YAHYA 8

1Tapi, Isa Almasih payi ka Bukik Zaitun. 2Bisuak arinyo subuah-subuah, Baliau lah tibo pulo baliak di Baithullah, sarato banyak urang nan bi tibo kabake Baliau. Isa Alma-sih duduak, sarato ma-aja urang-urang tu. 3Samantaro itu, tibolah guru-guru ugamo, sarato jo urang-urang Farisi, mambawok kabake Baliau surang padu-si nan tatangkok basah sadang bajina. Urang-urang tu bi manyuruah padusi tu tagak di tangah-tangah, 4sudah tu, inyo tu bi bakato kabake Isa Almasih, ”Angku Guru, padusi ko tatangkok ba-sah sadang bajina. 5Di Kitauk Taurat nan di-ajakan dek Musa, ado paratua-ran, baraso padusi nan samacam iko, musti dipungkangi jo batu sampai ma-ti. Nan kiniko baa pandapek Angku Guru?” 6Urang tu bi batanyo bakcan-do itu, sangajo untuak ka manjarek Isa Almasih, supayo inyo tu dapek bi manyalahkan Baliau. Tapi, Isa Almasih manakua sajo, sarato manulih jo jari-Nyo di tanah. 7Kutiko urang-urang tu taruih juwo bi mandasak, mako Ba-liau pun tagak, sarato bakato kabake urang-urang tu, ”Siya di antaro ang-kau nan indak badoso, biyalah inyo nan mamuloi mamungkangkan batu kabake urang padusi tu.” 8Sasudah tu, Isa Almasih manakua pulo baliak, sarato manulih pulo di tanah. 9Sasu-dah bi mandanga kecek Isa Almasih nan bakcando itu, mako, bi payilah urang tu surang-surang dari tampaik tu, muloi dari nan paliang tuwo. Akie-nyo, Isa Almasih sajolah nan tingga di sinan tu, sarato jo urang padusi tu, nan tagak juwo lai di tampaik tagak-nyo. 10Mako, Isa Almasih pun tagak, sarato bakato kabake urang padusi tu, ”Bi kamanyo urang nan banyak ca-ko? Indak ado doh nan ka ma-ukun angkau?” 11Urang padusi tu manjawauk, ”In-dak ado doh Ngku.” Isa Almasih bakato, ”Ambo indak pulo doh ka ma-ukun angkau. Nan kiniko payilah, sarato jan babuwek doso juwo.”] 12Isa Almasih bakato pulo kaba-ke urang nan banyak, Baliau bakato, ”Ambo-lah tarang dunia. Urang nan layi manuruikkan Ambo, indak doh ka bajalan di nan kalam, tapi, inyo ka mampunyoi tarang dalam iduiknyo.” 13Mako, urang-urang Farisi bakato kabake Baliau, ”Angkau mambari pa-ngakuan tantang diri Angkau sandiri, pangakuan Angkau tu indak batua.” 14Isa Almasih manjawauk, ”Biya-pun Ambo mambarikan pangakuan tantang diri Ambo sandiri, pangaku-an Ambo tu batua. Dek karano, Ambo tawu dari ma Ambo datang, sarato ta-wu pulo kama Ambo ka payi. Angkau indak bi tawu doh dari ma Ambo da-tang, sarato indak bi tawu pulo doh, kama Ambo ka payi. 15Angkau ma-adieli urang manuruik ukuaran ma-nusia. Nan Ambo, indak surang juwo doh urang nan Ambo adieli. 16Tapi, jikok ma-adieli urang, nan kaputus-an Ambo tu adie, dek karano, Ambo indak surang Ambo sajo doh. Bapak nan ma-utuih Ambo, tatauk ado sa-mo-samo jo Ambo. 17Di dalam Ki-tauk Taurat angkau, ado tatulih nan bakcando iko: Pangakuan nan batua, adolah, pangakuan dari urang nan duwo urang. 18Nan mambari panga-kuan tantang diri Ambo, ado badu-wo Ambo, sarato jo Bapak nan ma-utuih Ambo.” 19Mako, urang-urang tu bi batanyo kabake Isa Almasih, ”Dima-Nyo Ba-pak Angkau tu?” Baliau manjawauk, ”Tantang diri Ambo sajo, angkau indak bi tawu doh, apo lai jo Bapak Ambo. Kok santano angkau layi bi tawu jo Ambo, tantu, lah musti angkau ka bi tawu pulo jo Bapak Ambo.” 20Kasadonyo tu dikatokan dek Isa Almasih, pado wakatu Baliau sadang ma-aja di Baithullah, dakek kotak pitih pasambahan. Tapi, indak surang juwo doh urang nan manangkok Baliau, dek karano, alun tibo lai masonyo. 21Isa Almasih bakato pulo baliak ka-bake urang-urang tu, ”Ambo ka payi lai, nan angkau ka bi mancari Ambo, tapi, angkau ka bi mati di dalam do-so angkau. Ka tampaik Ambo ka pa-yi, nan angkau indak ka bisa doh da-tang ka sinan tu.” 22Mako, pamimpin-pamimpin urang Yahudi bi bakato, ”Mungkin Inyo ko nak ka bunuah diri, dek karano Inyo bakato, ’Ka tampaik Ambo ka payi, nan angkau indak ka bisa doh datang ka sinan tu.’ ” 23Sudah tu, Isa Almasih bakato ka-bake inyo tu, ”Angkau datang dari ba-wah, tapi, nan Ambo datang dari ateh. Angkau dari dunia, tapi, nan Ambo in-dak doh dari dunia. 24Itu sabauknyo Ambo bakato kabake angkau, bara-so angkau ka bi mati dalam doso-do-so angkau. Dek karano, jikok angkau indak bi picayo, baraso, ’Ambo-lah Baliau nan dinamokan ADEN ADO’, mako, angkau ka bi mati dalam do-so-doso angkau.” 25Mako, urang-urang tu bi batanyo kabake Isa Almasih, ”Jadi, Angkau ko siya nan sabananyo?” Baliau manjawauk, ”Indak ado lai gunonyo Ambo mangecek jo angkau! 26Sambuah lai tantang diri angkau nan nak ka Ambo katokan, sarato nan nak ka Ambo adieli. Tapi, Baliau nan ma-utuih Ambo dapek dipicayoi. Nan Ambo ma-agiah tawu kabake dunia, apo nan lah Ambo danga dari Baliau.” 27Urang-urang tu indak bi mangara-ti, baraso Isa Almasih sadang mancu-ritokan kabake inyo tu tantang Allah Bapak. 28Dek karano itu, Baliau ba-kato kabake inyo tu, ”Isuak, jikok angkau lah bi manenggikan Anak Manusia, mako, angkau ka bi tawu, baraso ’Am-bo-lah Baliau nan dinamokan ADEN ADO’, nan angkau ka bi tawu, bara-so indak ciyek juwo doh nan Ambo pabuwek tu, dari diri Ambo sandiri. Ambo hanyo mangatokan apo nan lah di-ajakan dek Bapak kabake Ambo. 29Baliau nan ma-utuih Ambo, ado sa-mo-samo jo Ambo. Baliau indak pa-nah doh mampadiyakan Ambo ting-ga sorang, dek karano, Ambo tatauk mampabuwek apo nan manyanang-kan ati Baliau.” 30Sasudah Isa Almasih mangatokan kasadonyo tu, sambuah urang nan bi picayo kabake Baliau. 31Kamudian, Isa Almasih bakato ka-bake urang-urang Yahudi nan lah bi pi-cayo kabake Baliau, ”Jikok angkau iduik layi manuruik ajaran Ambo, mako, angkau sabana-bana pangikuik Ambo, 32nan angkau sabana-bana ka tawu jo Allah nan bana, nan dek karano itu, angkau ka dimaradekakan.” 33Urang-urang tu bi bakato, ”Kami ko katurunan Ibrahim, alun panah lai kami manjadi budak siapo pun juwo! Apo mukasuiknyo kato-kato Angkau nan mangatokan: ’baraso kami ka di-maradekakan'?” 34Isa Almasih bakato kabake inyo tu, ”Nan bana lah nan Ambo katokan ko. Urang nan mampabuwek doso, ado-lah budak doso. 35Nan budak, indak mampunyoi tampaik nan tatauk doh di rumah tanggo, sadangkan nan anak, untuak salamo-lamonyo mampunyoi tampaik di rumah tanggo. 36Dek ka-rano itu, jikok Anak Manusia nan ma-maradekakan angkau, mako, angkau sabana-bana maradeka. 37Ambo layi tawu, baraso angkau ko katurunan Ibrahim. Tapi, angkau nak ka bi mambunuah Ambo, dek karano, angkau indak bi namuah manarimo panga-jaran Ambo. 38Apo nan Ambo liyek di Bapak Ambo, itulah nan Ambo ka-tokan. Baitu pulo angkau, angkau bi mangarajokan apo nan di-ajakan dek apak angkau.” 39Inyo tu bi manjawauk, ”Apak ka-mi adolah Ibrahim.” Isa Almasih bakato, ”Santano ang-kau, batua-batua anak Ibrahim, tantu angkau ka bi mangarajokan pulo, apo nan dikarajokan dek Ibrahim. 40Ambo manyampaikan kabanaran kabake ang-kau, iyolah kabanaran nan Ambo da-nga dari Allah, tapi, angkau nak ka bi mambunuah Ambo. Ibrahim indak ado doh mangarajokan nan bakcando itu! 41Angkau bi mangarajokan apo nan dikarajokan dek apak angkau.” Inyo tu bi manjawauk, ”Kami ko in-dak anak-anak jina doh. Bapak kami hanyo surang, iyolah Allah sandiri.” 42Sudah tu, Isa Almasih bakato ka-bake inyo tu, ”Jikok Allah tu adolah Bapak angkau, tantu angkau ka bi ma-ngasiahi Ambo, dek karano, Ambo ko datang dari Allah. Ambo datang in-dak jo sakandak ati Ambo sorang doh, tapi, Baliau-lah nan ma-utuih Ambo. 43Apo sabauknyo mangko angkau in-dak bi mangarati, jo sagalo apo nan Ambo katokan? Dek karano, pikieran angkau tu indak bisa manangkok apo nan Ambo ajakan. 44Ubilih lah ko nan manjadi apak angkau, nan angkau ni-yo mampaturuikkan kandak apak ang-kau tu. Sajak samulo Ubilih tu suko mambunuah. Inyo indak panah tagak di nan bana, dek karano, indak ado doh kabanaran di dirinyo. Jikok inyo baduto, itu iyo lah patuik, dek karano lah baitu sipaiknyo. Inyo paduto, sa-rato induak dari sagalo duto. 45Tapi, nan Ambo mangatokan kabanaran, nan dek karano itulah, mangkonyo angkau indak bi picayo kabake Am-bo. 46Siya di antaro angkau nan bisa mambuktikan, baraso Ambo babu-wek doso? Kutiko Ambo mangatokan kabanaran, baa mangko angkau in-dak bi picayo kabake Ambo? 47Urang nan barasa dari Allah, namuah man-dangakan kato-kato Allah. Tapi, nan angkau ko, indak dari Allah doh ko, itulah sabauknyo, mangkonyo ang-kau indak bi namuah ma-iyokan ke-cek Ambo.” 48Urang-urang Yahudi tu bi baka-to kabake Isa Almasih, ”Indakkoh ba-tua juwo apo nan kami katokan, bara-so Angkau adolah urang Samaria nan kamasuak-an setan?” 49Isa Almasih manjawauk, ”Ambo indak kamasuak-an setan doh. Ambo ma-aromaik-i Bapak Ambo, tapi, ang-kau bi ma-ino Ambo. 50Ambo indak mancari aromaik untuak diri Ambo sandiri doh. Ado Baliau nan ma-usa-wokan aromaik untuak Ambo, sarato Baliau pulolah nan ka ma-adieli urang. 51Nan sabananyolah nan Ambo kato-kan ko, urang nan layi ma-iyokan ka-to-kato Ambo, indak ka mati doh sa-lamo-lamonyo.” 52Mako, urang-urang Yahudi tu bi bakato kabake Isa Almasih, ”Kiniko kami lah tawu, baraso Angkau iyo sa-bana-bana kamasuak-an setan! Ibra-him sandiri lah mati, baitu pulo ka-sadonyo nabi-nabi nan lainnyo. Tapi, nan Angkau bakato, ’Urang nan layi ma-iyokan kato-kato Ambo, indak ka mati doh untuak salamo-lamonyo.’ 53Sadangkan Ibrahim sandiri lah ma-ti, baitu pulo kasadonyo nabi-nabi nan lainnyo lah bi mati pulo, jadi, nan Ang-kau ko siya nan sabananyo? Masokan Angkau labiah basa daripado bapak kami Ibrahim!” 54Isa Almasih manjawauk, ”Jikok Ambo mancari aromaik untuak diri Ambo sandiri, mako, aromaik tu indak ado doh tu aratinyo. Nan ka mambari-kan aromaik untuak Ambo tu, adolah Bapak Ambo, nan angkau anggauk sabagai Allah angkau, 55padohal ang-kau sandiri indak bi bakatawuan doh jo Baliau. Tapi, nan Ambo bakatawu-an jo Baliau. Jikok Ambo katokan ba-raso Ambo indak bakatawuan jo Ba-liau, mako, Ambo adolah urang nan paduto, samo jo bakcando angkau. Ambo bakatawuan jo Baliau, sarato mamatuahi sagalo kato-kato Baliau. 56Ibrahim, apak angkau tu, sangaik basukocito, baraso inyo ka maliyek ari Ambo. Nan inyo lah maliyek, sa-rato sanang sangaik atinyo!” 57Mako, urang-urang Yahudi tu bi bakato kabake Isa Almasih, ”Umua Angkau alun sampai lai limo puluah tawun, tapi, Angkau mangatokan lah maliyek Ibrahim?” 58Isa Almasih manjawauk, ”Nan sa-bananyo nan Ambo katokan kabake angkau: Sabalun Ibrahim layie, nan Ambo lah ado juwo.” 59Dek mandangakan nan bakcan-do itu, urang-urang Yahudi tu bi ma-ambiak-i batu, untuak ka pamung-kang Isa Almasih, tapi, Baliau capek manggalicau, sudah tu kaluwa dari Baithullah. YAHYA

will be added

X\