GALATIA 5

1Kiniko kito lah maradeka, dek ka-rano Isa Almasih lah mamaradeka-kan kito! Dek karano itu, patahankan-lah kamaradekaan angkau tu, sarato jan namuah juwo lai dipabudak. 2Cubolah pikiekan, jikok angkau mintak disunaikkan, itu ba-arati, Isa Almasih indak ado doh gunonyo dek angkau. Nan mangatokan ko adolah ambo sandiri, Paulus. 3Sakali lai ambo mamparingekkan kabake urang nan mintak disunaikkan, baraso inyo musti wajib manjalankan kasadonyo paratua-ran ugamo! 4Jikok angkau ba-usawo ba-elok jo Allah, malalui paratuaran ugamo, itu ba-arati ubuangan ang-kau jo Isa Almasih lah putuih. Jo caro nan baitu angkau iduik di luwa ling-kuangan rahmaik Allah. 5Tapi nan dek kami, kami ma-arokkan, baraso jo partolongan Roh Allah, sarato bada-sarkan iman kami kabake Isa Almasih, Allah mamungkinkan kami ba-elok ba-liak jo Baliau. 6Dek karano, jikok ki-to lah basatu jo Isa Almasih, parkaro ma-ikuik-i atau indak ma-ikuik-i pa-ratuaran basunaik, indak lai manja-di masalah. Nan paralu hanyolah ba-iman kabake Isa Almasih, nan iman tu nampak nyato dalam kasiah kito kabake urang lain. 7Dulu angkau bajuwang jo sacaro elok! Baa mangko kiniko angkau indak lai patuah kabake kahandak Allah? Si-ya urang nan lah mambujuak angkau? 8Lah musti mampabuwek nan baitu, in-dak doh Allah nan lah mamanggie ang-kau! 9Bakcando kecek urang, ”Ragi nan saketek, ka mangambangkan kasado-nyo paduan”. 10Biyapun baitu, nan am-bo picayo juwo lai, baraso angkau indak ka punyo pandirian lain, dek karano ki-to lah basatu jo Isa Almasih. Nan ambo yakin, baraso siapo pun juwo nan ma-ngacaukan pikieran angkau, inyo ka di-ukun dek Allah. 11Tantang diri ambo, sudaro-suda-ro, baa mangko ambo taruih juwo di-musuahi, jikok ambo tatauk juwo lai mambaritokan, baraso paratuaran ba-sunaik tu paralu? Jikok ambo iyo mam-baritokan nan bakcando itu, mako, ka-ba nan ambo bawok tantang salib Isa Almasih, indak manimbuakan masalah. 12Labiah elok urang-urang nan manga-caukan pikieran angkau tu, lansuang sajo kaluwa sakali dari jamaat! 13Angkau lah dipanggie untuak man-jadi urang nan maradeka. Tapi, janlah mampagunokan kamaradekaan angkau tu, untuak taruih manaruih mampabu-wek apo sajo nan katuju dek angkau. Ta-pi sabaliaknyo, angkau musti samo-samo mangasiahi, sarato samo-samo mala-yani. 14Kasadonyo paratuaran ugamo, ta-impun dalam parentah nan ciyek ko, ”Andaklah angkau mangasiahi sasamo manusia, bakcando angkau mangasiahi diri angkau sandiri.” 15Tapi, jikok ang-kau bi gigik manggigik, sarato santuang manyantuang, mako, ingek-ingeklah, isuak angkau ka samo-samo binaso. 16Mukasuik ambo bakcando iko: Pa-diyakanlah Roh Allah nan mambim-biang iduik angkau, sarato janlah iduik manuruik ka-inginan tabiyaik manusia. 17Dek karano, ka-inginan manusia batantangan jo ka-inginan Roh Allah, nan ka-inginan Roh Allah, batantang-an jo ka-inginan manusia. Kaduwo-du-wonyo samo-samo balawanan, sainggo angkau indak dapek ma-ujuikkan, apo nan andak angkau pabuwek. 18Tapi, jikok Roh Allah nan mamimpin ang-kau, mako, angkau indak dikuwasoi dek paratuaran ugamo. 19Ka-inginan tabiyaik manusia, nya-to dalam sagalo pabuatan nan cabua, nan lato, sarato nan indak patuik; 20dalam panyambahan barhalo, sa-rato jo alemu capak-capak baruak; da-lam bamusuah-musuahan, bacakak, cimburu, capek marabo, sarato ma-mantiangkan diri sandiri; silang sa-lisiah, sarato jo piyak bapiyak, 21sa-rato pambingik, bamabuak-mabuak, alek baralek indak bakatantuan, sa-rato jo nan lain sabagainyo. Taradok kasadonyo tu, ambo mamparingekkan angkau kiniko, samo jo bakcando am-bo mamparingekkan angkau dulu ju-wo, baraso urang-urang nan mampa-buwek sagalo parkaro nan bakcando itu, indak ka mandapek bagian dalam Karajaan Allah. 22Tapi sabaliaknyo, jikok urang-urang nan dipimpin dek Roh Allah, mako, asienyo iyolah: Inyo tu ka samo-samo mangasiahi, inyo tu bi basukoci-to, inyo tu bi mampunyoi katanangan ati, inyo tu bi saba, sarato jo baiak bu-di, inyo tu bi elok taradok urang lain, inyo tu indak bi barubah ati, 23inyo tu bi randah ati, sarato tatauk bisa ma-nguwasoi diri. Indak ado doh paratua-ran ugamo nan managah sagalo par-karo nan bakcando itu. 24Urang-urang nan lah manjadi miliak Isa Almasih, inyo tu lah bi mamatikan tabiyaik ma-nusianyo, sarato jo sagalo awa napa-sunyo, sarato jo sagalo ka-inginannyo. 25Roh Allah lah mambarikan kabake kito iduik nan baru; dek karano itu, Baliau pulolah nan musti manguwasoi iduik kito. 26Kito indak buliah doh uju, sarato jan sakik manyakik-i ati, jan bingik mambingik, antaro nan su-rang jo nan lain.

will be added

X\