YAHYA 2

1Duwo ari kamudian, ado alek kawin di kota Kana di Galilea, nan mandeh Isa Almasih ado pulo di sinan tu. 2Isa Almasih sarato jo Pangi-kuik-pangikuik-Nyo, di-undang pulo ka alek kawin tu. 3Kutiko ayie anggur lah abih, mandeh Isa Almasih baka-to kabake Baliau, ”Urang nan baralek ko, ayie anggurnyo lah abih.” 4Isa Almasih manjawauk, ”O biyai, jan disuruah pulo Ambo lai untuak mampabuwek sasuatu. Alun tibo lai masonyo Ambo untuak manyatokan diri.” 5Tapi, mandeh Isa Almasih bakato kabake palayan-palayan, ”Karajokan sajolah apo nan Inyo katokan kaba-ke angkau.” 6Di sinan tu ado anam buwah tam-paik ayie, nan disadiyokan untuak kaparaluan pambasuahan manuruik adaik Yahudi. Satiyok-tiyok tampaik ayie tu, isinyo ado kiro-kiro saratuih liter. 7Isa Almasih bakato kabake pala-yan-palayan tu, ”Isilah kasadonyo tam-paik ayie tu jo ayie matah .” Palayan-pa-layan tu bi ma-isinyo sampai panuah. 8Sudah tu, Isa Almasih bakato kabake inyo tu ”Kiniko, cubolah ambiak ayie tu agak saketek, sarato paliyekkanlah kabake juwaro alek.” Palayan-pala-yan tu mambawok ayie tu kabake ju-waro alek, 9nan juwaro alek tu man-cubo mangicok ayie nan lah barubah manjadi ayie anggur. Inyo indak tawu doh dari ma datangnyo ayie anggur tu, hanyo palayan-palayan nan ma-isikan ayie tu sajolah nan tawu. Mako, juwa-ro alek tu payi mandakek-i marapulai, 10sarato bakato kabake inyo, ”Biaso-nyo, urang ma-edangkan ayie anggur nan paliang lamak labiah dulu, nan ji-kok tamu-tamu lah bi puweh minun, barulah di-edangkan ayie anggur nan biaso. Tapi, nan angkau sampai kini-ko, ado juwo lai manyadiyokan ayie anggur nan paliang lamak!” 11Itulah mukjizat nan partamu sa-kali nan dipabuwek dek Isa Almasih. Baliau mampabuwek mukjizat tu di kota Kana di Galilea. Jo mukjizat tu, Baliau lah manyatokan kabasaran-Nyo. Mako, pangikuik-pangikuik Ba-liau bi picayo kabake Baliau. 12Sasudah tu Isa Almasih payi ka Kapernaum, samo-samo jo mandeh Baliau, jo dunsanak-dunsanak Baliau, sarato jo pangikuik-pangikuik Baliau. Inyo tu bi di sinan tu salamo baba-rapo ari. 13Kutiko Ari Rayo Paskah urang Ya-hudi lah ka dakek, Isa Almasih payi ka Yerusalem. 14Tibo di Baithulmukadis di Yerusalem, tasuwolah dek Baliau urang-urang panggaleh jawi, domba, sarato jo buruang parapati, ado pulo urang-urang nan tukang tuka-i pitih bi duduak di sinan tu. 15Isa Almasih mambuwek sabuwah cambuik dari ta-li, sudah tu, Baliau usie kasadonyo bi-natang taranak tu dari dalam Baithul-mukadis, biya domba atau pun jawi. Meja-meja tukang tuka-i pitih, Baliau tunggang baliakkan, sainggo pitih inyo tu lah bi baserak kian kumari. 16Sudah tu, Baliau bakato kabake urang nan manjuwa buruang parapati, ”Angkek-lah kasadonyo ko dari siko. Jan dija-dikan Rumah Bapak Ambo untuak tampaik manggaleh!” 17Mako, bi ta-kanalah dek pangikuik-pangikuik Baliau, ayaik di Alkitauk nan manga-tokan bakcando iko, ”Cinto Ambo un-tuak Rumah Angkau yo Allah, ma-anguihkan ati Ambo.” 18Panguwaso-panguwaso Yahudi bi bangih kabake Isa Almasih, inyo tu bi bakato, ”Cubolah buwek mukjizat, sa-bagai tando dek kami, baraso Angkau punyo hak batindak bakcando iko.” 19Isa Almasih manjawauk, ”Run-tuahilah Baithulmukadis ko, nan dalam maso tigo ari, Ambo ka mamba-ngunnyo baliak.” 20Mako, urang Yahudi tu bi baka-to, ”Ampek puluah anam tawun la-monyo urang mambangun Baithul-mukadis ko. Apokoh iyo Angkau ka mambangunnyo baliak dalam maso tigo ari?” 21Tapi, Baithulmukadis nan dimu-kasuikkan dek Isa Almasih, adolah tubuah-Nyo sandiri. 22Jadi, kamudi-an, kutiko Isa Almasih lah iduik ba-liak sasudah mati, mako, bi takana-lah dek pangikuik-pangikuik Baliau, baraso nan tajadi tu, lah panah Baliau katokan. Mako, bi picayolah inyo tu kabake apo nan tatulih di Alkitauk, sarato kabake apo nan lah dikatokan dek Isa Almasih. 23Samantaro Isa Almasih sadang di Yerusalem, di kutiko Ari Rayo Pas-kah, sambuah urang nan bi picayo kabake Baliau, dek karano lah bi ma-liyek sagalo mukjizat nan dipabuwek dek Baliau. 24Tapi, Isa Almasih san-diri indak picayo doh kabake urang-urang tu, dek karano Baliau dapek mangatawui isi ati kasadonyo urang. 25Indak paralu doh urang ma-agiah tawu kabake Baliau, tantang siapo pun juwo, dek karano Baliau sandi-ri tawu, apo nan ado di dalam ati manusia. YAHYA

will be added

X\