YAHYA 13

1Sa-ari sabalun Ari Rayo Pas-kah, Isa Almasih lah tawu, baraso lah tibo wakatunyo, untuak Baliau barangkek dari dunia ko, sarato babaliak kabake Bapak Baliau. Baliau mangasiahi urang-urang nan manja-di miliak Baliau di dunia, nan Baliau ka tatauk mangasiahi urang-urang tu sampai ka kasudahannyo. 2Isa Almasih sarato jo pangikuik-pangikuik-Nyo, sadang bi makan ma-lam. Ubilih lah mamasuakkan niyaik jahek ka dalam ati Yudas anak Simon Iskariot, untuak ka mangkiyanaik-i Isa Almasih. 3Isa Almasih tawu, baraso Bapak lah manyarahkan sagalo kuwa-so kabake Baliau. Baliau tawu pulo, baraso Baliau datang dari Allah, sa-rato ka babaliak pulo kabake Allah. 4Sudah tu, Isa Almasih tagak, saratojo mambukak jubah Baliau. Kamudian, Baliau ma-ambiak sa-alai kain, sarato mangabekkannyo di pinggang Baliau. 5Sasudah tu, Baliau manuwangkan ayie ka dalam sabuwah dulang, ka-mudian, mulo-ilah Baliau mambasuah kaki pangikuik-pangikuik-Nyo, sudah tu, Baliau seka jo kain nan takabek dipinggang Baliau tu. 6Mako, sam-pailah Baliau kabake Simon Petrus. Petrus bakato kabake Baliau: ”Tuhan, masokan Tuhan nan ka mambasuah kaki ambo?” 7Isa Almasih manjawauk, ”Kiniko angkau indak ka mangarati, apo mu-kasuiknyo nan Ambo pabuwek ko, ta-pi, isuak barulah angkau ka manga-rati.” 8Petrus bakato kabake Isa Almasih, ”Jan lai Tuhan. Jan lai Tuhan nan mam basuah kaki ambo!” Tapi, Isa Almasih manjawauk, ”Ji-kok Ambo indak mambasuah kaki ang-kau, mako, angkau indak ka basang-kuik-pauik doh jo Ambo.” 9Simon Petrus bakato, ”Jikok baitu, Tuhan, janlah hanyo kaki ambo sajo nan dibasuah, tapi, tangan sarato jo kapalo ambo, iyo pulo lah!” 10Isa Almasih bakato kabake Petrus, ”Urang nan lah sudah mandi, badan-nyo lah barasiah tu kaciyek-annyo. Inyo indak paralu lai dibarasiahkan, salain dari kakinyo. Angkau ko lah bi barasiah, tapi, indak kasadonyo doh.” ( 11Isa Almasih lah tawu, siya urang-nyo nan ka mangkiyanaik-i Baliau. Itu sabauknyo Baliau bakato, ”Ang-kau ko lah bi barasiah, tapi, indak ka-sadonyo doh.") 12Sasudah Isa Almasih mamba-suah kaki pangikuik-pangikuik-Nyo tu, Baliau manganakkan jubah Ba-liau baliak, sudah tu Baliau duduak. Kamudian, Baliau bakato kabake pa-ngikuik-pangikuik-Nyo tu, ”Layi bi mangaratikoh angkau, tantang apo nan Ambo pabuwek kabake angkau? 13Angkau bi mangatokan Ambo ko, Guru sarato Tuhan. Nan angkau ka-tokan tu batua, dek karano, iyo Ambo-lah Guru sarato Tuhan. 14Jikok Ambo nan sabagai Tuhan, sarato Gu-ru dek angkau, lah mambasuah kaki angkau, mako, angkau pun musti pu-lo balega-lega, basuah-mambasuah ka-ki sasamo angkau. 15Ambo lah mam-bari tuladan kabake angkau, supayo angkau bi mampabuwek pulo, samo jo bakcando nan lah Ambo pabuwek kabake angkau. 16Sungguah, nan ba-na lah nan Ambo katokan ko: Surang pisuruah, indak ka labiah mulie dari induak samangnyo, baitu pulo, urang nan di-utuih, indak ka labiah mulie doh dari urang nan ma-utuihnyo. 17Jikok angkau lah bi tawu jo kasadonyo ko, bi basukocitolah angkau, jikok layi bi mangarajokannyo. 18Apo nan Ambo katokan ko, indak tantang angkau nan kasadonyo ko doh. Ambo tawu siya-siya nan lah Ambo pi-liah. Tapi, apo nan tatulih di Alkitauk, musti tajadi, iyolah ’Urang nan makan samo-samo jo Ambo, ka bakiyanaik ka-bake Ambo.’ 19Nan ka tajadi tu, Ambo katokan kabake angkau kiniko, sabalun tajadi, supayo, jikok lah tajadi isuak, ma-ko, angkau ka bi picayo, baraso Ambo-lah Baliau, nan dinamokan, ADEN ADO. 20Sungguah, nan bana lah nan Am-bo katokan ko: Siya nan picayo kabake urang nan Ambo utuih, ba-arati inyo pi-cayo kabake Ambo. Baitu pulo, siya nan picayo kabake Ambo, ba-arati inyo pica-yo kabake Baliau, nan ma-utuih Ambo.” 21Sasudah Isa Almasih bakato bak-cando itu, mako, sadiah sangaiklah ati Baliau. Sudah tu, Baliau mangatokan, ”Sungguah, nan bana lah nan Ambo ka-tokan ko: Salah surang di antaro ang-kau ko, ka mangkiyanaik-i Ambo.” 22Pangikuik-pangikuik Baliau, bi caliak mancaliak sasamo inyo tu, nan inyo tu bi tacangang, dek karano in-dak tantu, siya nan dimukasuikkan dek Baliau. 23Pangikuik nan dikasiahi dek Isa Almasih, duduak di sabalah su-wok Baliau. 24Simon Petrus mambari kode kabake inyo, supayo inyo bata-nyo kabake Isa Almasih, siya nan di-mukasuikkan dek Baliau. 25Mako, pangikuik nan dikasiahi tu, marapekkan badan kabake Isa Almasih, sarato jo batanyo, ”Tuhan siya tu urangnyo nan Angkau muka-suikkan?” 26Isa Almasih manjawauk, ”Urang nan Ambo bari roti nan lah Ambo ran-damkan masuak mangkuak, itulah urangnyo.” Kamudian, Isa Almasih ma-ambiak sakarek roti, sarato ma-randamkannyo masuak mangkuak, sudah tu, Baliau barikan kabake Yu-das anak Simon Iskariot. 27Indak lamo sasudah Yudas manarimo roti tu, Ubi-lih masuak ka dalam atinyo. Mako, Isa Almasih bakato kabake inyo, ”Capek-lah karajokan, apo nan andak angkau pabuwek.” 28Tapi, indak surang juwo doh dari antaro urang-urang nan bi duduak makan di sinan tu, nan bi ma-ngarati. Baa mangko Isa Almasih baka-to bakcando itu kabake Yudas. 29Ado nan manyangko, Isa Almasih manyu-ruah Yudas mambali sasuatu, untuak kaparaluan ari rayo tu, atau mungkin mambari pitih agak saketek kabake urang nan bansaik== dek karano Yu-das adolah tukang pacik pitih. 30Sasudah Yudas manarimo roti tu, inyo lansuang kaluwa. Pado wakatu itu ari lah malam. 31Sasudah Yudas kaluwa, Isa Almasih bakato, ”Kiniko Anak Manusia dimu-liekan, nan Allah dimuliekan malalui Inyo. 32Jikok Allah dimuliekan ma-lalui Inyo, nan Inyo pun ka dimulie-kan Allah malalui diri Baliau sandiri. Malahan Allah ka sacapeknyo mamu-liekan Inyo. 33Oih anak-anak Ambo, Ambo indak ka lamo lai tingga jo ka-lian. Kalian ka bi mancari Ambo, ta-pi, bakcando nan lah Ambo katokan kabake pamimpin-pamimpin Yahudi, baitu pulo nan Ambo katokan kabake kalian. Ka tampaik Ambo ka payi, in-dak ka mungkin doh kalian datang ka sinan tu. 34Ikolah parentah baru nan Ambo parentahkan kabake kalian: Sa-mo-samo mangasiah-ilah kalian. Samo jo bakcando Ambo mangasiahi kali-an, bakcando itu pulo andaknyo, ka-lian samo-samo mangasiahi. 35Jikok kalian layi samo-samo mangasiahi, mako, kasadonyo urang ka bi tawu, baraso kalian adolah pangikuik-pa-ngikuik Ambo.” 36Simon Petrus batanyo kabake Isa Almasih, ”Tuhan, Tuhan nak ka payi kama?” Isa Almasih manjawauk, ”Ka tampaik nan ka Ambo tuju, jikok ki-niko, angkau alun bisa lai payi. Isuak, barulah angkau manuruik-i Ambo.” 37Petrus batanyo pulo baliak, ”Tuhan, baa mangko ambo indak bi-sa payi kiniko manuruikkan Tuhan? Ambo rilah mati untuak Tuhan!” 38Isa Almasih manjawauk, ”Iyo layi nan sabananyo tu, angkau rilah mati untuak Ambo? Katawuilah, isuak ka tajadi, sabalun ayam bakukuak, sam-pai tigo kali angkau mangatokan, ba-raso angkau indak bakatawuan doh jo Ambo!” YAHYA

will be added

X\