Almasih batanyo, ”Ibaraik apo-koh Karajaan Allah tu, sarato baa koh ka-adaannyo? Jo apokoh nan dapek Ambo ibaraikkan? 19Ka-adaannyo bak-cando parumpamoan nan bakcando iko. Sa-incek bijo sasawi di-ambiak dek surang urang, sudah tu, inyo tanam di paraknyo. Bijo tu tumbuah, sudah tu, manjadi sabatang kayu, unggeh jo bu-ruang bi mambuwek-i sarang disang-kak-sangkak batangnyo.” 20Sakali lai Isa Almasih batanyo, ”Tantang parkaro Karajaan Allah, jo apokoh nan dapek Ambo ibaraikkan ka-adaannyo? 21Ka-adaannyo bak-cando ragi, nan di-ambiak dek surang urang padusi, sudah tu, inyo aduak jo ampek puluah liter tapuang, sampai tapuang tu kambang kasadonyo.” 22Dalam pajalanan ka Yerusalem, Isa Almasih malalui kota-kota, sarato jo kampuang-kampuang sambia ma-aja. 23Sudah tu, ado urang nan ba-tanyo kabake Baliau, ”Ngku, apokoh hanyo saketek sajo urang nan ka di-salamaikkan?” Isa Almasih manjawauk, 24”Ba-usa-wolah untuak masuak malalui pintu nan sampik. Dek karano itu, kana-ilah apo nan Ambo katokan ko! Sambuah urang nan ba-usawo nak masuak, tapi indak dapek doh. 25Di kutiko urang nan punyo rumah lah tagak, sarato nak ka manyawok pintu rumahnyo, angkau bi tagak di luwa, sarato mano-kok-nokok pintu sambia bakato, ’Ang-ku, bukakkanlah pintu untuak kami!' Urang nan punyo rumah tu ka manja-wauk, ’Ambo indak tawu doh, angkau ko datang dari ma!' 26Angkau ka bi manjawauk, ’ Kami lah bi makan mi-nun samo-samo jo Angku, nan Angku lah ma-aja pulo di satiyok suduik di ko-ta kami!' 27Tapi, urang nan punyo ru-mah tu, ka bakato pulo baliak, ’Ambo indak tawu doh, angkau ko bi datang dari ma? Bi bakiroklah dari siko, oih kalian nan suko mampabuwek karajo nan jahek!' 28Pado wakatu angkau bi maliyek Ibrahim, Ishak sarato jo Yakub, sarato jo kasadonyo nabi-nabi, bi basu-kocito di dalam Karajaan Sarugo, nan angkau sandiri ka bi manangih, sarato bi manangguangkan sansaro, dek ka-rano, angkau sandiri bi di usie ka lu-wa! 29Urang-urang ka bi tibo dari arah nan ka Ujuang, sarato dari arah nan ka Puhun, dari arah nan ka Ateh, sarato dari arah nan ka Baruah, sarato ka bi basukocito di dalam Karajaan Sarugo. 30Sabananyo, ado urang nan tibo ku-dian, tapi, inyo ka manjadi urang nan tadawulu, sarato ado urang nan tibo dawulu, tapi, inyo ka manjadi urang nan takudian.” 31Pado wakatu itu juwo, ado baba-rapo urang Farisi nan datang kabake Isa Almasih, sarato bi bakato, ”Jan di siko juwo Angkau lai! Payilah ka tam-paik nan lain, dek karano, Herodes nak ka mambunuah Angkau.” 32Isa Almasih manjawauk, ”Payi-lah katokan kabake urang nan indak bapayidah tu, ’Ari ko, sarato jo bari-suak, Ambo ka ma-usie roh jahek, sa-rato jo ka mancegakkan urang nan sa-kik, tapi, di ari nan katigo, Ambo ka manyalasaikan sagalo karajo Ambo.’ 33Biyapun baitu, Ambo musti juwo manaruihkan pajalanan Ambo di ari iko, barisuak sarato jo bisuak ciyek lai. Dek karano, indak elok, jikok su-rang nabi dibunuah di luwa kota Ye-rusalem. 34Yerusalem, Yerusalem! Nabi-na-bi angkau bunuah! Pisuruah-pisuruah Allah, angkau pungkangi jo batu sam-pai mati! Lah bara kali Ambo nak ka marangkuah kasadonyo panduduak angkau, nan bak induak ayam maro-kok-i anak-anaknyo di bawah sayok-nyo, tapi, nan angkau indak bi na-muah! 35Dek karano itu, Allah indak lai ka manyarato-i angkau. Katawu-ilah, muloi dari sajak kiniko, angkau indak lai ka bi maliyek Ambo, sam-pai tibo masonyo angkau ka bi baka-to, ’Dibarakaik-ilah Baliau nan datang ateh namo Tuhan.’ ”

will be added

X\