YAHYA 11

1Ado surang urang nan banamo Lazarus, tingga di Betania sa-mo-samo jo dunsanaknyo nan banamo Maryam, sarato jo Marta. 2Maryam, adolah padusi nan panah maminyak-i kaki Tuhan jo minyak arun, sarato ma-nyekanyo jo rambuiknyo. Suatu kuti-ko nan Lazarus sakik. 3Kaduwo urang dunsanaknyo mangabakan kabake Isa Almasih, ”Tuhan, karek-an kami nan Tuhan kasiahi tu, inyo sakik.” 4Kutiko Isa Almasih mandanga ka-ba tu, Baliau bakato, ”Panyakiknyo tu indak ka mambawok inyo mati tu doh. Tapi, untuak ka manyatokan kabasaran Allah, sarato dek nan tajadi tu, nan Anak Allah ka dibasakan pulo.” 5Isa Almasih sangaik ibonyo kaba-ke Marta, Maryam, sarato jo Lazarus. 6Tapi, kutiko Isa Almasih mandanga kaba, baraso Lazarus sakik, nan Ba-liau sangajo di tampaik Baliau juwo, salamo duwo ari lai. 7Sasudah tu, ba-rulah Baliau bakato kabake pangikuik-pangikuik Baliau, ”Molah kito baba-liak ka Yudea.” 8Pangikuik Baliau tu bi manjawauk, ”Angku Guru, baru kapatang ko urang-urang Yahudi nak ka mamungkang-i Angku jo batu, nan kiniko Angku nak ka babaliak pulo ka sinan tu?” 9Isa Almasih manjawauk, ”Indak-koh ari nan siang tu, lamonyo duwo baleh jam? Urang nan bajalan di si-ang ari, kakinyo indak ka ta-antuak, dek karano inyo maliyek cahayo ta-rang dunia ko. 10Tapi, urang nan ba-jalan di tangah malam, kakinyo ka bi ta-antuak, dek karano indak ado ca-hayo tarang di dirinyo.” 11Bakcando itulah kecek Isa Almasih. Kamudian, Baliau bakato pulo, ”Konco kito si La-zarus, lah talalok. Tapi, Ambo ka pa-yi manjagokan inyo.” 12Pangikuik-pangikuik Isa Almasih bi bakato, ”Tuhan, jikok si Lazarus hanyo talalok, tantu baiko inyo la-yi ka cegak.” 13Mukasuik Isa Almasih iyolah, ba-raso nan Lazarus iyo lah mati. Tapi, pangikuik Baliau bi manyangko, nan di mukasuikkan dek Isa Almasih La-zarus lalok biaso. 14Dek karano itu, Isa Almasih bakato kabake pangikuik-Nyo jo sacaro taruih tarang, ”si Laza-rus iyo lah mati. 15Tapi, basyukur-lah, Ambo indak di sinan kutiko itu, dek karano, labiah elok lai dek ang-kau bakcando itu, supayo angkau bi-sa bi picayo. Molah kito payi kiniko ka si Lazarus.” 16Tomas, nan dinamokan pulo ”Si Kamba, ” bakato kabake kanti-kanti-nyo pangikuik Isa Almasih, ”Molah kito bi payi, biyalah kito bi mati sa-mo-samo jo Baliau!” 17Kutiko Isa Almasih tibo di tam-paik tu, nan Lazarus lah ampek ari dikubuakan. 18Betania, dakek jo Ye-rusalem, hanyo kiro-kiro tigo kilo ja-raknyo. 19Banyak urang Yahudi nan bi tibo manjanguak, ka tampaik Marta jo Maryam, untuak mampasanangkan ati inyo tu, dek karano karek-annyo nan maningga tu. 20Kutiko Marta mandanga kaba, ba-raso Isa Almasih lah tibo, mako, payi-lah inyo kaluwa untuak manyonsong-kan Baliau, sadangkan nan Maryam tingga di rumah. 21Marta bakato ka-bake Isa Almasih, ”Tuhan, kok san-tano Angkau layi di siko kutiko itu, lah musti karek-an ambo tu indak ka mati doh. 22Tapi, biyapun baitu, ambo tawu, baraso kiniko juwo Allah ka mambarikan kabake Angkau, sa-galo sasuatu nan Angkau mintak ka-bake Baliau.” 23Isa Almasih bakato kabake Mar-ta, ”Karek-an angkau tu, ka iduik tu baliak.” 24Marta manjawauk, ”Ambo tawu, baraso Lazarus tu ka iduik baliak, di kutiko kasadonyo urang nan mati, di-iduikkan baliak di Ari Kiyamaik.” 25Isa Almasih bakato kabake Marta, ”Ambo-lah nan mambari iduik, sarato ma-iduikkan baliak urang nan mati. Urang nan layi bi picayo kabake Ambo, ka tatauk iduik, biyapun inyo lah ma-ti. 26Urang iduik nan layi picayo ka-bake Ambo, indak ka mati doh un-tuak salamo-lamonyo. Layi picayokoh angkau, kabake apo nan Ambo kato-kan tu?” 27Marta manjawauk, ”Layi Tuhan, ambo picayo, Angkau Anak Allah, Rajo Panyalamaik nan turun ka dunia.” 28Sasudah Marta bakato bakcando itu, inyo payi ma-imbau karek-annyo Maryam, sarato babisiak kabake inyo, ”Angku Guru ado di siko, Baliau ma-nanyokan angkau.” 29Dek mandanga nan baitu, Maryam bagageh tagak, su-dah tu, inyo payi manamui Isa Almasih. 30Kutiko itu, Isa Almasih alun masuak lai ka dalam kampuang. Baliau, sadang di tampaik Marta manamui Baliau ca-ko juwo lai. 31Urang-urang Yahudi nan sadang bi mampasanang ati Maryam di rumah, bi maliyek Maryam tagak, sa-rato bagageh kaluwa. Mako, inyo tu bi payi pulo manuruikkan Maryam, dek karano, inyo tu bi manyangko Maryam payi ka kubuaran untuak manangih. 32Kutiko Maryam lah tibo di tam-paik Isa Almasih, sarato lah maliyek Baliau, mako, Maryam basilutuik di adok-an Baliau, sarato jo bakato, ”Tuhan, kok santano Angkau ado di siko kutiko itu, lah musti karek-an am-bo indak ka mati doh.” 33Kutiko Isa Almasih maliyek Mar-yam manangih, baitu pulo urang-urang Yahudi nan tibo samo-samo jo Mar-yam bi manangih pulo, mako sadiah pulolah Baliau, sarato luluah sangaik ati Baliau nampaknyo. 34Sudah tu, Baliau batanyo kabake urang-urang tu, ”Dima inyo angkau kubuakan?” Inyo tu bi manjawauk, ”Tuhan, mo-lah kito payi maliyek.” 35Mako manangihlah Isa Almasih. 36Urang-urang Yahudi tu bi bakato, ”Liyeklah, indak tangguang-tangguang doh kasiah-Nyo kabake Lazarus!” 37Tapi, ado di antaro inyo tu nan bi bakato, ”Baliau bisa mancegakkan mato urang buto. Baa mangko Baliau indak bisa managah, supayo Lazarus jan mati?” 38Isa Almasih batambah ibo ati-Nyo, mako payilah Baliau ka kubuaran. Ku-buaran tu adolah sabuwah guwo, nan pintunyo batutuik jo batu. 39Isa Almasih bakato, ”Anjakkan-lah batu tu.” Mako, bakatolah Marta karek-an La-zarus nan mati tu, ”Tuhan, inyo ko lah ampek ari bakubuakan. Tantu lah bu-suak kiniko!” 40Isa Almasih bakato kabake Marta, ”Indakkoh lah Ambo katokan kabake angkau: Jikok angkau layi picayo, ang-kau ka maliyek, bara lah ka gadang-nyo kuwaso Allah!” 41Mako, batu tu di-anjakkan dek urang-urang tu. Ka-mudian, Isa Almasih maningadah ka langik, sarato jo bakato, ”Oih Bapak, Ambo batarimo kasih, dek karano Ang-kau lah mampalakukan pintak Ambo. 42Ambo tawu, Angkau tatauk mam-palakukan pintak Ambo, tapi, Ambo bakato bakcando iko, adolah untuak urang-urang nan ado di siko. Supayo inyo tu bi picayo, baraso Angkau-lah nan ma-utuih Ambo.” 43Sasudah baka-to bakcando itu, Isa Almasih ba-imbau jo suwaro nan kuwaik, ”Oih Lazarus, kaluwalah!” 44Mako, kaluwalah Lazarus nan lah mati tu. Tangannyo, sara-to jo kakinyo, babungkuih juwo lai jo kain kapan, nan mukonyo, tasawok jo kain panutuik muko. Isa Almasih ba-kato kabake urang-urang nan di sinan tu, ”Bukaklah kain kapannyo tu, su-payo nak saleso inyo bajalan.” 45Banyak di antaro urang-urang Ya-hudi nan bi tibo manjanguak ka ru-mah Maryam, nan bi picayo kabake Isa Almasih, dek karano, inyo tu lah bi maliyek kajadian tu. 46Tapi, baba-rapo urang di antaro inyo tu, bi payi kabake urang-urang Farisi, sarato bi mancuritokan, apo nan lah dipabuwek dek Isa Almasih. 47Dek karano itu, urang-urang Farisi, sarato jo imam-imam kapalo, bi ma-adokan rapek jo Mahkamah Ugamo. Inyo tu bi baka-to, ”Apo nan musti kito pabuwek? Si Isa tu, Inyo lah sambuah mampabu-wek mukjizat! 48Jikok kito padiyakan Inyo taruih bakcando itu, mako, kasa-donyo urang ka bi picayo kabake Inyo. Nan akienyo, panguwaso Roma ka bi datang kamari ko, sarato ka bi marun-tuahi Baithulmukadis, sarato ka mam-binasokan kasadonyo banso kito!” 49Salah surang dari inyo tu, nan ba-namo Kayafas, nan manjadi imam ba-sa di tawun itu, inyo bakato, ”Ang-kau indak bi tawu sabuwah alah juwo. 50Apokoh angkau indak bi manyada-ri, baraso, asakan layi ka untuak ban-so kito, labiah elok lai surang mati, daripado kasadonyo banso kito bina-so?” 51Sabananyo, Kayafas bakato bak-cando itu, indak barasa dari pikieran inyo sandiri doh. Tapi, sabagai imam basa di tawun itu, inyo lah manubu-waikkan, baraso Isa Almasih ka mati untuak banso Yahudi. 52Sarato indak untuak banso Yahudi sajo doh, tapi, iyo pulo untuak mangumpuakan, sa-rato untuak mampasatukan anak-anak Allah nan lah bakecai-kecai. 53Sajak di ari itu, pamimpin-pamim-pin urang Yahudi, lah bi samupakaik untuak ka mambunuah Isa Almasih. 54Dek karano itu, Isa Almasih indak ado lai payi ka tampaik-tampaik nan rami di lingkuangan urang Yahudi. Baliau barangkek dari Yudea, sudah tu, payi ka kota nan banamo Efraim, di dakek padang gurun. Di sinan tu Baliau tingga samo-samo jo pangi-kuik-pangikuik Baliau. 55Pado wakatu itu, lah ampia ka dakek Ari Rayo Paskah urang Yahudi. Sambuah urang dari kampuang-kam-puang nan lah bi payi ka Yerusalem, untuak bi manyucikan diri manuruik ugamo, sabalun ari rayo tu dimuloi. 56Urang-urang tu bi mancari Isa Al-masih, nan di kutiko inyo tu lah bi bakumpua di Baithullah, inyo tu bi bakato sasamo inyo, ”Baa pandapek angkau? Mungkinkoh Inyo indak ka datang doh ka tampaik ari rayo ko?” 57Inyo tu bi bakato bakcando itu, dek karano, lah ado parentah dari imam-imam kapalo, sarato jo urang-urang Farisi, baraso, jikok ado urang nan ta-wu, dima Isa Almasih barado, mako, urang tu musti ma-agiah tawu, supa-yo Isa Almasih bisa ditangkok. YAHYA

will be added

X\