IBRANI 5

1Satiyok imam basa dipiliah dari antaro umaik, sarato di-angkek untuak malayani Allah, sabagai wakie dari umaik tu. Tugehnyo iyolah mam-pasambahkan kabake Allah, sagalo pambarian sarato jo sagalo karoban untuak pangampunan doso. 2Imam basa tu sandiri banyak kalamahan da-lam sagalo parkaro, nan dek karano itu, inyo dapek basikauk lamah lam-buik, taradok urang-urang nan indak tawu sabuwah alah juwo, sarato nan tatampuah di jalan nan sasek. 3Nan dek karano inyo sandiri banyak ka-lamahan, mako, inyo musti mampa-sambahkan karoban, indak doh dek karano doso-doso umaik sajo, tapi, dek karano doso-doso inyo sandiri iyo pulo. 4Indak surang pun juwo doh urang nan ma-angkek dirinyo sandi-ri manjadi imam basa. Urang manjadi imam basa, jikok Allah nan mamang-gie inyo untuak itu — samo jo bakcan-do Harun. 5Baitu pulo Isa Almasih. Baliau in-dak ma-angkek diri Baliau sandiri doh, untuak manjadi Imam Basa. Ta-pi, Allah sandirilah nan ma-angkek Baliau. Allah bakato kabake Baliau, ”Angkau-lah Anak-Den; pado ari ko Waden manjadi Bapak Angkau.” 6Di ayaik nan lain Allah bakato pu-lo, ”Angkau adolah Imam salamo-lamonyo, bakcando Imam Melkisedek.” 7Pado maso Isa Almasih iduik di dunia ko, Baliau badowa sarato jo mamintak, jo pakiak sarato jo tangih kabake Allah, nan bisa manyalamaik-kan Baliau dari mauik. Nan dek ka-rano Baliau tunduak kabake Allah jo sacaro nan sangaik aromaik, mako, pintak Baliau dipalakukan. 8Isa Al-masih adolah Anak Allah, tapi, biya-pun baitu, Baliau baraja untuak pa-tuah malalui kasansaroan nan Baliau tangguangkan. 9Mako, sasudah Baliau dijadikan Panyalamaik nan sam-parono, Baliau manjadi tampaik asa kasalamaiktan nan kaka, untuak ka-sadonyo urang nan bi patuah kabake Baliau, 10nan Allah pun manyatokan Baliau sabagai Imam Basa, bakcando Imam Melkisedek! 11Tantang parkaro kaduduakkan Isa Almasih sabagai Imam Basa, ba-nyak nan paralu nan ka kami agiah tawu kabake angkau, tapi, sulik un-tuak manarangkannyo, dek karano, angkau lambek sangaik mangko ka mangarati. 12Sabananyo, lah waka-tunyo ko dek angkau untuak manja-di guru, tapi, nyatonyo angkau pa-ralu juwo lai baraja dari urang lain, tantang dasar-dasar partamu ajaran Allah. Ibaraiknyo, angkau alun bi-sa lai mamakan makanan nan kareh; nan angkau tatauk juwo lai maminun susu. 13Urang nan taruih juwo lai ma-minun susu, ba-arati inyo paja ketek juwo lai tu; inyo alun punyo panga-laman tantang apo nan bana, sarato apo nan salah. 14Makanan nan kareh, adolah untuak urang nan lah gadang nan dek karano pangalaman, lah bisa mampabesohkan, nama nan elok, sa-rato nama nan jahek.

will be added

X\