YAHYA 1

1Pado mulonyo, sabalun dunia ko dijadikan, nan Kalimathullah, lah ado juwo. Kalimathullah tu, ado samo-samo jo Allah, nan Kalimathullah tu, adolah Allah. 2Sajak samulo, Kalimathullah tu samo-samo jo Allah. 3Sagalo sasuatu dijadikan malalui Kalimathullah, sarato dari sagalo nan ado, indak ciyek juwo doh nan dijadikan, jikok indak dek Kalimathullah. 4Kalimathullah tu, tampaik asa iduik, nan iduik tu mambari tarang kabake manusia. 5Tarang tu bacahayo di nan kalam, nan galok kalam, indak ka dapek doh nak mamudua-inyo. 6Tibolah urang nan di-utuih dek Allah, Yahya namonyo. 7Inyo di-utuih untuak mambaritokan Tarang tu, supayo kasadonyo urang bi picayo. 8Indak inyo doh, nan Tarang tu, inyo hanyo mambaritokan. 9Tarang nan sabana Tarang, nan manarangi kasadonyo urang, lah turun ka muko bumi. 10Kalimathullah, lah ado di dunia, dunia dijadikan malalui Kalimathullah, tapi, dunia indak tawu doh jo Kalimathullah tu. 11Kalimathullah tu datang ka nagari Baliau sandiri, tapi, banso Baliau indak manarimo Baliau. 12Tapi, ado juwo urang nan lai niyo manarimo Baliau, sarato bi picayo kabake Baliau, urang-urang tu, Baliau bari hak manjadi anak-anak Allah, 13nan dilayiekan indak doh dari manusia, dek karano, iduik nan baru tu, dari Allah asanyo. 14Kalimathullah, lah manjadi manusia, Baliau tingga di tangah-tangah kito, nan kito lah bi maliyek kabasaran Baliau. Kabasaran tu, Baliau tarimo sabagai Anak Tungga Allah Bapak. Malalui Baliau, kito dapek maliyek Allah, sarato marasokan kasiah-Nyo kabake kito. 15Yahya datang sabagai sasi Baliau, Yahya mangatokan: ”Ikolah Baliau nan ambo katokan: Baliau labiah kudian tibo daripado ambo, tapi, Baliau labiah mulie daripado ambo, dek karano, sabalun ambo ado, nan Baliau lah ado juwo.” 16Baliau sangaik paibo, Baliau indak anti-antinyo mambarakaik-i kito. 17Paratuaran Kitauk Taurat, kito tarimo malalui Musa. Tapi, kasiah sarato jo katuluihan ati Allah, dinyatokan malalui Isa Almasih. 18Indak surang juwo doh urang nan lah panah maliyek Allah, salain Anak Tungga Allah Bapak, nan sahakikaik jo Baliau, sarato nan arek sangaik jo Allah Bapak. Baliau-lah nan manyatokan Allah Bapak kabake kito. 19Panguwaso-panguwaso Yahudi di Yerusalem, manyuruah imam-imam, sa-rato jo urang-urang Lewi, bi payi kabake Yahya, sarato mananyokan kabake inyo, ”Angkau ko siya nan sabananyo?” 20Yahya mangaku jo sacaro taruih tarang, ”Nan ambo ko, indak Rajo Panyalamaik doh.” 21Mako, urang-urang tu bi batanyo kabake Yahya, ”Jikok baitu, angkau ko siya nan sabananyo? Apokoh ang-kau Elia?” Yahya manjawauk, ”Indak.” Urang-urang tu bi batanyo pulo ba-liak ”Apokoh angkau nabi nan kami tunggu-tunggu?” Yahya manjawauk, ”Indak.” 22Mako, urang-urang tu bi bakato kabake Yahya, ”Jikok baitu, katokan-lah kabake kami, siya angkau nan sa-bananyo, supayo kami dapek mambari jawaukban, kabake urang-urang nan manyuruah kami. Apo jawauk angkau tantang diri angkau sandiri?” 23Yahya manjawauk, ”Ambolah urangnyo, nan lah dikatokan dek Nabi Yesaya: ’Urang nan ba-imbau-imbau di padang pasie: Ratokanlah jalan untuak Tuhan.’ ” 24Urang-urang nan di-utuih dek urang Farisi tu, 25bi batanyo, ”Jikok angkau indak Rajo Panyalamaik, in-dak Elia, indak pulo doh nabi, baa mangkonyo angkau mampamandi-kan urang?” 26Yahya manjawauk, ”Ambo mam-pamandikan urang jo ayie. Tapi, di ta-ngah-tangah angkau, ado Baliau nan indak tantu dek angkau. 27Baliau ti-bo labiah kudian daripado ambo, ta-pi, untuak ka mambukak tali tarom-pa-Nyo sajo, ambo ko urang nan indak patuik.” 28Kasadonyo tu tajadi di Betania, di arah nan ka Ujuang dari Sungai Yordan, tampaik Yahya mampaman-dikan urang. 29Bisuak arinyo, Yahya maliyek Isa Almasih datang kabake inyo. Mako, inyo bakato, ”Liyeklah, itulah Anak Domba Allah nan ka ma-apuih doso dunia. 30Baliau-lah nan ambo kato-kan, nan tibo labiah kudian daripado ambo, tapi, Baliau labiah mulie dari-pado ambo, dek karano, sabalun am-bo layie, nan Baliau tu lah ado juwo. 31Sabalunnyo, Baliau tu indak tan-tu pulo doh dek ambo. Padohal, am-bo datang mampamandikan urang jo ayie, supayo umaik Israel buliah bi ta-wu jo Baliau.” 32Nan Yahya, mambari pulo panga-kuan nan bakcando iko, ”Ambo ma-nampak Roh Allah turun dari langik bakcando buruang parapati, sudah tu inggok kabake Baliau. 33Kutiko itu, ambo alun tawu lai siya Baliau. Tapi, Allah nan manyuruah ambo mampa-mandikan urang jo ayie, lah bakato kabake ambo, ’Jikok angkau manam-pak Roh Allah turun, sudah tu, ing-gok kabake surang urang, mako, Inyo lah nan ka mampamandikan urang jo Roh Allah.’ ” 34Yahya bakato, ”ambo lah maliyek-Nyo jo mato ambo sandiri. Nan ambo mambari pangakuan, bara-so Baliau tu, adolah Anak Allah.” 35Bisuak arinyo, Yahya sarato jo duwo urang pangikuiknyo, lah tibo pulo baliak di tampaik tu. 36Kutiko inyo manampak Isa Almasih lalu, mako, inyo bakato, ”Li-yeklah! Itulah Anak Domba Allah.” 37Kaduwo urang pangikuik Yahya, mandanga kato-kato tu, mako, inyo tu bi payi pulo manuruikkan Isa Almasih. 38Isa Almasih ma-engong ka balakang, sarato manampak urang nan baduwo tu sadang manuruikkan Baliau. Baliau batanyo, ”Apo nan angkau cari?” Inyo tu bi manjawauk, ”Rabi, dima Rabi tingga?” ('Rabi' tu, aratinyo ado-lah guru.) 39Isa Almasih manjawauk, ”Kamari-lah, caliak sandirilah dek angkau.” Inyo tu bi payi jo Isa Almasih, sarato bi mali-yek dima Baliau tingga. Kutiko tu ari lah pukua ampek sanjo. Di ari tu, inyo tu bi tingga di sinan tu samo-samo jo Baliau. 40salah surang dari urang nan badu-wo tu, nan lah mandanga apo nan di-katokan dek Yahya, nan kamudian payi manuruikkan Isa Almasih, adolah An-dreas, karek-an Simon Petrus. 41Basica-pek Andreas payi mancari Simon karek-annyo, sarato bakato, ”Kami lah basuwo jo Almasih, (Mesias)!” (Mesias samo ara-tinyo jo Almasih, nan aratinyo adolah: Rajo Panyalamaik.) 42Andreas payi ma-antakan Simon kabake Isa Almasih. Isa Almasih mancaliak kabake Simon, sudah tu Baliau bakato, ”Angkau Simon, anak Yahya. Angkau ka dinamokan si Kefas.” (Kefas samo tu jo Petrus, arati-nyo adolah: gunuang batu.) 43Bisuak arinyo, Isa Almasih lah ma-mutuihkan untuak ka payi ka Galilea. Baliau basuwo jo Filipus, sarato baka-to kabake inyo, ”Molah payi jo Ambo!” 44Filipus barasa dari Betsaida, iyolah nagari tampaik tingga Andreas, sara-to jo Petrus. 45Filipus batamu jo Na-tanael, sarato jo bakato kabake inyo, ”Kami lah basuwo jo Urang nan dika-tokan dek Musa dalam Kitauk Taurat, nan lah dibaritokan dek nabi-nabi. Baliau tu adolah Isa Almasih dari Na-zaret, anak dek Yusuf.” 46Tapi, Natanael batanyo, ”Apokoh mungkin, sasuatu nan baiak datang-nyo dari Nazaret?” Filipus manjawauk, ”Kamarilah, ca-liak sandiri lah dek angkau.” 47Isa Almasih manampak Natana-el datang, sarato bakato tantang Na-tanael, ”Liyeklah, ikolah urang Isra-el nan sabananyo. Indak ado doh nan duto di dirinyo.” 48Natanael batanyo kabake Isa Almasih, ”Baa tu mangkonyo Angkau tawu tantang diri ambo?” Isa Almasih manjawauk, ”Sabalun Filipus ma-imbau angkau, Ambo lah manampak angkau di bawah batang kayu aro tu.” 49Natanael bakato, ”Angku Guru, Angkau adolah Anak Allah! Angkau adolah Rajo umaik Israel!” 50Isa Almasih bakato, ”Dek karano Ambo lah mangatokan, baraso Ambo lah manampak angkau di bawah ba-tang kayu aro tu, itu mangkonyo ang-kau picayo, iyo ndak? Isuak, angkau ka maliyek sagalo parkaro nan labiah lu-wa biaso daripado itu!” 51Isa Almasih bakato pulo, ”Sungguah, picayolah, angkau ka maliyek langik tabukak, sarato ka maliyek malekaik-malekaik Allah turun nayiak manamui Anak Manusia.” YAHYA

will be added

X\