IBRANI 4

1Nan janji Allah layi balaku juwo lai, nan kito ka dibari balapeh pa-nek nan lah Baliau janjikan. Dek ka-rano itu, andaklah kito manjago, su-payo jan ado agak surang pun juwo di antaro angkau, nan tanyato indak dapek marasokan lamak balapeh pa-nek nan dijanjikan tu. 2Dek karano, Injil tu lah dibaritokan kabake kito sa-mo jo bakcando kabake urang-urang tu. Tapi, taradok urang-urang tu, ba-rito tu indak ado doh payidahnyo. Dek karano, kutiko inyo tu bi manda-nga barito tu, inyo tu indak bi pica-yo. 3Tapi, kito nan layi ba-iman, ka manarimo balapeh panek nan dijan-jikan dek Allah tu. Itu sasuwai jo apo nan lah dikatokan dek Allah, nan bak-cando iko, ”Aden bangih sarato basumpah, ’Urang-urang tu indak ka bi sato doh masuak, untuak mandapekkan balapeh panek samo-samo jo Waden.’ ” Allah bakato baitu, biyapun karajo Baliau lah salasai sajak dari Baliau manjadikan dunia ko. 4Dek karano, tantang parkaro ari nan katujuah, ado tatulih di Alkitauk bakcando iko, ”Pado ari nan katujuah, Allah baran-ti dari sagalo karajo-Nyo.” 5Tantang parkaro itu, ditulihkan pulo baliak bakcando iko, ”Urang-urang tu in-dak ka bi masuak doh ka nagari tu, untuak mandapekkan balapeh pa-nek samo-samo jo Waden.” 6Jadi, urang-urang nan partamu-tamu bi mandanga barito tantang Injil tu, in-dak ka bi mandapekkan doh balapeh panek tu, dek karano inyo tu indak bi picayo. Jikok baitu, lah jaleh bara-so ado urang-urang lain, nan buliah mandapekkan balapeh panek tu. 7Dek karano, Allah lah manantukan pulo suatu ari nan lain, nan dinamokan ”Ari Iko”. Batawun-tawun kamudian, Allah mangecek tantang parkaro itu malalui Daud, dalam ayaik nan disa-buikkan cako, ”Jikok pado ari iko angkau mandanga suwaro Allah, janlah angkau basikareh kapalo.” 8Kok santano Yosua lah mambari urang-urang tu balapeh panek nan di-janjikan dek Allah, mako, Allah indak ka mangecek doh baliak tantang sua-tu ari nan lain. 9Jadi, untuak umaik Allah ado juwo lai tasadiyo ari untuak balapeh panek, samo jo bakcando Allah baranti di ari nan katujuah tu. 10Dek karano, urang nan mandapek-kan ari balapeh panek nan dijanjikan dek Allah kabake inyo tu, ka baran-ti pulo dari sagalo karajonyo, samo jo bakcando Allah ma-antikan sagalo karajo Baliau. 11Dek karano itu, mo-lah kito ba-usawo basungguah-sung-guah, untuak mandapekkan ari bala-peh panek nan dijanjikan dek Allah tu. Jan sampai ado agak surang pun juwo dari kito nan tagurajai, bakcan-do urang-urang tu sa-isuak, dek kara-no indak bi ba-iman kabake Allah. 12Kato-kato Allah, adolah kato-ka-to nan iduik sarato nan kuwaik; la-biah tajam dari padang bamato du-wo. Kato-kato tu manusuak, sampai ka bateh antaro jiwa jo roh; sampai ka bateh antaro paruwehan jo banak tulang, sainggo mangatawui sadalam-dalamnyo, pikieran sarato jo niyaik ati manusia. 13Indak ado ciyek ju-wo doh mukaluak nan ta-andok dari pandangan Allah. Sagalo sasuatu ba-tilanjang, sarato tabukak di adok-an Baliau. Nan kito musti mampatang-guang-jawaukkan kabake Baliau. 14Itulah sabauknyo, kito musti ba-pacik arek kabake pangakuan iman ki-to. Dek karano, kito mampunyoi Imam Basa Nan Mulie, nan lah masuak sam-pai ka adok-an Allah — Baliau-lah Isa Almasih Anak Allah. 15Imam Basa ki-to tu, indak doh imam nan indak da-pek sato marasokan sagalo kalamahan kito. Tapi sabaliaknyo, Baliau lah di-cubo-i dalam sagalo parkaro, samo jo bakcando kito sandiri; hanyo sajo Ba-liau indak babuwek doso! 16Dek kara-no itu, molah kito jo sacaro nan indak maraso takuik lai mangadauk Allah, nan mamarentah jo sacaro nan pa-nuah kasiah. Allah ka maraso ibo ka-bake kito, sarato ka mambarakaik-i ki-to, supayo kito mandapek partolongan tapek pado wakatunyo.

will be added

X\