YAHYA 19

1Kamudian Pilatus masuak, su-dah tu manyuruah urang un-tuak mancambuik Isa Almasih. 2Sara-dadu-saradadu tu mambuwek sabuwah mangkuto dari rantiang-rantiang nan baduri, sudah tu, inyo kanakkan ka ka-palo Isa Almasih. Kamudian, inyo ka-nakkan pulo jubah nan bacolok kulabu bungo taruang kabake Baliau, 3sudah tu inyo bi datang ka adok-an Isa Alma-sih sambia bakato, ”Daulaik Tuanku, Rajo urang Yahudi!” Kamudian inyo tu manampa Isa Almasih. 4Sasudah tu, Pilatus babaliak pulo kaluwa sakali lai, sambia bakato ka-bake urang nan banyak tu, ”Caliak-lah! Ambo bawok Inyo kaluwa ka adok-an angku-angku, supayo angku-angku buliah tawu, baraso indak ciyek juwo doh ambo manamukan kasalahan Inyo ko.” 5Mako, Isa Almasih kaluwa ma-makai mangkuto nan baduri, sarato jo jubah nan bacolok kulabu bungo taruang. Pilatus bakato kabake urang-urang tu, ”Liyeklah Urang ko.” 6Kutiko imam-imam kapalo, sa-rato jo panjago-panjago tu, bi mali-yek Isa Almasih, inyo tu bi ma-ariak-ariak, ”Salibkanlah Inyo! Salibkanlah Inyo!” Pilatus bakato kabake urang-urang tu, ”Bawoklah Inyo, sarato salibkanlah dek angku-angku, manuruik pandapek ambo, Inyo ko indak basalah.” 7Urang-urang Yahudi tu bi manja-wauk, ”Manuruik paratuaran kami, Inyo ko musti di-ukun mati, dek karano Inyo mangatokan, Inyo Anak Allah.” 8Kutiko Pilatus mandanga urang-urang tu bakato bakcando itu, inyo batambah takuik. 9Mako inyo ma-suak baliak ka istano, nan sasudah Isa Almasih dibawok masuak, Pila-tus batanyo kabake Baliau, ”Angkau barasa dari ma?” Tapi Isa Almasih indak manjawauk. 10Dek karano itu, Pilatus bakato pu-lo baliak, ”Indak namuahkoh Ang-kau mangecek jo ambo? Katawu-ilah Ambo bakuwaso malapehkan Ang-kau, sarato bakuwaso pulo manya-libkan angkau!” 11Isa Almasih manjawauk, ”Jikok Allah indak mambarikan kuwaso tu kabake angkau, mako, angkau indak ka bakuwaso saketek juwo doh taradok Ambo. Dek karano itu, urang nan ma-nyarahkan Ambo kabake angkau, labiah gadang dosonyo daripado angkau.” 12Kutiko Pilatus mandanga nan bak-cando itu, inyo ba-usawo untuak ma-lapehkan Isa Almasih. Tapi, urang-urang Yahudi tu bi ma-ariak-ariak, ”Jikok angku malapehkan Inyo, ba-arati angku indak bakanti jo Kaisar! Urang nan mangatokan dirinyo rajo, adolah musuah Kaisar!” 13Kutiko Pilatus mandanga kato-kato nan bakcando itu, mako, inyo mamba-wok Isa Almasih kaluwa, sudah tu, inyo duduak di kurisi pangadielan, di tam-paik nan banamo Lantai Batu. (Dalam bahaso Ibrani namonyo Gabata.) 14Kutiko itu, ari lah ampia pukua duwo baleh tangah ari, ari sabalun Ari Rayo Paskah. Pilatus bakato ka-bake urang-urang tu, ”Ikonyo Rajo angkau!” 15Urang-urang tu bi ma-ariak-ariak, ”Bunuahlah Inyo! Bunuahlah Inyo! Sa-libkanlah Inyo!” Mako, Pilatus batanyo, ”Apokoh am-bo nan musti ka manyalibkan Rajo angkau?” Imam-imam kapalo bi manjawauk, ”Hanyo kaisar sajolah nan rajo ka-mi!” 16Mako, Pilatus manyarahkan Isa Almasih kabake urang-urang tu, un-tuak ka disalibkan. Inyo tu ma-ambiak Isa Almasih, sudah tu inyo bawok. 17Isa Almasih bajalan kaluwa, sam-bia mamikua salib-Nyo, manuju ka tampaik nan banamo ”Tampaik Tang-kurak”. (Di dalam bahaso Ibrani dina-mokan Golgota.) 18Di sinan tu Baliau disalibkan. Samo-samo jo Baliau tu, ado pulo duwo urang lain nan disalib-kan; surang di sabalah kida, nan su-rang lai di sabalah suwok, Isa Almasih di tangah-tangah. 19Di kayu salib Isa Almasih tu, Pilatus manyuruah ma-nyurekkan tulisan nan bakcando iko: ”Isa dari Nazaret, Rajo urang Yahudi”. 20Banyak urang Yahudi nan bi mam-baco tulisan tu, dek karano, tampaik Isa Almasih disalibkan tu, indak jauah doh dari kota. Tulisan tu disurekkan, dalam bahaso Ibrani, bahaso Laten, sa-rato jo bahaso Yunani. 21Imam-imam kapalo, bi bakato kabake Pilatus, ”Jan lai disurekkan ’Rajo urang Yahudi’, tapi surekkanlah, ’Urang ko bakato, Aden Rajo urang Yahudi.’ ” 22Tapi, Pilatus manjawauk, ”Apo nan lah ambo tulihkan, tatauk ka ta-tulih.” 23Sasudah saradadu-saradadu tu manyalibkan Isa Almasih, inyo tu bi ma-ambiak-i pakaian Baliau. Pakaian tu dibaginyo ampek: satiyok-tiyok inyo mandapek sabagian. Inyo tu ma-ambiak pulo jubah Baliau. Jubah tu indak ado doh jayiktannyo ditanun dari ateh sampai ka bawah. 24Sarada-du-saradadu tu bi bakato sasamo inyo, ”Jan lai kito kuduang-kuduang jubah ko. Molah kito ma-ambuang undi, un-tuak manantukan kabake siya jatuah-nyo jubah ko.” Tajadi nan bakcando itu, mako basuwoanlah, apo nan lah tatulih di Alkitauk, iyolah: ”Urang-urang tu mambagi-bagi pakaian-Den, sarato ma-ambuang undi untuak mandapekkan jubah-Den.” Iyo bakcando itulah nan dipabuwek dek saradadu-saradadu tu. 25Di dakek salib Isa Almasih tu, tagak-lah mandeh Baliau, sarato jo karek-an nan padusi dari mandeh Baliau, sarato jo Maryam bini Klopas, sarato jo Mar-yam Magdalena. 26Kutiko Isa Almasih maliyek mandeh-Nyo, sarato jo pangi-kuik nan Baliau kasiahi, tagak pulo di sinan tu, mako Baliau bakato ka-bake mandeh-Nyo, ”Oih biyai, itunyo anak biyai.” 27Kamudian, Isa Almasih bakato ka-bake pangikuik-Nyo tu, ”Itunyo man-deh angkau.” Muloi dari sajak itu, pa-ngikuik tu mambawok mandeh Isa Almasih, untuak tingga di rumah-nyo. 28Isa Almasih lah tawu, baraso ki-niko sagalo sasuatu lah salasai, Baliau bakato, ”Ambo auih, ” mako, basuwoan apo nan lah tatulih di Alkitauk. 29Di sinan tu ado sabuwah mang-kuak, nan panuah barisi jo ayie ang-gur nan masam. Mako, urang-urang tu marandamkan bungo karang masuak ayie anggur tu, sarato inyo cu-cuakkan di ujuang pangalan, su-dah tu, inyo oncongkan ka bibia Isa Almasih. 30Isa Almasih mangicok ayie anggur tu, sudah tu Baliau bakato, ”Lah salasai!” Sudah tu, Baliau manunduakkan kapalo, sarato jo manyarahkan nya-wo Baliau. 31Panguwaso-panguwaso urang Ya-hudi indak bi namuah, jikok mayik urang-urang nan disalibkan tu, tatauk juwo tagantuang di kayu salib di ari Sabat, apo lai ari Sabat nan sakali ko adolah Ari Rayo nan lain daripado nan lain. Dek karano, ari panyaliban Isa Almasih tu sabalun ari Sabat, mako, urang-urang Yahudi mamintak ijin ka-bake Pilatus, untuak ka mamatahkan kaki urang-urang nan lah disalibkan, sarato mamintak untuak ka manurun-kan mayik tu dari kayu salib. 32Mako, saradadu-saradadu tu bi payi, sarato mamatahkan labiah dulu, kaki kadu-wo urang nan disalibkan samo-samo jo Isa Almasih. 33Kutiko inyo tu ka ma-matahkan kaki Isa Almasih, inyo liyek Baliau lah maningga. Dek karano itu, indak jadi doh inyo tu mamatahkan kaki Baliau. 34Tapi, paruik Isa Alma-sih ditusuak jo tombak, dek salah su-rang saradadu tu; mako, mancoreklah darah jo ayie. 35Urang nan sabana maliyek kajadi-an tu, inyo pulolah nan mangabakan, supayo angkau buliah bi picayo pulo. Dek karano, apo nan inyo curitokan tu, batua, inyo pun tawu pulo baraso itu bana. 36Tajadi kajadian nan bak-cando itu, supayo basuwoan apo nan lah tatulih di Alkitauk, iyolah ”Indak ciyek juwo doh tulang-Nyo nan ka di-patahkan”. 37Di Alkitauk ado pulo ta-tulih: ”Urang-urang tu ka bi maliyek, kabake Urang nan lah inyo tikam”. 38Sasudah tu, Yusuf dari Arimatea, mamintak ijin kabake Pilatus, untuak ka manurunkan mayik Isa Almasih. (Yusuf adolah pangikuik Isa Alma-sih, tapi, jo sacaro ba-anok-anok, dek karano inyo takuik kabake panguwa-so-panguwaso urang Yahudi.) Pila-tus ma-agiah ijin kabake inyo, ma-ko, inyo payi manurunkan mayik Isa Almasih. 39Nikodemus, nan dulu pa-nah manamui Isa Almasih di malam ari, inyo payi pulo samo-samo jo Yu-suf. Nikodemus mambawok ramuan mur, sarato jo gaharu== kasadonyo tu ado kiro-kiro tigo puluah kilo barek-nyo. 40Kaduwo urang tu, payi manu-runkan mayik Isa Almasih, sudah tu, inyo bungkuih jo kain kapan, samo-sa-mo jo ramuan arun tu bagai, baitulah manuruik adaik pangubuaran urang Yahudi. 41Di tampaik Isa Almasih di-salibkan tu, ado sabuwah taman. Di ta-man tu, ado pulo kubuaran baru, nan alun panah lai dipakai untuak pangu-buakan urang. 42Dek karano kubuaran tu dakek, nan ari Sabat lah ampia ka tibo pulo, mako, inyo tu mangubua-kan Isa Almasih di sinan tu. YAHYA

will be added

X\