YAKOBUS 5

1Oih sudaro-sudaro, urang-urang nan kayo! Dangakanlah nasiyaik ambo. Andaklah angkau bi manangih, sarato bi maratok, dek karano, angkau ka bi manangguangkan sansaro! 2Kaka-yoan angkau lah busuak. Pakaian ang-kau lah dimakan dek anai-anai. 3Ameh, sarato jo perak angkau, lah bi bakura-wek; kuraweknyo ka bi manjadi sasi malawan angkau, sarato ka mamakan abih tubuah angkau, bakcando dima-kan api. Angkau lah bi ma-ungguakkan arato di manjalang akie jaman. 4Ang-kau indak bi mambayie upah, urang-urang nan bi bakarajo di parak angkau. Nan kiniko, dangakanlah kaluahan inyo tu! Urang-urang nan bi mangum-puakan asie parak angkau, bi mama-kiak mintak tolong, nan pakiak inyo tu lah sampai ka talingo Allah, Tuhan Nan Mahakuwaso. 5Angkau lah bi iduik da-lam kamewahan, sarato lah marasokan lamak kasanangan di dunia ko. Angkau sa-olah-olah sadang bi manggapuakkan badan, untuak ari pandabiahan. 6Ang-kau bi ma-ukun, sarato jo mambunuah urang-urang nan indak basalah, nan inyo tu indak bi malawan angkau doh. 7Dek karano itu, oih sudaro-suda-ro ambo, basabalah sampai Tuhan datang. Liyeklah, baa ka saba-nyo surang urang paparak manunggu, sampai pa-raknyo mambarikan asie nan ba-ara-go kabake inyo. Inyo saba manunggu, sampai tibo ujan musin ruruik, sara-to jo ujan musin bungo. 8Andaklah angkau bi basaba pulo, sarato bi ma-naguahkan ati, dek karano, ari kada-tangan Tuhan lah dakek. 9Janlah bi manggarutok, sarato sa-lah manyalahkan, supayo angkau in-dak di-ukun dek Allah. Ingek-ingek-lah! Hakim lah dakek, lah basegeh untuak datang. 10Oih sudaro-sudaro, kana-ilah nabi-nabi nan mangecek ateh namo Tuhan. Inyo tu bi saba, sa-rato tabah manangguang sansaro. Ja-di, ambiaklah inyo tu sabagai conto. 11Inyo tu dikatokan basukocito, dek karano inyo tu bi tabah. Angkau lah bi mandanga, tantang baralah ka sa-banyo Ayub, nan angkau bi tawu pu-lo, baa Tuhan pado akienyo mam-barakaik-inyo. Dek karano, Tuhan sangaik maraso ibo, sarato elok ati. 12Nan tarutamu sakali, iyolah: Jan-lah bi basumpah, biya karano dek la-ngik, atau pun karano dek bumi, atau karano dek apo pun juwo. Katokan sajolah ”Iyo” jikok mukasuik angkau iyo, sarato katokanlah ”Indak” jikok mukasuik angkau indak; supayo ang-kau jan di-ukun dek Allah. 13Jikok di antaro angkau ado nan sadang bi sansaro, mako, andaklah inyo badowa. Jikok ado nan basu-kocito, andaklah inyo mandendang-kan pujian kabake Allah. 14Jikok ado nan sakik, andaklah inyo ma-imbau pamimpin-pamimpin jamaat. Sara-to andaklah pamimpin-pamimpin tu, mandowakan urang nan sakik tu, sa-rato mambaruik-inyo jo minyak ateh namo Tuhan. 15Jikok dowa inyo tu disampaikan jo sacaro nan yakin, mako, Tuhan ka mancegakkan urang nan sakik tu, sarato ka ma-ampuni doso-doso nan lah inyo pabuwek. 16Dek karano itu, an-daklah angkau samo-samo ma-akui kasalahan, sarato samo-samo mando-wakan, supayo angkau dicegakkan. Dowa urang nan ma-ikuik-i ka-ingin-an Allah, sangaik gadang kuwasonyo. 17Elia adolah manusia biaso samo jo bakcando kito. Inyo badowa jo saca-ro nan basungguah-sungguah, supayo ujan indak turun, mako, ujan pun in-dak turun doh salamo tigo satangah tawun. 18Kamudian, inyo badowa pulo baliak, mako, langik manurun-kan ujan, sainggo tanah mangaluwa-kan asienyo. 19Oih sudaro-sudaro ambo! Jikok di antaro angkau, ado salah surang nan indak lai maikuik-i ajaran nan dari Allah, kamudian, ado surang urang nan lain, mambawok urang tu babaliak kabake Allah, 20mako, kana-ilah ayaik ko: Urang nan mambawok urang nan badoso, babaliak dari ja-lannyo nan sasek, mako, urang tu ma-nyalamaikkan jiwa urang nan badoso tu dari kamatian, sarato manyabauk-kan banyak doso di-ampuni. Salam aromaik dari kami, Yakobus

will be added

X\