YAHYA 17

1Sasudah bakato bakcando itu, Isa Almasih maningadah ka la-ngik sarato jo bakato, ”Oih Bapak, ki-niko lah tibo wakatunyo. Muliekanlah Anak Angkau, supayo Anak Angkau pun mamuliekan Angkau oih Bapak. 2Bapak lah mambari kuwaso taradok kasadonyo umaik mukaluak kabake Anak, supayo Anak mambari iduik sa-jati nan kaka, kabake sadonyo urang nan Bapak barikan kabake Inyo. 3Iko-lah iduik sajati nan kaka, iyolah, su-payo urang sabana-bana tawu jo Ba-pak, baraso hanyo Angkau sajolah, Allah nan bana, sarato musti bi tawu pulo, jo Isa Almasih nan Bapak utuih. 4Ambo lah mamuliekan Bapak di mu-ko bumi ko, jo sacaro manyalasaikan sagalo karajo nan Bapak tugehkan ka-bake Ambo. 5Oih Bapak! Muliekanlah Ambo kiniko dek Bapak, jo kamuliya-an nan Ambo miliak-i samo-samo jo Bapak, sabalun dunia ko dijadikan. 6Ambo lah ma-agiah tawu, siya bana Bapak nan sabananyo, kabake urang-urang nan di dunia ko, iyolah kabake urang-urang nan lah Bapak barikan ka-bake Ambo. Inyo tu adolah miliak Ba-pak, nan Bapak lah mambarikan inyo tu kabake Ambo. Inyo tu lah bi mama-tuahi sagalo apo nan Bapak katokan. 7Kiniko inyo tu lah bi tawu, baraso kasadonyo nan Bapak barikan kabake Ambo, barasa dari Bapak. 8Alah Ambo sampaikan kabake inyo tu, sagalo ka-to-kato nan lah Bapak katokan kabake Ambo, nan inyo tu lah bi manarimo-nyo. Inyo tu lah bi tawu, baraso Ambo iyo sabana-bana datang dari Bapak, nan inyo tu bi picayo baraso Bapak-lah nan ma-utuih Ambo. 9Ambo badowa untuak inyo tu. Ambo badowa indak untuak dunia doh, ta-pi untuak urang-urang nan lah Ba-pak barikan kabake Ambo, dek ka-rano, inyo tu adolah miliak Bapak. 10Kasadonyo miliak Ambo, adolah miliak Bapak pulo, sarato kasadonyo miliak Bapak, adolah miliak Ambo pu-lo. Ambo dimuliekan di antaro inyo tu. 11Nan kiniko Ambo datang kaba-ke Bapak. Ambo indak lai ka di dunia, tapi inyo tu ado di dunia. Oih Bapak nan suci! Tolonglah Bapak jago inyo tu jo kuwaso namo Bapak, iyolah, namo nan lah Bapak barikan kabake Ambo — supayo inyo tu manjadi satu, samo jo bakcando Bapak jo Ambo, adolah satu. 12Salamo Ambo samo-samo jo inyo tu, Ambo lah manjago inyo tu jo kuwaso namo Bapak namo nan Ba-pak barikan kabake Ambo. Ambo lah manjago inyo tu, sarato indak surang juwo doh dari inyo tu nan binaso, salain daripado nan lah samustinyo bi-naso; supayo jo sacaro nan baitu, ma-ko basuwoanlah apo nan lah tatulih di Alkitauk. 13Kiniko Ambo datang ka-bake Bapak. Kasadonyo ko Ambo ka-tokan, samantaro Ambo layi di dunia ko, supayo inyo tu bi marasokan sa-panuahnyo sukocito Ambo. 14Ambo lah manyampaikan kabake inyo tu ka-to-kato Bapak, nan dunia bi banci ka-bake inyo tu, dek karano inyo tu in-dak miliak dunia, samo jo bakcando Ambo, indak pulo doh miliak dunia. 15Ambo indak mamintak supayo Ba-pak mangaluwakan inyo tu dari du-nia ko, tapi, Ambo mamintak supayo Bapak malinduangi inyo tu, jan sam-pai digaduah dek si Jahek. 16Samo ka-adaannyo bakcando Ambo, Ambo in-dak doh miliak dunia, nan inyo tu pun indak pulo doh miliak dunia. 17Bapak jadikanlah inyo tu, manjadi miliak Ba-pak nan tasandiri malalui kabanaran. Kato-kato Bapak itulah kabanaran. 18Bakcando Bapak nan lah ma-utuih Ambo ka dunia, baitu pulo Ambo ma-utuih inyo tu ka dunia. 19Nan dek un-tuak kaparaluan inyo tu, mako, Ambo lah manyarahkan diri sabagai miliak Bapak nan tasandiri, supayo inyo tu pun bi manjadi miliak Bapak nan ta-sandiri malalui kabanaran. 20Indak untuak inyo tu sajo doh Ambo badowa. Tapi, Ambo badowa pulo un-tuak urang-urang nan ka bi ba-iman kabake Ambo, dek bi mandanga pa-ngakuan inyo tu. 21Oih Bapak, Ambo mamintak, supayo inyo tu kasadonyo manjadi basatu, bakcando Bapak basa-tu jo Ambo, nan Ambo basatu jo Bapak. Mudah-mudahan inyo tu manjadi satu jo Kito, supayo dunia bi picayo, baraso Bapak nan ma-utuih Ambo. 22Ambo lah mambarikan inyo kamuliyaan nan lah Bapak barikan kabake Ambo, su-payo inyo tu bi manjadi satu, samo jo bakcando Kito, adolah satu; 23Ambo jo inyo tu, nan Bapak jo Ambo; supayo inyo tu sabana-bana basatu. Mako, du-nia ka bi tawu, baraso Bapak-lah nan ma-utuih Ambo, sarato bi tawu bara-so Bapak mangasiahi inyo tu, bakcan-do Bapak mangasiahi Ambo. 24Oih Bapak, Ambo niyo supayo urang-urang nan lah Bapak barikan kabake Ambo, ado samo-samo jo Ambo di tampaik Ambo barado, supayo inyo tu bi maliyek kamuliyaan Ambo; iyo-lah kamuliyaan nan lah Bapak barikan kabake Ambo, dek karano Bapak ma-ngasiahi Ambo sajak sabalun dunia di-jadikan. 25Oih Bapak nan adie! Dunia indak tawu doh jo Bapak, tapi, Ambo tawu jo Bapak; nan urang-urang ko bi tawu, baraso Bapak nan ma-utuih Ambo. 26Ambo lah manyatokan na-mo Bapak kabake inyo tu; nan Ambo ka taruih mampabuwek nan bakcan-do itu, supayo kasiah Bapak kabake Ambo, tatauk ado di ati inyo tu, nan Ambo basatu jo inyo tu.” YAHYA

will be added

X\