IBRANI 3

1Sudaro-sudaro nan sasamo Kristen, nan lah dipanggie pulo dek Allah! Cubolah pikiekan, inok manuang-kanlah tantang Isa Almasih ko! Allah ma-utuih Baliau, sangajo untuak manjadi Imam Basa dalam ugamo nan kito picayo-i. 2Baliau tuluih ka-bake Allah, nan lah mamiliah Baliau untuak karajo itu, bakcando Musa sa-isuak, nan tuluih pulo manjalan-kan tugehnyo di Baithullah. 3Tapi, Isa Almasih patuik mandapek ka-aromaiktan nan labiah tenggi da-ripado Musa. Dek karano, urang nan mambangun rumah musti man-dapek ka-aromaiktan nan labiah tenggi daripado rumah tu sandiri. 4Batua, satiyok rumah ado urang nan mambangunnyo, tapi, nan mam-bangun sagalo sasuatu adolah Allah sandiri. 5Musa tuluih sabagai pala-yan di Baithullah, sarato manyam-paikan sagalo parkaro nan ka di-agiah tawu dek Allah di maso nan ka datang. 6Tapi, Isa Almasih tu-luih sabagai Anak nan batangguang jawauk taradok Baithullah. Kito ko lah nan Baithullah, jikok kito la-yi tatauk basumangaik, sarato ta-tauk yakin untuak mandapekkan apo nan kito arokkan. 7Dek karano itu, bakcando nan di-katokan dek Roh Allah, ”Jikok pado ari ko angkau mandanga suwaro Allah, 8janlah angkau basikareh kapalo, bakcando niniak muyang angkau, kutiko inyo tu bi malawan taradok Allah, sarato bi mancubo-i Allah di padang pasie. 9’Di sinan tu niniak muyang angkau bi mancubo-i Den, sarato bi ma-uji Den,' baitulah kato Allah, ’padohal inyo tu lah bi maliyek sagalo pabuatan Den, salamo ampek puluah tawun.’ 10Itulah sabauknyo Waden bangih taradok inyo tu, sarato Waden bakato, ’Inyo tu bi tatauk indak tuluih, sarato bi anggan mamatuahi sagalo parentah-Den.’ 11Waden bangih sarato jo basumpah, ’Inyo tu indak ka bi masuak doh ka nagari tu, untuak dapek balapeh panek samo-samo jo Waden.’ ” 12Oih sudaro-sudaro, ingek-ingek-lah, jan sampai ado agak surang pun juwo di antaro angkau, nan atinyo baitu jahek, sarato indak ba-iman, sa-inggo inyo babaliak arah, sarato man-jauahi Allah nan iduik! 13Jadi, supa-yo jan ado surang pun juwo di antaro angkau nan bi takicuah dek doso, sa-inggo bi manantang Allah, mako, an-daklah angkau samo-samo manasi-yaik-i satiyok ari, salamo kito layi iduik juwo lai, dalam jaman nan di-namokan ”Ari Iko” di dalam Alkitauk. 14Kito kasadonyo adolah kanti sapa-juwangan jo Isa Almasih, asakan kito layi bapacik arek sampai ka akie, ka-bake kayakinan iman nan lah kito mi-liak-i dari samulo. 15Ikolah nan tatulih di dalam Alkitauk, ”Jikok pado ari ko angkau mandanga suwaro Allah, janlah angkau basikareh kapalo, bakcando niniak muyang angkau, kutiko inyo tu bi mandurako taradok Allah.” 16Jadi, siyakoh urang-urang nan mandanga suwaro Allah, tapi, bi man-durako taradok Baliau? Itulah kasado-nyo urang nan dipimpin dek Musa ka-luwa dari Mesir, iyo ndak? 17Sarato taradok siyakoh Allah bangih salamo ampek puluah tawun? Iyolah, taradok urang-urang nan bi badoso, nan ma-yiknyo bi bagalimpangan di padang gurun, iyo ndak? 18Kutiko Allah ba-sumpah bakcando iko, ”Urang-urang tu indak ka bi masuak doh ka naga-ri tu, untuak dapek balapeh panek sa-mo-samo jo Waden” — siya pulokoh nan dimukasuikkan dek Allah? Nan dimukasuikkan iyolah, urang-urang nan bi mandurako taradok Allah, iyo ndak? 19Kiniko kito lah mangarati, baraso urang-urang tu indak dapek doh masuak, dek karano, inyo tu in-dak bi ba-iman kabake Allah.

will be added

X\