IBRANI 10

1Paratuaran ugamo Yahudi, hanyo mambarikan gambaran nan tarang-tarang kain, tantang saga-lo parkaro nan elok nan ka datang, sa-rato indak doh gambaran nan sabana-nyo, dari sagalo parkaro nan ka datang tu. Indak mungkin doh paratuaran tu dapek manyamparonokan, urang nan bi datang manyambah Allah, jo saca-ro mambawok pasambahan, biyapun satiyok tawun taruih dipasambahkan karoban nan samo jo itu. 2Kok san-tano urang-urang nan manyambah Allah tu, sabana-bana lah dibarasiah-kan dari doso, tantu inyo tu indak lai ka mampunyoi parasaan badoso, nan karoban indak lai ka dipasambahkan. 3Tapi nyatonyo, sagalo karoban nan dipasambahkan satiyok tawun tu, ma-lah itu nan ma-ingekkan urang tara-dok doso-doso inyo tu, 4dek karano sabananyo, darah jawi, sarato jo da-rah kambiang jantan tu, indak dapek doh ma-apuihkan doso. 5Itulah sabauknyo, pado wakatu Isa Almasih turun ka dunia, Baliau baka-to kabake Allah, ”Angkau indak ma-inginkan karoban sarato jo pasambahan; tapi sabaliaknyo, Angkau lah manyadiyokan tubuah untuak Ambo. 6Angkau indak niyo doh jo karoban nan babaka, atau karoban untuak pangampunan doso. 7Mako Ambo bakato, ’Ikolah Ambo, yo Allah! Ambo datang untuak mangarajokan kahandak Angkau, bakcando nan lah tasurek di dalam Alkitauk, tantang diri Ambo.’ ” 8Mulo-mulo Isa Almasih bakato, ”Angkau indak ma- inginkan karo-ban, sarato jo pasambahan; Angkau indak niyo doh jo karoban taranak, nan dibaka sabagai pasambahan, sa-rato jo karoban untuak pangampunan doso.” Isa Almasih bakato bakcando itu, biyapun sagalo karoban tu di-pasambahkan manuruik paratuaran ugamo Yahudi. 9Sasudah tu Isa Alma-sih bakato, ”Ikolah Ambo, yo Allah! Ambo datang untuak mangarajokan kahandak Angkau.” Jadi, Allah mam-batakan sagalo karoban nan lamo tu, sarato manggantinyo jo karoban Isa Almasih. 10Isa Almasih lah manga-rajokan apo nan kahandak Allah, sarato lah mampasambahkan diri Ba-liau sabagai karoban. Kito kasadonyo dibarasiahkan dari doso, jo karoban pasambahan tu, nan dikarajokan dek Baliau hanyo sakali sajo untuak sala-mo-lamonyo. 11Satiyok imam urang Yahudi, manjalankan tugehnyo sabagai imam satiyok ari, sarato batukeh-tukeh inyo mampasambahkan karoban, nan itu ka itu juwo. Tapi, sagalo karoban tu, indak ka dapek doh ma-apuihkan do-so. 12Tapi sabaliaknyo, Isa Almasih hanyo mampasambahkan ciyek karo-ban, untuak pangampunan doso, nan karoban tu balaku untuak salamo-la-monyo. Sasudah mampasambahkan karoban tu, Isa Almasih duduak di sabalah suwok Allah, sarato mama-rentah samo-samo jo Baliau. 13Nan kiniko Isa Almasih mananti, sampai Allah mambuwek musuah-musuah Baliau bi tunduak kabake Baliau. 14Jadi, nan hanyo jo ciyek karoban sajo, Isa Almasih manyamparonokan urang-urang nan lah dibarasiahkan dari doso. 15Tantang parkaro itu, Roh Allah mambarikan pulo pangakuan-Nyo ka-bake kito. Roh Allah bakato, 16”’Ikolah pajanjian nan ka Den buwek jo urang-urang tu, pado ari-ari nan ka datang,’ kecek Tuhan, ’Aden ka malatakkan sagalo paratuaran-Den ka dalam ati inyo tu, sarato ka manulihkannyo ka dalam pikieran inyo tu.’ ” 17Allah bakato pulo, ”Aden ka malu-pokan sagalo doso, sarato jo sagalo karajo jahek inyo tu.” 18Jadi, sagalo doso, sarato jo sagalo karajo jahek tu, lah di ampuni, mako, indak paralu lai dipasambahkan karoban untuak pa-ngampunan doso. 19Jadi, sudaro-sudaro, dek kama-tian Isa Almasih tu, kiniko kito ba-rani mamasuak-i Ruwang Mahasuci. 20Isa Almasih lah mambukak suatu jalan nan baru untuak kito, iyolah ja-lan nan mambari iduik. Jalan tu ma-lalui tabie, iyolah tubuah Isa Almasih sandiri. 21Nan kiniko kito mampu-nyoi surang Imam Nan Basa, nan batangguang jawauk taradok Baithullah. 22Dek karano itu, molah kito manda-kek-i Allah jo ati nan tuluih, sarato jo iman nan taguah; sarato jo ati nan lah disucikan dari parasaan basalah, sara-to jo tubuah nan lah dibarasiahkan jo ayie nan suci. 23Andaklah kito bapacik arek kabake arapan nan kito akui, dek karano Allah dapek dipicayo-i, nan Ba-liau ka manapek-i janji-Nyo. 24Andak-lah kito samo-samo mamparatikan, su-payo kito dapek samo-samo mambari dorongan, untuak mangasiahi sasamo kito, sarato mampabuwek sagalo par-karo nan elok. 25Andaklah kito tatauk bakumpua basamo-samo ba-ibadaik, sarato janlah lalai bakcando urang nan lain. Kito malah musti labiah tuluih sa-mo-samo manguwaikkan, dek karano kito tawu, baraso indak ka lamo lai Tuhan ka datang. 26Dek karano, jikok barito nan ba-na nan dari Allah, lah disampaikan ka-bake kito, tapi, kito taruih juwo basa-ngajo babuwek doso, mako, indak ado lai karoban untuak ma-apuih doso ki-to. 27Hanyo ado ciyek nan ka untuak kito, iyolah ma-adok-i pangadielan Allah, sarato jo ma-adok-i api kaba-ngihan Baliau, nan ka mambaka abih urang-urang nan bi mandurako kaba-ke Baliau! 28Urang nan indak mama-tuahi paratuaran nan dibarikan dek Musa, jikok dek pangakuan duwo atau tigo urang sasi, inyo tabukti basalah, mako, inyo ka di-ukun mati indak ado ampun. 29Baralah ka labiah bareknyo lai ukunan nan musti dijatuahkan, tara-dok urang nan malanyau-lanyau Anak Allah. Urang tu ma-anggauk ino darah pajanjian Allah, iyolah kamatian Isa Almasih, nan mambarasiahkan inyo da-ri doso. Inyo ma-ino Roh nan mambari rahmaik. 30Kito tawu, siya Baliau nan bakato, ”Aden ka mambaleh! Aden ka ma-ukun!” sarato nan bakato, ”Tuhan ka ma-adieli umaik-Nyo.” 31Baralah ka manakuikkannyo, jikok jatuah ka tangan Allah Nan Iduik! 32Kana-ilah baa ka-adaan sudaro-sudaro pado wakatu nan lapeh. Pado wakatu itu, sasudah cahayo Allah ma-narangi angkau, angkau banyak ma-nangguangkan sansaro; tapi, angkau tatauk gigiah bajuwang. 33Kadang-kadang angkau di-ino, sarato dipabu-wek jo sacaro nan indak elok di adok-an urang nan banyak. Kadang-kadang angkau sato pulo manangguangkan sansaro, samo jo urang-urang nan di-pabuwek jo caro nan baitu, 34nan ang-kau sato marasokan kasadiahan urang nan di dalam pinjaro. Baitu pulo, kuti-ko kasadonyo arato miliak angkau di-ambiak-i urang, angkau manarimo ka-sadonyo tu jo sanang ati, dek karano angkau bi tawu, baraso angkau ado ju-wo lai mampunyoi sasuatu nan labiah elok, nan ka tahan untuak salamo-la-monyo. 35Dek karano itu, janlah pu-tuih aso, sabauk jikok angkau layi ta-tauk ba-iman, mako, ado pahalo nan gadang untuak itu! 36Angkau paralu basaba, supayo angkau dapek manga-rajokan nan kahandak Allah, sarato jo caro nan baitu, angkau ka manarimo apo nan lah Baliau janjikan. 37Dek ka-rano di Alkitauk ado tatulih, ”Hanyo sabanta sajonyo lai, mako, Baliau nan ka datang tu, ka sacapeknyo datang; Baliau indak ka mampalambek-lambek doh kadatangan Baliau. 38Nan umaik-Den nan bana, ka ba-iman sarato ka iduik; tapi, jikok ado di antaro inyo tu nan bi suruik, mako, Aden indak ka suko kabake inyo tu.” 39Kito ko indak doh umaik nan suruik, sarato nan sasek. Tapi sabaliaknyo, ki-to adolah umaik nan ba-iman kabake Allah, sarato nan disalamaikkan.

will be added

X\