IBRANI 1

1Di jaman sa-isuak, lah acok ka-li Allah mangecek kabake niniak muyang kito, malalui nabi-nabi, jo ba-macam-macam caro. 2Tapi, di jaman nan tarakir ko, Baliau mangecek kaba-ke kito jo parantaroan Anak-Nyo. Ma-lalui Anak-Nyo ko lah, Allah manjadi-kan sakalian alam nangko. Nan Allah lah manataukkan, baraso Anak-Nyo ko pulolah, nan ba-hak mamiliak-i saga-lo sasuatu. 3Anak-Nyo ko lah, nan ma-mancakan cahayo kabasaran Allah nan gilang-gumilang; Baliau-lah gambar nan nyato dari diri Allah sandiri. Baliau pulolah nan mamaliaro kasamparono-an sakalian alam nangko, jo kato-kato Baliau nan sangaik bakuwaso. Sasudah Baliau mamungkinkan manusia untuak dilapehkan dari sagalo doso-dosonyo, mako, Baliau manduduak-i kurisi Kara-jaan di sarugo, samo-samo jo Allah Pa-nguwaso nan paliang tenggi. 4Anak Allah tu mandapek kadu-duakkan nan jauah labiah tenggi dari malekaik, baitu pulo, Namo nan diba-rikan dek Allah kabake Baliau, jauah pulo labiah ta-aromaik, daripado na-mo nan dibarikan kabake malekaik. 5Indak panah doh Allah bakato bak-cando iko, kabake salah surang pun malekaik, ”Angkaulah anak-Den; di ari iko, Aden manjadi Bapak angkau.” Indak panah pulo doh Allah bakato bakcando iko, tantang malekaik nan nama pun juwo, ”Aden ka manjadi Bapaknyo, nan inyo ka manjadi anak-Den” 6Tapi, pado kutiko Allah ma-utuih Anak-Nyo nan Suluang ka dunia ko, Allah bakato bakcando iko, ”Kasadonyo malekaik Allah musti manyambah Anak tu.” 7Tantang parkaro malekaik-malekaik, Allah bakato bakcando iko, ”Allah mambuwek malekaik-malekaik-Nyo manjadi angin, sarato palayan-palayan-Nyo manjadi nyalo api.” 8Tapi, kabake Anak tu Allah bakato, ”Kurisi Karajaan Angkau, yo Allah, ka kaka salamo-lamonyo! Pamarentahan Angkau adolah pamarentahan nan adie. 9Angkau suko kabake ka-adielan, sarato jajok kabake nan jahek; itulah sabauknyo Allah, Allah Angkau, mamiliah Angkau, sarato mambarikan kabake Angkau ka-aromaiktan nan mandatangkan sukocito, malabiahi dari kanti-kanti Angkau.” 10Allah bakato pulo, ”Angkau, Tuhan, pado mulonyo manjadikan bumi, sarato Angkau sandiri nan mambuwek langik. 11Kasadonyo tu ka ilang lanyok, sarato ka lusuah ibaraik pakaian; tapi, nan Angkau indak ka barubah. 12Sakalian alam nangko, ka Angkau lipek ibaraik baju, sarato ka Angkau ganti jo nan lain. Tapi, nan Angkau indak panah ka barubah, nan iduik Angkau, indak ka bakasudahan.” 13Allah indak panah doh bakato bak-cando iko, kabake salah surang pun malekaik, ”Duduaklah di sabalah suwok-Den, sampai musuah-musuah angkau Den tunduakkan kabake angkau.” 14Jikok baitu, malekaik-malekaik tu apo nan sabananyo? Inyo tu ado-lah roh-roh nan malayani Allah, sa-rato nan disuruah dek Allah, untuak manolong urang-urang nan ka mana-rimo kasalamaiktan.

will be added

X\