YAHYA 21

1Sasudah tu, Isa Almasih ma-nampakkan diri pulo baliak di danau Tiberias, kabake pangikuik-pa-ngikuik-Nyo. Bakcando ikolah kajadi-annyo: 2Pado suatu ari, Simon Petrus, Tomas nan dinamokan si Kamba, Na-tanael dari Kana di Galilea, anak-anak Zebedeus, sarato jo duwo urang pa-ngikuik Isa Almasih nan lainnyo, sa-dang bi bakumpua. 3Bakatolah Simon Petrus kabake nan lain, ”Ambo nak ka payi mancakau ikan.” Nan lainnyo tu bi bakato, ”Kami iyo ka payi pulo.” Mako, bi payilah inyo tu nayiak ka parawu. Tapi, sapanjang malam tu, indak sikua juwo doh ikan nan dapek dek inyo tu. 4Kutiko ma-toari lah muloi tabik, Isa Almasih ta-gak di tapi pantai, tapi, inyo tu indak bi tawu doh, baraso itu Isa Almasih. 5Isa Almasih bakato kabake inyo tu, ”Oih anak-anak, apokoh kalian layi mampunyoi ikan?” Inyo tu bi manjawauk, ”Indak.” 6Isa Almasih bakato kabake inyo tu, ”Rantangkanlah pukek angkau ka sa-balah suwok parawu, nan angkau ka mandapekkan ikan.” Mako, pukek tu inyo rantangkan, dek karano sambuah-nyo ikan nan masuak ka pukek tu, sainggo indak talok lai dek inyo tu ma-elokan pukek tu. 7Pangikuik nan dikasiahi dek Isa Almasih, bakato kabake Petrus, ”Oih Petrus, itu Tuhan tu!” Kutiko Simon Petrus mandanga baraso itu Tuhan, inyo bagageh malakekkan bajunyo (dek karano inyo sadang indak baba-ju) sudah tu, inyo tajun masuak ayie. 8Pangikuik-pangikuik nan lain bi ma-iriang ka darek jo parawu, sambia ma-elo pukek nan panuah barisi ikan. Inyo tu indak bara jauah doh ka tangah, ha-nyo kiro-kiro duwo ratuih eto dari da-rek. 9Kutiko inyo tu bi turun dari pa-rawu, inyo tu bi manampak ado baro barapi di sinan tu, sarato ikan jo roti tatonggok di atehnyo. 10Isa Almasih bakato kabake inyo tu, ”Cubolah ba-wok kamari, babarapo ikua ikan nan baru angkau tangkok tu.” 11Simon Petrus nayiak ka parawu, sudah tu, inyo ma-elo pukeknyo ka darek. Pukek tu panuah jo ikan nan gadang-gadang; ado saratuih limo pu-luah tigo ikua banyaknyo. Biyapun baitu bana sambuah isinyo, nan pu-keknyo tu indak baa-baa doh. 12Mako, Isa Almasih bakato kabake inyo tu, ”Molah makan kito lai.” Indak surang juwo doh dari pangikuik-pangikuik Ba-liau tu, nan barani batanyo, ”Angku ko siya?” Dek karano, inyo tu lah bi tawu, baraso Baliau tu adolah Tuhan. 13Kamudian, Isa Almasih mandakek-i inyo tu, Baliau ma-ambiak roti tu, sa-rato mambarikannyo kabake pangi-kuik-Nyo tu. Nan ikan Baliau bari-kan pulo. 14Iko lah nan katigo kalinyo, Isa Al-masih manampakkan diri kabake pa-ngikuik-pangikuik-Nyo, sajak Baliau di-iduikkan baliak, sasudah mati. 15Sasudah inyo tu bi makan, Isa Almasih bakato kabake Simon Petrus, ”Oih Simon anak Yahya, apokoh angkau layi labiah mangasiahi Ambo, da-ripado urang-urang ko mangasiahi Ambo?” Petrus manjawauk, ”Layi Tuhan, Tuhan kan tawu, baraso ambo ma-ngasiahi Tuhan.” Isa Almasih bakato kabake inyo, ”Kok iyo layi, gubalokanlah anak-anak dom-ba Ambo.” 16Isa Almasih batanyo pulo baliak kabake inyo, untuak nan kaduwo ka-linyo, ”Oih Simon anak Yahya, apokoh angkau layi mangasiahi Ambo?” Petrus manjawauk, ”Layi Tuhan, Tuhan kan tawu, baraso ambo ma-ngasiahi Tuhan.” Isa Almasih bakato kabake inyo, ”Gu-balokanlah domba-domba Ambo.” 17Untuak nan katigo kalinyo, Isa Almasih batanyo kabake inyo, ”Oih Si-mon anak Yahya, apokoh angkau layi mangasiahi Ambo?” Sadiah sangaik ati Petrus, dek ka-rano, Isa Almasih sampai tigo kali batanyo kabake inyo. Mako, Petrus manjawauk pulo, ”Tuhan, Tuhan kan mangatawui sagalo-galonyo. Tuhan kan tawu pulo, baraso ambo manga-siahi Tuhan!” Sudah tu, Isa Almasih bakato ka-bake inyo, ”Gubalokanlah domba-domba Ambo. 18Ambo bakato ka-bake angkau: Kutiko angkau sadang layi mudo juwo lai, angkau sandiri mangabek pinggang angkau, sara-to payi kama pun juwo nan katuju dek angkau. Tapi, jikok angkau lah tuwo isuak, mako, angkau ka ma-oncongkan tangan angkau, sarato urang lain nan ka mangabek ang-kau, sarato ka mambawok angkau, ka tampaik nan indak katuju dek angkau.” 19Jo kato-kato nan bak-cando itu, Isa Almasih lah manyato-kan, baa caro Petrus ka mati isuak, untuak mamuliekan Allah. Sasudah tu, Isa Almasih bakato kabake Pet-rus, ”Turuikkanlah Ambo!” 20Kutiko Petrus ma-engong, inyo maliyek di balakangnyo, pangikuik nan dikasiahi dek Isa Almasih. (Inyo tu lah nan duduak dakek Isa Almasih kutiko makan, sarato nan batanyo kabake Baliau, ”Tuhan, si-ya tu nan ka mangkiyanaik-i Ang-kau Tuhan?") 21Dek maliyek inyo, mako, Petrus batanyo kabake Isa Almasih, ”Tuhan, apokoh nan ka ta-jadi jo inyo ko?” 22Isa Almasih manjawauk, ”Santa-no jikok Ambo namuah, inyo bisa ka tatauk iduik, sampai Ambo babaliak isuak, nan itu biyalah Ambo sajo nan ma-uruihnyo. Tapi, nan angkau tu-ruikkanlah Ambo!” 23Mako, pacahlah kaba di antaro pangikuik-pangikuik Isa Almasih, ba-raso pangikuik tu indak ka mati. Pa-dohal, Isa Almasih indak mangato-kan, baraso pangikuik tu indak ka mati doh, nan Baliau katokan: ”San-tano jikok Ambo namuah, inyo bisa ka tatauk iduik, sampai Ambo baba-liak isuak, nan itu biyalah Ambo sajo nan ma-uruihnyo.” 24Pangikuik itulah, nan mambari-kan pangakuan tantang sagalo kaja-dian ko. Inyo pulolah nan mancataik-nyo. Nan kito tawu, baraso apo nan dikatokannyo tu, batua. 25Banyak juwo lai parkaro nan la-in, nan dipabuwek dek Isa Almasih. Kok santano kasadonyo tu dicataik ciyek ciyek, ambo raso, indak ka cu-kuik doh tampaik di muko bumi ko, untuak palatakkan kasadonyo kitauk cataiktan tu.

will be added

X\