IBRANI 12

1Jadi, tantang diri kito sandi-ri, di sakuliliang kito banyak sangaik sasi! Dek karano itu, mo-lah kito mambuwang kasadonyo nan mambarekkan kito, sarato jo doso nan taruih malakek di diri kito. Sarato molah kito jo sacaro nan takun, ma-nampuah palombaan nan ado di adok-an kito. 2Andaklah pandangan kito tatuju kabake Isa Almasih, dek ka-rano Baliau-lah nan mambangkikkan iman kito, sarato nan mamaliaronyo dari sajak samulo, sampai ka akie-nyo. Isa Almasih tahan manangguang sansaro di kayu salib! Baliau indak paduli doh, baraso mati di kayu sa-lib tu, adolah suatu parkaro nan ma-malukan. Nan takana dek Baliau hanyolah sukocito, nan ka Baliau ra-sokan kamudian. Kiniko Baliau du-duak di sabalah suwok kurisi Allah, sarato mamarentah samo-samo jo Allah. 3Cubolah pikiekan, baa ka sansa-ronyo Isa Almasih ma-adok-i urang-urang badoso, nan malawan Baliau jo sacaro nan luwa biaso! Dek kara-no itu, janlah baketek ati, sarato jan-lah baputuih aso. 4Dek karano, dalam pajuwangan angkau malawan doso, angkau alun panah lai bajuwang nan sampai musti badarah-darah. 5Sarato janlah malupokan nasiyaik Allah ko, nan dibarikan kabake angkau sabagai anak-anak-Nyo: ”Oih anak Den, paratikanlah elok-elok ajaran Tuhan, sarato janlah baketek ati, jikok Baliau mambangihi angkau. 6Dek karano, Tuhan ka malacuik satiyok urang nan dikasiahi-Nyo, nan Baliau ka mancambuik, satiyok urang nan di-akui-Nyo sabagai anak.” 7Andaklah angkau manarimo cambuik-an dari Allah tu, sabagai suatu ajaran dari surang bapak. Dek karano, apokoh ado surang anak, nan indak panah di-ukun dek apaknyo? 8Jikok angkau indak sato di-ukun, bakcando jo kasadonyo anaknyo nan lain ko, ba-arati angkau indak doh anak nan sah, tapi, anak nan indak sah. 9Kito mampunyoi bapak di dunia ko. Inyo ma-aja-i kito, sarato kito ma-aromaik-inyo. Dek karano itu, apo lai taradok Bapak rohani kito nan di sa-rugo, tantu kito musti labiah tunduak lai kabake Baliau, supayo kito iduik nan sabana iduik. 10Urang gaek kito nan di dunia ko, ma-aja kito hanyo dalam wakatu nan tabateh, manuruik apo nan inyo anggauk elok. Tapi, Allah ma-aja kito untuak kabaiakkan kito sandiri, supayo kito dapek manjadi suci samo-sa-mo jo Baliau. 11Batua, pado wakatu kito di-aja, ukunan tu indak manyanangkan di ati kito, tapi, hanyo ma-ibokan ati ki-to sajo. Tapi, kamudian dari itu, untuak kito nan lah di-aja, ukunan tu manya-baukkan kito iduik manuruik kahandak Allah, sarato ma-asiekan parasaan ta-nang santoso di ati kito. 12Dek karano itu, kuwaikkanlah ta-ngan angkau nan lamah, sarato jo lutuik angkau nan manggaretek tu! 13Tatauk-lah bajalan di jalan nan data, supayo kaki angkau nan pincang tu indak taki-lik, tapi malah manjadi cegak. 14Ba-usawolah untuak iduik damai jo kasadonyo urang. Ba-usawo pulolah untuak iduik suci, iduik nan sanga-jo untuak Tuhan. Dek karano, indak surang pun juwo doh urang nan da-pek maliyek Tuhan, jikok inyo iduik in-dak bakcando itu. 15Jago-ilah, jan sam-pai ado surang pun juwo, nan kaluwa dari lingkuangan kabaiakkan ati Allah, supayo jan ado nan manjadi ibaraik ti-naman nan baracun, di tangah-tangah angkau, sainggo manimbuakan kasulik-tan, sarato marusak banyak urang jo ra-cunnyo tu. 16Jago-ilah, supayo jan ado nan iduik cabua, atau nan indak ma-aragowi parkaro-parkaro rohani, bak-cando nan dipabuwek dek Esau. Inyo manjuwa haknyo sabagai anak nan tu-wo, hanyo untuak samangkuak makan-an. 17Angkau bi tawu, baraso kamudi-an Esau niyo nak mandapek barakaik tu dari apaknyo, tapi inyo ditulak. Dek ka-rano, biyapun jo tangih inyo mancari ja-lan, untuak mampaelok-i kasalahannyo, kasampatan untuak itu indak ado lai. 18Angkau indak doh datang ma-adok-i sasuatu, bakcando nan di adok-i dek umaik Israel sa-isuak. Inyo tu bi ma-adok-i sasuatu nan bisa diresek, iyolah Bukik Tursina, jo apinyo nan ba-nyalo-nyalo; inyo tu bi ma-adok-i nan galok, kakalaman sarato jo angin lim-bubu; 19inyo tu bi mandangakan bunyi tarumpik, sarato jo bunyi suwaro nan luwa biaso. Kutiko umaik Israel man-danga suwaro tu, inyo tu sabana bi ma-mintak, supayo suwaro tu indak lai ma-ngecek kabake inyo tu. 20Sabauk inyo tu indak tahan, mandanga parentah nan disampaikan dek suwaro tu. Dek karano suwaro tu bakato, ”Kasadonyo nan manyintuah gunuang ko, indak pa-duli, apokoh itu binatang, atau siapo pun juwo, inyo musti dipungkangi jo batu sampai mati.” 21Apo nan diliyek dek umaik Israel tu sabana manakuik-kan, sampai Musa bakato, ”Ambo ta-kuik sarato lah manggaretek!” 22Tapi sabaliaknyo, angkau lah da-tang ka Bukik Sion, sarato ka kota Allah nan iduik, iyolah Yerusalem nan di sarugo jo baribu-ribu malekaiknyo. 23Angkau ma-ikuik-i suatu patamuan urang nan rami — patamuan anak-anak suluang Allah, nan namo-namonyo lah tacataik di sarugo. Angkau datang bi mangadauk Allah, Hakim kasadonyo umaik manusia. Angkau bi ma-adok-i roh-roh urang-urang nan elok, nan lah dijadikan samparono. 24Angkau da-tang bi mangadauk Isa Almasih, Pa-rantaro untuak pajanjian nan baru tu; angkau bi ma-adok-i darah nan dika-latiakkan, nan manjamin sagalo par-karo nan jauah labiah elok, daripado nan dijamin dek darah Habel. 25Dek karano itu, ingek-ingeklah, jan sampai angkau indak namuah ma-iyo-kan Baliau nan mangecek tu. Urang-urang nan indak namuah ma-iyokan Baliau nan datang ka bumi, nan ma-nyampaikan barito nan dari Allah, in-dak ka bisa doh ma-ilak. Apo lai kito ko, nan layi bi ma-iyokan Baliau nan ma-ngecek dari sarugo tu! Jikok kito in-dak namuah ma-iyokan Baliau, dima ka mungkin kito dapek ta-inda! 26Pa-do wakatu itu, suwaro Baliau manggun-cangkan bumi. Tapi kiniko Baliau bajan-ji, ”Sakali lai, Aden ka mangguncangkan indak doh hanyo bumi, tapi langik iyo pulo.” 27Kato-kato ”sakali lai” manya-tokan, baraso kaciyek-annyo dunia nan lah dijadikan, ka diguncangkan, sarato ka di-anjakkan, supayo nan tatingga ha-nyolah nan indak dapek baguncang. 28Dek karano itu, andaklah kito ba-syukur kabake Allah, dek karano ki-to manarimo dari Baliau, suatu karajaan nan indak ka bisa baguncang. Andaklah kito basyukur, sarato ba-ibadaik kabake Allah, jo sacaro nan aromaik, sarato jo takuik, manuruik caro nan di-inginkan dek Baliau sandiri. 29Dek karano, Allah kito ibaraik api nan ma-anguihkan.

will be added

X\