YAHYA 14

1Isa Almasih bakato kabake inyo tu, ”Janlah bi rasah ati angkau. Picayolah kabake Allah, sarato pica-yo pulolah kabake Ambo. 2Di rumah Bapak Ambo, banyak tampaik tingga. Ambo payi ka sinan tu, untuak ka ma-nyadiyokan tampaik untuak angkau. Kok santano indak bakcando itu di sinan tu, tantu Ambo indak ka baka-to nan bakcando itu doh kabake ang-kau. 3Sasudah Ambo manyadiyokan tampaik untuak angkau, mako, Ambo ka babaliak untuak manjapuik ang-kau, supayo, dima Ambo barado, mako, angkau ka bi di sinan tu pulo. 4Ka tampaik Ambo ka payi tu, ang-kau bi tawu jalannyo.” 5Mako, Tomas bakato kabake Isa Almasih, ”Tuhan, kami indak tawu doh kama Tuhan ka payi, baa caronyo supa-yo kami tawu jalan ka sinan tuh?” 6Isa Almasih manjawauk, ”Ambo-lah jalan untuak supayo dapek tawu jo Allah, sarato mandapekkan iduik nan sabana iduik. Indak surang juwo doh urang nan bisa datang kabake Ba-pak, jikok inyo indak malalui Ambo. 7Kok santano angkau layi bi tawu jo Ambo, mako, angkau lah musti ka bi tawu pulo jo Bapak Ambo. Nan kini-ko angkau lah bi tawu jo Baliau, sa-rato lah bi maliyek Baliau.” 8Mako, Filipus bakato kabake Isa Almasih, ”Tuhan, tunjuakkanlah ka-bake kami, siya nan Bapak tu, supa-yo nak sanang pulo ati kami.” 9Isa Almasih bakato kabake inyo, ”Lah salamo tu Ambo samo-samo jo angkau Filipus, tapi, alun tawu juwo-koh angkau jo Ambo? Satiyok urang nan lah maliyek Ambo, ba-arati inyo lah maliyek Bapak. Baa pulo tu, mang-ko angkau bakato, ’Tunjuakkanlah Ba-pak tu kabake kami'? 10Oih Filipus! Indakkoh angkau picayo, baraso Am-bo basatu jo Bapak, nan Bapak basa-tu jo Ambo? Apo nan Ambo katokan kabake angkau, indak Ambo katokan dari diri Ambo sandiri tu doh. Bapak nan tatauk basatu jo Ambo, Baliau-lah nan mangarajokan kasadonyo tu. 11Picayolah kabake Ambo, baraso Am-bo basatu jo Bapak, nan Bapak basatu jo Ambo. Atau paliang tidak, picayolah jo sagalo sasuatu nan lah Ambo pabuwek. 12Sungguah, nan bana lah nan Ambo katokan ko: Urang nan layi pi-cayo kabake Ambo, ka mampabuwek apo nan lah Ambo pabuwek, malah-an inyo ka mampabuwek nan labiah lai daripado itu dek karano, Ambo ka ka payi kabake Bapak. 13Baitu pu-lo, apo sajo nan angkau mintak ateh namo Ambo, mako, pintak angkau tu ka Ambo palakukan, supayo Bapak di-muliekan malalui Anak. 14Apo sajo nan angkau mintak ateh namo Ambo, ka Ambo palakukan.” 15”Jikok angkau layi bi mangasiahi Ambo, mako, angkau ka bi mangara-jokan sagalo parentah Ambo. 16Ambo ka mintak kabake Bapak, nan Baliau ka mambarikan kabake angkau Pa-nolong lain, nan ka manatauk dalam diri angkau untuak salamo-lamonyo. 17Panolong lain tu, adolah Roh Allah, nan ka manyatokan kabanaran tantang Allah. Dunia indak ka bisa doh mana-rimo Baliau, dek karano, dunia indak maliyek, sarato indak pulo doh tawu jo Baliau. Tapi, nan angkau bi tawu jo Baliau, dek karano, Baliau tingga manatauk dalam diri angkau, sarato ka basatu jo angkau. 18Angkau indak ka Ambo tingga-kan sabagai yatim piatu doh di du-nia ko. Isuak, Ambo ka babaliak ka-bake angkau. 19Tingga saketeknyo lai wakatu, sudah tu, dunia indak lai ka maliyek Ambo. Tapi, nan angkau ka tatauk bi maliyek Ambo. Nan dek ka-rano Ambo iduik, nan angkau pun ka bi iduik pulo. 20Jikok lah tibo ari tu isuak, mangko, angkau ka bi tawu, ba-raso Ambo basatu jo Bapak, nan ang-kau basatu jo Ambo, nan Ambo basa-tu jo angkau. 21Satiyok urang nan layi ma-iyo-kan sagalo parentah Ambo, sarato layi mangarajokannyo, mako, inyo tu lah urang nan layi mangasiahi Ambo. Ba-pak Ambo ka mangasiahi urang nan mangasiahi Ambo. Nan Ambo pun ka mangasiahi urang tu, nan Ambo ka ma-nyatokan diri Ambo kabake inyo.” 22Yudas (indak nan Yudas Iskari-ot doh,) batanyo kabake Isa Almasih, ”Tuhan, baa mangko Tuhan namuah manyatokan diri kabake kami, sara-to baa mangko indak kabake urang dunia?” 23Isa Almasih manjawauk, ”Urang nan layi mangasiahi Ambo, ka mama-tuahi sagalo ajaran Ambo. Bapak Ambo ka mangasiahi inyo pulo. Bapak sara-to jo Ambo, ka datang kabake inyo, sarato ka tingga samo-samo jo inyo. 24Urang nan indak mangasiahi Am-bo, indak ka mamatuahi ajaran Ambo. Sagalo ajaran nan angkau danga tu, indak barasa dari Ambo tu doh, tapi, dari Bapak nan ma-utuih Ambo. 25Kasadonyo tu Ambo katokan ka-bake angkau, samantaro Ambo layi sadang samo-samo jo angkau. 26Tapi, Roh Allah, Panolong nan ka di-utuih dek Bapak ateh namo Ambo tu, Baliau-lah nan ka ma-aja angkau tantang sa-galo sasuatu, sarato nan ka ma-ingek-kan angkau taradok kasadonyo nan lah Ambo katokan kabake angkau. 27Tanang santoso Ambo, nan Ambo tinggakan untuak angkau. Tanang san-toso nan punyo Ambo sandiri, nan lah Ambo agiahkan untuak angkau. Nan Ambo agiahkan tu indak samo doh jo nan dibarikan dek dunia. Janlah ra-sah, janlah takuik. 28Angkau lah bi mandangakan Ambo bakato, ’Baraso Ambo ka payi maninggakan angkau, tapi sasudah tu Ambo ka babaliak ka-bake angkau'. Jikok angkau layi saba-na bi mangasiahi Ambo, mako angkau labiah suko, jikok Ambo babaliak ka-bake Bapak, dek karano Bapak labiah basa daripado Ambo. 29Mangko kini-ko Ambo baritawukan kabake angkau, sabalun kasadonyo tajadi, supayo ji-kok tajadi isuak, mako angkau ka bi picayo. 30Ambo indak ka banyak lai mangecek jo angkau, dek karano, lah tibo wakatunyo panguwaso dunia ko ka datang. Tapi, inyo indak bakuwa-so doh taradok diri Ambo. 31Biyapun baitu, kasadonyo tu musti tajadi, su-payo dunia bi tawu, baraso Ambo ma-ngasiahi Bapak, sarato layi mangara-jokan sagalo apo nan diparentahkan dek Bapak kabake Ambo. Dek karano itu, molah payi awak lai.” YAHYA

will be added

X\