YAKOBUS 1

1Sudaro-sudaro kasadonyo umaik Allah, nan tasebar di kaciyek-an-nyo dunia ko! Salam dari Ambo, Ya-kobus, pisuruah Allah, sarato pisu-ruah Tuhan Isa Almasih. 2Oih sudaro-sudaro! Jikok angkau bi mangalami babagai-bagai cobaan, andaklah angkau maraso baruntuang. 3Dek karano angkau bi tawu, baraso jikok angkau tatauk ba-iman kabake Tuhan, pado wakatu mangalami coba-an, payidahnyo iyolah: angkau ka man-jadi urang nan tabah. 4Jago-ilah, supa-yo katabahan ati angkau tu batambah kuwaik, sampai angkau manjadi saba-na-bana samparono, sarato indak ba-kakurangan dalam parkaro apo pun ju-wo. 5Jikok ado salah surang di antaro angkau, nan kurang bijaksano, andak-lah inyo mamintaknyo dari Allah, ma-ko, Allah ka mambarikan kabijaksano-an kabake inyo; dek karano, kabake satiyok urang, Allah mambari jo sacaro nan murah ati, sarato jo parasaan nan raso ibo. 6Tapi, urang nan mamintak tu, musti picayo andaknyo; inyo indak bu-liah doh ragu-ragu. Dek karano, urang nan ragu-ragu tu, adolah ibaraik ombak di lauik, nan di-ambuih dek angin kian kumari. 7- 8Urang nan bakcando itu, in-dak tatauk doh pikierannyo; inyo indak bisa saketek juwo doh ma-ambiak ka-putusan, dalam sagalo sasuatu nan inyo pabuwek. Dek karano itu, indak usah pulolah inyo ma-arokkan, untuak man-dapek sasuatu dari Tuhan. 9Urang Kristen nan bansaik, an-daklah bi basukocito, jikok Allah manenggikan inyo. 10Nan urang Kristen nan kayo, andaklah bi bagadang ati pulo, jikok Allah marandahkan inyo. Dek karano, urang nan kayo ka ilang-lanyok ibaraik bungo rumpuik. 11Pa-do kutiko matoari tabik jo angek pa-nehnyo nan padiah, mako, rumpuik tu ka manjadi layua, sainggo ruruik-lah bungonyo, sarato ilang pulolah rancaknyo. Baitu pulolah jo urang nan kayo; inyo ka ilang-lanyok, pa-do wakatu inyo sadang manjalankan usawonyo. 12Basukocitolah urang nan tabah, di kutiko inyo mangalami ujian coba-an. Dek karano, sasudah inyo barasil batahan dalam ujian cobaan tu, ma-ko, inyo ka manarimo upahnyo, iyo-lah kahidupan nan lah dijanjikan dek Allah, kabake urang-urang nan bi ma-ngasiahi Baliau. 13Jikok ado urang nan tadayo dek cobaan nan bakcan-do itu, janlah inyo bakato, ”Dayo-an ko datangnyo dari Allah, ” dek kara-no, Allah indak dapek doh tadayo dek karajo nan jahek, sarato indak pulo doh mandayo siapo pun juwo. 14Tapi, urang tadayo, jikok inyo di-elo, sarato dipikek dek ka-inginan ja-hek inyo sandiri. 15Kamudian, jikok ka-inginan nan jahek tu dituruikkan, mako, timbualah doso; nan jikok do-so lah masak, mako, akibaiknyo iyo-lah mauik. 16Oih sudaro-sudaro nan ambo kasiahi, janlah angkau bi takicuah! 17Satiyok pambarian nan elok, sa-rato jo adiyah nan samparono, da-tangnyo dari sarugo, diturunkan dek Allah, Nan Manjadikan sagalo tarang nan di langik. Baliau-lah Allah nan in-dak barubah, sarato indak pulo doh manyabaukkan kakalaman apo pun juwo. 18Dek ka-inginan Baliau sandi-ri, Baliau manjadikan kito anak-anak Baliau, malalui kato-kato Baliau nan bana. Baliau mampabuwek nan baitu, supayo kito mandapek tampaik nan paliang elok, di antaro kasadonyo mukaluak nan Baliau jadikan. 19Oih sudaro-sudaro nan ambo kasiahi, paratikanlah iko elok-elok! Satiyok urang musti capek untuak mandanga, tapi, lambek untuak ka mangecek, sarato lambek untuak ka bangih. 20Urang nan bangih, indak dapek doh mampabuwek nan elok, nan manyanangkan ati Allah. 21Dek karano itu, buwanglah satiyok kuli-kaik nan buruak, sarato jo nan jahek. Sarato tarimolah jo sacaro randah ati, kato-kato nan ditanam dek Allah di dalam ati angkau, dek karano, kato-kato tu mampunyoi kakuatan untuak manyalamaikkan angkau. 22Andaklah angkau mangarajokan apo nan dikatokan dek Allah, jan ha-nyo mandangakan sajo, dek karano, ji-kok indak nan baitu, ba-arati angkau mangicuah diri sandiri. 23Urang nan mandanga kato-kato Allah, tapi, indak mangarajokannyo, inyo, adolah iba-raik urang nan sadang maliyek roman mukonyo nan sabananyo, di adok-an camin. 24Sasudah inyo mamparatikan-nyo elok-elok, inyo pun payi, sarato lansuang malupokan baa roman mu-konyo tu. 25Paratuaran Allah sampa-rono, sarato mampunyoi kakuatan un-tuak mamaradekakan manusia. Siya urang nan manyalidiak-i, sarato nan layi mamparatikan elok-elok, sarato nan layi mamatuahi sagalo paratua-ran tu, sarato indak doh hanyo manda-nga sajo, sarato malupokannyo, mako, urang tu ka dibarakaik-i dek Allah, da-lam satiyok apo nan dipabuweknyo. 26Jikok ado urang nan maraso di-rinyo urang nan patuah ba-ugamo, tapi, inyo indak manjago kato-kato-nyo, mako, inyo mangicuah dirinyo sandiri; ibadaiknyo indak ado doh gu-nonyo. 27Kapatuahan ba-ugamo nan suci, sarato nan sajati manuruik pan-dangan Allah Bapak, iyolah: mano-long anak-anak yatim piatu, sarato jo urang-urang marando nan sansa-ro, sarato manjago diri sandiri, supa-yo jan dikumuahi dek dunia ko.

will be added

X\