YAHYA 18

1Sasudah Isa Almasih badowa bakcando itu, mako, Baliau sa-rato jo pangikuik-Nyo bi payi ka suba-rang Sungai Kidron. Di sinan tu ado sabuwah taman. Isa Almasih sarato jo pangikuik-Nyo bi masuak ka taman tu. 2Yudas, pangkiyanaik tu, inyo tawu tampaik tu; dek karano, Isa Almasih lah acok bakumpua di sinan tu jo pa-ngikuik-pangikuik-Nyo. 3Mako, Yudas payi ka tampaik tu, sarato mambawok sapasukan saradadu Romawi, sarato jo babarapo urang pangawal Baithullah, nan disuruah dek imam-imam kapalo, sarato jo urang-urang Farisi. Inyo tu bi mambawok-i sinjato, lantera sarato jo suluah. 4Isa Almasih lah tawu kasa-donyo nan ka tajadi taradok diri-Nyo. Dek karano itu, Baliau payi mandakek-i urang-urang tu, sarato jo batanyo, ”Si-ya nan angku-angku cari?” 5Urang-urang tu bi manjawauk, ”Si Isa Urang Nazaret.” Isa Almasih bakato, ”Ambo-lah urangnyo.” Yudas si pangkiyanaik tu, tagak di sinan tu samo jo urang-urang tu. 6Kutiko Isa Almasih bakato kabake inyo tu, ”Ambo-lah urangnyo, ” mako, inyo tu kasadonyo bi tasuruik, sarato bi jatuah ka tanah. 7Isa Almasih ba-tanyo sakali lai kabake inyo tu, ”Siya nan angku-angku cari?” Inyo tu bi manjawauk, ”Si Isa urang Nazaret.” 8Isa Almasih bakato, ”Cako lah Ambo katokan, Ambo-lah urang-nyo. Jikok iyo Ambo nan angku-ang-ku cari, padiyakanlah urang-urang nan lain ko nak bi payi.” 9Dek Baliau bakato nan bakcando itu, mako basu-woanlah, apo nan dikatokan dek Isa Almasih sabalunnyo: ”Oih Bapak, da-ri urang-urang nan lah Bapak barikan kabake Ambo, indak surang juwo doh nan ka ilang.” 10Simon Petrus nan mambawok sa-buwah padang, inyo cabuik padang-nyo tu, sudah tu, inyo ceteh talingo pisuruah imam basa nan sabalah su-wok, sampai putuih. Namo pisuruah tu Malkus. 11Mako, Isa Almasih ba-kato kabake Petrus ”Masuakkanlah baliak padang angkau tu ka saruang-nyo! Apokoh angkau manyangko, ba-raso Ambo indak ka maminun cawan sansaro, nan dibarikan dek Bapak ka-bake Ambo?” 12Mako, pasukan saradadu Roma-wi, sarato jo kumandannyo, sarato jo panjago-panjago nan disuruah dek urang Yahudi, bi manangkok, sarato jo mangabek Isa Almasih. 13Mulo-mulo, inyo tu mambawok Isa Almasih mangadauk kabake Hanas, mintuwo dek Kayafas. Kayafas adolah imam basa di tawun itu. 14Sarato inyo pulo-lah, nan lah manasiyaik-i panguwa-so-panguwaso urang Yahudi, baraso labiah elok surang urang mati, untuak sagalo banso. 15Simon Petrus, sarato jo surang pa-ngikuik nan lain, payi manuruikkan Isa Almasih. Pangikuik nan lain ko, bakatawuan jo imam basa; dek kara-no itu, inyo sato pulo masuak samo-samo jo Isa Almasih, ka alaman rumah imam basa, 16sadangkan nan Petrus manunggu di luwa, di pintu. Kamudi-an, pangikuik nan lain tu payi kaluwa, sarato mangecek jo surang pisuruah padusi, nan manjago pintu, sudah tu, mambawok Petrus masuak ka dalam. 17Pisuruah padusi panjago pintu tu, bakato kabake Petrus, ”Indakkoh ang-kau pangikuik Urang tu pulo?” Petrus manjawauk, ”Indak.” 18Pado wakatu itu udaro dingin, dek karano itu, pisuruah-pisuruah, sara-to jo pangawal-pangawal tu, lah ma-iduik-i baro api, nan inyo tu bi basa-ngai di sinan tu. Petrus payi pulo ka sinan tu, sarato tagak basangai samo-samo jo urang-urang tu. 19Imam basa batanyo kabake Isa Al-masih, tantang parkaro pangikuik-Nyo, sarato jo tantang ajaran-Nyo. 20Isa Al-masih manjawauk, ”Lah satiyok ari Ambo mangecek jo sacaro taruih ta-rang, di adok-an urang nan banyak. Ambo tatauk pulo ma-aja di rumah-rumah ibadaik, sarato jo di Baithullah, tampaik nan biasonyo urang Yahudi bi bakumpua. Alun ado lai Ambo manga-tokan sasuatu nan ba-andok-andokkan. 21Jadi, baa mangko angku mananyoi Ambo? Tanyolah urang-urang nan lah bi mandanga Ambo ma-aja. Lah mus-ti inyo tu bi tawu apo nan Ambo ka-tokan.” 22Kutiko Isa Almasih bakato bak-cando itu, salah surang dari panga-wal nan ado di sinan tu, manampa Baliau, sarato bakato, ”Barani bana Wa-ang mangecek bakcando itu ka-bake imam basa!” 23Isa Almasih manjawauk, ”Jikok nan Ambo katokan tu salah, katokan-lah kiniko, apo salahnyo! Tapi, jikok nan Ambo katokan tu batua, baa mang-ko angkau manampa Ambo?” 24Kamudian, Hanas manyuruah urang, untuak mambawok Isa Almasih jo bapilanggu kabake Imam Basa Kayafas. 25Simon Petrus sadang tagak juwo lai basangai di sinan tu. Mako, urang bi bakato kabake inyo, ”Indakkoh ang-kau pangikuik Urang tu pulo?” Tapi Petrus indak mangaku, inyo bakato, ”Indak!” keceknyo. 26Ado surang pisuruah imam basa, iyolah kaluarga dari urang nan talingo-nyo diceteh dek Petrus, inyo bakato, ”Ambo lah manampak angkau di taman samo-samo jo si Isa, iyo ndak?” 27Mako, Petrus indak pulo manga-ku, inyo bakato, ”Indak!” sarato ta-pek kutiko itu ayam bakukuak. 28Subuah-subuah buto, urang-urang tu lah mambawok Isa Almasih, da-ri rumah Kayafas ka istano gubenur. Nan urang-urang Yahudi, indak bi ma-suak doh ka istano, supayo inyo tu indak bi banajih manuruik ugamo, dek karano, inyo tu ka bi mamakan ma-kanan Paskah. 29Dek karano itu, Pi-latus payi kaluwa untuak manamui urang-urang tu, sarato jo batanyo, ”Apo nan angku-angku tuduahkan taradok Urang ko?” 30Urang-urang tu bi manjawauk, ”Santano Inyo indak basalah, tantu kami indak ka mambawok Inyo doh kabake pak Gubenur.” 31Pilatus bakato kabake urang-urang tu, ”Bawoklah Inyo, sarato adieli-lah Inyo manuruik paratuaran angku-angku!” Tapi, urang-urang Yahudi tu bi man-jawauk, ”Kami indak buliah doh ma-ukun urang jo ukunan mati.” 32Tajadi nan bakcando itu, mako, basuwoanlah apo nan lah dikatokan dek Isa Almasih, tantang baa caro Baliau ka mati. 33Pilatus babaliak masuak ka ista-no, sarato mamanggie Isa Almasih, sudah tu, batanyo, ”Apokoh Angkau ko Rajo urang Yahudi?” 34Isa Almasih manjawauk, ”Apo-koh tanyo angku ko, dari angku san-diri, atau ado urang lain nan lah ma-agiah tawu kabake angku, tantang diri Ambo?” 35Pilatus bakato, ”Apokoh ambo ko urang Yahudi? Nan manyarahkan Angkau kabake ambo, adolah ban-so Angkau sandiri, sarato jo imam-imam kapalo. Apo nan lah Angkau pabuwek?” 36Isa Almasih bakato, ”Karajaan Ambo, indak karajaan dunia ko doh. Kok santano karajaan Ambo dari dunia ko, tantu pangikuik Ambo ka mampa-tahankan, supayo Ambo jan disarah-kan kabake panguwaso-panguwaso urang Yahudi. Tapi, karajaan Ambo indak dari dunia ko doh!” 37Mako, Pilatus bakato kabake Isa Almasih, ”Jikok baitu, Angkau ko rajo?” Baliau manjawauk, ”Angku nan ma-ngatokan baraso Ambo ko rajo. Am-bo layie, sarato datang ka dunia ko, ado ciyek nan dimukasuik, iyolah un-tuak ma-agiah tawu tantang kabana-ran. Urang nan dari kabanaran tu, bi ma-iyokan kecek Ambo.” 38Pilatus batanyo kabake Baliau, ”Apo aratinyo kabanaran?” Sudah tu, Pilatus kaluwa pulo ba-liak dari istano, sarato bakato kabake urang-urang Yahudi, ”Indak ciyek juwo doh nan tasuwo dek ambo kasalahan Urang ko. 39Tapi, manuruik kabiaso-an di angku-angku, ambo tatauk ado malapehkan surang urang tahanan, di satiyok Ari Rayo Paskah. Layi namuah koh angku-angku, jikok ambo lapeh-kan Rajo urang Yahudi ko?” 40Urang-urang tu bi manjawauk sam-bia ma-ariak-ariak, ”Indak, jan lai Inyo nan dilapehkan, tapi si Barabas-lah nan ka dilapehkan!” (Padohal Bara-bas adolah parampok.) YAHYA

will be added

X\