LUKAS 12

1Baribu-ribu urang nan badasak-dasakkan, sampai ado nan ta-pijak bagai kakinyo. Samantaro urang-urang tu bi bakarumun, Isa Almasih bakato kabake pangikuik-pangikuik-Nyo, ”Ingek-ingeklah taradok ragi urang Farisi, mukasuik Ambo, kamu-napiak-an inyo tu. 2Indak ado doh nan ta-andok, nan indak ka kaliyatan, sa-rato indak ado doh nan dirasiyokan, nan indak ka tabukak. 3Nan angkau katokan di tangah malam, ka tadanga di siang ari; baitu pulo, nan angkau bi-siakkan di talingo urang di dalam bi-liak nan basawok, ka ditewak-tewak-kan sampai kama-kamanyo.” 4”Oih kanti-kanti Ambo, kana-ilah apo nan Ambo katokan ko! Janlah takuik kabake urang-urang nan bi-sa mambunuah tubuah, tapi, indak dapek mampabuwek labiah dari itu. 5Eloklah nak Ambo tunjuakkan kaba-ke angkau, siya nan musti angkau ta-kuik-i. Takuiklah kabake Allah! Dek karano, sasudah mancabuik angok, Baliau bakuwaso pulo mamasuakkan angkau ka narako! Picayolah, Baliau-lah nan musti angkau takuik-i. 6Limo ikua buruang pipik, jikok di-juwa, hanyo sa-arago duwo alai pi-tih nan paliang ketek. Tapi, biyapun baitu, indak sikua juwo doh nan dilu-pokan dek Allah. 7Rambuik nan di ka-palo angkau tu pun, lah di-etong kasa-donyo, dek karano itu, janlah takuik; angkau jauah labiah ba-arago daripa-do buruang-buruang pipik tu!” 8”Kana-ilah kecek Ambo ko elok-elok: Urang nan layi mangaku, baraso inyo pangikuik Ambo di adok-an urang nan hanyak, isuak inyo ka di-akui pu-lo dek Anak Manusia, di adok-an ma-lekaik-malekaik Allah. 9Tapi, jikok ado urang nan indak mangaku, baraso inyo pangikuik Ambo di adok-an urang nan banyak, mako, isuak, inyo pun indak ka di-akui pulo doh dek Anak Manusia di adok-an malekaik-malekaik Allah. 10Jikok ado urang mangatokan sa-suatu malawan Anak Manusia, inyo tu dapek di-ampuni; tapi, jikok inyo ma-ino Roh Allah, inyo indak dapek doh di-ampuni. 11Jikok angkau dibawok ka rumah-rumah ibadaik, untuak ka disidang-kan di adok-an pamarentah, atau pa-nguwaso, janlah cameh, tantang baa caronyo angkau musti mambela diri, atau tantang apo nan musti angkau katokan. 12Dek karano, apo nan mus-ti ka angkau katokan tu, sakutiko tu juwo ka di-ajakan dek Roh Allah ka-bake angkau.” 13Salah surang di antaro urang nan banyak tu, bakato kabake Isa Almasih, ”Angku Guru, tolonglah Angku suruah karek-an ambo, untuak mambagi ara-to jo ambo, dari pusako paninggalan urang gaek kami.” 14Isa Almasih manjawauk, ”Oih sanak, siya urang nan lah ma-angkek Ambo manjadi hakim, atau manjadi pambagi arato pusako di antaro angkau baduwo?” 15Kamudian, kabake sadonyo urang nan ado di sinan tu, Isa Almasih bakato, ”Ba-jago-jagolah, sarato ingek-ingeklah, jan sampai angkau manjadi urang nan ca-ngok. Dek karano, iduik manusia ko in-dak tagantuang jo kakayoannyo doh, bi-yapun inyo kayo balindak.” 16Sudah tu, Isa Almasih mancurito-kan parumpamoan, nan bakcando iko, ”Adolah surang urang kayo. Inyo ado mampunyoi tanah nan mandatangkan asie nan banyak untuaknyo. 17Urang kayo tu muloi bapikie dalam atinyo, ’Lah indak ado lai tampaik untuak pala-takkan asie tanah ambo ko. Baa lai aka ambo kiniko?' 18Kamudian, inyo bapi-kie pulo baliak, sarato bakato kabake dirinyo sandiri, ’Nah, ambo dapek aka; kasadonyo lumbuang nan punyo ambo, ka ambo pa-elok-i, sudah tu, ambo bu-wek nan labiah gadang. Di sinan tu lah ka ambo latakkan kasadonyo gandun punyo ambo, sarato jo barang-barang ambo nan lainnyo. 19Kamudian, ka am bo katokan kabake diri ambo sandiri: Angkau sabana baruntuang! Sagalo nan elok lah angkau milik-i, sarato indak ka abih doh salamo batawun-tawun. Nan kiniko balapeh paneklah! Makan mi-nunlah, rasokan banalah lamak iduik dek angkau!' 20Tapi, Allah bakato ka-bake inyo, ’Oih urang pandie! Malam ko juwo angkau ka mati, sudah tu, siya urang nan ka mandapek sagalo arato nan lah angkau kumpuakan tu?' 21Bakcando itulah jadinyo, satiyok urang nan mangaja arato untuak diri-nyo sorang, tapi, indak ba-usawo un-tuak manjadi kayo di mato Allah.” 22Sudah tu Isa Almasih bakato ka-bake pangikuik-pangikuik-Nyo, ”Itulah sabauknyo, mako Ambo mangatokan, ’Janlah cameh tantang iduik angkau, apo nan ka angkau makan, atau apo nan ka angkau pakai.’ 23Iduik ko la-biah ba-arago daripado makanan, nan tubuah labiah ba-arago daripado pa-kaian. 24Paratikanlah buruang-bu-ruang gagak! Inyo tu indak ado doh mananam, indak ado doh manuwai, inyo indak ado pulo doh mampunyoi gudang, atau lumbuang. Tapi, Allah tatauk mamaliaro inyo tu! Angkau jauah labiah ba-arago daripado bu-ruang-buruang tu! 25Siyakoh di anta-ro angkau ko, nan jo kacamehannyo tu, inyo dapek mampapanjang umua-nyo agak saketek? 26Jikok parkaro nan ketek-ketek tu sajo, indak dapek doh angkau pabuwek, baa mangko angkau cameh tantang sagalo parka-ro nan lain? 27Paratikanlah baa caro tumbuahnyo bungo bakuang; bungo-bungo tu indak bi bakarajo doh, indak pulo doh bi mananun. Tapi, Rajo Su-laiman nan sangaik kayo tu pun, in-dak ado doh mamakai pakaian nan sarancak bungo tu! 28Ari ko rumpuik iduik di tangah padang, isuak ka diba-ka abih. Biyapun baitu, Allah tatauk juwo mamparancak rumpuik-rumpuik tu. Apo lai angkau! Tapi, angkau tu kurang bi picayo! 29Dek karano itu, janlah cameh, sarato ilang aka, tan-tang apo nan ka angkau makan, sa-rato apo nan ka angkau minun. 30Sa-galo parkaro nan bakcando itu, nan dikaja dek urang-urang nan indak ba Tuhan Allah. Padohal Bapak angkau tawu, baraso angkau bi mamaralukan sagalo sasuatu. 31Tapi, angkau musti ba-usawo, supayo Allah sabana-bana mamarentah dalam iduik angkau, ma-ko, nan lain-lainnyo tu ka dibarikan pulo dek Allah kabake angkau.” 32”Angkau nan indak bara urang bi-langannyo ko, janlah takuik! Dek ka-rano, Bapak angkau suko mambarikan kabake angkau barakaik dari Pama-rentahan-Nyo. 33Juwalah arato ban-do angkau, sarato barikanlah pitihnyo untuak urang-urang nan bansaik. Bu-weklah untuak diri angkau puro nan indak bisa lapuak, iyolah arato nan di-andokkan di sarugo. Arato tu indak ka bisa doh ilang, dek karano, urang maliang indak ka bisa doh mancilok-nyo, baitu pulo, anai-anai indak ka bisa doh marusaknyo. 34Dek kara-no, dima arato angkau talatak, nan ati angkau lah di sinan pulo!” 35”Bajago-jagolah untuak ma-adok-i satiyok apo nan ka tajadi. Angkau musti tatauk siyauk sadiyo untuak bakarajo, sarato suluah tatauk di iduikkan, 36samo jo bakcando pisuruah-pisuruah nan sadang basiyauk sadiyo, untuak ma-nanti induak samangnyo babaliak da-ri alek kawin. Jikok induak samangnyo tu tibo, sarato manokok pintu, mako, inyo tu bagageh mambukakkan pintu. 37Baralah ka baruntuangnyo pisuruah-pisuruah, nan kadapatan sadang ma-nunggu di kutiko induak samangnyo ti-bo. Picayolah: induak samangnyo tu ka basiyauk-siyauk, sarato manyuruah pi-suruah-pisuruahnyo tu bi duduak, su-dah tu, inyo nan malayani pisuruah-nyo tu. 38Baralah ka baruntuangnyo pisuruah-pisuruah tu, jikok induak sa-mang inyo tu mandapati inyo tu sa-dang siyauk mananti, biyapun induak samang inyo tu tibo di tangah malam, atau pun sampai parak siang! 39Kana-ilah apo nan Ambo katokan ko! Santa-no urang nan punyo rumah tawu, pu-kua bara urang maliang ka tibo, tantu inyo ka bajago-jago, supayo urang ma-liang tu jan sampai masuak ka rumah-nyo. 40Dek karano itu, angkau musti pulo basiyauk-siyauk, dek karano, ka-datangan Anak Manusia di wakatu nan indak angkau sangko-sangko.” 41Petrus batanyo, ”Tuhan, apokoh pangajaran tu Tuhan tujukan tara-dok kami, atau taradok kasadonyo urang?” 42Tuhan manjawauk, ”Siya pisuruah nan indak barubah ati, sarato nan bi-jaksano, sainggo di-angkek dek in-duak samangnyo, manjadi kapalo ta-radok pisuruah-pisuruah nan lain, supayo inyo nan mambari makan pi-suruah-pisuruah tu, pado wakatunyo? 43Baralah ka basukocitonyo pisuruah tu, jikok induak samangnyo babaliak, sarato mandapati inyo sadang manga-rajokan tugehnyo! 44Picayolah: Induak samangnyo tu ka mampicayokan sagalo aratonyo kabake pisuruah tu. 45Tapi, jikok pisuruah tu bakato dalam ati-nyo, ’Lamo lai ko induak samang am-bo mangko ka babaliak,' sudah tu, inyo tangani kasadonyo pisuruah, sarato inyo bae makan jo minun sampai ma-buak. 46Mako, induak samangnyo tu tibo di wakatu nan indak disangko-sangko. Nan pisuruah tu ka ditangani dek induak samangnyo, sampai sala-jaik-lajaiknyo, sudah tu, inyo dijadi-kan sanasib jo urang-urang nan indak patuah kabake Allah. 47Pisuruah nan layi tawu jo kahan-dak induak samangnyo, tapi, indak ba-siyauk-siyauk, sarato indak mangara-jokan kahandak induak samangnyo tu, mako, inyo ka dicambuik sakuwaik-ku-waiknyo. 48Tapi, pisuruah nan indak tawu jo kahandak induak samangnyo, kamudian, inyo mangarajokan sasu-atu nan salah, sainggo inyo musti di-cambuik, inyo ka dicambuik saketek sajo. Dek karano, urang nan lah diba-ri banyak, mako, dari inyo banyak pu-lo nan ka dituntuik. Baitu pulo, kaba-ke urang nan lah banyak dipicayokan sagalo sasuatu, mako, kabake inyo ba-nyak pulo nan ka dituntuik.” 49”Ambo datang untuak manimbua-kan kabakaran di bumi ko. Baralah ka eloknyo jikok apinyo lah iduik manya-lo! 50Ado juwo lai kasansaroan barek nan ka musti Ambo lalui. Nan ati Am-bo rasah sangaik sabalun basuwo jo baban barek tu. 51Apokoh angkau bi manyangko, Ambo datang ka dunia untuak mambawok padamaian? In-dak, indak padamaian doh, malahan patangkaran. 52Muloi dari kiniko, ka-luarga nan balimo urang, ka bi bala-wanan, nan batigo ka malawan nan baduwo, atau nan baduwo ka mala-wan nan batigo. 53Apak ka balawan jo anaknyo nan laki-laki, nan anak laki-laki ka balawan jo apaknyo. Nan man-deh ka balawan jo anaknyo nan padu-si, nan anak nan padusi ka balawan jo mandehnyo. Mintuwo nan padusi ka balawan jo minantunyo nan padusi, nan minantu nan padusi ka balawan jo mintuwonyo nan padusi.” 54Isa Almasih bakato pulo kaba-ke urang nan banyak, ”Jikok angkau maliyek gabak di ulu, mako, angkau ka bi mangatokan, ’Ari ka ujan.’ Iyo, batua, ari sabana-bana ujan. 55Jikok angkau maliyek cewang di langik, ma-ko, angkau ka bi mangatokan, ’Ari ka paneh.’ Iyo, batua, ari sabana-bana paneh. 56Angkau adolah urang nan suko baicak-icak! Angkau bisa mana-kok-nakok, ari ka ujan, atau ka paneh, jo sacaro maliyek ka-adaan langik jo bumi. Baa mangko tando-tando di ja-man kiniko indak bisa angkau pare-tongkan?” 57”Baa mangko angkau indak ma-mutuihkan sandiri, tantang apo nan bana? 58Jikok ado urang mangadu-kan angkau ka pangadielan, mako, ba-usawolah sakuwaik tanago, untuak manyalasaikan parkaro tu jo inyo, sa-mantaro angkau sadang di tangah ja-lan. Jikok indak, mako inyo ka mam-bawok angkau ka adok-an hakim, nan hakim tu ka manyarahkan angkau kabake patugeh, nan patugeh tu ka mamasuakkan angkau ka pinjaro. 59Picayolah! Angkau indak ka kalu-wa doh dari pinjaro tu, sabalun dan-do dibayie lansai.”

will be added

X\