IBRANI 8

1Pokok dari sagalo pambicaro-^ an kito iyolah: Kito mampunyoi Imam Basa nan bakcando itu, nan duduak mamarentah samo-samo jo Allah Nan Mahakuwaso di sarugo. 2Baliau mangarajokan tugeh sabagai Imam Basa di Ruwang Mahasuci, iyo-lah di dalam Kemah Tuhan nan saja-ti, nan dibuwek dek Tuhan, indak doh dek manusia. 3Satiyok imam basa di-angkek un-tuak mampasambahkan karoban, atau pasambahan kabake Allah. Baitu pulolah Imam Basa kito; Baliau mus-ti mampunyoi sasuatu nan untuak ka dipasambahkan. 4Kok santano Baliau barado di dunia ko, Baliau indak ka manjadi imam doh, dek karano, lah ado imam nan mampasambahkan karoban, nan dituntuik dalam paratua-ran ugamo Yahudi. 5Karajo nan dika-rajokan dek urang-urang nan sabagai imam tu, sabananyo, hanyolah sua-tu gambaran sarato jo bayangan, dari apo nan ado di sarugo. Itu lah di-agiah tawu dek Allah kabake Musa sa-isuak, kutiko Musa nak ka managakkan Ke-mah Tuhan. Allah bakato bakcando iko kabake Musa, ”Kana-ilah! Kasa-donyo tu mustilah angkau pabuwek manuruik conto nan lah Den tunjuak-kan kabake angkau di ateh gunuang.” 6Tapi, kiniko Isa Almasih mandapek tugeh sabagai Imam, nan jauah labiah mulie daripado nan dikarajokan dek imam-imam tu. Dek karano, pajanji-an nan di-adokan Baliau antaro Allah jo manusia, adolah pajanjian nan la-biah elok, dek karano, badasarkan janji untuak sagalo parkaro nan la-biah elok. 7Kok santano indak ado kakurang-an di pajanjian nan partamu, mako, indak paralu lai di-adokan pajanjian nan kaduwo. 8Tapi, Allah lah mana-mukan kasalahan pado umaik-Nyo, sainggo Allah bakato, ”Sungguah, ka tibo masonyo, Aden ka ma-adokan pajanjian nan baru jo banso Israel sarato jo banso Yehuda. 9Indak doh bakcando pajanjian nan Den buwek jo niniak muyang inyo tu, pado wakatu Waden mambimbiang inyo tu bi kaluwa dari nagari Mesir. Inyo tu indak bi tuluih ati, taradok pajanjian nan Den buwek jo inyo tu; itulah sabauknyo Waden indak mampadulikan inyo tu. 10Tapi kiniko, ikolah pajanjian nan ka Den buwek jo umaik Israel, di ari-ari nan ka datang, kecek Tuhan: Aden ka malatakkan paratuaran-Den ka dalam pikieran inyo tu, sarato ka Den tulihkan di ati inyo tu. Aden ka manjadi Allah inyo tu, nan inyo tu ka manjadi umaik-Den. 11Inyo tu indak paralu lai ma-aja sasamo urang kampuangnyo, atau ma-agiah tawu kabake dunsanaknyo, ’Andaklah angkau tawu jo Tuhan.’ Dek karano, inyo tu kasadonyo, gadang ketek, ka bi tawu jo Waden. 12Aden ka ma-ampuni sagalo kasalahan inyo tu, sarato indak lai ka mangana doso-doso inyo tu.” 13Jo sacaro mangamukokan suatu pa-janjian nan baru, Allah mambuwek pajanjian nan partamu tu, manjadi tuwo sarato lah usang; sarato apo nan lah tuwo, ka sacapeknyo pulo ilang lanyok.

will be added

X\