LUKAS 10

1Kamudian, Tuhan mamiliah pulo tujuah puluah urang lai pangikuik-Nyo, sudah tu, manyuruah inyo tu bi payi baduwo-baduwo, un-tuak mandawului Baliau ka satiyok ko-ta, sarato ka satiyok tampaik nan ka dikunjuangi dek Baliau. 2Isa Almasih bakato kabake pangikuik-Nyo, ”Asie nan ka dituwai banyak, tapi, urang nan ka manuwai hanyo saketek. Dek kara-no itu, mintaklah kabake Nan Punyo parak, supayo Inyo manyuruah urang nan ka bakarajo, untuak nan ka manu-wai asie tinaman-Nyo. 3Nan kiniko bi barangkeklah! Ambo ma-utuih angkau, ibaraik manyuruah domba ka tangah-tangah anjiang utan. 4Jan mambawok puro, atau kampia sidakah, atau pun tarompa. Jan baranti di tangah jalan, untuak mambari salam kabake siapo pun juwo. 5Jikok angkau masuak ka sabuwah rumah, katokanlah labiah du-lu, ’Assalamu alaikum.’ 6Jikok di sinan tu ado urang nan suko damai, mako, salam damai angkau tu tatauk tingga untuak inyo; jikok indak, mako elolah baliak salam angkau tu. 7Tinggalah di ciyek rumah sajo. Jan bapindah-pin-dah dari rumah nan ciyek, ka rumah nan lain. Tarimolah apo nan di-edang-kan dek nan punyo rumah, dek kara-no, urang nan bakarajo patuik manari-mo upahnyo. 8Jikok angkau datang ka sabuwah kota, nan di sinan tu angkau ditarimo jo sacaro elok, mako, makan-lah apo nan di-edangkan kabake ang-kau. 9Cegakkanlah urang-urang nan sakik di kota tu, sarato baritokanlah kabake urang-urang nan di sinan tu, baraso, ’ Karajaan Allah lah ka dakek kabake angkau.’ 10Tapi, jikok angkau datang ka sabuwah kota, sarato di si-nan tu angkau indak ditarimo, mako, payilah ka labuah gadang, sarato ka-tokanlah nan bakcando iko, 11’Sabara-po kabuik tanah kota angkau ko, nan bi malakek di kaki kami, kami kipeh-kan, sabagai tando mambari ingek ka-bake angkau. Tapi, katawu-ilah, bara-so Karajaan Allah lah ampia ka tibo!' 12Kana-ilah apo nan Ambo katokan ko, isuak di Ari Kiyamaik, urang So-dom labiah ringan lai ukunannyo, da-ripado urang nan di kota tu!” 13”Cilakolah angkau, oih Korazim! Sa-rato cilakolah angkau, Betsaida! Kok san-tano sagalo mukjizat, nan lah dipabuwek di tangah-tangah angkau tu, dipabuwek di kota Tirus jo Sidon, lah musti sajak da-ri dulu lai, urang-urang nan di sinan tu bi batobaik dari doso-dosonyo, sarato ka bi mamakai kain tando basadiah ati, sarato ka bi manonggokkan abu, di ateh kapalo inyo tu. 14Isuak di Ari Kiyamaik, urang Tirus jo urang Sidon tu, ka labiah ringan lai ukunannyo daripado angkau. 15Nan angkau, oih Kapernaum! Angkau ma-nyangko, angkau ka ditenggikan sampai ka sarugo? Indak! Malah angkau ka di-ambuangkan masuak narako!” 16Sudah tu, Isa Almasih bakato kabake pangikuik-pangikuik-Nyo, ”Urang nan lai ma-iyokan kecek angkau, ba-arati inyo ma-iyokan kato-kato Ambo. Urang nan indak niyo manarimo angkau, ba-arati inyo, indak niyo manarimo Ambo. Urang nan indak ni-yo manarimo Ambo, ba-arati inyo, indak ni-yo manarimo Baliau nan ma-utuih Ambo.” 17Katujuah puluah urang pangikuik Isa Almasih tu, lah bi babaliak jo sukocito, sarato bi bakato: ”Tuhan, roh-roh jahek bi tunduak kabake kami, ji-kok kami mamarentahkan inyo tu jo ateh namo Tuhan!” 18Isa Almasih manjawauk, ”Ambo manampak Ubilih jatuah dari langik bakcando kilek. 19Katawu-ilah! Ang-kau lah Ambo bari kuwaso, supayo angkau dapek mamijakkan ula, sara-to jo kalo, sarato mamatahkan sagalo kakuatan musuah, sainggo indak ci-yek juwo doh nan ka mancilakokan angkau. 20Tapi, biyapun baitu, jan-lah bi bagadang ati dek karano roh-roh jahek tu patuah kabake angkau. Labiah elok lai angkau basukocito, dek karano namo angkau bi tacataik di sarugo.” 21Pado wakatu itu juwo, Isa Almasih basukocito dek karano kuwaso Roh Allah. Isa Almasih bakato, ”Oih Ba-pak, Tuhan nan manguwasoi langik jo bumi! Ambo batarimo kasih kabake Angkau, dek karano kasadonyo tu Ang-kau rasiyokan, taradok urang-urang nan pandai, sarato nan ba-alemu, ta-pi, Angkau nyatokan taradok urang-urang nan indak basikola. Itulah nan manyanangkan ati Bapak. 22Sagalo sasuatu lah disarahkan dek Bapak kabake Ambo. Indak surang ju-wo doh urang nan tawu, siapo Anak, salain daripado Bapak. Indak ado pulo doh urang nan tawu siapo Bapak, sa-lain daripado Anak; sarato jo urang-urang, nan kabake inyo, Anak lah ma-nunjuakkan, siapo Bapak.” 23Sudah tu, Isa Almasih ma-engong kabake pangikuik-pangikuik-Nyo, ka-mudian, bakato kabake inyo tu jo sa-caro tasandiri, ”Bi baruntuanglah ang-kau, dek karano angkau lah bi maliyek, apo nan angkau liyek kiniko. 24Dek karano itu, kana-ilah nan Ambo katokan ko: Banyak nabi sarato jo rajo, nan niyo maliyek, nan angkau liyek kiniko, tapi, inyo tu indak bi dapek doh maliyeknyo. Inyo tu bi niyo nak mandanga, apo nan angkau danga ki-niko, tapi inyo tu indak bi dapek doh mandanganyo.” 25Kamudian, ado surang guru uga-mo nan tagak ka muko, nak manjarek Isa Almasih. Inyo batanyo, ”Angku Guru, apo nan musti ambo pabuwek, supayo ambo mandapek iduik saja-ti nan kaka?” 26Isa Almasih manjawauk, ”Apo nan tatulih di Alkitauk? Baa pandapek ang-kau tantang parkaro itu?” 27Urang tu manjawauk, ”'Kasiah-ilah Tuhan Allah angkau, jo sapanuah ati angkau, jo sapanuah jiwa angkau, jo sagalo kakuatan angkau, sarato jo kasadonyo aka pikieran angkau,' sa-rato ’ Kasiah-ilah nan sasamo manu-sia, bakcando angkau mangasiahi di-ri angkau sandiri.’ ” 28Isa Almasih bakato, ”Jawaukban angkau tu batua, karajokanlah kasa-donyo tu, mako, angkau ka manda-pek iduik nan kaka.” 29Tapi, dek karano guru ugamo Ya-hudi tu, nak ka mangarehkan panda-peknyo juwo. Mako, inyo batanyo ka-bake Isa Almasih, ”Siyakoh urang nan sasamo manusia jo ambo tu?” 30Isa Almasih manjawauk, ”Ado su-rang laki-laki nan turun dari Yerusa-lem ka Yerikho. Di tangah jalan, inyo di-ambek dek parampok, sagalo ara-tonyo di-ambiak, inyo ditangani sam-pai satangah mati, sudah tu, inyo di-tinggakan sajo tatilantang di tangah jalan, jo ka-adaan lah luko barek. 31Kabatualan, ado surang imam nan lalu pulo di jalan tu. Kutiko inyo ma-liyek urang tu, inyo ma-inda ka subaliak jalan, sudah tu, inyo taruih juwo bajalan. 32Baitu pulo, jo surang urang Lewi, nan lalu pulo di sinan tu; kutiko inyo manampak urang tu, inyo man-dakek untuak mancaliak siya bana urangnyo. Tapi, inyo pun ma-inda ka subaliak jalan, sudah tu, inyo taruih juwo bajalan. 33Tapi, kamudian, ado surang urang Samaria nan sadang da-lam pajalanan, lalu pulo di sinan tu. Kutiko inyo maliyek urang tu, iyo ba-na tabik ibonyo. 34Mako, didakek-inyo urang tu, sudah tu, inyo barasiahkan luko urang tu jo ayie anggur, sara-to inyo ubek-i jo minyak, kamudian, dibaluiknyo luko-luko urang tu. Sa-sudah tu, inyo nayiakkan ka ateh ka-ladainyo sandiri, kamudian, inyo ba-wok ka sabuwah panginapan, sarato inyo rawat bana urang tu. 35Bisuak arinyo, inyo ambiak duwo buwah pi-tih perak, sarato inyo barikan kaba-ke urang nan punyo panginapan tu, sarato bakato, ’Ubek-ilah urang nan sakik ko, jikok ado ongkoih-ongkoih nan lain, ambo bayie isuak, kutiko ambo lah babaliak kamari.’ ” 36Kamudian, Isa Almasih manyu-dahi curito-Nyo tu, jo sabuwah tanyo nan bakcando iko, ”Dari urang nan batigo tu, nama urangnyo manuruik pandapek angku, nan layi mampabu-wek sasuatu kabake sasamo manusia, taradok urang nan dirampok tu?” 37Guru ugamo nan ditanyo-i tu man-jawauk, ”Tantu urang nan lah ma-nolong urang nan dirampok tu.” Isa Almasih bakato, ”Jikok baitu, payi-lah, sarato pabuwek pulolah nan bak-cando itu!” 38Kamudian, Isa Almasih sarato jo pangikuik-pangikuik-Nyo, bi ma-naruihkan pajalanan, mako, tibolah di sabuwah kampuang. Di sinan tu, ado surang urang padusi nan banamo Marta, ma-undang Isa Almasih ka rumahnyo. 39Marta mampunyoi dunsanak padusi nan banamo Mar-yam. Nan Maryam ko, duduak da-kek kaki Tuhan Isa Almasih, untuak mandangakan ajaran-ajaran Baliau. 40Tapi, nan Marta basasak sangaik karajonyo, mangarajokan karajo ru-mah tanggonyo. Inyo payi kabake Isa Almasih, sarato bakato, ”Tuhan, apo-koh Tuhan indak paduli, si Maryam mampadiyakan ambo bakarajo sorang? Suruahlah inyo manolong ambo!” 41Tuhan manjawauk, ”Marta, Mar-ta! Angkau pancameh, sarato lah seso mamikiekan iko jo itu; 42padohal, nan paliang pantiang, hanyo ado ciyek. Nan Maryam lah mamiliah nan elok, nan ka tatauk manjadi miliak inyo.”

will be added

X\