LUKAS 11

1Pado suatu ari, Isa Almasih badowa di suatu tampaik. Kuti-ko lah salasai badowa, salah surang dari pangikuik-Nyo bakato, ”Tuhan, aja pulolah kami baa caro badowa, bakcando Yahya ma-aja pangikuik-nyo badowa.” 2Mako, Isa Almasih bakato kaba-ke pangikuik-Nyo tu, ”Jikok angkau nak badowa, mako, badowalah bak-cando iko, ’Oih Bapak, Angkau-lah Allah Nan Indak Babilang. Angkau sajolah nan disambah, sarato nan dimuliekan. Angkau-lah Rajo kami. Angkau sajolah nan mamarentah di bumi. 3Barilah kami, makanan kami satiyok ari, sabarapo nan kami paralukan. 4Ampunilah doso-doso kami, dek karano, kami mamaohkan pulo, satiyok urang nan basalah kabake kami. Janlah dipadiyakan iman kami bakucak, di kutiko kami dapek cobaan.’ ” 5Isa Almasih bakato kabake pangi-kuik-pangikuik-Nyo, ”Santano ado sa-lah surang di antaro angkau, nan payi ka rumah kantinyo di tangah malam, sarato bakato, ’Oih sanak, pasalangilah ambo roti agak tigo buwah, 6dek kara-no, ado kanti ambo nan sadang dalam pajalanan, baru sajo singgah di rumah ambo, nan ambo indak punyo makan-an untuak inyo!' 7Santano kanti nan angkau datangi tu, manjawauk bak-cando iko dari dalam rumahnyo, ’Jan manggaduah ambo! Pintu lah bakunci, nan ambo jo anak-anak ambo lah bi la-lok. Ambo indak bisa doh jago, untuak mambarikan nan angkau salang tu.’ ” 8”Sudah tu, baa lai?” kecek Isa Alma-sih salanjuiknyo. ”Ambo bakato kabake angkau! Biyapun angkau adolah kanti-nyo, inyo indak ka namuah doh jago, sa-rato mambarikan sasuatu kabake angkau. Tapi, dek karano angkau nan indak mara-so malu, sarato basiansik mamintak ka-bake inyo, mako, nan inyo ka jago juwo, sarato mambarikan kabake angkau, apo nan angkau paralukan. 9Jadi, Ambo ba-kato kabake angkau: Mintaklah, mako, angkau ka di bari; carilah, mako, angkau ka mandapek; tokoklah pintu, mako, pin-tu ka dibukakkan untuak angkau. 10Dek karano, satiyok urang nan mamintak, ka manarimo; satiyok urang nan mancari, ka mandapek, baitu pulo, satiyok urang nan manokok pintu, ka dibukakkan pintu. 11Di antaro angkau, apokoh ado su-rang apak, nan mambarikan ula kabake anaknyo, jikok anaknyo mamintak ikan? 12Atau nan mambarikan kalo, jikok anak nyo mamintak talua? 13Biyapun angkau urang jahek, tapi, angkau layi tawu juwo mambarikan nan elok untuak anak ang-kau. Apo lai Bapak nan di sarugo! Baliau ka mambarikan Roh-Nyo kabake urang-urang nan lai mamintak kabake Baliau!” 14Pado suatu ari, Isa Almasih ma-usie roh jahek dari surang urang bisu. Sasudah roh jahek tu kaluwa, urang tu muloi bisa mangecek. Banyak urang nan bi tacangang, 15tapi, ado nan ba-kato, ”Inyo ma-usie roh jahek tu, dek karano kuwaso dari Beelzebul, induak angkang dari roh jahek tu.” 16Ado pulo urang-urang nan lain, nan niyo manjarek Isa Almasih, jadi, inyo tu bi mamintak Baliau, mampa-buwek suatu mukjizat, sabagai tando baraso Baliau iyo datang dari Allah. 17Tapi, Isa Almasih tawu mukasuik inyo tu. Mako, Baliau bakato kabake inyo tu, ”Jikok suatu karajaan tapa-cah-pacah, dalam kalompok-kalompok nan bi bamusuahan, mako, karajaan tu indak ka batahan. Baitu pulo, sa-buwah kaluarga nan indak saiyo sa-kato, nan bi bamusuahan antaro nan surang jo nan lain, mako, kaluarga tu ka rusak binaso. 18Baitu pulo, dalam karajaan Ubilih; jikok ciyek kalompok bacakak jo kalompok nan lain, mako, karajaan tu indak ka batahan. Angkau bi mangatokan, baraso Ambo ma-usie roh jahek jo kuwaso dari Beelzebul. 19Jikok baitu, jo kuwaso siya pangi-kuik-pangikuik angkau bi ma-usie roh jahek? Pangikuik angkau tu sandi-rilah, nan lah mambuktikan, baraso angkau salah! 20Tapi, Ambo ma-usie roh jahek jo kuwaso Allah, itu ba-ara-ti baraso Karajaan Allah, lah tibo ka tangah-tangah angkau. 21Jikok surang urang nan kuwaik, sa-rato basinjato langkok, manjago rumah-nyo sandiri, tantu kasadonyo aratonyo ka salamaik. 22Tapi, jikok surang urang nan labiah kuwaik tibo manyarang, sa-rato jo mangalahkan inyo, mako, urang nan labiah kuwaik tu, ka ma-ambiak kasadonyo sinjato, nan di-andakan dek nan punyo rumah tu, sudah tu, urang nan kuwaik tu, ka mambagi-bagi kasa-donyo arato nan dirampoknyo tu. 23Urang nan indak bapiyak kabake Ambo, ba-arati inyo malawan Ambo, sarato urang nan indak manolong Ambo, ba-arati inyo marusak karajo Ambo!” 24”Jikok roh jahek kaluwa dari diri surang urang, mako, roh jahek tu payi bakuliliang ka tampaik-tampaik nan kariang, untuak mancari tampaik ba-lapeh panek, tapi, inyo indak manda-pekkannyo. Dek karano itu, inyo ba-kato, ’Eloklah den babaliak ka rumah tampaik tingga den dulu!' 25Kutiko inyo tibo di sinan, inyo dapati rumah tu lah segeh, sarato lah barasiah. 26Sudah tu, inyo payi, sarato manjapuik tujuah roh lain nan labiah jahek dari inyo. Kamudian, inyo tu bi masuak ka da-lam diri urang tu, untuak manatauk di sinan tu. Nan akienyo, ka-adaan urang tu manjadi labiah buruak da-ri samulo.” 27Sasudah Isa Almasih bakato bak-cando itu, ado surang urang padusi di antaro urang nan banyak tu, bakato kabake Isa Almasih, ”Sungguah basu-kocitolah urang padusi nan lah mala-yiekan, sarato jo nan lah manyusu-kan Angkau!” 28Tapi, Isa Almasih manjawauk, ”La-biah basukocito lai, urang nan lah man-dangakan kato-kato Allah, sarato ma-amakannyo dalam iduiknyo!” 29Samantaro urang-urang bi ma-ngarumuni Isa Almasih, Baliau mana-ruihkan pambicaroan Baliau, Baliau bakato, ”Baralah ka jaheknyo urang-urang di jaman kiniko. Inyo tu bi ma-mintak suatu mukjizat supayo inyo tu bi picayo kabake Ambo, tapi, indak ci-yek juwo doh mukjizat nan ka dipa-liyekkan kabake inyo tu, salain dari mukjizat Nabi Yunus. 30Dek karano, bakcando Yunus nan marupokan muk-jizat, dek urang-urang di kota Niniwe, baitu pulo, Anak Manusia ka manjadi suatu mukjizat, dek urang-urang nan iduik di jaman kiniko. 31Di Ari Kiya-maik isuak, Ratu dari nagari nan di Baruah ka di-iduikkan baliak, samo-sa-mo jo urang-urang nan iduik di jaman kiniko, mako, inyo nan ka mampasa-lahkan urang-urang ko. Dek karano, inyo sandiri lah manampuah pajalan-an nan sangaik jauah, dari nagarinyo di ujuang bumi, dek niyo nak manda-nga pangajaran Sulaiman nan bijak-sano. Tapi, di siko kiniko, ado nan la-biah basa daripado Sulaiman! 32Di Ari Kiyamaik isuak, panduduak kota Ni-niwe ka di-iduikkan baliak, samo-sa-mo jo urang-urang nan iduik di jaman kiniko, mako, inyo tu ka bi mampa-salahkan urang-urang ko, dek karano urang Niniwe tu layi bi batobaik dari doso-dosonyo, kutiko inyo tu bi man-dangakan katubah Yunus. Tapi, di si-ko kiniko, ado nan labiah basa dari-pado Yunus!” 33”Indak ado doh urang, nan sasu-dah ma-iduik-i dama togok, sudah tu, inyo suruakkan, atau inyo sawok-i jo embe. Tapi, lah musti inyo tonggok-kan di ateh rengkaknyo, supayo urang nan ka masuak, dapek maliyek tarang cahayonyo. 34Mato, adolah suluah dek tubuah. Jikok mato angkau layi janiah, mako, kaciyek-annyo tubuah angkau tu ka bacahayo tarang. Tapi, jikok mato angkau kabua, mako, kaciyek-annyo tubuah angkau tu, ka man-jadi kalam bakapiciak. 35Dek karano itu, ingek-ingeklah, jan sampai tarang nan ado di angkau tu manjadi kalam. 36Jikok kaciyek-annyo tubuah ang-kau tu tarang, sarato indak ado bagi-an nan kalam, mako, kaciyek-annyo tubuah angkau tu ka manjadi tarang bacahayo, bakcando ditarangi dek ca-hayo suluah.” 37Kutiko Isa Almasih lah salasai ma-ngecek, ado surang urang Farisi, nan ma-undang Baliau makan ka rumah-nyo. Mako, Isa Almasih payi makan ka sinan tu. 38Urang Farisi tu taca-ngang maliyek Isa Almasih makan, dek karano, Baliau indak mambasuah ta-ngan labiah dulu manuruik paratua-ran ugamo. 39Dek karano itu, Tuhan bakato kabake urang Farisi tu, ”Ba-tua angkau urang-urang Farisi tu, bi-asonyo mambarasiahkan mangkuak, sarato jo piriang, bagian luwanyo, ta-pi, di dalam diri angkau sandiri pa-nuah jo sipaik-sipaik nan kasa, sarato jo karajo-karajo nan jahek. 40Angkau ko bi pandie! Indakkoh Allah nan lah mambuwek bagian luwa tu, sarato in-dakkoh Baliau pulo nan mambuwek bagian dalamnyo? 41Nan ado di da-lam mangkuak, sarato jo nan di dalam piriang angkau tu, itulah nan musti angkau barikan kabake urang-urang nan bansaik. Jo caro nan baitu, ma-ko, kasadonyo ka manjadi barasiah untuak angkau. 42Cilakolah angkau, oih urang-urang Farisi! Asie tinaman angkau, umpamo-nyo, silasiah jo inggu, sarato jo ram-pah-rampah nan lainnyo, layi ang-kau barikan saparsapuluahnyo kabake Allah, tapi, ka-adielan sarato jo kasiah kabake Allah, indak doh angkau acuahkan. Padohal itulah nan samustinyo angkau karajokan, sarato indak buliah pulo malalaikan nan lain-lainnyo. 43Cilakolah angkau, oih urang-urang Farisi! Angkau suko jo tampaik-tam-paik nan ta-aromaik di dalam rumah ibadaik, sarato suko di aromaik-i urang di tangah balai. 44Cilakolah angkau! Angkau ibaraik pusaro nan indak ba-batu mejan, nan dilanyau-lanyau, dek urang-urang nan indak tawu.” 45Salah surang dari guru ugamo Ya-hudi tu, bakato kabake Isa Almasih, ”Ngku Guru, jo kato-kato itu, Angku lah ma-ino kami pulo tu nampaknyo!” 46Isa Almasih manjawauk, ”Cilako pulolah oih angkau, guru-guru ugamo! Angkau bi manuntuik sagalo parkaro nan sulik, sarato mambari sagalo pa-ratuaran nan barek kabake urang, ta-pi, nan angkau sandiri, indak saketek juwo namuah mangarajokan paratua-ran tu. 47Cilakolah angkau! Angkau lah bi mambuwek pusaro untuak na-bi-nabi, tapi, niniak muyang angkau sandiri, nan lah bi mambunuahi na-bi-nabi tu. 48Jadi, angkau sandiri lah ma-akui, baraso angkau satuju pulo, jo apo nan lah dipabuwek dek niniak muyang angkau; dek karano, iyo inyo tu nan lah bi mambunuahi nabi-nabi tu, sarato angkau nan lah bi mambu-wek pusaronyo. 49Itulah sabauknyo, Kabijaksanoan Allah bakato, ’Aden ka mangirin kabake inyo tu, nabi-nabi, sarato jo pisuruah-pisuruah-Den; sa-bagian ka dibunuah, nan sabagian lai ka di-aniayo!' 50Allah mampabuwek nan bakcando itu, supayo urang-urang di jaman kiniko di-ukun, dek karano, lah sambuah darah nabi-nabi nan tase-rak, sajak dunia takambang, 51muloi dari sajak pambunuahan Habel sam-pai ka pambunuahan Zakharia, nan tajadi di antaro mezbah jo Baithullah. Picayolah: Urang-urang nan di jaman kiniko, lah musti ka di-ukun dek ka-rano di kasadonyo tu. 52Cilakolah angkau, oih guru-guru ugamo! Kunci untuak pambukak pintu pangatawuan, ado di tangan angkau, tapi, angkau sandiri indak namuah doh masuak ka dalam, untuak man-cari pangatawuan tu. Malahan ang-kau ma-ambek-ambek, urang nan ba-usawo nak masuak ka dalam!” 53Kutiko Isa Almasih barangkek da-ri tampaik tu, nan guru-guru ugamo Yahudi, sarato jo urang-urang Fari-si tu, bi sangaik bakalabiahan man-cacek Isa Almasih. Inyo tu muloi bi mamanciang-manciang Baliau, supa-yo Baliau namuah mambicarokan sa-galo macam parkaro. 54Samantaro itu, inyo tu tatauk juwo bi mampara-tikan Isa Almasih jo sacaro taliti, un-tuak mancari sasuatu nan salah, da-ri kato-kato Baliau.

will be added

X\