YAHYA 5

1Sasudah tu, ado ari rayo urang Yahudi, mako payilah Isa Almasih ka Yerusalem. 2Di Yerusalem, di da-kek ”Pintu Domba, ” ado sabuwah ta-bek, nan dalam bahaso Ibrani dina-mokan Betesda. Di sinan tu ado limo buwah barando. 3Di barando-baran-do tu, banyak urang sakik nan bi la-lok, ado nan buto, ado nan pincang, sarato ado nan lumpuah. [Kasadonyo urang-urang tu bi manantikan ayie tabek tu ka baguncang. 4Dek karano ado wakatunyo malekaik Tuhan turun ka tabek tu, sarato mangguncangkan ayienyo. Siya urang sakik nan dawu-lu masuak ka tabek tu, di kutiko ayie-nyo baguncang, mako urang tu ka cegak dari sagalo sakik panyakik apo sajo nan di-idokkannyo.] 5Di sinan tu, ado surang laki-laki nan lah sakik sa-lamo tigo puluah lapan tawun. 6Kuti-ko Isa Almasih maliyek urang tu lalok di sinan tu, sarato dek karano Baliau lah tawu, baraso urang tu lah lamo sangaik sakik, mako, Baliau batanyo kabake urang tu, ”Layi namuahkoh angkau cegak?” 7Urang nan sakik tu manjawauk, ”Layi Ngku, tapi indak ado urang nan ka manurunkan ambo ka dalam ta-bek ko, di kutiko ayienyo baguncang. Samantaro ambo basi-insuik ka da-kek tabek, urang lain lah masuak la-biah dulu.” 8Mako, Isa Almasih bakato kabake urang tu, ”Jagolah, angkeklah tam-paik lalok angkau, sarato bajalanlah.” 9Sakutiko tu juwo urang tu cegak. Ma-ko, inyo angkeklah tampaik laloknyo, sudah tu inyo bajalan. Tapi, ari tu adolah Ari Sabat. 10Dek karano itu, pamimpin-pamimpin urang Yahudi bi bakato kabake urang nan ba-ru cegak tu, ”Ari ko adolah ari Sabat. Angkau indak buliah doh ma-angkek tampaik lalok angkau.” 11Tapi, inyo manjawauk, ”Urang nan mancegakkan ambo cako nan manyu-ruah ma-angkek tampaik lalok ambo, sarato manyuruah ambo bajalan.” 12Pamimpin-pamimpin urang Yahu-di tu bi batanyo, ”Siya tu urangnyo, nan manyuruah ma-angkek tampaik lalok angkau, sarato nan manyuruah bajalan?” 13Tapi, urang nan lah cegak tu, indak tawu doh jo urang nan mancegakkan-nyo, dek karano, Isa Almasih lah ma-ilang di antaro urang nan banyak tu. 14Kamudian, Isa Almasih basuwo jo urang tu di dalam Baithullah, sa-rato bakato kabake urang tu, ”Kiniko angkau lah cegak. Jan babuwek doso juwo lai, supayo jan tajadi nan labiah buruak taradok angkau.” 15Mako, payilah urang tu kaluwa, sudah tu, inyo mancuritokan kaba-ke pamimin-pamimpin urang Yahu-di, baraso Isa Almasih-lah nan man-cegakkan inyo. 16Nan dek karano itu, pamimpin-pamimpin urang Yahudi, bi ba-usawo nak ka ma-aniayo Isa Almasih, dek karano Baliau mance-gakkan urang di ari Sabat. 17Tapi, Isa Almasih bakato kabake inyo tu, ”Bapak Ambo tatauk bakarajo sampai kiniko, nan Ambo pun ka tatauk pulo bakarajo.” 18Kato-kato Isa Almasih tu, mambu-wek pamimpin-pamimpin urang Ya-hudi samakin ba-usawo nak ka mam-bunuah Baliau. Inyo tu bi bamukasuik bakcando itu, indak hanyo dek ka-rano Isa Almasih malangga paratua-ran ugamo tantang ari Sabat sajo doh, tapi, dek karano Baliau mangatokan pulo, baraso Allah tu adolah Bapak Baliau, ba-arati Baliau manyamokan diri Baliau jo Allah. 19Isa Almasih manjawauk kecek urang-urang tu bakcando iko, ”Pica-yolah, Anak indak ka dapek doh mam-pabuwek sasuatu jo kuwaso-Nyo san-diri. Inyo hanyo mampabuwek, apo nan lah Inyo liyek, nan dipabuwek dek Bapak-Nyo. Dek karano, apo nan lah dipabuwek dek Bapak, itu pulo-lah nan dipabuwek dek Anak. 20Dek karano Bapak mangasiahi Anak, nan Baliau manunjuakkan kabake Anak sagalo sasuatu nan Baliau pabuwek sandiri. Malahan Bapak ka manun-juakkan kabake Anak, sagalo pabu-atan nan labiah luwa biaso, saing-go angkau bi tacangang. 21Bapak, Baliau tu ma-iduikkan urang mati, sa-rato mambarikan kabake urang-urang tu iduik sajati nan kaka. Baitu pulo Anak, Inyo ka mambarikan iduik nan kaka, kabake urang nan lai namuah dibari-Nyo iduik. 22Bapak sandiri indak ka ma-adieli siapo pun juwo. Sa-galo kakuwasoan untuak ma-adieli urang, lah Baliau sarahkan kabake Anak, 23supayo kasadonyo urang bi ma-aromaik-i Anak, bakcando inyo tu bi ma-aromaik-i Bapak. Urang nan in-dak ma-aromaik-i Anak, ba-arati in-dak pulo ma-aromaik-i Bapak nan ma-utuih Anak. 24Nan sabananyolah nan Ambo katokan ko: Urang nan layi mampa-ratikan kato-kato Ambo, sarato layi picayo kabake Baliau nan ma-utuih Ambo, mako, urang tu ka mandapek iduik sajati nan kaka. Nan inyo in-dak ka di-ukun, inyo lah ta-inda da-ri mauik, sarato mandapek iduik nan sajati. 25Picayolah: Ka tibo masonyo — malah kiniko lah tibo wakatunyo — urang nan mati ka mandanga suwa-ro Anak Allah. Urang-urang nan man-danga tu ka mandapek iduik sajati. 26Samo jo bakcando Bapak tu sandiri, Baliau adolah tampaik asa iduik, Baliau pun manjadikan Anak-Nyo, sabagai tampaik asa iduik pulo. 27Baliau lah mambarikan kabake Anak-Nyo, kuwa-so untuak ma-adieli, dek karano, Anak-Nyo tu adolah Anak Manusia. 28Jan-lah angkau bi tacangang, mandanga apo nan Ambo katokan ko, dek kara-no ka tibo masonyo, baraso kasadonyo urang nan lah bi mati, ka bi manda-nga suwaro Anak Manusia, 29sudah tu ka bi kaluwa dari kubuaran. Urang-urang nan lah babuwek baiak, ka bi iduik baliak, untuak iduik nan kaka. Tapi, urang-urang nan lah babuwek jahek, ka bi iduik baliak, untuak ka di-ukun.” 30”Ambo indak mampabuwek nan sasuko ati Ambo sorang. Ambo ma-adieli sasuwai jo apo nan lah dipa-rentahkan dek Allah. Nan kaputus-an Ambo tu adie, dek karano, Ambo indak mampaturuikkan kahandak Ambo sorang, tapi, manuruik kahan-dak Bapak nan ma-utuih Ambo. 31Santano Ambo mambari panga-kuan tantang diri Ambo sandiri, ma-ko, pangakuan tu indak dapek doh tu dipicayoi. 32Tapi, ado nan lain nan mambarikan pangakuan tantang di-ri Ambo, nan Ambo tawu, baraso pa-ngakuan-Nyo tu batua. 33Angkau lah bi mangirin utusan kabake Yahya, nan inyo lah mambarikan pangakuan nan bana tantang diri Ambo. 34Ambo ka-tokan kasadonyo ko, indak dek karano Ambo mamaralukan pangakuan da-ri manusia doh, tapi, supayo angkau buliah bi disalamaikkan. 35Yahya tu ibaraik lampu nan sadang iduik, nan mamancakan cahayo. Untuak saman-taro wakatu, angkau layi bi suko ma-narimo cahayonyo tu. 36Tapi, panga-kuan Ambo labiah kuwaik daripado pangakuan Yahya. Apo nan Ambo pa-buwek kiniko, iyolah karajo nan ditu-gehkan dek Bapak kabake Ambo, nan manandokan baraso Bapak-lah nan ma-utuih Ambo. 37Bapak nan ma-utuih Ambo, mambarikan pangakuan pulo tantang diri Ambo. Angkau alun pa-nah lai mandanga suwaro Baliau, atau maliyek roman Baliau. 38Kato-kato Baliau indak lakek di ati angkau, dek karano angkau indak bi picayo kaba-ke Ambo nan di-utuih Baliau. 39Ang-kau lah bi mamparaja-i Alkitauk, dek karano angkau bi manyangko, bara-so jo caro nan baitu, angkau ka bi mandapek iduik sajati nan kaka. Nan Alkitauk tu sandiri, lah mambarikan pangakuan tantang diri Ambo. 40Tapi, angkau indak bi namuah datang kaba-ke Ambo, untuak mandapekkan iduik nan kaka. 41Ambo indak ma-arokkan aromaik dari manusia doh. 42Ambo tawu siya angkau. Ambo tawu pulo, baraso angkau indak bi mangasiahi Allah jo satuluih ati. 43Ambo datang jo kuwaso Bapak Ambo, nan angkau indak bi manarimo Ambo. Tapi, jikok urang lain nan tibo jo kuwaso inyo sandiri, angkau bi niyo manarimo inyo. 44Dima ka mungkin angkau bisa bi picayo, jikok angkau nan suko ma-arokkan aromaik dari urang nan sasamo jo angkau, sarato indak ba-usawo mancari aromaik nan datang dari Allah nan indak babilang? 45Jan manyangko, Ambo nan ka mampasa-lahkan angkau isuak di adok-an Ba-pak. Nan ka mampasalahkan angkau adolah Musa, dek karano inyolah nan angkau arokkan. 46Kok santano ang-kau layi bi picayo kabake Musa, tantu angkau ka bi picayo pulo kabake Am-bo, dek karano, inyo lah mancataik di Alkitauk tantang diri Ambo. 47Tapi, ji-kok angkau indak bi picayo kabake apo nan ditulihkan dek Musa, dima pulo ka mungkin angkau bisa bi picayo, kaba-ke apo nan Ambo katokan?” YAHYA

will be added

X\