GALATIA 3

1Oih sudaro-sudaro, urang-urang Galatia! Angkau iyo sabana bi pan-die! Siyakoh urang nan lah mampangaruahi angkau? Kamatian Isa Almasih disalib, lah ambo tarangkan sajaleh-ja-lehnyo kabake angkau! 2Cubolah agiah tawu kabake ambo, tantang parkaro nan ciyek ko: Apokoh angkau lah ma-narimo Roh Allah, dek karano manja-lankan paratuaran ugamo, atau koh dek karano angkau mandanga Injil nan dari Allah, sarato ba-iman kabake Isa Almasih? 3Baa mangko angkau bi pandie bana! Angkau lah muloi iduik baru jo Roh Allah, masokan kiniko angkau niyo nak mancapai kasampa-ronoan, jo kakuatan angkau sandiri? 4Subawo sajokoh sagalo sasuatu nan lah angkau alami tu? Tantu indak ka subawo sajo doh! 5Allah mambarikan Roh-Nyo kabake angkau, sarato mam-pabuwek sagalo mukjizat di antaro angkau. Apokoh Allah mampabuwek tu, dek karano angkau bi manjalankan paratuaran ugamo? Atau dek karano angkau bi mandanga Injil tu, sarato bi ba-iman kabake Isa Almasih? 6Itu samo jo bakcando nan tatulih di Alkitauk tantang Ibrahim — bak-cando iko, ”Ibrahim ba-iman kabake Allah, sarato dek karano imannyo tu, inyo ditarimo dek Allah sabagai urang nan manyanangkan ati Allah.” 7Jadi, andaklah angkau bi manyadari, bara-so urang nan sabana-bana katurunan Ibrahim, adolah urang nan ba-iman kabake Allah. 8Di Alkitauk jauah sa-balunnyo lah dinyatokan, baraso Allah mamungkinkan urang-urang nan indak urang Yahudi, ba-elok baliak jo Allah, jikok urang-urang tu layi ba-iman ka-bake Baliau. Injil tu lah dibaritawu-kan labiah dulu kabake Ibrahim, da-lam janji nan bakcando iko, ”Malalui angkau, Allah ka mambarakaik-i ka-sadonyo umaik manusia di muko bu-mi ko.” 9Ibrahim picayo, mako, inyo dibarakaik-i. Baitu pulo kasadonyo urang nan picayo, ka dibarakaik-i pu-lo samo-samo jo Ibrahim. 10Urang-urang nan bagantuang ka-bake paratuaran ugamo, kasadonyo iduik di bawah kutuakkan. Dek kara-no, di Alkitauk ado tatulih, ”Urang nan indak takun manjalankan kasadonyo nan tatulih di Kitauk Paratuaran Uga-mo, dikutuak Allah!” 11Indak surang juwo doh urang nan ba-elok jo Allah, dek karano manjalankan paratuaran ugamo. Parkaro itu lah dinyatokan di Alkitauk, ”Hanyo urang nan ba-iman kabake Allah, sainggo ubuangan inyo jo Allah manjadi elok baliak, sarato ka iduik dek karano iman!” 12Tapi, para-tuaran ugamo indak didasarkan dek iman. Di Alkitauk ado tatulih, bara-so urang nan manjalankan paratua-ran ugamo, ka iduik dek karano pa-ratuaran tu. 13Tapi, Isa Almasih malapehkan ki-to dari kutuakkan paratuaran ugamo. Baliau malapehkan kito tu, jo sacaro mampadiyakan diri Baliau takutuak, dek karano di kito. Dek karano, di Alkitauk ado tatulih, ”Takutuaklah urang nan mati digantuang di kayu salib .” 14Isa Almasih mampabuwek nan bakcando itu, supayo barakaik nan dijanjikan Allah kabake Ibrahim, dibarikan pulo kabake urang-urang nan indak urang Yahudi. Jo caro nan baitu, kito pun nan ba-iman kabake Allah, dapek pulo manarimo Roh nan dijanjikan dek Allah tu. 15Sudaro-sudaro! Eloklah ambo ma-makai conto dari pangalaman iduik sa-ari-ari. Jikok urang mambuwek su-atu pajanjian, nan pajanjian tu lah di-sahkan, mako, indak surang juwo doh urang nan ka bisa mambatakan pajan-jian tu, atau manambah sasuatu tara-dok pajanjian tu. 16Janji-janji Allah, dibuwek dek Allah untuak Ibrahim, sarato untuak urang katurunan Ibrahim. Di Alkitauk indak ado doh tatu-lih, ”sarato untuak urang-urang katu-runan Ibrahim”, nan ba-arati banyak urang. Nan tatulih di sinan tu adolah, ”sarato untuak urang katurunan ang-kau”, nan ba-arati surang urang sajo, iyolah Isa Almasih. 17Nan andak ambo kamukokan di siko iyolah: janji Allah lah dibuwek, sarato lah disahkan la-biah dulu. Paratuaran ugamo nan di-barikan 430 tawun kamudian, indak bisa doh mambatakan janji nan lah disahkan, sarato ma-apuihkan janji Allah tu. 18Dek karano, jikok pam-barian Allah tagantuang kabake pa-ratuaran ugamo, mako, itu indak doh lai pambarian nan dijanjikan. Dek ka-rano Allah lah manjanjikannyo kaba-ke Ibrahim, mako, Allah mambarikan itu kabake inyo. 19Jikok baitu, untuak apo paratua-ran ugamo dibarikan? Jawauknyo iyo-lah, baraso paratuaran tu ditambah-kan untuak manyatokan palanggaran manusia. Paratuaran ugamo tu hanyo balaku sampai datangnyo surang ka-turunan Ibrahim, nan disabuikkan di dalam janji Allah kabake Ibrahim. Pa-ratuaran ugamo tu disampaikan dek malekaik-malekaik jo parantaroan su-rang manusia. 20Dek karano itu, mus-ti ado duwo piyak, baru paralu surang parantaro. Tapi, Allah indak mama-ralukan parantaro, dek karano Baliau sandiri nan batindak. 21Apokoh itu ba-arati, baraso pa-ratuaran ugamo balawanan jo janji Allah? Tantu sajo indak! Dek karano, jikok paratuaran ugamo dibarikan un-tuak mambari iduik kabake manusia, mako, manusia dapek ba-elok baliak jo Allah malalui paratuaran ugamo. 22Tapi, di Alkitauk ado tatulih, baraso kasadonyo umaik manusia barado di bawah kakuwasoan doso. Dek kara-no itu, pambarian nan dijanjikan badasarkan iman kabake Isa Almasih, dibarikan kabake urang-urang nan picayo. 23Sabalun tibo masonyo untuak ba-iman kabake Isa Almasih, kito dija-go arek dek paratuaran ugamo; kito bakcando dikuruang, sampai iman tu dinyatokan. 24Jo caro nan baitu, paratuaran ugamo manjadi sabagai panjago kito, sampai Isa Almasih da-tang, untuak mambuwek kito ba-elok baliak jo Allah, dek karano kito ba-iman kabake Isa Almasih. 25Kiniko, dek karano lah masonyo manusia da-pek ba-iman kabake Isa Almasih, ma-ko, kito indak lai dijago-i dek para-tuaran ugamo. 26Dek karano angkau bi ba-iman ka-bake Isa Almasih, mako, angkau ba-satu jo Baliau; sarato dek karano itu, angkau bi manjadi anak-anak Allah. 27Angkau kasadonyo lah dipamandi-kan ateh namo Isa Almasih, jadi, ang-kau lah bi manarimo di diri angkau, sipaik-sipaik Isa Almasih tu sandiri. 28Dalam parkaro iko, indak ado lai pa-bedaan antaro urang Yahudi, jo urang nan indak urang Yahudi, antaro budak jo urang maradeka, antaro laki-laki jo padusi. Angkau kasadonyo lah manja-di ciyek, dek karano di Isa Almasih. 29Jikok angkau miliak Isa Almasih, mako, angkau adolah katurunan Ib-rahim. Nan angkau ka bi manarimo apo nan dijanjikan dek Allah.

will be added

X\