YAHYA 9

1Kutiko Isa Almasih sadang bajalan, Baliau manampak urang, nan buto sajak dari layie. 2Pangikuik-pa-ngikuik Baliau bi batanyo, ”Angku Gu-ru, baa mangko urang ko dilayiekan buto? Apokoh dek karano inyo bado-so, atau dek karano urang gaeknyo nan badoso?” 3Isa Almasih manjawauk, ”Inyo ko buto, indak dek karano doso inyo doh, sarato indak pulo doh dek ka-rano doso urang gaeknyo, tapi, su-payo urang dapek bi maliyek, kuwa-so Allah bakarajo dalam diri urang ko. 4Salamo ari layi siang, kito mus-ti mangarajokan karajo Baliau nan ma-utuih Ambo. Sabanta lai ari ka malam, sarato indak ka surang juwo doh urang nan ka dapek bakarajo. 5Salamo Ambo di dunia ko, Ambo-lah tarang dunia.” 6Sasudah bakato bakcando itu, Isa Almasih maliyua ka tanah, sarato ma-aduak ayie liyua-Nyo tu jo tanah. Ka-mudian, Baliau mambaruikkannyo ka mato urang nan buto tu, 7sarato baka-to kabake urang tu, ”Payilah basuah muko angkau ka Tabek Siloam.” (Si-loam aratinyo adolah ’Di-utuih'.) Ma-ko, payilah urang tu mambasuah mu-konyo. Kutiko inyo lah babaliak, nan matonyo lah dapek maliyek. 8Urang-urang nan di dakek rumah-nyo, sarato jo urang-urang nan saba-lunnyo bi manampak inyo mintak si-dakah, kasadonyo bi bakato, ”Indak koh inyo ko urang nan biasonyo min-tak sidakah?” 9Ado nan bi bakato, ”Iyo, iyo inyo ko.” Tapi, ado pulo nan bi bakato, ”In-dak, inyo ko hanyo ampia sa-ireh jo urang nan buto tu.” Tapi, nan urang tu sandiri bakato, ”Batua, ambolah urangnyo.” 10Urang-urang tu bi batanyo kabake inyo, ”Baa tu asa mulonyo, kok kiniko mato angkau lah bisa maliyek?” 11Inyo manjawauk, ”Urang nan ba-namo Isa Almasih, ma-ambiak luluak saketek, sudah tu Baliau baruikkan ka mato ambo, sarato jo bakato, ’Payilah basuah muko angkau ka Tabek Silo-am.’ Mako, ambo pun payi. Sasudah ambo mambasuah muko, nan mato ambo ko lah bisa maliyek.” 12Mako, urang-urang tu bi batanyo: ”Dimanyo Urang nan mancegakkan tu?” Inyo manjawauk, ”Indak tawu ambo doh.” 13- 14Kutiko Isa Almasih ma-aduak tanah jo ayie liyua-Nyo, untuak ka pa-ubek mato urang buto, supayo bisa maliyek, ari tu, adolah ari Sabat. Mako, urang nan lah cegak tu diba-wok kabake urang-urang Farisi. 15Inyo tu bi batanyo pulo kabake urang tu, baa asa mulonyo, kok matonyo lah bisa maliyek. Urang tu manjawauk, ”Baliau mambaruikkan luluak ka ma-to ambo, sudah tu, ambo payi mam-basuah muko, mako, mato ambo lah bisa maliyek.” 16Babarapo urang di antaro urang Farisi tu bi bakato, ”Indak mungkin Urang nan ma-ubek ko barasa dari Allah, dek karano Inyo indak ma-aro-maik-i ari Sabat.” Tapi, urang nan lain bi bakato, ”Di-ma pulo ka mungkin, urang nan bado-so mampabuwek mukjizat nan bakcan-do iko?” Mako, timbualah patikaiyan pandapek di antaro inyo tu. 17Mako, urang-urang Farisi tu, bi batanyo pulo baliak kabake urang tu, ”Baa pandapek angkau, tantang Urang nan lah mancegakkan angkau tu?” Inyo manjawauk, ”Manuruik panda-pek ambo, Baliau tu adolah Nabi.” 18Tapi, pamimpin-pamimpin urang Yahudi tu indak bi picayo, baraso, urang tu iyo buto sajak dari layienyo, nan kiniko lah bisa maliyek. Dek ka-rano itu, inyo tu bi mamanggie apak sarato jo mandeh urang tu, 19sarato jo batanyo, ”Batuakoh iko anak angkau, nan angkau katokan buto dari sajak la-yienyo? Baa tu asa mulonyo, mangko kiniko inyo lah bisa maliyek?” 20Apak sarato jo mandeh urang tu bi manjawauk, ”Iyo, inyo ko iyo anak kami, nan inyo iyo buto dari sajak la-yienyo. 21Tapi, baa asa mulonyo mang-ko inyo kiniko lah bisa maliyek, nan kami indak tawu doh. Sarato siya nan mambuwek inyo bisa maliyek, itu pun kami indak tawu. Tanyokan sajolah ka-bake inyo, inyo kan lah gadang, inyo dapek manjawauk sorang.” 22Mang-konyo apak jo mandeh urang tu bi ba-kato bakcando itu, sabauk inyo tu bi takuik kabake pamimpin-pamimpin urang Yahudi. Dek karano urang-urang tu lah supakaik, baraso satiyok urang nan ma-akui Isa Almasih sabagai Rajo Panyalamaik, indak dibuliahkan lai masuak ka rumah ibadaik. 23Itu sa-bauknyo urang gaeknyo tu mangato-kan, ”Inyo lah gadang, tanyokan sa-jolah kabake inyo.” 24Sudah tu, urang-urang tu bi ma-manggie baliak, urang buto nan lah ce-gak tu, sarato bakato kabake inyo, ”Ba-sumpahlah angkau, baraso angkau layi ka mangatokan nan sabananyo. Kami tawu, Urang tu urang badoso.” 25Inyo manjawauk, ”Apokoh Baliau tu badoso atau indak, nan ambo indak tawu doh. Nan jaleh dek ambo hanyo ciyek, dulu mato ambo ko buto, nan kiniko lah bisa maliyek.” 26Mako urang-urang tu bi batanyo baliak kabake urang nan lah cegak tu, ”Apo nan Inyo pabuwek kabake ang-kau? Baa caro Inyo mambuwek mato angkau bisa maliyek?” 27Urang tu manjawauk, ”Cako lah ambo curitokan kabake angku-angku, tapi angku-angku indak bi namuah doh mandangakan. Baa mangko ki-niko angku-angku nak mandangakan-nyo pulo baliak? Mungkin angku-ang-ku nak ka bi manjadi pangikuik Baliau pulo yo?” 28Mako, bi bangihlah urang-urang tu kabake inyo, sarato jo bakato, ”Wa-ang sajolah nan pangikuik-Nyo, nan kami ko indak! Kami ko pangikuik Mu-sa. 29Kami tawu, baraso Allah lah ba-pasan kabake Musa. Tapi, Urang nan mancegakkan wa-ang tu, kami indak tawu doh dari ma asa-Nyo.” 30Inyo manjawauk, ”Sabana eran ambo tu, jikok angku-angku indak bi tawu dari ma asa Baliau, sadangkan Baliau lah mambuwek mato ambo bi-sa maliyek. 31Kito lah bi tawu, bara-so Allah indak mampalakukan pintak urang nan badoso, tapi, hanyo pintak urang nan saliah, sarato layi manga-rajokan nan katuju dek Allah. 32Sajak dunie takambang, alun ado lai kito mandanga, urang nan bisa ma-ubek, mato urang nan buto sajak dari layie, sampai bisa maliyek. 33Jikok Baliau tu indak datang dari Allah, tantu in-dak sabuwah alah juwo doh nan ka dapek Baliau pabuwek.” 34Urang-urang tu bi bakato, ”Apo kecek wa-ang? Wa-ang nan bagulimang doso sa-jak dari layie, wa-ang nak ka ma-aja-i kami pulo?” Mako, sajak dari itu, inyo indak di-buliahkan lai masuak ka rumah ibadaik. 35Isa Almasih lah mandanga kaba, ba-raso urang-urang Yahudi, lah managah urang tu masuak ka rumah ibadaik. Ma-ko, Baliau payi mancari urang tu, sarato bakato kabake inyo, ”Apokoh angkau layi picayo kabake Anak Manusia?” 36Urang tu manjawauk, ”Siya tu nan Anak Manusia tu, Ngku? Tolonglah tun-juakkan kabake ambo, supayo ambo picayo kabake Baliau.” 37Isa Almasih bakato kabake inyo, ”Kiniko angkau lah maliyek Inyo, iko-lah nan Anak Manusia, nan sadang mangecek jo angkau ko.” 38”Ambo picayo, Tuhan ” kecek urang tu, mako, inyo sujuik di adok-an Isa Almasih. 39Isa Almasih bakato, ”Ambo da-tang ka dunie ko untuak ka ma-adieli, supayo urang nan buto bisa maliyek, baitu pulo sabaliaknyo, urang nan bi-sa maliyek, ka manjadi buto.” 40Babarapo urang Farisi nan ado di si-nan tu, bi mandanga Isa Almasih mange-cek bakcando itu, mako, inyo tu bi batanyo kabake Baliau, ”Jadi, mukasuik Angkau, nan kami ko lah buto pulo?” 41Isa Almasih manjawauk, ”Kok santa-no angkau bi buto, nan angkau indak ka bi badoso doh. Tapi, dek karano angkau bi mangatokan, ’Kami layi bi maliyek.’ mako, tatauklah angkau dalam doso.” YAHYA

will be added

X\