YAHYA 6

1Indak bara lamo sasudah tu, Isa Almasih payi ka subarang Danau Galilea, nan dinamokan pulo Danau Tiberias. 2Sambuah urang nan bi payi manuruikkan Baliau, dek karano inyo tu lah bi maliyek sagalo mukjizat man-cegakkan urang, nan dipabuwek dek Baliau, taradok urang-urang nan sa-kik. 3Isa Almasih nayiak ka ateh bu-kik, sudah tu bi duduak di sinan tu jo pangikuik-pangikuik Baliau. 4Wakatu itu, lah ampia ka dakek Ari Rayo Pas-kah urang Yahudi. 5Kutiko Isa Alma-sih maliyek ka sakuliliang, Baliau ma-nampak urang babondong-bondong bi datang kabake Baliau. Mako, Baliau bakato kabake Filipus, ”Dima kito nan ka dapek mambali nan ka dimakan, supayo kasadonyo urang ko bi dapek makan?” ( 6Isa Almasih lah tawu, apo nan ka Baliau pabuwek, tapi, Baliau ba-kato bakcando itu, dek karano Baliau nak ka mancubo-i Filipus.) 7Filipus manjawauk, ”Roti sa-arago duwo ratuih pitih perak, indak ka sa-dang doh untuak urang nan sabanyak ko, biya pun satiyok urang hanyo di-agiah saketek.” 8Ado surang lai pangikuik Isa Almasih nan lain, iyolah Andreas, karek-an dek Simon Petrus, inyo bakato, 9”Di siko ado surang anak laki-laki, nan mam-punyoi limo buwah roti, sarato jo du-wo ikua ikan. Tapi, apolah aratinyo, untuak urang nan sabanyak ko?” 10Isa Almasih bakato, ”Suruahlah urang-urang tu bi duduak.” Di tampaik tu, laweh tangah padang rumpuik, mako, urang-urang tu bi duduak di ateh rumpuik tu — kasadonyo ado kiro-kiro limo ribu urang nan laki-laki. 11Kamudian, Isa Almasih ma-ambiak roti tu, sudah tu Baliau mangucauk syukur kabake Allah. Sasudah tu Baliau mambagi-bagikan roti tu kaba-ke urang nan banyak. Kamudian, Baliau bagi-bagikan pulo ikan tu, nan urang-urang tu bi makan sapuweh-puwehnyo. 12Sasudah kasadonyo urang tu bi makan sampai kanyang, mako, Isa Almasih bakato kabake pangikuik-pangikuik-Nyo, ”Kum-puakanlah makanan nan balabiah tu, jan sampai ado nan tabuwang.” 13Mako, pangikuik-pangikuik Baliau tu bi baka-rajo mangumpuakan, sampai duwo ba-leh katidiang panuah, makanan nan ba-labiah, dari roti nan limo buwah, nan dimakan dek urang nan banyak tu. 14Kutiko urang nan banyak tu maliyek mukjizat, nan dipabuwek dek Isa Almasih, mako, inyo tu bi bakato, ”Sungguah, ikolah Nabi nan di arok-arokkan datang ka dunia ko!” 15Isa Almasih tawu, ba-raso urang-urang tu bi tibo untuak nak ka mamaso Baliau manjadi rajo inyo tu. Dek karano itu, mako payilah Baliau ma-inda ka daerah nan babukik. 16Kutiko ari lah muloi malam, pangi-kuik-pangikuik Isa Almasih bi turun ka danau. 17Sudah tu, inyo tu bi nayiak pa-rawu manyubarangi danau tu, manu-ju ka Kapernaum. Ari lah kalam, tapi, Isa Almasih alun datang juwo lai kaba-ke inyo tu. 18Samantaro itu, ayie danau tu lah muloi manggilo, dek karano di angin limbubu. 19Kutiko inyo tu lah bi mandayuang kiro-kiro sajauh limo, atau anam kilo dari pantai, mako, inyo tu bi maliyek Isa Almasih bajalan di ateh ayie, manuju ka parawu. Inyo tu bi mati kata-kuik-an. 20Tapi, Isa Almasih bakato ka-bake inyo tu, ”Jan takuik, Ambo ko!” 21Mako, jo raso sukocito inyo tu bi ma-nyambuik Baliau di dalam parawu, nan sakutiko tu juwo, parawu inyo tu sampai di tampaik nan dituju. 22Bisuak arinyo, barulah bi takana dek urang banyak nan di subarang da-nau tu, baraso hanyo ciyek parawu nan ado di sinan tu. Inyo tu bi tawu, baraso pangikuik-pangikuik Isa Almasih lah bi barangkek jo parawu tu, sadangkan nan Isa Almasih indak payi doh. 23Kamudi-an, babarapo buwah parawu dari kota Ti-berias bi tibo, sarato balabuah di dakek tampaik urang banyak tu makan roti, sa-sudah Tuhan mangucauk syukur. 24Kuti-ko urang nan banyak tu tawu, baraso Isa Almasih sarato jo pangikuik-pangikuik-Nyo, indak bi ado doh di sinan tu, mako, inyo tu bi nayiak pulo ka parawu-parawu tu, sudah tu bi barangkek ka Kapernaum, untuak mancari Isa Almasih. 25Kutiko urang-urang tu lah bi ba-tamu jo Isa Almasih di subarang da-nau, mako, inyo tu bi batanyo kabake Baliau, ”Ngku Guru, lah pabilo Ngku tibo di siko?” 26Isa Almasih manjawauk, ”Sabana-nyo, angkau bi mancari Ambo, indak dek karano angkau lah bi mangarati, mukasuik sagalo mukjizat nan Ambo pabuwek, tapi,hanyo dek karano ang-kau lah bi makan kanyang. 27Janlah bakarajo hanyo untuak mandapek-kan makanan nan ka bisa abih, sara-to nan ka busuak. Bakarajolah untuak mandapekkan makanan, nan indak ka bisa busuak, sarato nan mambarikan iduik sajati nan kaka. Makanan tu ka dibarikan dek Anak Manusia kabake angkau, dek karano, Inyo lah di tu-gehkan dek Allah Bapak.” 28Sudah tu, urang-urang tu bi ba-tanyo kabake Baliau, ”Apo nan mus-ti kami pabuwek, untuak mangarajo-kan kahandak Allah?” 29Isa Almasih manjawauk, ”Ikolah nan di-inginkan dek Allah dari ang-kau: picayolah kabake Inyo nan lah di-utuih dek Allah.” 30Urang-urang tu bi bakato, ”Jikok baitu, apo tando nan dapek Angkau ba-rikan, supayo kami bi maliyek, sarato bi picayo kabake Angkau? Apo nan ka Angkau pabuwek? 31Niniak muyang kami lah bi mamakan manna di pa-dang gurun, bakcando nan lah tatulih di Alkitauk, ’Inyo tu dibari makan dek Allah, jo roti nan dari sarugo.’ ” 32Sudah tu, Isa Almasih bakato ka-bake urang-urang tu, ”Picayolah: In-dak Musa tu doh, tapi, Bapak Ambo-lah nan mambarikan kabake angkau, Roti nan sabana Roti, nan dari saru-go. 33Dek karano, Roti nan dibarikan dek Allah tu, iyolah, Inyo nan lah tu-run dari sarugo, sarato nan ka mam-barikan iduik nan sajati kabake ma-nusia nan di muko bumi.” 34Urang-urang tu bi bakato, ”Ngku, sataruihnyolah Angku barikan Roti tu kabake kami.” 35Isa Almasih bakato kabake inyo tu, ”Ambo-lah Roti nan mambarikan iduik nan sajati. Urang nan bi datang kabake Ambo, indak lai ka marasokan paruik li-tak salamo-lamonyo. Baitu pulo, urang nan layi bi picayo kabake Ambo, indak lai ka marasokan auih salamo-lamonyo. 36Tapi, bakcando nan lah Ambo ka-tokan kabake angkau, biyapun angkau lah bi maliyek Ambo, tapi, nan ang-kau indak doh bi picayo. 37Kasado-nyo urang nan dibarikan dek Bapak kabake Ambo, ka bi datang kabake Ambo. Nan Ambo indak ka manulak doh, siapo pun juwo nan datang kaba-ke Ambo. 38Dek karano, Ambo turun dari sarugo, indak untuak mangara-jokan nan sasuko ati Ambo sajo doh, tapi, untuak mangarajokan kahandak Baliau nan ma-utuih Ambo. 39Sarato ikolah kahandak Baliau nan ma-utuih Ambo: supayo dari kasadonyo urang nan dibarikan kabake Ambo, jan sam-pai ado nan ilang; tapi supayo inyo tu Ambo iduikkan baliak, di Ari Ki-yamaik isuak. 40Dek karano, ikolah ka-inginan Bapak Ambo: Supayo ka-sadonyo urang nan lah maliyek Anak, ka mandapekkan iduik sajati nan ka-ka, sarato ka Ambo iduikkan baliak di Ari Kiyamaik.” 41Urang-urang Yahudi bi mangga-rutok taradok Isa Almasih, dek ka-rano Baliau bakato: ”Ambo-lah Roti nan lah turun dari sarugo.” 42Urang-urang tu bi bakato, ”Indak koh Inyo ko si Isa, anak Yusuf? Kami tawu si-ya apak-Nyo, siya biyai-Nyo! Baa pu-lo mangko Inyo dapek bakato, bara-so Inyo turun dari sarugo?” 43Mako, Isa Almasih bakato kaba-ke urang-urang tu, ”Janlah angkau bi manggarutok. 44Indak surang juwo doh urang nan ka bisa datang kaba-ke Ambo, jikok Bapak nan ma-utuih Ambo, indak mambawok urang tu ka-bake Ambo. Sarato siya nan bi datang, ka Ambo iduikkan baliak, isuak di Ari Kiyamaik. 45Ado tatulih nan bakcan-do iko di kitauk nabi-nabi: ’Kasadonyo urang ka di-aja dek Allah.’ Jadi, kasa-donyo urang nan layi namuah ma-iyo-kan kecek Bapak, sarato layi namuah baraja dari Baliau, ka bi datang kabake Ambo. 46Biyapun baitu, jan manyangko baraso ado urang nan lah maliyek Bapak. Hanyo, Inyo nan datang dari Allah, nan lah maliyek Bapak. 47Katawuilah: Urang nan layi pi-cayo, ka mandapekkan iduik saja-ti nan kaka. 48Ambo-lah Roti nan mambarikan iduik sajati nan kaka tu. 49Niniak muyang angkau, bi mama-kan manna di padang gurun, nan inyo tu bi mati juwo. 50Tapi, indak bak-cando itu doh jo Roti nan turun dari sarugo. Satiyok urang nan mamakan Roti tu, ka iduik untuak salamo-lamo-nyo. 51Ambo-lah Roti nan turun dari sarugo Roti nan mambarikan iduik untuak salamo-lamonyo. Urang nan mamakan Roti ko, ka iduik untuak sa-lamo-lamonyo. Roti nan ka Ambo ba-rikan untuak iduik manusia di dunie ko, adolah dagiang Ambo.” 52Mandanga nan baitu, urang-urang Yahudi bi batangka sasamo inyo. Inyo tu bi bakato, ”Baa caronyo Urang ko bisa mambarikan dagiang-Nyo kaba-ke kito, untuak ka dimakan?” 53Mako, Isa Almasih bakato kabake urang-urang tu, ”Picayolah: Jikok ang-kau indak bi mamakan dagiang Anak Manusia, sarato indak maminun da-rah-Nyo, mako, angkau indak ka bi-sa doh iduik, nan sabana-bana iduik. 54Urang nan mamakan dagiang Ambo, sarato nan maminun darah Ambo, ka mandapekkan iduik sajati nan kaka, sarato ka Ambo iduikkan baliak isuak di Ari Kiyamaik. 55Dek karano, da-giang Ambo, adolah makanan nan sa-bana makanan, nan darah Ambo, ado-lah minunan, nan sabana minunan. 56Urang nan mamakan dagiang Am-bo, sarato nan maminun darah Ambo, ka tatauk basatu jo Ambo, baitu pulo, Ambo ka tatauk basatu jo inyo. 57Bapak, nan Baliau adolah Allah nan iduik, Baliau lah ma-utuih Ambo, nan Am-bo pun iduik dari Bapak. Baitu pulo, urang nan mamakan dagiang Ambo, ka iduik dari Ambo pulo. 58Ikolah Roti nan turun dari sarugo: indak samo doh jo roti nan dimakan dek niniak muyang angkau. Dek karano, sasudah bi mamakan roti tu, inyo tu bi mati juwo. Tapi, urang nan mamakan Roti nan di Ambo ko, ka iduik untuak sa-lamo-lamonyo.” 59Kasadonyo tu dikatokan dek Isa Almasih, kutiko Baliau ma-aja di ru-mah ibadaik di Kapernaum. 60Sasudah mandangakan kato-kato Isa Almasih tu, banyak di antaro pa-ngikuik Baliau tu nan bi bakato, ”Pa-ngajaran ko talampau barek. Siya nan lai ka talok manarimonyo!” 61Isa Almasih sandiri tawu, baraso pangikuik-pangikuik-Nyo tu bi mang-garutok tantang parkaro itu. Mako, Baliau batanyo, ”Apokoh angkau bi tasingguang, dek karano di kato-kato Ambo tu? 62Baa jadinyo isuak, jikok angkau bi maliyek Anak Manusia, ba-baliak nayiak ka tampaik Inyo nan sa-mulo? 63Nan mambuwek manusia tu iduik, iyolah Roh Allah. Kudaraik ma-nusia indak ado doh gunonyo. Kato-ka-to nan Ambo katokan kabake angkau ko, adolah kato-kato dari Roh Allah, sarato kato-kato nan mambarikan iduik nan sajati. 64Tapi, ado juwo di antaro angkau nan indak picayo.” (Isa Almasih lah tawu dari sajak samulo, siya-siya nan indak bi namuah picayo, sarato siya nan ka mangkiyanaik-i Baliau.) 65Mako, Isa Almasih bakato pulo, ”Itu-lah sabauknyo, mangko Ambo ma-agiah tawu kabake angkau, baraso indak surang juwo doh urang nan ka bisa datang kabake Ambo, jikok Bapak indak mamungkinkannyo.” 66Muloi dari sajak itu, banyak pa-ngikuik Baliau nan bi bapaliang, sarato indak namuah lai manuruikkan Baliau. 67Sudah tu Isa Almasih batanyo ka-bake pangikuik-Nyo nan duwo baleh tu, ”Apokoh angkau ka bapaliang pu-lo, bi maninggakan Ambo?” 68Simon Petrus manjawauk, ”Tuhan, kabake siya kami ka bi payi? Kato-ka-to Tuhan mambari iduik sajati nan ka-ka. 69Kami lah picayo, sarato lah ya-kin sangaik, baraso Tuhan-lah Utusan Nan Suci dari Allah.” 70Isa Almasih bakato, ”Indakkoh Ambo nan lah mamiliah angkau nan duwo baleh urang ko? Tapi, ado su-rang di antaro angkau adolah ubilih!” 71Nan dimukasuikkan dek Isa Almasih, iyolah Yudas anak Simon Iskariot. Dek karano, biyapun Yudas adolah salah surang dari kaduwo baleh urang pa-ngikuik Baliau, tapi inyo nan ka mang-kiyanaik-i Isa Almasih. YAHYA

will be added

X\