YAHYA 7

1Sasudah tu, Isa Almasih payi kian kumari di daerah Galilea. Baliau indak namuah doh payi ka daerah Yu-dea, dek karano, panguwaso-pangu-waso urang Yahudi nan di sinan tu, bi bamukasuik nak ka mambunuah Baliau. 2Pado wakatu itu, lah ka dakek Ari Rayo Pondok Daun. 3Mako, dunsanak-dunsanak Isa Almasih, bi bakato kaba-ke Baliau, ”Sarancaknyo, Angkau ting-gakanlah tampaik ko, sarato payilah ka Yudea, supayo pangikuik-pangikuik Angkau dapek pulo bi maliyek, sagalo pabuatan nan Angkau pabuwek. 4Indak ado doh urang mampabuwek sasuatu di tampaik nan ta-andok, jikok inyo niyo tamusawua. Jikok Angkau mam-pabuwek sagalo parkaro nan luwa bi-aso tu, kasadonyo urang nan di dunia ko, musti bi tawu andaknyo!” ( 5Dek karano, dunsanak-dunsanak Baliau sandiri, indak bi picayo pulo doh ka-bake Baliau.) 6Isa Almasih bakato kabake inyo tu, ”Alun tibo lai masonyo di Ambo, ta-pi, jikok dek kalian tatauk ado wakatu. 7Dunia ko indak ka mungkin doh mambanci-i kalian. Tapi, nan Ambo ko, iyo ka dibanci-i dek dunia, dek ka-rano, Ambo taruih mangatokan kaba-ke dunia ko, baraso kalakuannyo ja-hek. 8Kalian sajolah nan bi payi ka tampaik ari rayo tu. Nan Ambo indak ka payi doh, dek karano, alun waka-tunyo lai dek Ambo.” 9Baitulah kecek Isa Almasih kabake dunsanak-dun-sanak-Nyo, nan Baliau tatauk ting-ga di Galilea. 10Sasudah dunsanak-dunsanak Isa Almasih bi payi ka tampaik ari ra-yo tu, mako, nan Baliau payi pulo ka sinan tu jo sacaro ba-anok-anok, in-dak tarago dikatawui urang. 11Sala-mo ari rayo tu, panguwaso-pangu-waso urang Yahudi bi mancari-cari Baliau, sarato bi batanyo-tanyo, ”Di-manyo si Isa tu?” 12Sambuah urang nan babisiak-bisiak mancuritokan tantang diri Isa Almasih. Ado nan mangatokan: ”Baliau tu urang elok.” Ado pulo nan mangatokan: ”Indak! Inyo tu mamba-wok urang ka jalan nan sasek.” 13Tapi, indak surang juwo doh urang nan ba-rani mangecek tarang-tarangan, tan-tang diri Baliau, dek karano, inyo tu bi takuik kabake panguwaso-pangu-waso urang Yahudi. 14Kutiko urang sadang bi ba-ari ra-yo, Isa Almasih masuak ka Baithullah, mako, mulo-ilah Baliau ma-aja. 15panguwaso-panguwaso urang Yahu-di sabana bi tacangang, sarato bi baka-to, ”Baa sabananyo Urang ko, kok sam-buah bana pangatawuan-Nyo, padohal Inyo indak panah doh baraja?” 16Isa Almasih manjawauk, ”Nan Am-bo ajakan ko, indak ajaran dari Ambo doh, tapi, adolah ajaran dari Baliau nan ma-utuih Ambo. 17Urang nan la-yi mangarajokan nan katuju dek Allah, mako, inyo ka tawu, apokoh ajaran Ambo ko datangnyo dari Allah, atau dari Ambo sandiri. 18Urang nan ma-ajakan ajaran inyo sandiri, mancari aromaik untuak dirinyo sandiri. Ta-pi, urang nan mancari aromaik un-tuak Baliau nan ma-utuih inyo, urang tu luruih ati, indak ado doh kicuah di dirinyo. 19Indakkoh Musa lah mam-barikan paratuaran Kitauk Taurat ka-bake angkau? Tapi, indak surang juwo doh di antaro angkau, nan layi mama-tuahi sagalo paratuaran tu. Baa mang-ko angkau bi ba-usawo nak ka mam-bunuah Ambo?” 20Urang nan banyak tu bi manja-wauk, ”Angkau lah gilo ko! Siya nan nak ka mambunuah Angkau?” 21Isa Almasih manjawauk, ”Hanyo ciyek pabuatan nan Ambo pabuwek di ari Sabat, nan angkau bi tacangang. 22Musa manataukkan supayo ang-kau bi basunaik biyapun basunaik tu sabananyo indak barasa dari Mu-sa tu doh, tapi, dari niniak muyang kito. Dek karano itu, di ari Sabat pun angkau nak ka manyunaikkan urang. 23Jikok angkau manyunaikkan urang di ari Sabat, supayo jan malangga pa-ratuaran Musa, tapi, baa mangko ang-kau bi bangih kabake Ambo, dek kara-no Ambo mancegakkan kaciyek-annyo tubuah urang di ari Sabat? 24Janlah ma-adieli urang manuruik nan kaliya-tan, tapi, adielilah jo ka-adielan.” 25Kamudian, ado babarapo urang Yerusalem bi bakato, ”Indak koh iko Urangnyo, nan sadang dicari-cari dek urang, untuak ka dibunuah? 26Liyek-lah, Inyo mangecek laluaso di adok-an urang banyak, tapi, indak surang juwo doh urang nan manyolang kato-kato-Nyo! Apokoh mungkin pamimpin-pa-mimpin kito lah bi mangatawui, bara-so Inyo ko adolah Rajo Panyalamaik? 27Tapi, jikok Rajo Panyalamaik tu ti-bo, indak surang juwo doh urang nan tawu, dari ma asa-usua-Nyo! Padohal, Urang ko kito tawu asa-usua-Nyo.” 28Kamudian, kutiko Isa Almasih sa-dang ma-aja di Baithullah, Baliau ba-kato jo suwaro nan kuwaik, ”Jadi, ang-kau bi tawu siya Ambo ko, sarato bi tawu pulo dari ma asa-usua Ambo? Tapi, Ambo datang indak jo kahan-dak Ambo surang doh. Ambo di-utuih dek Baliau nan bakuwaso ma-utuih Ambo, nan Baliau tu dapek dipica-yoi. Tapi, Baliau tu indak tantu doh dek angkau. 29Nan Ambo tawu siya Baliau, dek karano Ambo barasa da-ri Baliau, sarato Baliau-lah nan ma-utuih Ambo.” 30Pado wakatu itu, urang-urang tu ba-usawo nak ka manangkok Isa Almasih, tapi, indak surang juwo doh nan barani mamacikkan Baliau, dek karano, alun tibo lai masonyo. 31Tapi, di antaro urang nan banyak tu, banyak nan bi picayo kabake Baliau, sarato bi bakato, ”Jikok Rajo Panyalamaik tu ti-bo, apokoh Baliau dapek mampabu-wek mukjizat nan labiah banyak da-ripado Inyo ko?” 32Urang-urang Farisi bi tawu, baraso urang banyak tu babisiak-bisiak man-curitokan tantang diri Isa Almasih. Dek karano itu, samo-samo jo imam-imam kapalo, inyo tu bi manyuruah babara-po urang panjago Baithullah, untuak bi payi ka manangkok Isa Almasih. 33Isa Almasih bakato kabake urang banyak nan di dalam Baithullah, ”Indak ka la-mo lai Ambo ko, nan ka samo-samo jo angkau. Sasudah tu, Ambo ka baba-liak kabake Baliau nan ma-utuih Ambo. 34Angkau ka bi mancari Ambo, tapi, in-dak ka dapek doh manamukan Ambo. Dek karano, angkau indak ka bisa doh datang ka tampaik Ambo barado.” 35Mako, panguwaso-panguwaso urang Yahudi tu bi bakato sasamo inyo, ”Nak ka payi kama Inyo ko, sa-inggo kito indak bisa lai manamukan Inyo? Apokoh Inyo nak ka payi kaba-ke urang-urang Yahudi, nan bi maran-tau di antaro urang Yunani, untuak ka ma-aja urang Yunani? 36Apo muka-suik kato-kato nan Inyo katokan, ba-raso kito ka bi mancari Inyo, tapi, in-dak ka bisa doh manamukan Inyo. Nan kito pun indak ka bisa doh datang, ka tampaik dima Inyo barado?” 37Di ari nan pangabisan di ari rayo tu, iyolah ari nan paliang pantiang, Isa Almasih tagak di dalam Baithullah, sa-rato jo bakato, ”Urang nan auih, an-daklah inyo datang kabake Ambo un-tuak minun! 38Tantang parkaro urang nan bi picayo kabake Ambo, ado tatu-lih di Alkitauk: ’Dari dalam atinyo, ka ma-ilie ilieran-ilieran ayie nan mam-barikan iduik nan sajati.’ ” ( 39Nan di-mukasuikkan dek Isa Almasih, iyo-lah Roh Allah, nan ka ditarimo dek urang-urang nan layi bi picayo kabake Baliau. Sabauk pado wakatu itu, Roh Allah alun lai dibarikan. Dek karano, Isa Almasih alun lai dimuliekan ma-lalui kamatian-Nyo.) 40Sambuah urang nan bi manda-ngakan, apo nan dikatokan dek Isa Almasih, nan di antaro urang-urang tu ado nan bi bakato, ”Sungguah, Baliau ko adolah Nabi nan dinanti-nantikan tu!” 41Nan lain bi bakato, ”Baliau ko lah Rajo Panyalamaik!” Tapi, ado pulo nan bi bakato, ”Ah, ma-sokan Rajo Panyalamaik datang dari Galilea? 42Di Alkitauk ado tatulih, ba-raso Rajo Panyalamaik adolah katurun-an Daud, nan ka datang dari Betlehem, iyolah dari kampuang Daud sandiri.” 43Akienyo urang-urang tu bi batangka tantang parkaro Isa Almasih. 44Ado nan baniyaik nak ka manangkok Ba-liau, tapi, indak surang juwo doh urang nan barani manyintuah Baliau. 45Kutiko panjago-panjago Baithullah nan disuruah bi payi manangkok Isa Almasih, lah bi babaliak, mako, imam imam kapalo, sarato jo urang-urang Fa-risi tu, bi batanyo kabake inyo tu, ”Baa mangko indak kalian bawok Inyo ka-mari?” 46Panjago-panjago tu bi manjawauk, ”Alun panah ado lai urang nan bisa mangecek, bakcando Baliau mange-cek!” 47Urang-urang Farisi tu bi bakato, ”Apokoh kalian lah Inyo bawok pulo ka nan sasek?” 48”Apokoh lah ado pamim-pin kito, atau urang Farisi, nan lah pica-yo pulo kabake Inyo? 49Tapi, urang nan banyak ko, indak bi tawu doh jo para-tuaran Kitauk Taurat, sarato bi taku-tuaklah inyo tu.” 50Salah surang di antaro urang-urang Farisi tu, adolah Nikodemus, nan panah datang kabake Isa Almasih. Nikodemus bakato kabake urang-urang Farisi nan lain, 51”Manuruik paratua-ran Kitauk Taurat, urang indak buliah di-ukun, sabalun dijalehkan duduak parkaronyo, atau sabalun kasalahan-nyo dipareso.” 52Urang-urang tu bi bakato: ”Apo-koh angkau urang Galilea pulo? Sali-diak-ilah Alkitauk, mako, angkau ka tawu, baraso indak ado doh nabi nan barasa dari Galilea!” [ 53Sasudah tu, kasadonyo urang bi pulang ka rumahnyo surang-surang. YAHYA

will be added

X\