LUKAS 1

1Angku Teofilus nan baiak budi, Banyak urang nan lah ba-usawo nak ka mancataik jo sacaro taratur, tantang kajadian-kajadian nan lah ta-jadi di tangah-tangah kito. 2Inyo tu bi mancataik sasuwai jo nan dicuritokan kabake kito, dek urang-urang nan lah bi maliyek sandiri, kajadian-kajadian tu, dari sajak samulo, nan kamudian, bi mangabakan barito tu. 3Sasudah am-bo pareso jo sacaro taliti kasadonyo, dari parmuloannyo, mako, ambo ra-so, eloklah ambo buwek surek nan jo sacaro taratur untuak angku. 4Ambo buwek surek ko, mukasuiknyo iyolah supayo angku buliah tawu, baraso apo nan lah di-ajakan kabake angku, iyo sabana-bana batua. 5Kutiko Herodes manjadi rajo di na-gari Yudea, ado surang imam nan ba-namo Zakharia. Inyo tamasuak golong-an imam-imam Abia. Bininyo banamo Elisabet, inyo katurunan imam pulo. 6Caro iduik kaduwo urang tu, manya-nangkan ati Allah. Kaduwonyo bi ma-matuahi sagalo parentah, sarato jo pa-ratuaran Tuhan, jo sapanuahnyo. 7Inyo tu indak mampunyoi anak, dek kara-no Elisabet mandua, sarato kaduwo-duwonyo lah bi gaek. 8Pado suatu ari, kutiko golongan Abia mandapek legaran manjadi imam, ma-ko, Zakharia manjalankan tugeh saba-gai imam di adok-an Allah. 9Jo sacaro ba-undi, bakcando nan biaso dipabuwek dek imam-imam, mako, Zakha-ria ditunjuak untuak masuak ka dalam Baithulmukadis, sarato nan ka mam-baka kumayan. 10Samantaro upacara mambaka kumayan di adokan, urang nan banyak bi badowa di luwa. 11Pado wakatu itu, malekaik Tuhan manam-pakkan diri kabake Zakharia. Male-kaik tu tagak di sabalah suwok meja tampaik mambaka kumayan. 12Kutiko Zakharia manampak malekaik tu, inyo takajuik sarato jo takuik. 13Tapi, male-kaik tu bakato, ”Jan takuik Zakharia! Allah lah mampalakukan dowa ang-kau. Urang rumah angkau, Elisabet ka malayiekan surang anak laki-laki. Ang-kau musti mambari namo si Yahya ka-bake anak tu. 14Angkau ka sangaik ba-sukocito, sarato banyak urang nan ka bi bagadang ati, jikok anak tu lah la-yie isuak! 15Inyo ka manjadi urang ba-sa manuruik pandangan Tuhan, sarato indak ka maminun anggur, atau minun-an kareh. Sajak dari layie, inyo ka diku-wasoi dek Roh Allah. 16Banyak urang Israel nan ka dibimbiangnyo, babaliak kabake Allah, Tuhan-nyo umaik Israel. 17Inyo ka manjadi pisuruah Tuhan nan kuwaik, sarato nan bakuwaso, samo jo bakcando Elia. Inyo ka mampadamai-kan apak jo anak, baitu pulo, urang nan indak patuah, ka dipimpinnyo babaliak ka jalan pikieran nan bana. Jo caro nan baitu, inyo manyadiyokan suatu umaik, nan lah siyauk untuak Tuhan.” 18Zakharia batanyo kabake male-kaik tu, ”Baa caronyo ambo dapek ta-wu, baraso, apo nan angkau katokan tu ka tajadi? Ambo lah gaek, nan bi-ni ambo lah tuwo pulo.” 19Malekaik tu manjawauk, ”Ambo ko Jibril. Ambo malayani Allah, sara-to Baliau-lah nan manyuruah ambo, untuak manyampaikan kaba baiak ko kabake angkau. 20Apo nan ambo ka-tokan, ka tajadi pado wakatunyo. Ta-pi, dek karano angkau indak picayo, mako, sasudah ko, angkau indak ka bisa lai bakato-kato; angkau ka man-jadi bisu, sampai tibo masonyo, apo nan ambo katokan tajadi.” 21Samantaro itu, urang-urang nan di luwa, taruih juwo bi manantikan Zakharia. Urang-urang tu bi eran, baa mangko lamo bana inyo di da-lam Baithulmukadis. 22Kutiko Zakha-ria lah kaluwa, inyo indak bisa lai ma-ngecek jo urang-urang tu. Inyo hanyo bisa manggarik-garikkan tangannyo ka ganti mangecek, nan inyo tatauk bisu. Mako, urang-urang tu pun bi tawu, ba-raso inyo lah maliyek suatu pangliya-tan di dalam Baithulmukadis. 23Sasudah abih maso tugehnyo di Baithulmukadis, mako, Zakharia pulang ka rumahnyo. 24Indak bara lamo kamu-dian, bininyo Elisabet, manganduang. Limo bulan lamonyo, Elisabet indak ka-luwa-kaluwa dari rumah. 25Inyo baka-to, ”Akienyo Tuhan manolong ambo, sa-rato ma-apuihkan ka-inoan ambo.” 26Kutiko Elisabet lah manganduang anam bulan, mako, Allah manyuruah malekaik Jibril payi ka Nazaret, sabu-wah kota di daerah Galilea. 27Jibril di-utuih kabake surang anak gadih, nan banamo Maryam. Anak gadih tu lah batunangan jo surang urang nan banamo Yusuf, dari katurunan Ra-jo Daud. 28Malekaik tu datang kaba-ke Maryam sarato bakato, ”Assalamu alaikum, angkau nan dibarakaik-i dek Tuhan, jo sacaro nan luwa biaso! Tuhan tatauk manyaratoi angkau!” 29Dek mandanga kecek malekaik tu, Maryam takajuik, sainggo inyo bata-nyo-tanyo di dalam ati, apo mukasuik-nyo salam tu. 30Mako, malekaik tu ba-kato kabake inyo, ”Jan takuik Maryam, dek karano angkau manyanangkan ati Allah. 31Angkau ka manganduang, sa-rato ka malayiekan surang anak, nan musti angkau bari namo Yesus, (Isa Almasih). 32Inyo ka manjadi urang nan basa, sarato ka dinamokan Anak Allah Nan Mahatenggi. Tuhan Allah ka man-jadikan Inyo Rajo, samo jo bakcando Rajo Daud, niniak muyang-Nyo. 33Nan Inyo ka mamarentah sabagai Rajo, ta-radok katurunan Yakub salamo-lamo-nyo. Karajaan-Nyo indak ka bakasu-dahan.” 34Maryam bakato kabake malekaik tu, ”Tapi, ambo ko kan gadih, alun ba-junjuangan, dima pulo ka mungkin ta-jadi nan bakcando itu?” 35Malekaik tu manjawauk, ”Roh Allah ka datang kabake angkau, sa-rato kuwaso Allah ka marawok-i ang-kau. Itulah sabauknyo, Anak nan ka layie tu dikatokan Suci, Anak Allah. 36Katawuilah: Elisabet dunsanak ang-kau tu, biyapun inyo lah gaek, nan urang bi mangatokan inyo tu mandua, tapi, kiniko inyo sadang manganduang anam bulan. 37Dek karano, dek Allah indak ado doh nan mustayie.” 38Sudah tu, Maryam bakato, ”Ambo ko hanyolah pisuruah Tuhan; biyalah tajadi di diri ambo, bakcando nan ang-kau katokan.” Sudah tu, malekaik tu payi maninggakan Maryam. 39Indak lamo sasudah tu, Maryam payi ka sabuwah kota di Yudea, di da-erah pagunuangan. 40Inyo payi ka rumah Zakharia, nan kutiko inyo ka masuak, inyo mambari salam kaba-ke Elisabet. 41Baitu Elisabet manda-nga salam dari Maryam, mako, anak nan di dalam kanduangan Elisabet tu, manggarik. Mako, Elisabet dikuwasoi dek Roh Allah, 42mako, inyo bakato jo suwaro nan kuwaik, ”Angkaulah nan paliang di barakaik-i, di antaro kasado-nyo padusi! Dibarakaik-ilah Anak nan ka angkau layiekan tu! 43Siya banalah ambo ko, sainggo mandeh Tuhan da-tang kabake ambo? 44Baitu ambo man-danga salam dari angkau, anak nan di dalam kanduangan ambo, manggarik dek kagadangan ati. 45Basukocitolah angkau, dek karano angkau picayo, ba-raso, apo nan dikatokan dek Tuhan ka-bake angkau tu, iyo, ka tajadi!” 46Maryam bakato, ”Ati ambo mamuji Tuhan, 47nan jiwa ambo basukocito, dek karano Allah Panyalamaik ambo. 48Baliau nan layi mangana ambo, Pisuruah-Nyo nan hino ko! Muloi dari sajak kiniko, kasadonyo banso, ka bi mangatokan, ambo basukocito. 49Dek karano, Allah Nan Mahakuwaso, mampabuwek sagalo parkaro nan luwa biaso taradok ambo. Sucilah namo Baliau. 50Dari satiyok katurunan, Tuhan maraso ibo, kabake urang nan takuik kabake Baliau. 51Jo tangan-Nyo nan kokoh, Baliau mampakecaikan urang nan uju, sarato mangacaukan mukasuik urang-urang tu. 52Rajo-rajo, Baliau turunkan dari kurisi karajaan, urang nan hino, Baliau tenggikan. 53Urang nan baparuik litak, Baliau puwehkan jo sagalo kabaiakkan, urang nan kayo, Baliau usie jo sakuih nan indak barisi. 54Baliau manolong Israel pisuruah-Nyo, manuruik janji nan Baliau buwek jo niniak muyang kito. 55Tuhan indak lupo doh jo janji-Nyo, Baliau bamurah ati kabake Ibrahim, sarato jo kabake katurunannyo, sampai salamo-lamonyo.” 56Kiro-kiro tigo bulan lamonyo, Mar-yam tingga jo Elisabet, sudah tu, baru inyo babaliak ka rumahnyo. 57Tibolah wakatunyo Elisabet ka malayiekan. Inyo malayiekan surang anak laki-laki. 58Urang-urang nan da-kek rumahnyo, sarato jo sanak sudaro-nyo bi mandanga, bara lah ka eloknyo Tuhan taradok Elisabet, urang-urang tu pun sato pulo bagadang ati samo jo inyo. 59Kutiko anak tu lah ba-umua sa-lapan ari, urang-urang tu bi tibo un-tuak ka manyunaikkannyo. Inyo tu ka bi manamoi anak tu si Zakharia, ma-nuruik namo apaknyo, 60tapi, Elisa-bet bakato, ”Jan lai itu namonyo! Inyo musti di-agiah namo si Yahya.” 61Urang nan banyak tu bi baka-to kabake inyo, ”Indak surang juwo doh sanak sudaro angkau nan bana-mo bakcando itu.” 62Sudah tu, bak-cando mangecek jo urang bisu, urang-urang tu bi batanyo kabake Zakharia, siya namo nan ka inyo barikan untuak anaknyo tu. 63Zakharia mamintak sabuwah batu tulih, sudah tu, inyo manulihkan di batu tu, ”Namonyo adolah si Yahya.” Kasadonyo urang tu bi tacangang. 64Di kutiko tu juwo, Zakharia bisa mangecek baliak, sarato mamuji Allah. 65Urang-urang nan di dakek rumahnyo, kasadonyo bi tabik takuik, sarato pacahlah kaba di-kaciyek-annyo daerah pagunuangan Yu-dea. 66Kasadonyo urang nan bi manda-nga kajadian tu, bi batanyo di dalam ati, ”Ka jadi apolah paja ko isuak?” Dek ka-rano Tuhan manyarato-inyo. 67Zakharia, apak dari anak tu, di-kuwasoi dek Roh Allah, sainggo inyo manyampaikan pasan dari Tuhan. Inyo bakato, 68”Molah kito mamuji Tuhan, Allah banso Israel! Baliau lah datang untuak ka manolong umaik-Nyo, sarato ka malapehkan umaik-Nyo tu. 69Baliau mambari kito, Panyalamaik nan bakuwaso, katurunan Daud, pisuruah-Nyo. 70Di maso nan sa-isuak sangaik, malalui nabi-nabi pilihan-Nyo, Tuhan lah mambari janji-Nyo, 71untuak manyalamaikkan kito, dari musuah kito, sarato ka malapehkan kito, dari kuwaso urang-urang nan mambanci-i kito. 72Untuak manyatokan, kamurahan ati Baliau kabake niniak muyang kito, mako, janji Baliau nan suci tu, ka Baliau tapek-i. 73- 74Baliau basumpah kabake Ibrahim bapak kito, sarato bajanji, untuak ka manyalamaikkan kito dari musuah kito, supayo kito indak maraso takuik, untuak ba-ibadaik kabake Baliau, 75sarato tatauk mampabudakkan diri kabake Baliau, sarato manyanangkan ati Baliau, salamo iduik kito. 76Oih anak ambo, angkau ka dinamokan nabi Allah Nan Mahatenggi. Angkau di-utuih mandawului Tuhan, untuak marintih jalan untuak Baliau, 77sarato mambaritokan kabake umaik-Nyo, baraso inyo tu ka disalamaikkan, jikok Allah lah ma-ampuni doso-doso umaik-Nyo tu. 78Tuhan kito pangasiah jo panyayang; untuak manyalamaikkan kito, Baliau datang. Nan bak matoari tabik di pagi ari, 79bakcando itulah Baliau mambarikan tarang-Nyo, kabake sadonyo urang, nan iduik di nan kalam, sarato jo nan bi katakuik-an. Baliau mambimbiang kito, ka jalan nan manuju kadamaian.” 80Anak Zakharia tu, batambah ga-dang, sarato batambah kuwaik rohnyo. Inyo tingga di padang gurun, sampai tibo masonyo, inyo manyatokan diri-nyo kabake banso Israel.

will be added

X\