IBRANI 2

1Itulah sabauknyo, kito musti la-biah basungguah-sungguah ba-pacik kabake sagalo ajaran nan lah kito danga, supayo kito jan maning-gakan kayakinan kito. 2Pasan-pasan nan lah disampaikan dek malekaik-malekaik kabake niniak muyang ki-to, tanyato bana, nama urang nan indak ma-ikuik-i, atau indak mama-tuah-inyo, ka manarimo ukunan nan sabandiang. 3Apo lai kasalamaik-tan, nan labiah luwa biaso lai dari-pado pasan-pasan tu! Jikok kito in-dak ma-arahkan paratian kito taradok kasalamaiktan tu, tantu kito indak ka ta-inda doh dari ukunan. Dek kara-no, Tuhan sandirilah nan partamu-ta-mu mambaritokan kasalamaiktan tu. Urang-urang nan mulo-mulo manda-ngakannyo, lah mambuktikan kaba-narannyo kabake kito. 4Di sampiang itu, Allah sato manguwaikkan panga-kuan urang-urang tu, jo sacaro mam-buwek sagalo rupo mukjizat, sarato jo sagalo parkaro nan luwa biaso, sarato mambagi-bagikan sagalo kamampuan nan dari Roh Allah, manuruik kahan-dak Baliau sandiri. 5Malekaik-malekaik indak manda-pek kuwaso doh dari Allah, untuak mamarentah di dunia baru nan ka datang, iyolah dunia nan sadang ki-to pakatokan ko. 6Tapi sabaliaknyo, di suatu bagian di dalam Alkitauk ado tatulih bakcando iko, ”Apolah manusia tu, yo Allah, sainggo Angkau niyo mangana inyo? Manusia hanyo manusia sajo, tapi, Angkau mamparatikan inyo! 7Dalam wakatu nan indak babarapo lamo, Angkau manjadikan inyo saketek labiah randah daripado malekaik. Angkau mambarikan kabake inyo kaduduakkan nan mulie, sarato nan ta-aromaik, 8sarato manjadikan inyo panguwaso taradok sagalo sasuatu.” Jadi, jikok dikatokan, baraso Allah manjadikan manusia ”panguwaso ta-radok sagalo sasuatu”, itu ba-arati, baraso indak ado sasuatu pun, nan indak di bawah kakuwasoan manu-sia. Biyapun baitu, kiniko kito indak maliyek doh manusia bakuwaso ta-radok sagalo sasuatu. 9Tapi, kito lah maliyek Isa Almasih bakuwaso! Ba-liau dijadikan saketek labiah randah daripado malekaik, untuak wakatu nan indak babarapo lamo, supayo dek kabaiakkan ati Allah, Baliau dapek mati untuak kasadonyo umaik manu-sia. Kito maliyek Baliau kiniko dibari kaduduakkan nan mulie, sarato nan ta-aromaik, dek karano, Baliau lah manangguang sansaro sampai mati. 10Batua lah sapatuiknyo Allah — nan manjadikan sagalo sasuatu untuak mukasuik-Nyo sandiri — manjadikan Isa Almasih Panyalamaik nan sampa-rono malalui kasansaroan. Jo sacaro nan baitu Allah dapek ma-ajak ba-nyak urang, untuak sato dimuliekan samo-samo jo Isa Almasih. Dek ka-rano, Baliau-lah pambukak jalan untuak urang-urang tu, supayo bisa disalamaikkan. 11Isa Almasih mambarasiahkan manusia dari sagalo dosonyo; sarato Baliau nan mambarasiahkan. Urang-urang nan lah dibarasiahkan tu, sa-mo-samo mampunyoi satu Bapak. Itulah sabauknyo, Isa Almasih indak malu mangaku baraso urang-urang tu sabagai sudaro-sudaro Baliau. 12Isa Almasih bakato kabake Allah, ”Ambo ka mambaritokan tantang Angkau, kabake sudaro-sudaro Ambo. Ambo ka mamuji Angkau, di tangah-tangah inyo tu.” 13Isa Almasih bakato pulo, ”Ambo ka manggantuangkan arapan Ambo kabake Allah.” Sarato Baliau bakato pulo, ”Ikolah Ambo, samo-samo jo anak-anak nan lah dibarikan Allah kabake Ambo.” 14Dek karano, urang-urang nan Baliau sabuik anak tu, adolah muka-luak manusia nan bisa mati, mako, Isa Almasih sandiri manjadi samo jo manusia tu, sarato iduik dalam ka-adaan manusia. Baliau pabuwek nan baitu, supayo jo kamatian Ba-liau, Baliau dapek mambinasokan Ubilih nan manguwasoi mauik. 15Jo caro itu, Baliau malapehkan urang-urang nan salamo iduik dipabudak, dek karano takuik kabake mauik. 16Nyatolah, baraso indak doh malekaik nan Baliau tolong, tapi katu-runan Ibrahim. 17Iko ba-arati, ba-raso Baliau musti manjadi samo jo sudaro-sudaro Baliau dalam saga-lo parkaro. Jo sacaro nan baitu, Baliau dapek manjadi Imam Ba-sa nan tuluih ati, sarato mampu-nyoi raso ibo. Jo palayanan Baliau tu, doso manusia dapek di-ampuni. 18Dek karano Baliau sandiri pa-nah manangguang sansaro, sarato lah panah dicubo-i, mako, Baliau dapek manolong urang-urang nan kanai cobaan.

will be added

X\