YAHYA 4

1Urang-urang Farisi mandanga kaba, baraso Isa Almasih labiah banyak mandapek pangikuik, sara-to labiah banyak pulo mampamandi-kan urang daripado Yahya. ( 2Saba-nanyo, Isa Almasih sandiri indak ado doh mampamandikan, malainkan ha-nyo pangikuik-pangikuik-Nyo sajo nan mampamandikan urang.) 3Kutiko Isa Almasih tawu, baraso urang-urang Farisi lah mandanga tantang parkaro itu, mako, Baliau barangkek dari Yu-dea babaliak ka Galilea. 4Dalam pa-jalanan tu, Baliau musti malalui da-erah Samaria. 5Mako, sampailah Isa Almasih di sabuwah kota di Samaria, nan banamo Sikhar, indak jauah doh dari tanah nan dulu dibarikan dek Yakub kabake anaknyo Yusuf. 6Di si-nan tu ado sumua Yakub. Isa Alma-sih latiah sangaik dek sabauk pajalan-an, dek karano itu, Baliau duduak di tapi sumua. Kutiko itu, ari kiro-kiro pukua duwo baleh tangah ari. 7- 8Nan pangikuik-pangikuik Isa Almasih lah bi payi ka kota, untuak mambali nan ka dimakan. Kamudian, tibolah surang urang pa-dusi urang Samaria, nak ka ma-am-biak ayie. Isa Almasih bakato kaba-ke urang padusi tu, ”Amai, layi buliah Ambo mamintak ayie minun?” 9Urang padusi Samaria tu manja-wauk, ”Angku urang Yahudi, ambo urang Samaria, baa mangko Angku mamintak ayie minun kabake ambo?” (Dek karano, urang-urang Yahudi in-dak ba-ubuangan jo urang Samaria.) 10Isa Almasih manjawauk, ”Kok san-tano angkau tawu pambarian Allah, sarato layi tawu siya nan mamintak ayie minun kabake angkau, mako, lah musti angkau sandiri nan ka mamintak ayie minun kabake Inyo, nan Inyo ka mambarikan kabake angkau ayie un-tuak iduik, nan sabana iduik.” 11Urang padusi tu bakato, ”Angku in-dak ado doh punyo timbo, nan sumua ko dalam sangaik. Dari ma Angku ka mandapekkan ayie nan ka untuak iduik tu? 12Yakub, niniak muyang kami, lah mambarikan sumua ko untuak kami. Inyo sandiri ma-ambiak ayie minun-nyo dari sumua ko, baitu pulo anak-anaknyo, sarato jo binatang taranak-nyo. Apokoh Angku manyangko, Angku labiah basa daripado Yakub?” 13Isa Almasih manjawauk, ”Urang nan maminun ayie ko, ka auih juwo baliak, 14tapi, urang nan maminun ayie nan ka Ambo barikan, indak ka auih lai untuak salamo-lamonyo. Dek karano, ayie nan ka Ambo barikan tu, ka manjadi mato ayie di dalam diri-nyo, nan ka mamanca kaluwa, sarato ka mambawok dirinyo kabake iduik sajati nan kaka.” 15Urang padusi tu bakato, ”Jikok baitu, Angku barilah ambo ayie tu, supayo ambo indak auih lai, sarato indak paralu lai babaliak ka siko, un-tuak ma-ambiak ayie.” 16Isa Almasih bakato, ”Payilah, im-baulah apak anak angkau, sudah tu, babaliaklah ka mari.” 17Urang padusi tu manjawauk, ”Am-bo indak ado doh ba-apak anak, ” Isa Almasih bakato, ”Iyo, batua tu nan angkau katokan tu. 18Dek karano, angkau lah limo kali ba-apak anak, la-ki-laki nan iduik jo angkau kiniko, in-dak apak anak angkau tu doh.” 19Urang padusi tu bakato, ”Kiniko ambo lah tawu, Angku adolah surang Nabi. 20Niniak muyang kami manyam-bah Allah di ateh bukik ko, tapi, ban-so Angku bi mangatokan, baraso, ha-nyo di Yerusalem sajolah tampaiknyo urang manyambah Allah.” 21Isa Almasih bakato kabake urang padusi tu, ”Picayolah, ka tibo masonyo, urang ka bi manyambah Allah Bapak, indak lai di ateh bukik ko, sarato in-dak pulo doh di Yerusalem. 22Angkau urang-urang Samaria, bi manyambah apo nan indak tantu dek angkau, sa-dangkan kami urang Yahudi, bi ma-nyambah Baliau nan layi tantu dek kami, dek karano, kasalamaiktan da-tang dari urang Yahudi. 23Tapi, ka ti-bo masonyo, sarato lah tibo kiniko, baraso, jo kuwaso Roh Allah urang ka bi manyambah Allah Bapak, sa-bagai Allah nan bana, bakcando nan di-inginkan dek Allah Bapak. 24Dek karano, Allah tu adolah Roh, sarato hanyo jo kuwaso Roh Allah, urang-urang ko dapek bi manyambah Allah Bapak, dalam ka-adaan Baliau nan sa-sungguahnyo.” 25Urang padusi tu bakato kaba-ke Isa Almasih, ”Ambo tawu, baraso Rajo Panyalamaik, (nan dinamokan Almasih,) Baliau ka datang. Jikok Ba-liau lah tibo, Baliau ka ma-agiah tawu sagalo sasuatu kabake kito.” 26Isa Almasih bakato, ”Ambo-lah Urang-Nyo, Ambo nan kiniko sadang mangecek jo angkau ko.” 27Pado wakatu itu, pangikuik-pa-ngikuik Isa Almasih lah bi babaliak. Inyo tu bi tacangang, dek maliyek Isa Almasih mangecek jo surang urang pa-dusi. Tapi, indak surang juwo doh da-ri inyo tu, nan batanyo kabake urang padusi tu, ”Apo nan paralu dek amai?” atau nan batanyo kabake Isa Almasih, ”Baa mangko Angku mangecek jo urang padusi tu?” 28Mako, urang padusi tu maning-gakan pariyannyo di dakek sumua tu, sudah tu, inyo bagageh ka kota, sarato bakato kabake urang-urang nan di sinan tu, 29”Molah kito liyek, ado Urang nan dapek manakok, tantang sagalo sasuatu nan lah ambo pabu-wek. Mungkinkoh Baliau tu nan Rajo Panyalamaik?” 30Mako, urang-urang tu bi payi kaluwa kota, sudah tu, bi datang kabake Isa Almasih. 31Samantaro itu, pangikuik-pangi-kuik Isa Almasih ma-ajak Baliau ma-kan. Inyo tu bi bakato, ”Angku Guru, makanlah Angku lai.” 32Tapi, Isa Almasih manjawauk, ”La-yi ado makanan di Ambo, nan indak bi tantu dek angkau.” 33Mako, pangikuik-pangikuik Baliau, bi batanyo sasamo inyo tu, ”Apokoh ado urang nan lah mambawok nan ka dimakan untuak Baliau?” 34Mako, Isa Almasih bakato, ”Ma-kanan Ambo, adolah mangarajokan apo nan kahandak Baliau nan ma-utuih Ambo, sarato manyalasaikan karajo nan lah disarahkan dek Baliau kaba-ke Ambo. 35Angkau bi mangatokan, ’Baraso ampek bulan lai tibo musin manuwai.’ Tapi, Ambo bakato kaba-ke angkau: Liyeklah, tinaman di pa-rak nan lah bi manguniang, lah patuik untuak dituwai! 36Urang nan manu-wai, lah muloi manarimo upahnyo, sa-rato lah bi mangumpuakan asienyo, untuak iduik sajati nan kaka. Mako, urang nan mananam, sarato jo urang nan manuwai, buliah samo-samo ba-sukocito. 37Batua juwo bak kato-kato pitatah, ’Nan iko mananam, nan la-innyo manuwai.’ 38Ambo manyuruah angkau bi payi manuwai, ka parak nan indak angkau doh nan mananaminyo. Urang lain nan lah bi bakarajo di si-nan tu, nan angkau bi mandapekkan asie usawo inyo tu.” 39Sambuah urang Samaria pandu-duak kota tu, nan bi picayo kabake Isa Almasih, dek karano kato-kato da-ri urang padusi tu, nan bakcando iko, ”Baliau mangatokan kabake ambo, sa-galo sasuatu nan lah panah ambo pa-buwek.” 40Mako, kutiko urang-urang Samaria tu bi batamu jo Isa Almasih, inyo tu bi sabana mamintak, supayo Baliau tingga samo-samo jo inyo tu. Dek karano itu, Isa Almasih barado di sinan tu salamo duwo ari. 41Kamudian, labiah banyak lai urang nan bi picayo kabake Isa Almasih, dek karano apo nan Baliau ajakan kaba-ke urang-urang tu. 42Inyo tu bi ba-kato kabake urang padusi tu, ”Kiniko kami bi picayo, indak lai dek karano apo nan angkau katokan kabake ka-mi, tapi, dek karano kami sandiri lah mandanga dari Baliau, sarato lah bi tawu, baraso Baliau tu iyo Panyala-maik dunia.” 43Sasudah duwo ari barado di Si-khar, mako, Isa Almasih payi ka Ga-lilea. 44Isa Almasih sandiri lah ma-ngatokan, ”Surang nabi indak ka di-aromaik-i doh di kampuangnyo san-diri.” 45Tapi, kutiko Baliau tibo di Ga-lilea, urang-urang nan di sinan tu bi manyambuik Baliau jo sanang ati, dek karano, inyo tu bi barado di Yerusa-lem, kutiko Ari Rayo Paskah, sarato lah bi maliyek kasadonyo apo nan lah di pabuwek dek Isa Almasih. 46Kamudian, Isa Almasih babaliak ka Kana di Galilea, di sinan tu dulu, Baliau panah ma-ubah ayie matah, man-jadi ayie anggur. Di kota tu, ado surang pagawai istano, nan anaknyo sadang sa-kik di Kapernaum. 47Kutiko inyo man-danga kaba, baraso Isa Almasih lah ti-bo di Galilea dari Yudea, mako, inyo payi kabake Isa Almasih, sarato ma-mintak Baliau datang ka Kapernaum, untuak ka mancegakkan anaknyo nan lah ampia ka mati. 48Isa Almasih ba-kato kabake inyo, ”Jikok angkau indak maliyek sagalo mukjizat, tantu angkau indak ka picayo.” 49Pagawai istano tu bakato kaba-ke Baliau, ”Ndeh Angku, maringanilah Angku datang, sabalun anak am-bo tu mati.” 50Isa Almasih bakato kabake inyo, ”Pulanglah, anak angkau tu lah ce-gak.” Urang tu sabana yakin jo kato-kato Isa Almasih, mako, inyo babaliak pu-lang. 51Kutiko inyo sadang di tangah jalan, pisuruah-pisuruahnyo bi tibo manyonsongkan inyo, sarato mam-bawok kaba baraso anaknyo lah ce-gak. 52Mako, inyo batanyo kabake pi-suruah-pisuruahnyo tu, pukua bara anaknyo tu cegak. Pisuruahnyo tu bi manjawauk, ”Kapatang, kiro-kiro pu-kua satu tangah ari, panyakik anak angku lah cegak.” 53Mako, takanalah dek inyo, baraso di kutiko nan bak-cando itu pulolah, Isa Almasih baka-to kabake inyo, ”Anak angkau lah ce-gak.” Dek karano itu, inyo sarato jo kasadonyo kaluarganyo, bi picayo ka-bake Isa Almasih. 54Itulah mukjizat nan kaduwo, nan dipabuwek dek Isa Almasih di Gali-lea, sajak sasudah Baliau tibo dari Yu-dea. YAHYA

will be added

X\