GALATIA 6

1Oih sudaro-sudaro! Jikok surang urang kadapatan mampabuwek suatu doso, mako, andaklah angkau nan iduik manuruik Roh Allah, mam-bimbiang urang tu babaliak ka jalan nan bana. Tapi, angkau mampabuwek itu, musti jo sacaro lamah lambuik, sa-rato jagolah jan sampai angkau sandi-ri tadayo pulo. 2Andaklah angkau sa-mo-samo mambantu, mamikua baban urang lain, supayo jo caro nan baitu, angkau mamatuahi parentah Isa Alma-sih. 3Jikok surang urang manyangko dirinyo pantiang, padohal indak, urang tu mangicuah dirinyo sandiri. 4Satiyok urang musti mamareso sandiri, apo-koh parangai inyo elok atau indak. Ji-kok elok, inyo buliah maraso bangga taradok parkaro itu. Tapi, indak usah inyo mambandiangkannyo jo apo nan dipabuwek dek urang lain. 5Dek kara-no, satiyok-tiyok urang musti mamikua tangguang jawauknyo sandiri. 6Urang nan manarimo pangajaran Isa Almasih, andaklah inyo mambagi jo gurunyo, kasadonyo nan elok nan ado dek inyo. 7Janlah takicuah. Allah indak da-pek doh dipamainkan! Apo nan dita-nam, itulah nan ka dituwai. 8Jikok urang mananam manuruik tabiyaik manusianyo, mako, inyo ka manuwai mauik dari tabiyaiknyo tu. Tapi, jikok inyo mananam manuruik bimbiang-an Roh Allah, mako, inyo ka manuwai iduik sajati nan kaka dari Roh Allah. 9Dek karano itu, janlah kito muwak mampabuwek sagalo parkaro nan elok; dek karano, jikok kito indak baranti mampabuwek sagalo parkaro nan elok tu, mako, di suatu maso isuak kito ka manuwai asienyo. 10Jadi, salamo la-yi ado kasampatan dek kito, andaklah kito babuwek baiak kabake sadonyo urang, tarutamu sakali kabake suda-ro-sudaro kito nan sa-iman. 11Paratikanlah elok-elok, nan bagi-an iko, nan ambo tulihkan sandiri jo uruih nan gadang-gadang. 12Urang-urang nan niyo nak manenggikan di-ri jo sagalo parkaro nan layie, inyo tu lah nan bi ba-usawo mamaso angkau ma-ikuik-i paratuaran basunaik. Ta-pi, inyo tu bi mampabuwek nan baitu, hanyo supayo inyo tu indak di-aniayo dek urang Yahudi, dek karano di sa-lib Isa Almasih. 13Urang-urang nan bi ma-ikuik-i paratuaran basunaik pun, indak bi manjalankan doh paratua-ran ugamo. Tapi, inyo tu niyo ang-kau disunaikkan, supayo inyo tu da-pek mamanggakkan, baraso angkau mamatuahi paratuaran tu. 14Tapi, apo pun juwo, indak niyo saketek juwo doh ambo nak mamanggakkan, sa-lain dari mamanggakkan Tuhan kito Isa Almasih, nan lah mati disalib. Ma-lah, dek karano Baliau lah mati disa-lib, mako, dunia ko indak ado lai ara-tinyo dek ambo. Nan taradok dunia ko, ambo pun sa-olah-olah lah mati. 15Disunaikkan atau indak disunaik-kan, itu indak paralu doh. Nan para-lu iyolah manjadi manusia nan baru. 16Taradok urang-urang nan iduik jo pandirian nan baitu, sarato baitu pu-lo taradok kasadonyo umaik Allah, ambo ma-arokkan Allah ka mamba-rikan tanang santoso, sarato jo rah-maik-Nyo. 17Untuak salanjuiknyo, janlah ado juwo lai agak surang pun nan ka ma-nyusahkan ambo, dek karano, di tu-buah ambo ado tando-tando baraso ambo pangikuik Isa Almasih. 18Mudah-mudahan, Tuhan kito Isa Almasih tatauk mambarakaik-i suda-ro-sudaro. Amin! Salam aromaik dari kami, Paulus

will be added

X\