YUDAS 1

1Sudaro-sudaro nan lah dipang-gie, sarato nan sangaik dikasiahi dek Allah Bapak, sarato nan dijago untuak Isa Almasih. Sabagai pisuruah Isa Almasih, ambo — Yudas — karek-an dek Yakobus, 2ma-arokkan: Mudah-mudahan Allah mambari bara-kaik, rahmaik, sarato jo tanang santoso nan balimpah ruwah kabake angkau. 3Oih sudaro-sudaro nan ambo ka-siahi! Ambo sabana-bana ba-usawo un-tuak mambuwek surek kabake angkau, tantang parkaro kasalamaiktan nan lah samo-samo kito alami. Tapi, kiniko am-bo maraso digarakkan, untuak manasi-yaik-i angkau malalui surek ko, supayo angkau taruih bajuwang untuak iman, nan lah dibarikan sakali dek Allah un-tuak salamo-lamonyo kabake umaik-Nyo. 4Dek karano, indak tarago kito sadari, ado urang-urang tatantu nan ma-nyalinok masuak ka tangah-tangah kito. Inyo tu urang-urang nan pasiak, nan ma-muta baliakkan barito tantang rahmaik Allah kito, supayo mandapekkan kasam-patan untuak malapehkan awa napasu inyo tu. Nan inyo tu indak manarimo Isa Almasih sabagai Panguwaso Tungga, sa-rato sabagai Tuhan kito. Sajak dari sa-isuak, ukunan untuak inyo tu lah dinu-buwaikkan di Alkitauk. 5Kasadonyo tu angkau lah bi tawu. Tapi, ambo niyo ma-ingekkan angkau, tantang baa Tuhan manyalamaikkan umaik Israel dari nagari Mesir, tapi, kamudian mambinasokan urang-urang nan indak picayo, di antaro inyo tu. 6Kana-i pulolah, malekaik-malekaik nan malampaui bateh-bateh kakuwasoan inyo tu, sainggo bi payi maning-gakan tampaik tingga inyo tu. Allah mampilanggu malekaik-malekaik tu jo rantai nan kaka, di tampaik nan kalam di bawah bumi. Di sinan tu, inyo tu di-kuruang taruih, sampai ukunan dija-tuahkan taradok inyo tu isuak, pado Ari nan luwa biaso tu. 7Kana-i pulolah kota Sodom jo Gomora, sarato jo kota-kota nan di sakuliliangnyo, nan pandu-duaknyo bi mampabuwek pulo sagalo kasalahan, bakcando nan dipabuwek dek malekaik-malekaik tu. Inyo tu bi mampabuwek sagalo parkaro nan ca-bua, sarato nan indak bataratik, saing-go inyo tu di-ajauk jo ukunan api nan kaka, nan dijadikan untuak mampari-ngekkan kasadonyo urang. 8Baitu pulo urang-urang tu nan pa-ngananyo ba-angan-angan, sampai inyo tu bi babuwek doso taradok tu-buah inyo tu sandiri. Inyo tu bi ma-ang-gauk randah kakuwasoan Allah, sarato bi ma-ino sagalo mukaluak nan mulie di sarugo. 9Mikhael sandiri, nan ma-ngapalo-i malekaik-malekaik, indak panah doh mampabuwek nan bakcan-do itu. Pado wakatu inyo batangka jo Ubilih, dalam pasalisiahan tantang siya nan ka mandapekkan mayik Musa, Mi-khael indak barani doh mampasalahkan Ubilih jo kato-kato nan ma-ino. Mikha-el hanyo bakato, ”Tuhan ka mamban-tak angkau!” 10Tapi, jo kato-kato nan ma-ino, urang-urang tu manyarang sa-galo sasuatu nan inyo tu indak bi ma-ngarati. Inyo tu samo jo bakcando bi-natang-binatang nan indak baraka, nan mangatawui sagalo parkaro hanyo jo parasaannyo sajo. Tapi, malah dek saga-lo parkaro tu lah, nan ka ma-akibaikkan inyo tu abih binaso. 11Cilakolah inyo tu, dek karano lah bi ma-ikuik-i jalan nan ditampuah dek Kain. Supayo nak mandapekkan upah, inyo tu bi manja-rumuihkan diri masuak lambah nan sa-sek, samo jo bakcando Bileam. Nan inyo tu pun di binasokan, dek karano man-durako bakcando Korah. 12Pado waka-tu angkau ma-adokan alek makan, ku-renah urang-urang tu mamuwakkan di antaro angkau. Dek karano, inyo tu in-dak malu-malu manyantuang makanan dek kacangok-an, nan hanyo maman-tiangkan diri sandiri. Inyo tu ibaraik awan nan di-ambuih dek ribuik, tapi, indak manurunkan ujan. Inyo tu di-iba-raikkan pulo, nan bak batang nan indak ma-asiekan buwah, biyapun di musin buwah-buwahan; nan bak batang nan lah dibokek ureknyo, sarato lah mati ka sabatang-annyo. 13Samo jo ibaraik om-bak nan manggilo di lauik, nan manim-buakan buwieh, baitu pulo urang-urang tu, bi mambuwiehkan sagalo pabuatan nan mamalukan. Inyo tu adolah ibaraik bintang-bintang nan batualang, nan tampaiknyo lah disadiyokan dek Allah, dalam kalam bakapiciak nan manakuik-kan untuak salamo-lamonyo. 14Henokh, katurunan nan katujuah dari Adam, sa-isuak panah manubu-waikkan tantang parkaro urang-urang tu. Henokh bakato, ”Liyeklah, Tuhan ka datang jo baribu-ribu malekaik-Nyo nan suci, 15untuak ka ma-adieli kasa-donyo urang. Tuhan ka ma-ukun urang-urang nan jahek, dek karano, sagalo pa-buatan inyo tu nan indak bataratik. Nan Baliau ka ma-ukun urang nan badoso, sarato nan durako, dek karano sagalo kato-kato ma-ino nan inyo katokan.” 16Urang-urang tu tatauk sajo bi manggarutok, sarato bi manyalahkan urang lain. Inyo tu iduik manuruik sa-galo ka-inginan inyo nan badoso. Inyo tu bi ma-ota manggadangkan diri san-diri, sarato suko ma-ambiak muko, su-payo mandapek nan ka labo. 17Tapi, oih sudaro-sudaro nan ambo kasiahi, kana-ilah, tantang apo nan du-lu lah dikatokan dek rasul-rasul Tuhan kito Isa Almasih. 18Inyo tu lah bi ma-agiah tawu talabiah dulu kabake ang-kau, baraso manjalang akie jaman, ka bi ado urang-urang nan ka mancimeehkan angkau, iyolah, urang-urang nan iduik manuruik sagalo ka-inginan inyo nan badoso. 19Inyo tu lah urang-urang nan manimbuakan silang sangketo. Inyo tu indak dikuwasoi dek Roh Allah, tapi, di-kuwasoi dek sagalo ka-inginan tabiyaik duniawi. 20Tapi, nan angkau, oih suda-ro-sudaro ambo, bangunlah taruih iduik angkau, badasarkan iman angkau kaba-ke Isa Almasih. Iman angkau tu sangaik suci. Samantaro itu, badowalah jo kuwa-so Roh Allah, 21sarato tatauklah iduik di bawah linduangan kasiah Allah, sala-mo angkau bi manantikan rahmaik Isa Almasih Tuhan kito, nan ka mambarikan kabake angkau iduik sajati nan kaka. 22Taradok urang-urang nan bimbang atinyo, andaklah angkau manyatokan raso ibo. 23Elolah urang kaluwa da-ri dalam api, untuak manyalamaikkan inyo tu. Taradok urang-urang lainnyo, andaklah angkau manyatokan raso ibo, disaratoi parasaan takuik, tapi, banci-ilah pakaian inyo tu, nan lah dikumuahi dek ka-inginan inyo nan badoso. 24Allah nan bisa manjago supayo angkau indak jatuah, sarato nan bisa mambawok angkau ka adok-an kamu-liyaan-Nyo jo sukocito, sarato indak ta-rago bacacek, 25Baliau-lah Allah nan indak babilang, Panyalamaik kito ma-lalui Isa Almasih Tuhan kito. Baliau-lah Allah nan mulie, nan basa, nan baku-waso, sarato nan bawibawa, sajak da-ri jaman sa-isuak sampai kiniko, sarato untuak salamo-lamonyo! Amin!

will be added

X\